小肥羊尾的個人專頁

屋企人生日，訂枱食飯，講明帶生日蛋糕，已經問清楚可以免切餅費。去到叫左pizza, 意大利飯同咖啡雞同簿餅，每樣野都幾好食，有印度風味。問題係服務好唔得。去到未齊人又問幾時到齊，到齊又催我地落單，食左半個鐘左右，就話last order，我地唔加野。侍應好快收左d餐具，仲有2個人未食完就唔收住。心諗洗唔洗咁趕呀？我老豆係生日主角，仲食緊最后一舊咖哩雞時，侍應已經播生日歌，仲拎個蛋糕出來點蠟燭，都未食完，係咁催住曬。我地都好快切蛋糕，未食完又放低張單。我問佢到底晚餐有冇限時，佢話冇，咁又係咁催人走？仲要收切餅費，好在有check單，最後取消左，所以以後唔會再去！…查看更多

激讚無骨海南雞飯!雞:　皮薄, 肉嫩, 油份剛剛好醬汁: 有自家調教風味雞油飯: 有雞油同香蒜, 好香口南瓜例湯: 好甜又夠濃完全感受到每個細節都用心經營, 請支持有實力的小店!…查看更多

2個人的晚餐, 叫左個2人餐, 1湯2菜全部都唔多得.1) 蟹肉翅: 已經係最好o個味, 但個獻好重手, 即刻同朋友飲左2碗, 之後凍左變左成pat野已經唔想飲.2) 羅漢齋: 普普通通冇特別3) 菠蘿咕嚕肉: 好難食...咕嚕肉係豆腐粒, 口感好怪. 試想叫碟菠蘿豆腐粒會唔會好食? 豆腐粒同茄汁完全唔match. 食唔晒打包返屋企, 屋企人都話唔好食.4) 綠豆沙: 個餐送既...又係打左獻..怪怪的…查看更多

滿心期待去試咁多人讚既蕃茄麵，食後感只是中規中舉，沒有驚喜。說是蕃茄湯底，倒不如說是茄膏湯底。大家說的濃郁蕃茄湯味，根本不是用蕃茄煲出來，只是茄膏的功力，再在碗中加入蕃茄，大家就認為是真材實料。不知是我挑剔還是大家唔識食。其實碗麵又唔係太差既，普普通通，只是被神化為非吃不可咁。以今時今日香港高昂的物價指數，二十幾蚊一碗公仔麵，仲有茄膏湯底，相當不錯，其他地方只能吃到味精湯底，所以一食無妨。畢竟在鬧市中的大排檔開餐，別有一番風味，怕污dirty的人就要多考慮，因為唔係太乾淨。去之前要看地圖，地點有點難找。除蕃茄麵之外，脆脆值得推介，又香又脆，比蕃茄麵更值得吃。…查看更多

原本是想去同層另一間餐廳食，由於多人要等位，lunch time又要準時返公司，先決定轉食呢間。入到去見到過半數吉枱，但張張枱都未執，全部食客食剩ｄ野都攤晒係度，胃口已經大打折扣。點完菜先黎個沙律，前佢冇雪過，又冇用保鮮紙包好，就咁o係一大盤度攞左一碟出來，完全唔敢食。主菜的蕃茄牛肉鍋到啦，蕃茄味好甜，甜得怪怪的，好似ｄ糖唔洗錢咁落，唔好食。…查看更多

餐廳裝修簡約又見唔多人，決定入去試下，因為靜靜地坐得幾舒服。見個焗通粉有其他食客食緊，所以跟風試下。由於即焗，所以夠熟又好味，只係食到最後發現碗底好多油。咖哩雞厚多士賣相好吸引，但比相像中辣，都唔緊要既，食食下凍左冇咁辣都可以接受。問題係d多士焗到好乾，勁硬。硬的程度可以形容為用刀据，切都切唔開，食得好辛苦。如果冇咁硬同多d汁會好食好多。…查看更多

