micwyan的個人專頁

收工經過想食碗狗仔粉，店入面冇客㗎，目測有2位員工。不過想嗌狗仔粉嘅時候，然後有位男店員見到有2張food panda單係到整理緊啦，我嗌唔該～ 都未落單，之後個男店員黑晒面咁話等一等，然後我等左10分鐘左右，再想落單之際⋯佢好似好燥咁講左5次等一等，咁算啦，唔食啦，咁燥底。😂 …查看更多

行過經過呢間鋪頭就入去試，小食，飲品都算幾好，係主角條魚鞋到爆，好似𡁻緊香口膠咁，食左幾啖已經唔想再𡁻，真係好鞋，食左d小食配菜，飲杯野就走，極及失望！下次唔會再黎…查看更多

係附近番工，見到同事食咖哩燒鴨飯 ($40) 就問係邊到買，真係超級好味，皮脆肉嫩加大舊，舊舊都係肉，唔會係似餸頭餸尾。比起係大X樂個啲燒鴨瀨，簡直冇得比，大X樂個啲燒鴨騷味，真係似食緊臭孤瀨粉，清真鴨皮個層脂肪係香嫁！！不過唔食羊嘅朋友仔，記得嗌飯個時一定要嗌雞汁 (咖哩雞汁) ！！！ 如果唔係佢會自動幫你揀左羊汁！！！ 可以試埋個柚皮 ($40)，個樣似白蘿蔔，都幾清新，啲湯汁幾好飲，完全冇苦澀味，食完唔口渴，不過口感似食緊”煙銀”嘅白蘿蔔。…查看更多

見格黎就係地鐵站就入去試下呢間茶餐廳，平時去開上環都係會去孖沙，點知試新野就立即中伏，呢間係比出面茶餐廳平dd，但係唔算話好平，差距最多10蚊，但係食過一次之後唔會再黎！！完全唔值26蚊，自問要求唔高，正正常常就ok，本身冇留意過價錢，間間早餐價錢都差唔多，只係見佢舊舊地，以為老字號，但係食過一次真係嗌哂救命，仲難食過自己煮。火腿通d通粉係”淋”到好似浸死左咁！！凍奶茶飲落去係一杯冇茶味嘅奶水！！咁普通嘅早餐未試過係可以做到咁難食嫁！！最正常係煎蛋。26蚊寧願食麵包都唔食呢個早餐A。…查看更多