Princess1027的個人專頁

今朝8點幾去了尖沙咀申請特區護照，居然唔使等位香辣魷魚公仔麵 ，個招牌辣魷魚真心有驚喜！爽彈得嚟夠哂辣汁撈勻公仔麵之後，掛湯效果滿分。另外再加五香肉丁同辣魷魚形成雙重口感，忍唔住連湯都飲了幾啖，再加埋一杯凍檸茶，就已經好滿足了…查看更多

返半日學嘅奢侈今日囡囡返半日，放學食呢間「牛奶冰室」醫肚。叫左兩個午餐① 酸菜魚湯米線｜走辣阿女專登叫走辣，個湯底居然冇變淡！酸菜夠爽，魚片都算滑，唔會得個鹹字。米線索晒湯汁，啱晒鍾意飲湯嘅細路女。② 黃金鹽味醬油炒飯炒飯乾身唔油，阿女話「啲飯一粒粒好好味口」！③ 加左香脆牛奶卷 (5條) + 紅糖冰粉牛奶卷外皮真係脆到「咔嚓」聲，入面流心牛奶餡唔會太甜。點埋紅糖冰粉叫咗兩杯朱古力味濃又唔死甜$156 食到兩個主食 + 小食 + 兩杯嘢飲，喺而家呢個時勢算係合理。…查看更多

媽咪雞蛋仔 今日晏晝突然好想食啲甜嘢醒醒神，走咗去呢間「媽咪雞蛋仔」買咗個咖啡朱古力雞蛋仔一打開個袋，已經聞到好香濃嘅咖啡味，仲有啲朱古力香滲出嚟，佢啲雞蛋仔整得外皮脆卜卜，入面就保持到軟熟，咖啡同朱古力嘅比例調得幾好，咖啡味唔會太苦，朱古力又唔會太甜，兩樣夾埋一啲都唔漏，食完成個都覺得好滿足，唔會好似有啲舖頭咁食完成口油或者甜到齁。$36一個，份量都夠一個人食到飽飽。總括來講，呢個咖啡朱古力雞蛋仔絕對有驚喜！下次經過一定會再幫襯，如果你都鍾意食雞蛋仔，呢間絕對值得一試！外脆內軟，咖啡朱古力味夾到絕，好食…查看更多

同小朋友游完水，懶得煮飯，就去商場食個快飯回家休息，叫咗兩碗越式生牛肉湯河，生牛肉鋪滿碗面，用湯嘅餘溫浸到半生熟，肉質嫩滑唔韌。牛骨味濃得嚟帶香茅檸檬葉香，連洋蔥絲同九層塔都撈埋！ 再叫多一個咖喱豬扒飯，咖喱汁偏椰香微辣路線，撈飯食到停唔到口。不過豬扒如果切薄少少就更入味，薯仔偏硬，另加青檸梳打，叫野食餐飲半價…查看更多

今期熱到溶，見到魷魚麵，就入去食個晏叫左個常餐*嗰餐有火腿煎蛋，個辣魷魚米粉索盡湯汁夠爽，配埋凍檸茶一杯，即刻個人都透心涼另外再加咗一個菠蘿油，個外皮脆卜卜，食完都想再叫，但係個牛油真係極度邪惡…查看更多

琴日喺尖沙咀整完指甲，就同兩個女去搵嘢食葱油拌麵，麵質爽嘅，葱油香，份量都唔少酸辣湯豬軟骨麵湯底，豬軟骨冧到唔使咬，掛晒湯汁嗦落去，呢個湯我會忍唔住飲多幾啖，我好鍾意依個酸辣嘅程度當歸豬骨湯肥牛麵，當歸味唔會苦澀，但係藥材味都幾重，肥牛薄切吸湯力，手腳冰冷嘅女士好啱食另外加咗厚切豬排，點酸辣湯食炸魷魚圈，係我細女嘅至愛，即炸熱辣辣！魷魚彈牙唔橡筋…查看更多

今朝同兩個女補完習，就落咗去荔枝角D2 Place金鳳大餐廳醫肚。門口睇落似傳統港式扒房假期免加一午市呀女叫咗一個白汁芝士煙肉吉列蝦意大利粉，包湯同飲品，免加一真係抵到爛！忌廉湯飲落夠晒熱佢哋個餐加咗$8飲凍檸檬利寶納 我自己就叫咗黑椒牛柳 $134叫咗六成熟果然冇失手！牛柳厚身，切開仲係靚靚粉紅色🔥。表面煎到微脆，咬落嫩，個黑椒汁啲粒粒椒碎勁香辣，仲要係傳統鐵板上，吱吱聲仲噴到成枱煙（記得拎紙巾擋呀！） 再加生蒜 +$2撈落牛柳度邪惡度爆燈💥 …查看更多