食一碗日本拉麵都唔平，一直唔明點解最少要七、八十蚊碗。試過幾間銅鑼灣拉麵店都覺得唔值，唯有別天神會去完又去。由2013年起去過不下十次，每次都滿意而回。2015年第一次去，感覺跟以前有唔同，略嫌退步了，麫的質感差了，湯底亦不及以前濃郁。我見師傅都轉了人，不知是否因此而令拉麵有所不同還是偶然失手，但這小店仍是值得支持，希望下次去能食回一慣水準。今次是由90分變成80分，還是值得大家一試!…查看更多

阿媽生日，簡單地喺屋企附近食。呢間店之前去過一次，覺得幾好坐，又靜靜地傾到計，所以再去。當日叫左意粉，南瓜飯同pizza, 味道唔算得上好好食或有驚喜，但絕對合格。pizza最香口最好食，批底薄薄地，啱曬d唔大食又想咩都食吓嘅女仔，可以叫多幾款野食。最後點心太軟時問店員可唔可以喺個碟度寫happy birthday, 佢地話冇呢個安排。但出菜時竟然安排左，我覺得好surprise, 亦感受到佢地肯變通既貼心服務。…查看更多

喺團購網見到好多人買雞煲coupon, 自己都喺富臨飲過茶，估計應該質素不錯，點知換來失望。我地叫左個藥膳雞煲，點知黎錯左重慶雞煲，不過返熱時聞到d辣味好香。之後換返藥膳雞煲，食到有香濃既藥材味，仲飲左d湯補下身，之後加湯打邊爐就強差人意。d野食黎唔齊都算，可以再剔過，但食物質素好唔掂。魚皮唔脆，墨丸同包心丸好實，粟米乾到縮水，芋頭炸過同變左味，雲吞好難食。其他食材都唔多新鮮，最正常係龍蝦丸同貢丸。以後都唔會再來！…查看更多

成日都覺得應該支持d本地小店，因為集團式的食店多數都好樣版式經營。榮式的「雞藕天成」值得推薦，雞扒有自家調教的調味汁料，味道好香，有自家風味。藕餅有淡淡的冬菇味，又爽口，讚！成碗飯加埋d䓤油一齊食，冇得頂！雞扒同藕餅都大大件，飯既量又多，$48包埋一杯飲品，抵食! …查看更多

一見門口個banner已經覺得d食物不錯，所以入去試下。6:45去到，人流不多，靜靜地，好好座。點左蒜香雜菌意大利飯同卡邦尼闊條麫，兩樣都好食。個汁杰杰地，有芝士有cream, 絕不是交行貨。兩者比，我會喜歡意大利飯多d，d菇味淡淡地但好香茹味，冇咁滯。服務好好，我問個waiter可唔可以俾杯水我，佢話當然可以，幾helpful. 意大利飯同寬條麵大約$65，呢個食物質素是物有所值。…查看更多

某天下午經過，覺得環境不錯，所以相約友人來食晚餐。環境很寧靜舒適，很適合三五知己聊天。當天點的食物味道不錯，但略嫌份量偏少及性價比低。白汁三文魚意粉：只有兩片三文魚千島雞肉薄餅：真的很迷你，只有下午茶一人份量南瓜鴨胸螺絲粉: 4片鴨胸，不過不失玫瑰花茉利花茶：普通得很，放少少花粒沖水，仲要等左好耐。從新來過點咖啡會比較好吧！朱古力香蕉酥皮：味道不錯，不過賣相普通。總結係可以一試，不過唔會想再去食第二次。…查看更多

新年同朋友飯聚，樓上西餐排長龍，只呢間唔係太多人就等左一陣。當日的食物質素是正常的，但服務態度難以接受。隔離坐左枱強國人，一直都好安靜咁食飯，唔係冇禮貌嗰種人，佢地埋單，個男經理講左幾錢，個強國人可能聽唔清楚問多次，個經理再講多次幾錢，但d語氣勁掘，黑口黑面，d態度衰到呢...... 之後我同朋友食完主菜，再加單要甜品，等緊之陣，個服務員粒聲唔出就收我地d食具。我朋友同服務員講「我地未食完喎...」，個服務員講「攞過俾你囉！」  咩態度呀??自己唔啱一d唔好意思都冇，仲要加個「囉」字...今時今日咁既服務態度係唔得架…查看更多