lucywu的個人專頁

女士無論去到咩年紀都會有粿少女心，最鍾意啲靚靚嘅打卡餐廳。就算唔食得都睇得，同埋食嘢之餘影相又多一重收穫咁。呢一間餐廳Royal Inn絕對係有一種皇室花園嘅感覺。首先就有種感覺嚟到歐洲經過呢個法式凱旋門側邊做放滿滿咗花。黑白色嘅棋子地板、藤椅、太陽傘、大大嘅落地玻璃，全部都係精緻嘅打卡位。我同朋友就試吓食佢嘅午餐，百零蚊有三道菜非常抵食。餐飲揀咗鮮奶咖啡latte同埋凍檸茶咖啡拉花做得非常之咁精緻，凍檸茶甜度啱啱好餐湯係大蒜薯仔湯濃稠到煲得剛好，配襯買熱辣辣嘅牛油麵包野莓香醋沙律呢個沙律非常之咁醒，胃個汁少少甜酸，配襯埋鮮甜兩色嘅蕃茄仔，好似食緊水果咁甜，超正。好鍾意食菜嘅，我都食晒成碟，夠晒健康。香煎北海道帶子配意大利海膽飯兩粒帶子煎得兩面都金黃色，但係唔會過熟。意大利飯煮到啱啱開口，吸收晒海膽汁嘅鮮甜，味道夠晒Creamy ！香炸鱈魚配松露薯條其實就係英式炸魚薯條炸嘢就梗係香口啦，而且廚師炸到非常之香脆。個鱈魚柳嘅漿厚薄啱啱好，熱辣辣包裹住滑捋捋嘅魚肉，好味道！呢間餐廳外內涵兼備，睇得又食得！…查看更多

已經好耐冇過嚟清風街啦，一路都知道清風街好多正餐廳，今日同朋友喺附近經過見到呢一間燒肉店，喺門口已經聞到陣陣燒肉嘅香氣，就俾佢吸引咗入去試一試。餐廳有個午市商務二人餐$399好抵食喎，就一於揀呢個。包沙律、兩個定食燒肉同埋飲品、甜品。坐低冇店員就為我哋送上前菜同埋湯。前菜都有三款非常之吸引，有自家製海帶、韓式泡菜同埋麻油芽菜。八爪魚柚子醋沙律八爪魚肉煙靭爽口，而且帶有海水鹹香，爽脆嘅沙律菜，口感極佳。而且柚子醋沙律汁清新，食起嚟更加之開胃。定食嘅話，我揀咗個角切魚生飯。因為諗住夏天天氣咁熱，食個凍既魚生飯，會更加消暑。而且又有燒肉所以唔想食啲咁熱嘅嘢。呢個角切魚生飯，你睇吓裝得幾滿！材料好豐富喎，有玉子燒、八爪魚粒、三文魚粒同青瓜粒，仲有一大堆蟹籽鋪喺上面。我最鍾意撈埋少少Wasabi一齊食，食起嚟更加刺激。最鍾意佢啲蟹籽爽脆爆汁，食起來更添鮮味。另外個主食叫咗呢個果汁雞肉雞肉已經預先精心醃製好。果汁醃製雞肉更加入味，而且肉質經過果酸嘅醃製後，更加之嫩滑。套餐內嘅超長牛仔骨上枱已經好吸睛，擺盤用心，個牛仔骨長過我哋嘅手臂。呢個燒肉嘅樓非常夠火，燒起肉上嚟更加快熟，啱晒我呢一個心急人！燒過既肉更惹味，牛仔骨肉質軟滑，油脂重，好味道，加埋套餐入邊嘅紫菜飯，真係好好下飯成碗食晒。午餐可以坐低同朋友慢慢傾偈食，享受過程。餐廳抽風設備做得好，食完都唔會有陣味。…查看更多

