kennychui01的個人專頁

今晚同朋友第一次嚟到新蒲崗嘅日式壽司店 海膽仔仲可以喺舖頭入面自己去買啲新鮮嘅食材返屋企前菜： 沙律 、麵豉湯店舖招牌之一：海膽丼海膽嘅份量不遑多讓, 如果鍾意食海膽嘅人一定超級滿足, 海膽食落口有少少嘅海水味, 非常鮮甜刺身定食有帶子、吞拿魚、油甘魚、三文魚、赤蝦同埋希靈魚, 跟埋一碗飯刺身味道一流, 帶有少許嘅甜味, 赤蝦係今日最好食嘅小食：炸雞軟骨雞軟骨炸得酥脆, 食落口唔會話太重嘅油嘅感覺, 分量好多我哋仲嗌咗一隻牡丹蝦, 亦係非常之鮮甜同埋肉質好結實, 可惜未影相就畀人食咗啦…查看更多

喺附近做完野近近哋去咗越南餐廳食飯中午嘅時間都幾多人, 要等咗差唔多五分鐘先有位越式火車頭河粉(轉檬粉)超級多餸一碗麵, 有 札肉、生牛肉片、雞絲、牛展、豬肉丸同牛丸, 湯底有濃厚嘅牛骨味, 裏面仲有洋蔥、芽菜, 芽菜條條都好肥大, 咬落去超級爽脆, 肉方面都係好味嘅, 食完唔會黐牙跟餐嘢飲：凍檸茶正正常常唔會太甜, 亦唔會係超級多冰嗰隻調味料：青檸、辣椒有啲辣椒仔同埋有半塊青檸另上, 鍾意食辣嘢嘅朋友記得加多啲辣椒咗碗湯度啦！我就加到三四粒就覺得好夠辣！…查看更多

第一次嚟到呢間三不管食車仔麵, 估唔到佢都幾有特色, 裝修方面都有好多懷舊嘅味道菜單：有好多選擇, 價錢亦都正常魷魚牛腩貢丸生菜河粉分量都算充足, 魷魚彈牙, 有陣陣嘅咖哩味牛腩鬆軟唔黐牙, 亦能夠食得出好香嘅一茴香八角味貢丸質地亦都好實在彈牙, 有香濃嘅蘑菇味豬頸肉蘿蔔米粉蘿蔔清甜入味, 食落口亦都唔會話有好多渣豬頸肉就細細塊好好食無限任加辣菜脯同辣椒油辣菜脯都可以算喺呢度嘅名物之一, 加啲辣菜脯撈埋落去啲麵度食又有唔同嘅味道, 鍾意食辣嘅朋友都不妨可以落多兩匙羹辣椒油…查看更多

吉野家又推出新產品, 即刻去試一試先！南蠻炸雞丼(大盛)原價好似係80蚊嘅, 今次因為用咗會員app價所以會變咗65蚊有五大舊炸雞, 每嚿都係啱啱先新鮮炸起熱辣辣, 裏面亦都充滿肉汁不過菜嘅份量就比較少啦, 同埋係用生椰菜絲, 唔係之前我哋一路食開嘅野菜紅豆鯛魚燒總共有三舊, 裏面用料都算實在, 啖啖都係有食到紅豆餡嘅, 不過我就覺得佢太甜啦, 配茶嚟食可能會唔錯阿華田脆脆特飲其實佢面頭係有嗰啲圓圈細細粒嘅脆脆嘅因為佢有個蓋所以遮住咗整體嚟講都係好飲嘅, 唔係嗰啲好啖味既關東煮正常發揮,樣樣都好鮮甜好入味最後埋單差唔多100蚊, 食咗咁多嘢都算滿足㗎啦…查看更多

今日同屋企人去圓玄學院拜山之後就落返嚟荃灣度搵嘢食, 聽屋企人推介荃灣間十二味都唔錯, 去到門口我哋仲要等一陣, 原來佢哋係有落場時間嘅, 大概5點45分我哋就入席啦！大大盤酸菜魚酸菜魚酸辣開胃, 魚片份量很多, 魚肉嫩滑鮮甜, 不過就要上菜之後即刻食, 放耐咗啲魚肉一夾就散大盤花菜有椰菜花、韭菜、豬肉片炒成, 分量係超級多, 一個人食嘅話可以即刻飽咗, 有少少嘅辣嘅調味, 惹味開胃清炒萵筍絲就咁睇就好似一碟綠色嘅麵咁樣, 其實係由萵筍切絲炒成, 可以食得出萵筍原本嘅甜味…查看更多

