fannyeating的個人專頁

今日同朋友去呢間大埔/太和隱世小店食fusion 泰國菜, 估唔到咁抵食。我地7點到, 人唔算多, 但見佢108蚊有晚市套餐 , 包晒湯、沙律、主菜、飲品同甜品, 主菜夠份量, 食物幾精緻。果然大埔出名大件夾抵食。湯係西湯, 沙律有兩隻蝦, 主菜有10幾款選擇, 飲品加10蚊有凍泰式奶茶。另外, 散叫咗fusion嘢, 腐乳卡邦尼意粉 ($50)、冬陰功大蝦薄餅。意粉賣相好精美, 味道比一般卡邦尼意粉濃郁, 但我地食晒。薄餅貴少少但有爆多芝士, 可以拉繼拉到好高都唔斷, 推介俾所有芝士愛好者。環境都舒服, 無限時可以慢慢坐。唯獨是係個餐牌, 可以清晰少少, 我地膽粗粗叫先至知套餐咁多嘢食。抵呀　(笑)…查看更多

我地兩個人，唔想食一大盆西班牙海鮮飯，結果點了一jar Sangria (香檳）、五個前菜，一個主菜，真喺好滿足。我地見其他枱只喺叫一個前菜、一個西班牙海鮮飯就夠。我地可能....因為慶祝，特別好胃口吧...😌前菜揀左風乾火腿，佢地喺廳即刻切㗎，幾香幾開胃，夾住蜜瓜食都唔太咸，做前菜啱晒。前菜仲叫左蟶子、青口、蟹肉牛油果、蟹肉帶子，份量唔算太多，價錢都唔算貴，mop90-120左右一碟，所以我地沒有壓力下叫多左幾款。中意食海鮮的人真喺大滿足。材料都新鮮，最好味喺白酒煮青口，好乾淨，沒有海草、沒有沙，加左白酒煮好香好濃，配酒食一流。主菜食左侍應推介蒜油焗大蝦，因為口感比龍蝦更札實，我地食落蒜蓉味好香濃，蝦好新鮮，口感好夠，只喺三隻蝦兩個人分可能要爭食。最後，老闆請我地食牛奶布甸，好香好滑幾有誠意，我地真喺要攬住個肚仔走。另外，值得一提，侍應都識啲廣東話，可以中文落單。佢地主動幫我地換碟、倒酒，跟單，態度好唔錯。…查看更多

是日落雨，和大三巴兩條街之隔、和最香一條街之隔，找到這間隱世小店。人潮就明顯少得多。隨便揀左窗邊位置，休閒嘆個afternoon tea 😌。二人用下午茶有三層，下層多士（三文魚、吞拿魚、芝士蝦），最好味喺蝦多士，剝左殼，好細心。中間喺布丁，木糠、焦糖。上層有馬卡龍同朱古力蛋糕，唔太甜。一層層食上去，由咸到甜，都幾滿足。加10蚊有水果茶，入面有藍莓、士多啤梨、奇異果、熱情果和茶包，好足料。兩個人食左二百幾蚊價錢合理，加上不限時，侍應還會主動為水果茶添水、加熱。😍 俾花圍住，可以一邊食一邊影相，環境加分好。…查看更多