就算老夫老妻都要平時keep住有情趣，間唔時出去二人晚餐，培養感情。今日同愛人喺K11行完街之後，就想搵一間靜啲比較有氣氛同情調嘅餐廳食餐飯。跟住就發現到呢一間餐廳Lost Stars ，原來佢之前疫情期間喺新蒲崗開過，跟住宜家重新開幕喺尖沙咀商場呢度。餐廳環境入邊就係空間咁比較大，枱住枱之間有足夠距離，同愛人密密傾都會有私人空間。餐廳老闆商將音樂元素帶入餐廳，於是有一個表演舞台係中間，定時會有唔同嘅本地歌手駐場夾band 。情侶間如果想鋸扒就可以嗌佢嘅晚餐set ，$288包一個湯、牛扒同埋飲品（可選擇紅酒或者酒精飲品一杯）。是日餐湯係薯仔湯個湯打到非常之誘惑，完全冇粒粒，仲好Creamy添。肉眼扒我哋選擇咗五成熟，下邊墊左南瓜、番薯，濃密嘅肉質伴碟。肉眼扒嘅牛肉肉質非常之稔，嫩滑食到佢平均既油脂香。記得要點埋佢個肉汁，非常之夾。外國人最鍾意食薯條，咁就點一個比我嘅愛人食呢個黑松露薯條。薯條炸到好香脆，上邊放咗好慷慨嘅黑松露醬，入口更加之香！仲有買芝士粉俾你配添層次味道！忌廉蟹籽日本帶子雙色意粉你可以見到佢係黑色墨魚汁闊條麵，配普通闊條麵，黑白交配，互相輝映。個忌廉汁濃稠適中，可以令到汁掛咗喺每一條面上面，而且配襯埋脆卜卜爆汁嘅蟹籽，估唔到咁夾。帶子煎得兩面金黃，啱啱好熟，口感完美。浪漫嘅約會梗係唔少得兩杯酒精嘅飲品一杯 Long Island同埋一杯Versace On The Floor為約會增添上完美嘅句號。…查看更多

今日同媽媽嚟沙田新城市買電器，買完風筒之後望到對面有一間烤魚店，叫做探魚。個名非常熟悉，上網一搜尋就發現原來佢係一間內地人氣超紅嘅烤魚店，所以就一於去試吓。原來佢午市11:30-17:00都有做呢啲限定一人餐已經包括一份烤魚、飯同埋任食冰粉，順理成章就一於嗌咗兩份嚟嘆吓。辣嘅香辣烤魚味就俾自己，媽媽就食金銀蒜香味。老人家最鍾意飲茶，呢度有個自助茶水，可以攞獨立嘅菊花茶茶包，沖茶俾媽媽飲。另外再叫咗個小食，芥味海茸$48又脆又爽口，Q彈，有少少芥辣味同甜，而且佢營養價值好高，低卡兼低熱量，啱晒減肥肥女士或者老人家食。易燃易爆小吃天團$68係一個炸物嘅拼盤，有炸雞、炸酥肉、炸金菇、爆谷同埋炸淮山。個炸雞真係做到鮮嫩多汁，小酥肉非常酥脆，最驚喜係個炸金菇，重重椒鹽香。兩個烤魚都好好味，中間有一條超長超大嘅無骨烤魚柳，好嫩滑，怕食到魚骨嘅我都輕易食晒成條魚柳。嗰啲配菜都選擇得非常恰當，有豆皮，豆腐、娃娃菜，呢啲全部都好吸味嘅食材吸收晒湯嘅精華。食如果覺得辣都唔使怕，因為佢有自助飲食嘅冰粉區，俾你任加配料，食好多碗都唔使怕。自己DIY都非常之好味，佢入邊有一啲配料好特別。爆破燕麥米非常之煙靭，好味道！仲有滋補養顏嘅桃膠。個人最鍾意加一啲桂花蜜落去，甜甜唔使帶有花香，我總共食咗兩碗。…查看更多

