yingsiuyu的個人專頁

悠閑星期二同老公入長洲嘆下海鮮餐 一粟米湯+尖椒腐乳通菜+2款自選海鮮小菜都只係$168！先黎個豉椒炒蟶子哇 大碟架！蟶子大大隻，雖然食得出唔係勁新鮮，但味道補救，又啖啖肉！好抵食！跟住炒通菜（無影相）又好大碟！味道一流！最後上既係薑蔥炒蟹係花蟹黎，殼硬鑊氣夠，太好味個汁，配埋個鮮蟹肉味，我同老公都食到手指都想啜埋！實在係鮮到爆😋😋😋好少人講飯，但呢度既飯不愧叫靚仔！白又香！我食左一碗下次可以試埋其他海鮮🦞開心又抵食午餐！…查看更多

前日在豉油街一帶出勤經過爆丼屋，見到平常勁爆滿既小店，小些人排隊，熱熱地諗住試下，排左15分鐘有位。點餐呆等了20分鐘，不過心諗，花巧靚野應該值得既，繼續等。25分鐘後上啦上啦！呢個最低入場價既三文魚丼望落真係好新鮮好吸引，有呑拿魚容，粒粒三文魚，魚子及粒粒魷魚，但食落好奇怪，無論你食幾多口，都食唔到各項料的味道，只食到腍腍既魚....呢d真係食不知味...呢個價錢，食個咁既飯，我諗除左影相，都諗唔起食左咩味道🤮…查看更多

上星期日入流浮山拜年兼食海鮮慶祝奶奶生日，老爺話我地咁多年都未食過，一於食下，開年！老爺細細個在流浮山大，識得海鮮檔老闆娘，去雄記Ann姐簡選新鮮既靚海鮮無難度！簡完海鮮去成記煮，我地一行四大兩細，成記環境乾淨有bb椅，坐得好舒服！坐低無奈就有個鮮甜魚湯送俾我地飲，老闆Ann姐送既！第一道上既係大海蝦，椒鹽炒，味道實在無得頂！第二道係我主點既蟶子，有粉絲餅伴，加埋甜甜新鮮蟶子，食到唔停口再來鹽水東風螺，阿囡密密食，實在鮮甜！再來陳皮鮑魚，老爺叫足每人兩個，我地食得好滿足，但老公話鐘意鮑魚就咁蒸，唔洗要汁我已經鮑了....但係呢個大蜆又上，實在酒味剛好，托返晒d肉鮮味出黎，繼續涮重頭戲黎啦！薑蔥炒肉蟹！d肉係爽同甜架，老公拆左巨拑俾我，滿足道係一千呀！阿囡鐘意咕嚕肉，叫左一份，不得讚廚功，呢個咕嚕肉係土呢幾年我食過最好味又正既，菠蘿又係鮮既，大家都讚！我地叫左好多，份量其實係足夠多兩個大人來吃，大家食完捧住大肚走，職員又nice!實在想encore!因為我覺得價錢實在係均真！無得輸！…查看更多

家住荃灣區，幾年前呢間車仔麵檔未拎米芝連時我地食過一次，那次食完覺得名過其實，而且又貴，於是呢幾年都無再幫襯。上星期五一支公，放工後搵食，行經見到人唔多，又見到佢拎左米芝連，心讖人：咦，咁難得車仔檔米芝連，食下都好！重點係，近年已少有車仔麵食了，都唔知點解，所以，就膽粗粗試返，希望有口準！食車仔麵從來都無留意細分價錢，心諗：又唔會貴得去邊，於是只興衝衝咁叫自己愛吃的：蘿蔔、牛腩同豬紅油麵！睇店個阿姐，佢用個殼逐些逐些咁簡，牛腩碎都算，明白牛腩貴，點知連蘿蔔佢都要捽碎俾我，豬紅4塊，勁細碗....$35...我一個女仔食完都好似食空氣咁，雖然味道唔錯，但係真心不推介，真心唔抵食…查看更多