今晚同朋友放工之後八點幾去咗附近嘅茶餐廳食飯, 見哩到嘅裝修同埋入面都多人食飯, 就入去試下鮮魚湯海鮮泡飯海鮮泡飯用料實在, 有大蝦、扇貝、魷魚圈, 湯底亦都係鮮甜嘅奶白色嘅魚湯, 都有少量嘅木耳同節瓜泰式菠蘿炒飯炒飯粒粒分明, 即使食曬之後, 碟底冇話有好多嘅油份, 份量亦都好充足鐵板海鮮炒烏冬係新鮮熱辣炒出嚟嘅, 上菜嘅時候仲要出曬煙, 感覺好夠鑊氣, 用料方面亦都唔錯, 有魚柳、扇貝、青口、蝦仁, 調味方面亦都非常之好食菠蘿油原本諗住試埋佢個蛋撻,點知原來一早賣曬, 跟住又試咗佢個菠蘿油, 可能因為我哋太晏去食, 個菠蘿油都唔係話好熱, 不過塊牛油真係好肥仔西多士…查看更多

位置方便, 牛頭角站出口行5分鐘就到晚餐套餐有餐前麵包、沙律、湯、主菜、甜品鬆軟餐包餐包配有牛油, 口感軟硬適中, 有濃厚嘅麵包香味鯷魚沙律由鯷魚同各款沙律菜小蕃茄混合而成清新開胃, 唔會有魚腥味, 平時我唔食魚都一次過食得曬西洋菜湯 平時飲開阿媽煲嗰啲中式西洋菜湯, 估唔到可以轉做西式餐湯, 非常濃郁嘅西洋菜味, 入口順滑龍蝦湯色香味俱全, 有少量龍蝦肉主菜一：香煎三文魚柳配檸檬蒔羅牛油汁及薯蓉三文魚柳才真係巨大到一個點, 魚皮方面有煎到非常之脆, 魚肉倒是非常鮮嫩滑, 薯蓉方面又係非常之出色, 非常之綿滑主菜二：阿根廷21蚊日熟成牛扒配墨西哥醬熟成牛扒嘅風味同普通牛扒味道爭好遠, 非常之濃厚的牛肉味, 今次叫咗三成熟, 上菜嘅時候中間依然保持到粉紅色, 牛肉非常之嫩滑另外旁邊仲有一塊薯仔餅, 係類似千層蛋糕嘅做法, 非常之好食甜品：焦糖蛋糕、栗子味及抹茶味馬卡龍甜品正常發揮, 為整個用餐體驗畫上完美句號…查看更多

餐廳座位不多, 大概有七至八個位, 繁忙時間需要喺鋪頭外面排隊, 可以揀定食物先檯面上有凍水同埋紙巾提供, 唔驚食到熱辣辣出曬汗蝦汁蕃茄沾麵 非常濃郁嘅番茄風味加上鮮甜既蝦湯底因為係沾麵既原因, 湯底會比一般拉麵湯底更加濃味, 更加熱今次加錢加多D 叉燒肉, 務求啖啖都食到肉麵身好似烏冬咁粗, 掛湯能力亦足夠超級多麵, 差d食5曬, 面裏面亦有一啲調味紫菜同埋一啲唔知咩嘅脆脆放埋入去湯底度可以增加風味最後如果仲有湯整返低, 可以叫店員加水, 稀釋番黎飲…查看更多

龍蝦全日早餐有芝士焗龍蝦半隻, 好大兜嘅炒滑蛋, 茄汁豆, 炸薯條, 沙律菜蕃茄仔, 煙肉, 香腸, 窩夫分量絕對夠一個人食, 食得出所有食物都係即叫即整嘅, 薯條係新鮮炸出黎, 窩夫唔係嗰啲淋bet bet嘅, 龍蝦肉亦都係好有彈性嘅紅菜頭牛油果南瓜沙律呢個沙律係跟上面嗰個全日早餐再加錢嘅, 原本以為應該得少少啦, 點知原來超大碟, 仲好有份量, 南瓜、牛油果、紅菜頭有好多塊, 健康人士必選南瓜湯非常濃郁, 南瓜味超正, 飲完一碗都飽肚朱古力布朗尼窩夫冰火兩重奏, 有雪糕 有熱窩夫…查看更多

薄牛扒早餐：薄牛扒, 炒滑蛋（可以轉煎雙蛋）, 雜菌, 牛油厚多士薄牛扒都算幾大塊, 牛肉食落唔會黐住牙, 煎雙蛋係完美嘅太陽蛋, 撈埋啲蛋黃同埋雜菌同埋牛扒一齊食, 非常之滋味自選雙拼粉麵餐：豬扒午餐肉出前一丁, 配炒滑蛋, 牛油厚多士塊豬扒仲大過塊牛扒, 仲有埋午餐肉, 仲要係厚切, 雖然我都好耐時間冇食過午餐肉, 不過今次塊午餐肉係幾好食嘅, 出前一丁會跟埋包麻油今次我就將啲炒蛋同埋牛油厚多士crossover咗, 變咗三文治咁樣食, 喺多士中間開個窿, 將啲蛋塞入去, 非常之有滿足感凍咖啡佢呢度啲奶茶咖啡都屬於好飲嘅, 都要大大杯, 糖同埋奶可以同佢講叫佢另上, 飲落好順喉…查看更多

