Donnyckm的個人專頁

上星期去觀塘倫哥為家人慶祝生日，去嘅原因係以前食過都幾好，不過係佐敦個間 ，以為今次都係同上次差唔多，點知今次中晒伏 。訂咗位大概七點半開始， 先食雞煲 ，都ok啦 ，跟住一人一隻鮑魚 ，然後到打邊爐 ，上咗個海鮮盤，裏邊有蝦，帶子，聖子，生蠔，龍躉片，蜆 。份量就一人一隻，一人一片咁啦 。裏邊好多都唔可以refill，只得蝦 魚片 蜆 可以refill ，牛肉就兩個人一碟 ，冇得refill 。要再食就38蚊一碟 。諗住都冇所謂啦 ，有其他火鍋配料可以再叫。點知再叫嘅時候， 啲火鍋配料乜都話賣曬 ，牛柏葉冇 ，魷魚冇，連豆腐都冇 ，啲豆腐只係百福豆腐，都話冇！我哋只係叫咗一輪，再叫第二輪就話冇 ，極之 令人失望， 咁唔好叫任叫任食火鍋啦 ，價錢又唔係平，每人平均要三百幾 ，旺角任食火鍋都好過佢啦， 人哋都係平均 160 ，170 倒， refill 5 ，6輪都仲有。一句講曬 ，冇下次！…查看更多