其實宜家打邊爐已經無時間分啦，我地鐘意幾時打就打，早午餐都打邊爐又得：）同阿爸喺旺角行過呢一間快樂小羊，見到佢嘅午餐餐牌超級抵，最平連加一其實$100有找!佢嘅單人火鍋餐，分咗三隻價錢$68、$78、$88，配唔同嘅肉俾你揀。二人或以上，個湯底仲會自動免費升級去鴛鴦鍋，可以揀兩款唔同嘅湯底添！由於有老人家，所以我哋都係揀咗一個辣一個唔辣，養生清湯同埋香辣濃湯。其實兩個底都係好似，只不過香辣湯底加咗啲辣油。養生清湯飲落比較甜，有少少藥材，你會見到有紅棗杞子等！香辣濃湯就啱鍾意尋求刺激嘅年青人！個午餐已經包埋喺自助蔬菜區任拎蔬菜同埋配料區混醬。淨係蔬菜區都有成10款食材選擇，點會怕唔夠飽呢？咪以為跟餐嘅肉類，佢就會俾啲cheap嘢你!見到呢兩碟肉都係非常之高質嘅！圖一係羔羊上腦肉食落味道一啲都唔會蘇，而且肉質非常嫩滑，但有少少油脂香！圖二極品西班牙黑毛豬肉你見啲豬肉有好清晰嘅大理石油花，味清不燥！肉味濃郁唔加任何調味料都已經好好味。個套餐仲包埋下方嘅小食拼盤入邊有金菇，響鈴，午餐肉、鱈魚柳、雜丸等，其實真係已經好豐富。不過同老人家出嚟午餐，就一於加多少少錢有多啲餸，等佢開心吓。鮑魚已經清潔好乾淨晒，放落滾湯嗰度十幾其實已經食得！唔好過耐啊，如果唔係肉質會變到好韌㗎。上牛脊肉，強烈推介，味道極濃，口感佳！套餐以外，額外加配嗰啲食材其實都好抵，十耐廿蚊都有交易。佢而家仲做緊額外嘅特價，全日$18都可以加配佢一號肥牛或者A級羔羊肉，真心抵到爛！今餐老豆食得好開心，你哋都快啲同埋屋企人嚟試啦！…查看更多

其實我哋啱啱去完泰國旅行返嚟，喺嗰邊已經食咗勁多泰菜。就係因為太好味，所以今晚都想再食泰菜。喺酒店附近行，見到旺角豉油街呢度有間水門雞飯，門口有條龍，於是就一於試吓。不過費事等，所以買外賣返酒店食。買咗咁多嘢食，都係$300零蚊到，好抵食！話晒水門雞飯，梗係要嗌佢個signature試吓啦。個雞肉真係皮脆肉嫩，連埋皮食一啲都唔會覺得肥膩。油飯粒粒分明，味道恰到好處，配埋個雞飯醬真係非常惹味！啖啖肉嘅串燒梗係唔少得啦……叫咗呢個串燒拼，有雞肉同豬肉。雞肉同埋豬肉都醃到好入味，帶香茅香，食嘅時候當然要點佢濃滑重花生香嘅沙嗲醬啦！串燒魷魚$45兩大隻。我覺得係超值。佢個魷魚燒到啱啱好，唔會過熟，所以唔會好似擦子膠咁un。食落反而覺得脆口，容易咬斷！所有燒物記得要點佢個醬汁，一絕！泰式炒通菜食泰菜梗係要食炒通菜少少蝦醬嘅香，炒出嚟仍然保持翠綠！而且有啲蒜頭麵豉同辣椒，就更加出味！估唔到呢一間水門雞飯同泰國食嘅都一樣咁好味，掛住泰菜，但冇假期出國嘅話都不妨一試！…查看更多

