misscatcat的個人專頁

自費的一餐，今次去試圍方的韓國餐廳，午市有午市套餐，試了一個午時燒烤套餐、韓式炒粉絲。入座後店員立即送上前菜，前菜是第一輪是免費的，如要refill就要加$40，前菜中以薯蓉沙律10分美味，泡菜辣蘿蔔蓮藕質中規中矩，味道都不錯。燒烤套餐包一個牛肉肉碎飯及飲品，午市燒烤套餐有三種肉：雞肉、五花腩、牛肋條，雞肉與五花腩的味道不錯，但牛肋條比較韌。牛肉碎飯附上溫泉蛋10分美味。至於炒粉絲餡料主要是蔬菜、菇、蛋，看來沒有什麼肉在裏面，味道一般。整體午市套餐價錢都尚算低食（只限在圍方中比較），味道不俗，但如非比較圍方則不算特別低食，而且長者、附近屋苑住戶有折，所以都有很多人幫襯。…查看更多

這次是我第二次幫襯，買了鴨屎香手打檸檬茶和草莓奶蓋，這間店其中一個好好的地方是可以少冰及走冰，而且這裡的檸檬茶口感清爽，茶味香濃，令人回味無窮。每一口都能感受到茶葉的精心挑選和手工製作的用心。草莓奶蓋則是另一個驚喜，草莓的甜美與奶蓋的香濃，小朋很喜歡喝，而且視覺上吸引人，小朋友已說下次一定要再飲。此外，店內的服務也值得一提。老闆非常友善，對每位顧客都很友善，而且買飲品有優惠刮刮卡送，下次購買會有優惠。總的來說，這次的品嚐經驗非常愉快，不僅飲品美味，服務也讓人感到溫暖，這家店絕對值得一試。…查看更多

飲過不少手打檸檬茶，林香檸嘅手打檸檬茶，可以說是最推介的，檸檬很香，茶味適中，小朋友也十分喜歡這味道的檸檬茶，可惜冰較多，即使已叫了小冰，都是杯中有3/4的冰。夏天熱都可以接受，不過冰太多，茶就不多幾啖就飲完。但如果冬天就真係頂唔順，實在太冰凍，呢個都係普遍手打檸檬茶的大問題。另外k11 分店裝修很靚，職員都相對其他分店友善，價錢也十分合理，在K11飲野的首推。下次會再試下其他飲品，如今期期間限定的芒果系列。…查看更多

炎炎夏日有時都會唔想食熱野，所以試下麻醬手撕雞拉麵，這個是涼拌款式，店員先醬麵與麻醬拌勻，然後加手撕雞。手撕雞夾了青瓜絲，份量約有1/3個盒，我再加錢要埋牛肚，牛肚份量亦不少，牛肚入味及軟，雞肉就不是特別滑及有肉味，但整體味道不錯，在opanrice外賣自取40幾蚊，性價比都算高，值得再encore。…查看更多

星期日同屋企人一齊去文化博物館，食野最方便的選擇都一定係牧羊少年，餐廳環境不錯，食物的選擇不算多，而且冇套餐的。今次我們點了俄式牛柳意大利粉，辣肉腸南瓜汁長通粉、牛油果芒果雞肉pizza及小食炸雞。所有的食物品道都很好，南瓜汁十分濃厚、但意粉長通粉分量較小，男士一定唔夠飽。pizza 熱辣辣味道不錯，而且都算大個。反而最估唔到是炸雞，份量較多，而且熱熱的配合埋蜜糖芥末醬，好味。整體食物有質素，但價錢偏貴，不過地點方便參觀文化博物館的人，而且入座有1個小時45分鐘時間，對想休閑一餐是非常適合。…查看更多

馬鞍山一向都係美食沙漠，今次自費試吓一間亦算是平於$100一個人嘅餐廳，呢間餐廳呢可以選擇自助點餐機購買餐點或者到店員叫餐。一個餐大約$60-80左右，裏面嘅座位比較迫，店員都比較少，今次叫咗豬扒便當及炸雞便當。便當除了豬扒及炸雞外，亦有半隻滷蛋、粟米、粉絲、蘿蔔絲青瓜絲及菜脯，出奇地將佢哋撈埋一齊食味道真係好唔錯，豬扒同炸雞都熱辣辣，而且仲包飲品，整體CP值都高。為店員人數比較少，所以佢哋嘅服務態度就有待改善，亦都明白店員都好忙碌，星期一至星期五希望餐廳能夠增加多啲店員令到佢哋嘅服務會更好。…查看更多

難得的平日去元氣食壽司，當然揀食午餐之選,午餐包括沙律、牛肉烏冬、茶碗蒸、炸蝦卷、鰻魚壽司、火炙蟹柳壽司及火炙三文魚壽司，只需$85未計加一，如果冇特別想食的壽司的話，其實呢個套餐相當抵食又唔駛㨂。食物方面：牛肉烏冬嘅牛肉相對比較韌，但份量十足。沙律的菜都十分新鮮。其他項目不過不失，與平常食差不多。最重要套餐唔使煩惱揀啲咩壽司食，食一份一定會飽，不過只限平日，而且有些分店沒有提供，食的時候要留意餐牌。…查看更多

去過圍方很多次，試過很多不同的餐廳，今次就試吓這間泰國餐廳。我們兩大兩小點了三個午餐及加購一個甜品，由於有部份食嘅時候忘記影相，只能附上記得影相嘅圖片俾大家睇。我哋叫了三個午餐，第一個嚟係菠蘿炒飯，炒飯內飯的海鮮比較碎，若有三隻蝦放在面，賣相不錯，但味道很普通。第二個是青咖喱豬頸肉飯，豬頸肉燒得不錯，亦有肉汁。青咖喱是分開上，味道都不錯，不算太辣。第三個是泰式金邊粉，等候上菜時間比較耐，我們已吃完兩個主菜仍要等多約10分鐘，賣相很好，味道也不錯，但配料不多，主要都是金邊粉。甜品方面我們點了芒果三色糯米飯，芒果比較酸，糯米飯亦都比較硬，打卡一流，味道卻很一般。整體而言，每款菜式賣相都不錯，但味道與價錢不太成正比。明白在圍方內租金較貴，價格都較貴，所以性價比不高。…查看更多

星期日的下午店舖的食客都比較多，今次揀左蕃茄牛肉湯烏冬、碳燒豬頸肉飯及炸蝦天婦羅蟹籽手卷，價錢與份量亦成比例，蕃茄牛肉湯烏冬的蕃茄湯都比較濃，牛肉應該是一般美國的肥牛，烏冬入口有嚼勁，是一個不錯的選擇。而碳燒豬頸肉飯份量十足，味道都不錯。至於天婦羅蟹籽手卷，外表看不到蟹籽，原來蟹籽夾在中間份量亦不多，上菜時炸蝦夠熱及粉漿不厚，亦是不錯的選擇。這三款菜品的味道雖然不算驚艷，但卻十分實在，份量十足且價格親民，絕對是性價比高的美食。亦是不錯的選擇。不過店內的冷氣比較熱，但店員都肯幫忙尋找風扇仔給食客使用，服務亦都不錯。但店員都肯幫忙尋找風扇仔給食客使用，服務都令人滿意。…查看更多