elmochui的個人專頁

黎到沙田突然想食牛油蒜蓉雞翼，沿住河邊行行下，搵咗間街坊食堂格局嘅越南菜餐廳見到有個二人餐B有牛油蒜蓉雞翼，就決定唔使諗，就決定叫呢個餐啦軟殼蟹有驚喜！熱辣辣炸起好香口，仲有蟹膏，好正牛油蒜蓉雞翼都炸得幾好食，牛油味好重好香生牛濛粉同香茅雞翼河粉水準都唔錯，份量都好多灼通菜加馬拉盞醬，好似有啲奇怪，但食落其實都OK，冇炒起咁油膩二人餐唔包嘢飲，我哋加咗個青檸梳打餐廳位置都好多，全晚都好多一家大細嚟食，感覺好熱鬧，雖然有啲嘈…查看更多

最近生活繁忙，好想食d香口炸物，諗起都有一排冇黎，今晚決定去良髀食番隻炸髀！一坐低即刻order一人一隻炸髀先，因為即炸所以都要等一陣炸髀小辣即炸出黎熱辣辣，塊炸左既雞皮冇得頂呀，超香脆，啖啖都脆卜卜咯咯聲，但完全唔會炸到過左龍變硬，雞髀仲好多肉汁另一份炸髀加左沙津，係薯仔蛋沙律，好refresh肉碎香辣炒腸粉炒得幾惹味，好鐘意加埋芽菜既口感，但食落就冇咩辣味野飲嗌左杯唔係周圍都有得飲既凍檸賓梳打，好大杯，岩哂兩個人share…查看更多

係長洲小巷行行下比個裝修吸引住，舖頭細細間都企滿好多人，原來係食crepes既，一於試下佢，見到舖頭入面都有幾個bar枱位既我地揀左個Nutella with Banana，因為人多，每份都係即叫即整，店員都同我地講要等大約15-20分鐘拎上手熱辣辣，個crepes都好多料同有紮實感味道都唔錯，因為nutella同香蕉本身都係perfect match🤭…查看更多

難得放長假可以去遠d，咁就一於搭船去長洲搵食啦，據聞長洲熟食中心有兩間茶記都好食，今次就揀左蓮香咖啡岩岩過左lunch時間，唔洗等位叫左個沙嗲紫菜米通沙嗲味岩岩好，唔會太杰身，好香口，仲食到d顆粒感，小小脆脆地既口感米通有小小煙韌既口感，米通索哂沙嗲湯好正，落小小辣椒油更加香，勁快清哂一碗仲有嗌左沙嗲炸豬扒公仔麵炸豬扒都醃得幾好食 ，但叫公仔麵比起米通就普通左小小鐘意食沙嗲湯既朋友試佢地既米通就冇錯架喇😋…查看更多

滑嘟嘟係大埔熟食中心既名物，最為人所知就係佢既芝麻mix花生既糍粑但因為今日食飽左先黎就食唔落，就揀左兩款中式糖水黎做飯後甜品芝麻糊聞落好重黑芝麻香味，食落唔會話太杰身，質地好順滑合桃糊而家唔係好多地方有得食，滑嘟嘟既合桃糊做得好好，成個口都係合桃既清香味，唔會死甜兩碗糖水食落其實都好大碗，價錢好抵食！…查看更多

原本唔太好cheese cake既我，被友人大推家後既餃子，有野做出開深水埗決定黎試下，果然有驚喜！我地嗌左兩款湯餃，一款係韮菜餃，一款係雲耳椰菜豬肉餃餃子包到勁飽滿，個皮唔會好厚，啖啖都係豬肉同菜，好滿足，調味亦都岩岩好湯頭係老火粉葛靚湯，好有家庭味道，可以飲哂成碗一場黎到當然要試下被形容為「被餃子耽誤既cheese cake」啦，嗌番個原味試下果然！真係好好食！好滑好香！完全明白點解個個黎到都會叫😝…查看更多

今日黎到龍門居搵食，行左個圈，最後比呢間炸野炸到好香既港式快餐店吸引停低價錢都係街坊小店既價錢，店員服務態度都好友善凍檸茶茶底唔錯，唔會煲到太溶而有苦澀味呢個餐廳全部都係用出前一丁嗌左個麵餐，五香肉丁紅腸出前一丁，有埋火腿奄列一黎到見到肉丁既份量都比得好多，食極都仲有好多粒，紅腸都煎得好香，奄列既水準都唔錯咖哩豬扒紅腸快餐set港式咖哩撈飯食好好味，豬扒都係熱辣辣上碟，好大份好夠食但餐廳冇正式既座位，都係坐係街上面，咁岩黎開或者附近街坊可以一試…查看更多

太耐冇黎旺中，都唔知道原來旺角都有得食慧食貓，飽飽地都要即刻嗌番個黎食突然好想食漢堡扒，所以揀左個F餐，仲加左$3要埋肉鬆味道都係一如以往既好食，手抓餅都幾脆口漢堡扒既油香配埋餅皮同煎蛋岩岩好$3加既肉鬆都好加分，而且比既分量都好多呀…查看更多