今日去諾士佛台同朋友食午餐，上咗嚟8樓呢一間韓國餐廳啤啤Bear。餐廳非常之玩味，型格新潮，年齡都即刻降咗10歲。𨋢門一打開，已經見到佢呢一隻主題熊迎接我哋。再行過條走廊，就好似經過韓國地道嗰啲橫街窄巷咁，有啲招牌霓虹燈，非常之有特色。即刻有種去蒲，要去啤啤佢嘅感覺。佢裝修設計都好用心，比呢啲街機圍住，跳舞機、拍子機、籃球機、食鬼機等。要飲酒嘅話，當然要食炸雞！其他一啲地道嘅韓式菜，呢度都有提供，好似蛋卷、炒年糕、泡菜餅等。Butter Garlic韓式無骨炸雞$158最鍾意食無骨嘅炸雞，食起嚟比較有儀態。唔使lur骨咁麻煩。呢個炸雞炸到非常之脆，食起嚟仲非常之重牛油嘅香味。見到佢上邊有啲蒜頭粒都知道好香。食起嚟雞肉非常嫩滑，真係最啱送酒。黑松露醬配薯條$48冇錯，主角就梗係個醬！熱辣辣脆卜卜嘅薯條點上濃滑嘅黑松露醬，非常之香口。食完一條又一條。芝士鐵板黑松露炸醬拉麵$98呢個面真係不得之了非常之好味，一定要嗌！禾稈冚珍珠，人隻太陽蛋下便有一大pat黑松露醬！放喺Gas爐嗰度，一路燒溶啲芝士一路將佢同啲炸醬麵撈勻，超正！好入味！辣炒小章魚泡菜又少得呢？咁就叫咗呢一個韓式辣醬炒小章魚。呢章魚仔非常之爽口，撐開成把遮咁樣可以黐到有好多韓式辣醬汁！個汁好正，甜甜地少少辣！燒酒梳打就算你唔飲酒嘅，其實呢一個都好啱，因為酒味一啲都唔重，而且飲起嚟特別清爽清新。兩個人叫咗咁多樣嘢，仲有埋飲品，都係三百零蚊，非常之超值！…查看更多

其實喺香港我帶住個西人男朋友食飯大把好選擇，因為只要滿足佢無骨、啖啖肉既要求，佢咩都肯食。今日滿足到我少女心追粉紅色既要求，又可乎合佢既就係喺V Walk既Moto Mala！粉紅色嘅餐廳已經勁吸晴，加埋呢啲咁得意嘅卡通印咗喺門面，咁就試吓佢嘅午餐。佢呢度好關注到一支公嘅感受，可以叫一人份量嘅酸菜魚、水煮食物同埋麻辣燙等。因為我哋啱啱同父母飲完早茶，所以就嗌咗一個套餐嚟share 。透過二維碼下單，方便快捷又清晰。套餐已經包咗一個酸菜魚白飯同埋前菜，嘢飲就要叫。是日涼菜麻辣蓮藕丁蓮藕切到細細粒，再撈咗秘製嘅麻辣醬汁，你可以見到嗰啲花椒粒同埋乾辣椒碎，，食落口微辣，但爽脆，係一個最好不過嘅前菜！炸雞翼外國人最鍾意食炸嘢，而佢嘅炸雞翼非常之脆，咬落去颯颯聲！入邊嘅肉好入味道，男朋友兩隻自己隊晒！酸菜魚放喺金色嘅食物架上，便用蠟燭慶熱住！份量好大，所以我哋兩個人細細食分享都夠。話見到嗰啲酸菜魚上面滿佈住炸蒜，已經聞到勁香！魚肉片嘅份量，非常之慷慨。重點係冇骨，而且肉質非常嫩滑。我哋揀咗唔辣，酸酸鹹鮮，好開胃，唔覺唔覺隻食晒成碟！個湯都可以飲埋，下次我一定要再試埋佢嘅水煮菜式！而佢呢一杯手打檸檬茶都非常之咁出色，我坐住喺吧枱前面見住個店員用手親自用工具打嗰青檸，比起普通檸檬茶更加之香，好好飲！如果食埋辣嘢嘅時候飲，就更加之適合，夠晒清新！呢間餐廳食物有一人份量，仲要咁有心，上枱都咁精緻，真係好值得黎。或者外賣返屋企都仲得添！…查看更多

