EYWW的個人專頁

週四下午五時多在附近辦完事，順便到西九龍買埋晚餐返屋企。買咗：1/ 鮮蝦炒金邊粉（$48）2/ 冬蔭脆腩跟飯 （$58）3/ 泰式奶茶 （$10）1/ 鮮蝦炒金邊粉蝦新鮮，肉質不會梅。金邊粉調味好好。2/ 冬蔭脆腩跟飯本身已想試吓冬蔭共，見到有得配埋餸同飯（可選配金邊粉），就叫左。脆腩即係平時食既燒肉，落單後有聽到廚房有炸返啲脆腩，食落都有7、8舊，粉量唔少。個冬蔭共不得了。夠酸夠辣，味道非常貼近係泰國飲既冬蔭共。食到有好多香料。可以話係香港飲過最好飲既冬蔭共。3/ 泰式奶茶相對以上兩個食品就較為一般。跟餐仲送咗碗冬瓜湯，正常。…查看更多

第一次嚟食，喺入口處見到有部Gulu 拎票機，但見到入邊冇乜人坐，就直行左入去先。侍應見到我哋入嚟都問我哋幾多位再指示我哋喺邊度坐。落完單之後，另一位侍應見到我哋坐咗喺度就主動問我哋落咗單未。我哋回覆已經落咗單，佢就專登行去斟兩杯熱水放喺枱面。呢個招呼比我哋想像中好，本身預期呢間嘅服務會好似茶餐廳咁嘅質素。叫咗一碗煙燻雞配原味麵，令一碗要咗紅燒牛肉配原味麵同兩杯凍紅茶。紅茶比想像中好飲，唔太甜，碗麵就太鹹。煙燻雞味道真係好煙燻，味道好似食緊煙鴨胸咁。牛肉就有四舊，有一舊好un, 有一舊好林，其餘兩舊就介乎兩者之間。整體來講，呢間服務有驚喜，但食物就普普通通，睇吓你覺得佢嘅定位係咩，如果比起茶餐廳佢就好啲，但如果你覺得佢係一間台灣嘢嘅話就唔合格。…查看更多

平日早上，難得放假，走過來呢間冇乜人嘅麥當勞食吓早餐。見到有豬扒早餐，就試吓，感覺好似健康啲，唔係加工嘅漢堡扒。用手機落單，如果用PayMe俾錢仲有$5優惠券可以扣。扣完都要$32.5，坐喺位用手機落完單，等咗10分鐘左右終於有得拎。打開個盒，豬扒比想像中細塊，蛋嘅份量亦都比想像中少。餐具而家都係用上木嘅餐具，感覺比以前環保。但起初切豬扒嘅時候，都有考慮過把刀夠唔夠力，結果都切到嘅。塊豬扒鹹咗少少，好彩細細塊姐。蛋同包同薯餅就正常發揮。加咗兩蚊要熱磨咖啡，感覺比平時多咗啲奶。…查看更多

週六下午，與朋友有事到浸會醫院，午飯時間到附近既百味閣一試。平時搭車成日經過，但食就第一次。叫左午餐set, 豬仔脾carbonara意粉，有湯同飲品（要左青豆湯同熱咖啡），同麵包。$80需要加一。麵包正常嘢，青豆湯一般般，豬仔脾ok，份量都算多。個意粉就…吃不懂。味道食唔出有味，同唔知點解碎濕濕咁，同行朋友講笑話可能方便隔離醫院病人外賣時食。熱咖啡ok,算係全餐最好食。試左同行朋友既京都骨飯，味道同份量都唔錯的。最後，有送上蜜瓜。總括，份量同味道（非意粉）加上服務是ok 的。…查看更多

星期五放工後係附近食埋晚飯先走。唔駛等位直接入座。店員雖然忙於整理外賣，但見到我哋坐低都即刻去印QR code 俾我哋落單，上菜時有禮，唔錯。叫兩個： 鹽酥豬扒飯，同慢煮牛肉飯，另外加咗個章魚燒。1/ 鹽酥豬扒飯份量唔少，鹽酥豬扒唔會太油，幾好味，隨餐附送嘅甜品，芝麻紅豆球，味道都唔錯。2/ 章魚燒正常發揮，醬汁略嫌鹹咗啲。3/ 慢煮牛肉飯牛味濃，但但但，好韌。細心望吓件牛肉，我哋都懷疑係因為順左紋切嘅關係，令到件牛太過韌。有啲浪費左件牛。…查看更多

一直bookmark咗呢間漢堡店，今次離開啟德附近終於有機會試。座位唔多，今次兩個人去坐水桶造型嘅吧枱。店內轉角位有自助區，可以拎手套、飲管及調味料。要讚一讚手套高質，唔係簿切切嘅手套，用完之後，隻手都唔會油笠笠。叫左一個經典、一個Houston漢堡。經典比較清新、houston 就有煙肉比較濃味。本身想試返薯條，但咁啱冇貨，結果叫咗一個薯條一個薯格。本身諗住薯格會好食啲，結果相比之下薯條薯味比較重。飲品有罐裝汽水揀，如果有罐裝梳打水揀就perfect 。整體CP值高，可以再食。…查看更多

年尾約朋友飯聚，預先喺OpenRice訂咗位先，記得開業初期呢度冇得網上book位要排好耐隊，結果好耐冇黎再食。今次午餐，叫咗炸魚薯條$88 ，再加抹茶latte $20。午餐時間，首先送上抹茶拿鐵，炸魚薯條都好快上菜。炸魚薯條份量好足，魚亦都好滑，薯條香脆，食吓食吓都差唔多食晒成份。抹茶latte，飲落覺得抹茶味唔太濃郁，飲到後期先發覺原來抹茶粉喺晒個底，所以下次記得要先攪勻佢。呢度地方好大，都冇點限時，可以同朋友慢慢食慢慢傾偈。…查看更多