喜歡食米線既朋友都一定會聽過雲家呢個名，之前佢地裝修完，隔左一排終於有時間再黎食喇睇黎風潮都有小小減退，今晚7點幾竟然咁岩有位可以直入豬頸肉蘿白小鍋米線豬頸肉依然係咁好食，同埋份量都比得好多，蘿蔔都煮得好淋，唔會有渣螺旋藻墨魚頭小鍋米線每次嗌螺絲藻都有一種食極都食唔完既感覺，友人形容「一路食d螺絲藻一路生」😂好正，每一啖都可以撈埋黎食墨魚頭都幾有鮮味同彈牙好鐘意雲家既米線比好多肉碎，食到尾都可以成啖肉碎咁食，好正但不嬲食開既小辣今次好似冇咩辣味，下次可能要試下中辣…查看更多

聽聞大埔熟食中心有間平靚正既點心，今日中午過黎試下，假期既午飯時間果然係人山人海，好在店員都熱情招呼幫我地搵到位一坐低就上左壺香片靚茶，茶位一個6蚊之前就可以行出去揀點心喇排骨飯$20呢個價錢比既排骨都算大方，味道都幾好另外仲嗌左鵪鶉蛋燒賣，豬肉燒賣，香茜魚翅餃同埋蝦餃點心既味道都係正常發揮，呢個價錢兩個人都食得幾飽都冇咩好挑剔，除左蝦餃味道比較削，有其他點心揀大家可以唔洗叫同埋想讚一讚個辣椒油都幾出色，大家一定要試下可能我地晏左黎、好多點心都賣哂了，建議大家一早黎會有多d款式可以揀…查看更多

3月尾天氣突然轉凍，緊係想去打邊爐啦，即刻諗起616有二人餐，有齊好多款式既配料又抵食我地今日9點前入座，所以冇夜貓優惠，揀左個升級2人餐，冇記錯佢地仲有個普通版二人餐同四人餐既，如果大家優惠時段黎就應該散嗌適合d湯底就另+20要左沙嗲同青花椒既鴛鴦鍋，616既青花椒湯底係世一架！個辣味真係越滾越正！食辣既係一定要揀呀，拎黎淥菜索哂d辣味！一落完單好快就會上到成枱都係餸，d肉好好食，好有牛味同油香味，特別鐘意日本牛頸脊唔夠飽仲可以散叫多幾碟，另外想讚下616既牛丸同貢丸都好出色…查看更多

星期日中午時間黎到大埔熟食中心，成層都好多人，今次揀左都幾出名既鴻發粉麵。行埋到店前面，姐姐就會好熱情招呼帶位喇，雖然真係好多人，但點都會攝到位出黎😎魚蛋河加色趁塊魚皮未淋相機食完就即刻食喇，仲好脆卜卜魚蛋都好彈牙同有魚鮮味，魚片就正常味道，都彈牙既仲有嗌左牛腩河，牛腩既部位都唔錯既，都幾有牛味，份量都唔少假日想放肆嗌多左份奶油豬🤭焗到岩岩好，好脆口，加埋練奶同牛油，好好食，差d想encore多一份！…查看更多

之前食過將軍澳店，今日想encore就揀左黎佐敦分店，7點幾去到已經企滿左好多人等位，好在同伴一早拎左飛壽司既款式選擇都幾多，但唔知點解白身魚好多都sold out了Hama suchi既茶碗蒸質量真係幾好，呢個滿滿蜆肉茶碗蒸真係食落啖啖都有蜆肉，起碼有20隻以上，推薦！呢個栗子brownie都好香濃但佐敦分店既衛生情況認真麻麻地，有幾碟壽司上到黎隻碟係有d食物既污漬同油油地，嗌左個壽喜燒牛壽司，塊牛係突左出黎hi到條輸送帶，另外嗌左個toro壽司，兩舊toro係冰的，完全未解凍呢間分店真係要重視一下呢個問題，因為上次係將軍澳分店體驗好好多😅…查看更多

黎到有美食沙漠之稱既馬鞍山，突然想食米線，見到竟然有通心米線就即刻想試下，都係第一次行到黎新港城3期呢邊搵食，有條自成一角既美食街豬骨湯炸醬通心米線炸醬份量好多，同豆豉撈埋一齊幾特別仲有好多花生碎乾撈脆皮肉通心米線脆皮肉係佢地既招牌，肉質比較硬身，但塊皮真係好脆口既個人覺得兩碗米線都幾重口味，食完幾口渴另外仲嗌左個小食煎韮菜餃爆滿既韮菜好好食，煎香左既位都幾脆卜卜餐廳位置唔多，但堂食同外賣都不停有人，岩哂街坊黎幫襯…查看更多

今日山長水遠去到西環試雞煲，出左地鐵站行小小斜路就到喇，平日都坐滿哂人，好嘈幾有氣氛，座位都幾逼既一黎就上左個雞煲先，揀左小辣，4個人食d雞既份量都比得幾多，炒得好香好入味之後就上左個好打卡-able既蒸海鮮拼盤，蒜蓉蒸出黎好香，5種海鮮按人頭上，非常滿足，但最正既其實係索哂海鮮味既烏冬金菇呀🤤之後就上燉湯火鍋喇，但可惜我地諗住試下佢既椰子雞煲湯底，但原來要book枱果陣留左先會有，如果唔係賣哂就冇嚕，下次一定要再試下餐廳即場like 社交平台會送手切牛食，質素幾好…查看更多