野菜叉燒拉麵 面底份量多, 有三大塊叉燒, 如果有埋溏心蛋同多d菜就fit曬, 湯頭味道不過不失黑蒜叉燒拉麵黑蒜味足夠, 仲有糖心蛋, 兩大塊叉燒, 少量野菜, 不過碗湯唔係好熱, 唔係好能夠帶出啲黑蒜味道跟餐加錢小食：炸雞, 炸餃子炸雞肉汁豐富, 食落口唔會好鞋, 有跟沙律醬餃子正常發揮, 反而冇跟到沙律醬, 可能係上菜嘅時候漏咗, 不過因為炸雞嗰度有沙律醬所以都冇再同佢攞返串燒盛：雞中翼, 雞髀肉, 雞軟骨, 牛肉上菜嘅時候已經明顯感覺到溫度唔係好足夠, 應該唔係即場燒出嚟嘅, 調味亦都欠佳, 連咸味都唔係好食得出, 需要落多啲五香粉去調味, 希望下次幫襯有改善！…查看更多

環境舒服, 座位寬敞, 張枱夠曬大, 唔驚啲食物一枱都係, 食嘢燒嘢都5洗就住就住性價比高, OMAKASE套餐每位498, 二人起肉方面：有黑毛和牛西冷大判燒、牛舌、和牛腹柳小排、和牛赤身、大蝦、雞肉菜方面：有香菇同菇片每人一碗沙律、有泡菜、醃蘿蔔、青瓜等等可以間中食一下, 去走油膩感最後有一個甜品：雪糕糯米糍同杏仁豆腐必點食物： 黑毛和牛西冷大判燒, 我哋叫個店員幫我哋燒, 燒完會將肉擺喺個溫泉蛋上面, 撈勻啲蛋液同埋入口即溶嘅牛肉嚟食, 唔係講笑真係好好食, 可惜每人得一塊, 下次嗌多個飯先, 撈埋飯一齊食可惜能夠上載圖片數量有限, 最後講多一次真係好好食…查看更多

今晚去咗慈雲山探親戚，跟住夜晚就去咗慈雲山中心嘅溫莎餐廳食晚飯。我同細妹兩個人嗌咗兩個餐，叫做一個瑤柱粉絲浸勝瓜，一個椰香薯仔咖哩牛腩，仲有一杯凍奶茶，埋單合共135蚊。餐廳都幾大地方，我哋揀咗卡位坐，落咗單唔夠五分鐘就可以上菜啦。兩個餐都分別會有例湯送上。椰香薯仔咖哩牛腩同埋白飯係分開上嘅，牛腩份量唔算好多，五六舊左右，亦都有三四嚿薯仔大大嚿，整體嚟講都算好味嘅。瑤柱粉絲浸勝瓜就真係份量好似少咗少少，得少少粉絲同埋小小蝦米，建議餐廳可以落多啲瓜落去。…查看更多

今日同朋友仔去尖沙咀食晚飯，行下行下就入左Library restaurant and Bar。餐廳感覺環境5錯，我哋一共4人，叫左6碟，食到超飽，哈哈，係一間食物質素高質又份量大既餐廳。 我哋叫左松露醬炸薯條，全部熱辣辣上菜，松露味5太濃，好啱我哋口味，5會一大陣汽油味，份量都好足料。 第二個菜係茴香豬肉腸貓耳朵粉，有少少辣味，可以接受，第一次食貓耳朵粉，其實都幾得意，中間位係有少少硬，不過又掛汁，5錯既新嘗試。 第三個菜係忌廉白酒煮藍青口，味道香濃，忌廉汁好creamy，青口新鮮，食落5會有陣雪味，隻隻都肉質肥美，一份大約有十隻，四人分享就5太足夠，每人得兩隻，因為太好食，最尾兩隻要猜包剪揼去決定。伴碟仲有幾塊脆多士，沾上忌廉白酒汁，非常完美。 最後三個菜係羊牛豬，全部都好軟嫩爆汁，雖然有少少貴,不過無論外觀定味道都有一流水準。…查看更多

今晚同朋友食完晚飯之後意猶未盡，好似唔夠飽跟住又去咗食甜品，上網搵到呢間喺黃大仙同慈雲山中間嘅甜品舖，細細間咁但係都有好多唔同嘅款式，我哋兩個人嗌咗兩個甜品，一個係椰香喳咋（熱,$24），一個係椰皇蛋白燉桃膠（凍, $53），廚房好快手，坐低咗一陣就上咗啦。椰香揸實係我嘅favorite，最鍾意食好多豆，有少少椰奶，增添咗少少嘅香味又5會令到整體太甜，啱啱好。椰皇蛋白燉桃膠係我位朋友叫嘅，聽講桃膠可以美顏，我哋食曬入面啲料之後，仲可以用匙羹刮埋佢側邊嗰啲椰子肉食，好嫩滑。…查看更多