ratieman的個人專頁

$63 燒鵝雙拼飯加埋咸蛋$71大概晚上7:30去買，同店員講要外賣燒鵝油雞飯，佢問我要燒鵝定燒鴨，我答佢要燒鵝，佢仲話燒鵝$63喎～我照話係燒鵝，心諗：「咁樣睇唔起人咩？」結果返屋企打開，得四舊燒鵝，其中兩舊係細舊+超薄（見圖），燒鵝份量非常少😂油雞就多🙈 回想返店員嘅說話，嘗試說服我唔好食燒鵝，要叫燒鴨，咁應該只有三個可能性：1） 冇乜燒鵝剩，想我叫第二樣；2） 臨收工斬咗啲燒鵝比我，員工收工福利可能會少左；3） 佢都覺得燒鵝唔抵😂［以上純粗略粹推測］不過都不得而知了，我一定唔會再幫襯了如果鵝質素好啲，即使份量少，我都服，可惜不是。食太興/大埔廣場附近果兩間好食好多🙈…查看更多

連續三星期來這裏食野，之前兩次飲茶，今次食晚餐。5個人，叫八個餸，都算過得去，不是出色。之前兩次午餐食芝士龍蝦伊麵，都還算ok, 龍蝦新鮮。今晚試大蝦伊麵，嘩….我到底食左啲咩😂😂大舊肉又唔新鮮，啲上湯又杰撻撻……其實咁樣都可以忍受，下次咪㨂其他餸囉。最嬲係咩…. 哩啲酒樓通常晚飯都有紅豆沙送，所以就問一問個樓面有冇糖水，樓面話，冇。宜家咁多優惠，冇糖水送嫁。轉頭個樓面就係不遠處同個經理交頭接耳，我心裏都知佢唔係冇，只係你岩岩都埋左單，仲送比你做咩，唔好阻住執枱…..最嬲係幾分鐘後，隔離枱問另一個樓面，樓面就大叫，兩碗紅豆！……..所以呢，我同家人永遠都唔會再光顧哩間野。祝君好運🙊…查看更多