越式法包喺越南食過，通常都係喺街邊小販檔，感覺都唔係好衛生，因為啲材料放晒出嚟。但呢一間餐廳喺灣仔，就一啲都唔同，非常之衛生乾淨。佢舖頭入邊嘅座位唔係好多，只有大約四個位，通常啲人都係買走外賣去食，諗吓諗吓其實買佢去野餐都係一個唔錯嘅選擇。叫咗呢一個卡式嘅選擇有啲醃咗嘅雜菜絲紅蘿蔔、洋蔥，仲有一片片嘅扎肉，食起嚟非常之咁清新，冇咁飽肚嘅效果。而且法包烘得超級脆，配襯埋爽脆嘅蔬菜絲，就飯重嘅享受。Philly Steak呢個係期間限量嘅選擇，係咪睇到個樣都覺得好邪惡但係又好吸引呢？我諗男士會比較鍾意，我男朋友愛呢一個就係因為佢超鍾意芝士又鍾意食肉。一片片醃好咗嘅牛肉片，調味惹味，富有焦香嘅燒烤味，融化咗嘅芝士配襯埋佢個法包超正！呢一個脆薯寶大家都一定要叫，佢每一粒薯寶都炸到好趣，外脆內軟，而且點埋佢個辣嘅蛋黃醬，有少少蒜辣香味，好合襯。…查看更多

前菜粟米個粟米烤得有少少焦香，水份蒸發咗之後，食起嚟特別香甜，配襯埋酸酸辣辣嘅辣椒油醋汁，食起嚟特別醒神開胃。意式辣椒油泡魷魚同雜菜用初榨橄欖油去油浸嗰啲魷，魚所以煮起嚟唔會過老，火候啱啱好，texture wise perfect，唔係好多花式既seasoning，但簡簡單單又幾好味。個pizza個底好似有d over，食落陣陣燶味，salami有好多塊，個餅底厚薄其實都岩岩好，不過真係燶左dd，你見到佢個角都好黑就知。其實之前都係呢一間餐廳食過啲Pizza，唔會咁過火，可能今次一時失手。…查看更多

星期六日有時晏起身，通常都會同朋友去食早午餐。咁食brunch就99%係食西式，而西式中有信心之選、價錢又中等嘅，我諗到係Wooloomoloo。佢嘅Brunch每人$248有三道菜，有一個前菜、一個湯同埋一個主食，仲包飲品添。如果你嫌唔夠喉，可以另外加錢$180任飲酒精類飲品兩小時。Crab Cake正，超級鮮甜，包住一絲絲嘅蟹肉，配襯埋簡單嘅沙律菜，蟹餅本身熱辣辣整起，非常之吸引。茄子蕃茄他他呢個賣相就非常好，但係食落就除咗清新之外，就冇乜特別。噱頭嘢多，睇起嚟好矜貴咁，但係只不過係Chope左嘅蕃茄、茄子配襯埋一條好見好美味嘅麵包片。Filet Mignon 佢塊牛扒生熟控制得非常之好，我要七成，佢就真係七成，入邊帶微粉紅色，外邊焦焦的。配襯埋佢嗰個紅酒汁同埋一啲鮮菌類，份量唔多但係足夠，正！二百零蚊可以對住個維港食午餐，我覺得已經係超值。食物質素有保證，服務亦都非常之殷勤及有禮貌。…查看更多