同老公周年紀念， book咗呢間餐廳，預約時，即管試吓約窗邊位，好彩最尾都坐到。但張枱係正侍應落單，電腦轉角位，所以佢哋行出行入都幾嘈下，整晚未能好好靜靜地chill 下。晚餐試左差不多枱枱都叫嘅威靈頓牛，餐飲叫左茶，感覺幾好，因為一路食一路可以消滯，侍應仲會定時過嚟加水。侍應會喺席前即時煮威靈頓牛果醬汁，由於差不多台台都叫嘅關係，未輪到我哋食嘅時候都已經睇咗幾次呢個表現。煮既時候見落左唔少白蘭地，但到食落嘅時候同個牛真係幾夾。侍應煮完果汁仲會問份牛想切兩件定再切薄啲，由於想影相靚啲嘅關係我哋要求分兩件上就可以啦。整體個牛係幾好食，但氣氛黎講唔太感覺到高級餐廳應有既寧靜舒服感，即管一試都可以嘅。…查看更多

最近天氣涼涼哋，想飲肉骨茶，暖下身。喺朋友介紹吓，第一次試呢一間餐廳。晚飯時段，scan QR code自助落單，方便清晰。叫咗個走地雞飯配肉骨茶，餐飲有熱檸檬薏米水。走地雞飯好足料，雞唔會太肥，亦都夠滑。肉骨茶胡椒味好重，好飲，飲完非常暖身，餐飲有好耐冇飲過嘅薏米水，亦都好足料。$95 朋友話係太子黎講算貴，見有啲人係門外望完餐牌就走左。今次亦都唔駛等位就可以入座。覺得野食ok ，可以再黎。只收現金同八達通。…查看更多

喺太子同朋友食完晚飯，朋友提議去食中式糖水。喺朋友帶路之下，嚟到見到係一間好傳統嘅龜苓膏鋪，所有中式糖水都好相宜。 $20左右嘅價錢。3個人分別叫咗：桑寄生蛋茶、木瓜西米露、黑糯米杏仁露。糖水係用平時裝龜苓膏嘅碗上，都好大碗下桑寄生蛋茶好飲，有好多蓮子，至於隻蛋就好普通，但飲過咁多間桑寄生都知道要隻蛋好食都好難搵朋友食既黑糯米杏仁露同木瓜西米露都好足料食食下都有啲街坊入嚟食糖水。 睇嚟呢度都係唔少街坊既心水糖水舖。…查看更多

難得平日放假，有事出開深水埗，搵間Cafe食個早午餐先。本身搵唔到間舖頭，行過咗龍，喺對面再細心搵先搵到間舖頭，因為佢門面實在太低調。叫咗個All day Breakfast加 Piccolo latteAll day Breakfast嘅麵包加cream好好食，咖啡好好飲，梳化好坐，梳化與梳化之間都有唔同植物做分隔，開揚得黎又有啲私隱。慢慢食都食咗成個鐘，整體感覺唔錯。臨走前仲可以借埋個廁所先再出發，有機會會再嚟。…查看更多

老公收工買外賣返嚟，第一次試呢間餃子，老公行緊去嘅途中先打電話落單，點知去到店員搵唔到order，話下次可以WhatsApp落單，清楚啲。店員服務態度都好好。買咗10隻餃子套餐，叫咗西洋菜豬肉餃，芹菜木耳豬肉餃，同一份香煎豬扒。餃子嘅皮好薄，我覺得好似雲吞皮咁，食落都幾好味，兩隻餃子我比較鍾意芹菜木耳豬肉餃嘅味道，西洋菜豬肉餃入邊有好多西洋菜，都唔錯。豬扒我就覺得一般。下次會想試吓買下佢嘅生餃返嚟自己煮。…查看更多

星期六難得出城，途經土瓜灣，又好耐冇食滷水，上網見到呢間評價唔錯，就嚟試吓。第一次食，就買咗個滷水拼盤返屋企食。舖頭衛生情況都唔錯，有玻璃隔住晒，啲滷水唔會暴露喺街外面，呢樣野喺疫情底下尤其重要。唯一係姐姐切滷水速度比較慢。基本上樣樣都好味，如果叫我淨係揀一樣嚟買，都好難揀。腩肉係有帶軟骨嘅，老公好鍾意。腸、腎、豆腐都好食，反而係隻蛋味唔太夠。份量都好多，兩個人食都食唔晒，晚餐可以繼續。Send 相俾屋企人估下幾錢，大家都估最少要百一、二蚊。…查看更多

難得星期五放假，專登入去試吓呢間食物同環境都好似唔錯既cafe. 💛由popcorn 行過去大約15分鐘，唔算難搵，但早上十點幾行到過去都有啲出汗，最後揀咗坐室內。室外坐位到達時未打開太陽傘，坐左一陣就見職員出去打開。入室內時都要量度體溫，餐廳採用自助形式，點餐時職員會問選擇坐室內定室外，仲會提供紙袋用作收納口罩。平日早上10時多，室內仍有空位可以自行選擇。點了熱Latte + 無花果sconeLatte 分量細少少🤏，味道唔錯，易入口，飲到最後隱約好似有啲果香味添。無花果scone 既形狀同口感都同平時既scone 唔同，但係係好食嘅，面頭加上杏仁片，附有clotted cream同玫瑰花果醬，兩者比較，個人鍾意clotted cream 多啲。scone 唔會太甜。但週末一定勁多人，如果平日有機會都會想再encore試埋其他野食。…查看更多