話說工作關係呢幾日要周圍走，來到天晉，行到附近有間用puzzle做裝潢既餐廳，個人鐘意puzzle，又係時間食lunch，就走左入去叫湯加既餐廳。坐低左一陣，有個短頭髮貎似主管既女仔行埋黎，俾左餐牌我叫我慢慢睇食咩⋯⋯好啦，咩事覺得有屋企既感覺呢？原來呢間餐廳主打湯同飯配食。選擇困難症既我，點左123號既酸菜酸辣深海魚柳湯加健康d既三色飯，等左一陣，湯同飯上啦！我忍唔住哇左出黎，因為真係好大碗！望落去竟然有差不多6-8塊魚柳，有雲耳有菜，湯頭好好飲，我忍唔住撈晒飯，我食到好飽時都仲有三分二碗湯餸，唔怪得之lunch time，好多男食客，以今時今日既呢個價錢，食得飽又有真材實料既真係好少啦！值得一提既係，佢既魚柳好好食，啖啖肉，又有鮮味！下次再試其他款！會再吃！…查看更多

話說琴晚七夕情人節，老公就話出去吃餐二人世界飯！因為帶阿B去街既話，根本不能据下扒，所以就趁機會去下莎樂美！老公叫左份什扒，賣相幾吸引架，大大份咁，仲幾有氣勢咁，但老公食完好失望，得豬扒係食得落，其餘雞扒有雪味，腸仔係無味，牛肉粒只係一餅肉咁！失敗！我就叫左份西冷，上枱又係幾靚，食落口無咩牛味，好失望呀！賣單成三百幾蚊。。。若果好味都ok,但最慘係半夜勁肚痛，訓訓下醒左，唔敢話俾老公知，今朝肚痾到七彩，老公都係Ok,我地以後唔會再幫襯佢啦！…查看更多

上星期三，平日放假，黎度叔叔黃埔花園呢邊玩，成家一行八人包括bb, 午餐時間去左會所級既博藝會飲茶聽講博藝會新裝修左，入到大廳勁舒服，有一大片草海咁，由於book 左位，所以都唔洗等，即刻有位坐！點晒食物後勁期待，阿b都好好奇，因佢第一次黎！無幾耐，黎左個雪嶺叉燒包先（因為個名好特別所以記得），熱呼呼又甜美，忍唔住都俾阿b試左一小口！再來芝麻醬配凍茄子，唔好睇佢賣相普通，其實會食唔停口，尤其是我係茄子怪！再黎必定要提提鴛鴦米，其實係米粉+粉絲，有肉絲炒，又清又唔濟，阿b都可吃！其他食物水準都好高，九肚魚，沙薑雞都係必吃！上枱時又熱辣辣！推介大家一試呀！…查看更多

老公還我心願，去左荃灣營業有四十年的東江大飯店食飯！環境: 無modern 裝潢、但乾淨雅緻，食飯黎講夠舒服啦！服務：全部都係姐姐，唔hard sell, 但會好有信心咁同你講沙薑雞好味！都好友善上菜好快！有效率！重點--食物：1.沙薑雞：好嫩滑，唔洗點沙薑已經係好正雞味濃厚，半隻雞夠三人份量！2.韮王炒黃鱔：黃鱔香脆，韮王炒得香甜，好味總括：值得一去，尤其是荃新的老街方，這裡必定讓你找回回憶！…查看更多

秘書小姐琴日打晒內線約我地今日食lunch,集合大家到樓下嘆茶！樓下就係會所1號，開張差不多一個月啦！過左試業期，可以出擊！到左舖頭門口，真係覺得好Grand，新裝修既氣息的確幾Fresh!一口氣叫左幾款例牌點心，秘書小姐話必定要試下泡飯同蛋白炒飯，我地當然讚同！上枱發現有粒粒綠色飯粒，又香又清新，味道好正！瑤柱絲炒得好香，啱晒我地幾個女仔！再黎菜苗粒粒湯，上湯濃淡適宜又清甜！幾款點心味道卓越既，但下次我地要試下些新穎同得奬點心先得，咁樣先有特色嘛！特別推介：若果愛食腳趾，鮑汁鳳爪必不能錯過！呢度環境舒服，睇黎以後都會成為我地食堂！秘書小姐好醒咁問有冇得申請會員卡，有成七折喎平日黎，服務員好好，仲提醒我地同大廈既公司都可免費入會，即刻交出員工証申請啦！以後飯腳有好地方去啦，仲洗愁咩？！…查看更多