就嚟要去英國，所以就一定要盡快喺香港食盡晒唔同國家嘅美食，我深信其中一個我最會掛念嘅就係辣嘅四川/重慶菜，因為我係一名辣妹。所以今日放咗工之後，同男朋友嚟到又一城嘅劉一手重慶麻辣火鍋食返餐勁。跟住我哋選擇左鴛鴦鍋。食辣就梗係要叫佢嘅招牌麻辣湯底，我哋揀咗中辣，見到佢一大塊嘅辣油慢慢咁樣溶喺湯底入邊，真係又刺激又興奮。用過匙更一撈就知道佢個湯底係有好多款唔同嘅香料攪碎製成，花椒、香葉、辣椒乾、辣椒碎等，所以食起嚟香又麻又辣。咁就算好似我男朋友咁唔係咁食得辣，都可以選擇一啲唔辣嘅湯底。我哋就選擇左椰子雞鍋，因為食起嚟比較舒服清潤，你見到非常足料，有一嚿嚿嘅椰子肉同埋新鮮雞件。雜錦海鮮拼盤袋一個用層架上嘅海鮮拼盤係非常之吸引，海鮮足足差唔多有成10款，魷魚、蟹棒、生蠔、蜆、帶子、蝦、脆肉鯇片。每一款海鮮都好新鮮，即叫即開殼。而且啲鮮蝦上枱嘅時候，佢地扎扎跳喺度掙扎，所以話食起嚟點會唔好味呢？樣樣都非常之鮮甜。帶子大大粒厚切。生蠔其實根本生食都得添🤣所以滾嘅時間唔使長，10 0秒已經食得。最鍾意海蝦超級鮮甜，肉質爽口彈牙。如果唔鍾意mock殼既朋友可以考慮叫佢呢一個明太子鮮蝦滑，非常之值得叫！蝦滑入邊混合左一粒粒嘅明太子，所以本身蝦肉爽口再加上明太子一粒粒咁在口中爆發，又有另一番層次嘅滋味。食麻辣湯底又點可以少咗叫鴨血？佢唔會太吸收辣味，但係食起嚟超級滑，Sir一聲好似食豆腐咁。最正係牛丸，彈牙有油粉同肉汁係入邊，牛味重而多汁！呢個蔬菜拼盤簡直好似花藝甩牙廚師將佢擺貨架好似一個小型嘅木箱盆栽咁樣油膏志偉咁樣排列亦都有好多選擇你諗唔到嘅蔬菜都可以喺邊一個盒子入邊搵到，娃娃菜、窩荀、粟米、菇類、冬菇、豆腐、生菜等。食緊辣火鍋嘅時候，梗係要叫啲涼茶飲下。佢啲涼茶全部都唔會太甜，又會有清熱嘅效果，飲起嚟特別解辣消暑。喉嚨特別舒服，我哋就叫咗菊花蜜同埋竹蔗茅根水。食完呢一餐大滿足，希望下次返香港嘅時候又可以再食。…查看更多

喺赫德道酒吧街飲完Happy Hour之後，諗住搵嘢食…..點知街口行到尾到轉角就發現到有呢一間日本餐廳-八海山。就算唔係連鎖式嘅餐廳，佢都主打一啲空運日本貨，而且仲有好多日本清酒選擇可以飲，岩曬一大班朋友嚟。坐低後，店員就熱心咁樣為你奉上一杯熱茶同埋前菜中華沙律。忌廉薯蓉餅呢個炸餅做得非常好，佢入邊嘅忌廉薯蓉磨到非常之幼，食落好Creamy。佢既外層脆脆，薄薄嘅麵包糠炸得顏色金黃，火候控制非常之準確，兩者啱啱成為強烈嘅對比，口感豐富！雜錦魚生拼盤呢個拼盤好好，總共有六款嘅魚生俾你去試，夠晒豐富。包括赤身吞拿魚、海膽、大海蝦、帶子、八爪魚同埋劍魚。全部嘅魚生片都係厚切，所以食起嚟特別重魚味同埋油脂香，所有嘅海鮮都非常之咁鮮甜同好味。食完生嘅魚生，今日梗係試吓熱辣辣脆卜卜嘅天婦羅啦。叫咗呢一個雜錦天婦羅，都有好多唔同嘅袋材，有蘆筍、矮瓜、冬菇同埋海蝦。睇佢嘅火候控制已經掌握得爐火純青，而且佢個天婦羅夠晒薄，所以食起嚟唔會覺得油膩，反而可以食到本身食材嘅鮮味！牛油焗帆立貝見唔見到佢呢一個碟上面嘅汁？就係有濃郁嘅牛油香氣再加埋帆立貝嘅海鮮甜味，簡直係一級帶子肉，厚肉已經清潔咗，所以食起嚟非常之方便。但係最好味嘅就係碟上面嘅雜菌，吸收晒呢一個汁嘅精華。香蔥蝦肉蛋卷其實煎蛋都幾難！要煎到好似佢咁樣金黃色，都好講求技術。仲要入邊包住左一層嘅蝦膠，所以都好花功夫，值得欣賞。牛肉湯烏冬烏冬當然係日本貨，食落爽口彈牙、配襯埋一啲嘅海藻令個湯就更加昇華。完左鹹點，最後都叫咗一人一球雪糕作為呢一餐嘅完美結束。…查看更多

