Ball Ma的個人專頁

今日要去尖沙咀開工，食飯時間真係人多到呢，好在我地食飯時間冇乜限時，最後同2個同事去左厚福街呢間裝修懷舊d既冰室食lunch。選舉困難症最簡單都係叫快餐食。是日快餐都有5款選擇，$45，送咖啡或茶，重點係凍飲免費唔使加錢，只係如果叫特飲就要加$8。三個人一人叫一款，窩蛋免治牛肉飯，茄汁炒蛋叉燒飯，椒鹽豬扒餐。話明快餐，緊係好快有得食啦！碟碟都份量足，椒鹽豬扒好香口，個蛋叉燒飯，個蛋係滑蛋，正，最唔鐘意d蛋炒到全熟，試左2啖同事個免治牛，都好好味！下次要係尖沙咀做野，可以再黎…查看更多

準備開2檔兩天，今日就要點貨準備，4條友快快手點完貨就去搵野食，專登揸車出尖沙咀食飯，一心諗住食完可以去激安殿堂行下，咁近近地就去美麗華啦。泊好車睇水牌，唔知食乜好，已經接近9點，個個都餓到打哂鼓，只要邊間有位就入邊間架喇！點知都係間間都要等位，唯獨pizza Express 好似有機會，普通枱冇，我地見到有bar 枱位，照殺，肚餓到暈。Order 左個4人餐，都幾抵食既，可以叫2個前菜+4個主菜+4飲品。前菜叫左：沙律、蒜蓉包主菜：蟹肉白汁粉（要加錢）、卡邦尼意粉、夏威夷pizza，美國辣味pizza。個卡邦尼一d都唔卡邦尼，好少汁，似普通白汁意粉冇分別，個夏威夷pizza好咸，塊Parma ham好似金華火腿咁咸。蟹肉意粉ok既，但唔值得加錢叫。最正常係個美國辣pizza。…查看更多

難得男朋友今日可以放到假，好耐冇一齊食到lunch，周圍冇乜好食，就去試下呢間新開張，仲貼住試業中既餐廳試試啦！之前裝修果陣，見到牆壁貼左老夫子既圖，我仲以為呢間係老夫子主題餐廳，原來只係普通餐廳。Lunch time 坐滿人，要搭卡位枱，伙記（定係老細）好好人，見我地牛高馬大，雖然要搭枱，但都比張寬少少既我地坐，唔使咁迫。見對面個年青人食緊個焗豬扒飯好似幾吸引，我又勁鬼肚餓。最後決定記食呢個雙重芝士焗豬扒飯，男人話唔太餓，但都叫左個常餐食。佢話味道正常既。但我果個飯，最初食都ok，但越食越口喝，d味越食越濃咁，食幾啖就要大大啖飲啖檸茶。份量方面都係適中既，只係真係味濃左dd。…查看更多

今日拎左d衫去自助洗，但要等三十五分鐘！一心諗住去隔離間小食店食個雞蛋仔或者格仔餅，但點知門口貼左是日休息......！咁我下午茶食乜好呀⋯⋯諗黎諗去都唔知邊到仲有得食，行下行下，諗不如買個雪榚三文治，點知行行下見到呢間「嘆杯茶」，仲要有雞蛋仔+雪榚，合哂我心意！都幾多選擇，1. 首先要選左個雞蛋仔底要咩味先，原味/朱古力/綠茶，2. 朱古力/雲尼拿/綠茶/曲奇/草莓 （另有d味要加錢）3. Topping 可以選2款 ， 我就選左紅豆同棉花糖，4. 再選醬，我又係選左朱古力味。以後可以多個下午茶選擇喇！…查看更多

因為聽日做誕，平日關係人手唔夠，就早一晚去搬定d生果，老媽子話辛苦幾位幫手，搬完生果今晚近近地，就去地中荷里活廣場果間牛涮涮鍋食飯。叫我打去book定枱，點知原來即日係不接受book枱既，要walkin 等位。題外話：要讚一讚荷里活廣場，因為基本上唔使消費都有free parking 既，每幾多月就唔同主題，download 張相都可以free到👍🏻一行五人，19:30到達，慢左十秒，比前面果家人入左先，之後就冇哂大枱，等左十幾分鐘都冇大枱，只有4人枱，最後我地決定分枱，3+2😂⋯⋯叫左$178個set，肉係任叫，其他食物自已出去拎，不過好d肉薄左咁既😂，食埋個乳酪雪榚飽哂，埋單記得長者係有優惠架！…查看更多

日日茶餐廳食早餐，食到都唔知食乜好，久唔久轉下食其他，今日就去左西記粥麵店。老實講，大熱天時真係食唔到熱辣辣既粥，而且本人的都唔太喜歡食粥，感覺好似唔飽咁，好快就肚餓😂😂（個人問題🤪）我多數就會叫個炒麵，加杯凍豆漿，今日加多個煎堆。老媽子就左個豬紅魚片粥。炒麵正常，個粥都滾熱辣辣，但個煎堆就厚左dd。凍豆漿係杯上，但唔知點解要比飲管，呢點真係好唔環保，大家記得記得提阿姐「走飲管呀，唔該」。但d阿姐有機會都係唔記得，層經有個仲覺得好奇怪，呢方面真係要再教育一下！…查看更多

今日要過海做針灸，做完餓餓地，回家搭MTR經過鑽石山站就早一個站落車去搵野食。好耐冇食越南野，就去左越棧食過下午茶。好耐冇黎，但覺得越黎越差，同老爸一人叫左一碗生牛肉湯河。雖然係下午茶者，但唔係得果2片仔牛肉呀嘛，再講，生牛肉喎，上菜黎到同熟牛有咩分別，唯一冇變係個湯底仲係ok。仲叫左個蒸粉包，嘩.....甩皮甩骨咁！醬料變左係自助式，但d枱擺位窄到呢，仲要行出行入去拎醬料，水又要自己斟！實在唔方便。我叫左杯特濃朱古力，個樣就濃喇，但飲落水味大過朱古力味囉！真係以後可以唔使再考慮！…查看更多

聽d friend講元朗新開左間點心店幾正，今日要入元朗做野，於是早d出發，試下去呢間野食個早餐先。果然有驚喜呀！個蒸飯唔止份量比酒樓果d大份，仲好好味，食到有少少荷葉香味，鳳爪排骨飯有陣蒜香味。果小籠包都好正，望落以為皮厚，原來又唔係喎，咬落去仲有湯流出黎👍🏻👍🏻。再叫左蝦蛟、蝦腸，都好味喎，好食過出面d大酒樓多多聲。食食下見隔離枱叫左個椰皇燉奶，好似好正咁，我地都叫左2個凍既試試，一流！呢間絕對推介！一定會再去食！下次要試埋其他點心同甜品（甜品方面我見個名有幾款好似好吸引咁)…查看更多