真係嬲，所以上黎打食評。我終於知點解啲人打咁多故事，原來要200字先有得評分。係附近返工，成日都黎食呢間，又平又大碗又好食，埋單唔使三十蚊，好快食完走人。廚房+樓面+收銀都係兩老自己搞掂，間中先有個後生女仔幫手做樓面，所以都知等得耐。之前去就算客人幾多，落單同野食都好有秩序，食過廿幾三十次都相安無事，未試過等得耐要催單。
對上一次去係上年11月左右，果時枱凳仲係舊既，lunch time1-2pm，1:05分唔夠坐低落單，果日後生女仔做樓面。落左單等到1:30都未有野食，眼見隔離遲黎既碗米線都到左，我就同樓面女仔講我果碗仲未黎，佢就咁嗌入廚房「x號枱追單」。再等多十分鐘1:40，遲黎既食完走左，更遲黎既都有得食，而我仲等緊。
再追！樓面女仔先認真搵返啲單，同我講唔好意思整緊要等多陣。好我等…
等到1:45，望住一碗又一碗米線拎出黎，但無一碗係我既……我選擇左同樓面女仔講唔食走人，佢都有道歉。但最後我個午餐呢？變左麵包
之後我無再去幫襯，直到今日女朋友約左人去食，又係果個樓面女仔，又係1:30都未有得食，又係「遲黎既食先」，催單再等，仲未黎，再催，話可能啲單亂左，但因為朋友想食所以無走，等到1:48先有得食，最後返工遲到。要讚既係，米線夠彈牙，炸醬湯底非常好食，酸菜湯底清得黎又開胃，可以講係各有特式。墨丸亦非常彈牙，好有口感，我次次都食羅白墨丸，仲有個炸餃🤤…炸餃個醬雖然我唔知咩黎但好正，相信係獨家自製叫佢走芽菜仲會俾返生菜你，等你唔會無菜食，呢項值得一讚#如果唔係漏我兩次單，我應該仲經常幫襯緊#希望改善下啲單唔好再亂#我唔會再去#得一個鐘唔好去…查看更多