做開搞手嘅我，其實我知道同一大班朋友食飯嘅困難係有好多…….就得時間之餘，又要就每個人嘅喜好，所以今次選擇泰式西餐fusion。咁就可以省卻一個煩惱，滿足更多人嘅願望。叫咗一個二人餐同朋友share，只係需要$398，非常之抵食！已經包咗自助沙律吧、兩個餐湯同兩個主菜加兩個飲品。佢嘅自助沙律吧種類都幾多，有蔬菜、薯仔沙律、南瓜沙律、紅菜頭沙律？韓式醃菜、泰式木瓜沙律、鮮雜果同海鮮類等。食完一轉都飽飽地🤣最鍾意佢嘅鮮雜菜沙律，可以自己加凱撒沙律醬，脆煙肉粒同埋麵包粒。佢個海鮮凍蝦亦都非常之好，肉質爽口彈牙。餐湯一人一碗，可以鍾意叫乜就選擇嗰樣，所以我哋叫曬個椰子雞湯同埋泰式冬陰功去試。泰式冬陰功酸同辣都得非常得，入邊仲有啲大蝦同埋青口等，非常之足料！椰子雞湯就當然椰子味較重，飲落比較清甜，對於喉嚨就較為順喉。大家都一定要加$108可以要埋呢一個小食拼盤！入邊足足有六樣小食，非常抵食。小食包括有泰式蝦餅、單邊蜜糖雞翼、泰式春卷、巴拿馬火腿拼蜜瓜、煙三文魚米紙卷同埋泰式鳳爪。我最鍾意佢個炸春卷，出邊炸到好似一個網狀，咬落去非常之鬆化，入邊嘅蔬菜好滑同多汁。單骨雞翼就梗係非常之方便啦，食起嚟外皮揸炸到好脆，配襯埋蜜糖檸檬咁樣非常之咁醒胃。蝦餅啖啖肉，加埋泰式雞醬，傳統之作冇得輸！三文魚米紙卷同埋巴拿馬火腿拼蜜瓜就喺凍食，食起嚟非常之咁清新，夏天食一流。泰式紅咖喱豬鞍加寬條麵成塊T骨牛扒咁樣上碟，就更加吸引。慢慢加入紅咖喱汁將豬扒同埋意粉融為一體！吸收晒紅咖喱汁嘅辣同埋椰香味，嗰種香濃非常之配搭！而且豬安嘅肉質較為滑，食起嚟Juicy同埋肉質帶少少粉紅色，好相襯。佢呢度嘅意粉蛋味特別香，而且彈牙，似係自家製非常之用心係咪估唔到食漢堡包都可以配咖喱汁呢？呢個有幾咁創新喎！雖然其實最後我都係拆開嚟食，但係上枱就好過癮！我哋就慢慢將黑色嘅竹炭麵包搣開細塊，點一啲咖喱汁就好似平時人哋食餐包咁樣。嗰隻殼蟹呀其實都非常之肥美又有帶一啲糕添！我諗以後大家都有多一個選擇啦？呢一間餐廳位於尖沙咀，都算係中間嘅地鐵站，方便大家約人。…查看更多

住將軍澳咁耐都未試過呢一間樂園魚蛋粉，今日就決定同老公試吓。因為時間關係，趕住返屋企湊小朋友。我哋今次只可以叫外賣。我哋冇點最出名牛三寶，反而點左好正常嘅牛腩麵同墨魚丸雲吞米線。首先牛腩麵，份量適中，牛腩都好入味但瘦咗少少，啱晒驚肥嘅女仔食，湯底就好濃郁，有啲牛雜味！。墨魚丸好彈牙，仲食到啲墨魚粒喺入邊！雲吞就包住大大隻蝦，豬肉嘅組合肥瘦適中，皮薄餡靚！我哋仲叫佢跟咗醋同辣椒油，不過辣椒油只係得油冇渣，但辣勁十足，配埋個湯底味道一流！下次一定要再試吓其他小食，值得推介！…查看更多