kevincat的個人專頁

食物可以，service 非常一般！main course 要等成一個鐘以上我覺得不能接受，大人仲可以等，小朋友嗌晒肚餓！價錢真心有些貴，偏中環價錢！枱細，茶餐廳卡位大嗰佢！泊車沒有優惠！嘢食係可以，但細份，男士或者share可能唔夠！…查看更多

門口見到員工件衫寫住用心去做，咁咪入去試吓，點知又係去咗間地獄餐廳！叫咗個兒童餐有薯條，第一口薯條咬落去凍，心知不妙，同夥計講話個薯條凍，佢話幫我整熱佢，1分鐘之後個薯條真係整熱咗，果然高效率，但係搵鬼食咩，你攞個微波爐去叮！到我個主菜，咖喱雞扒魚柳飯，我諗佢咖喱汁應該唔係好夠，溝水！魚柳同雞排一樣，搵微波爐去叮，應該所有嘢之前整好晒！點解我連續兩日都去咗地點餐廳！…查看更多

首先本身係買一啲好簡單嘅食物！腸粉加燒賣入到去問腸粉點賣，佢話自己睇過牌，哦！$10-3條……$16-6條我就同佢講要九條，佢話$30！我問佢點解，佢話$10有3條，9條咪$30！我就話你都好有道理，我唔知你個腦諗乜嘢，我淨係睇住個餐牌嚟叫！佢睇完個餐牌之後冇嘢講！我話加多5粒燒賣，放埋一齊喺個外賣盒！返到屋企諗住享受腸粉燒賣，點知腸粉唔夠熱，燒賣直情係凍，我要攞去反蒸！如果你咁冇心機去做，覺得腸粉燒賣搵唔到錢，你就咪鬼去賣！食到我小朋友肚痛，我即刻去保食環署！不知所謂！…查看更多

要喺藍田呢個地方突位而出，無論價錢和食物都一定要合理！首先講吓食物方面，今日叫咗個招牌滑蛋叉燒飯和鮮茄濃湯豬軟骨通粉！因為係招牌菜所以我對佢過叉燒，滑蛋，飯底都有些期望！不過仍然都係失望！首先講吓叉燒，完全冇一點肥膏（即係幾齋下），滑蛋其實做得可以，但同徳田茶記冇乜分別，多啲油咁解，飯底就冇乜野好講！整體來講，你個招牌菜可以用平平無奇來形容！價錢相對來講都唔係平，雖然藍田人均消費係上升咗，但正正因為藍田嘅人食開平，靚，正，所以呢間餐廳只會吸引到新搬來嘅藍田人， 或者外來人！…查看更多

其實石門開咗好多間食肆，要喺呢區突圍而出除咗食物要夠特別，仲要有heart!喺石門已經食左好幾間，冇乜特別好食，直至今日去咗沙田友茶餐廳，覺得食物真係過得去，所以寫少少食評！今日叫咗秘製蔥油雞扒飯，焗豬扒飯，再加個班蘭蛋撻，再整杯熱奶茶和茶走。豬扒飯食落一搬，白飯做底，仲以為焗飯會好熱，真係有些失望！反而個秘製蔥油雞扒飯就幾突出，雞扒炸得好香口，亦都幾juicy，只係個飯底麻麻地！第一次食班蘭蛋撻，覺得唔錯，不過就甜左少少，但係勝在夠熱，坐喺度都唔夠45分鐘，已經出爐兩盤蛋撻，睇嚟好多人幫襯，不過要$10一件，性價比一般般！我會試多次！…查看更多

自己一向都鍾情台灣美食，見到三星沙田有分店，即刻去試吓。星期六lunchtime時分，等左30分鐘，終於有得入坐。今次叫咗個招牌三星麵加紅燒湯底，滷肉飯，再叫個鹽酥雞！三星其實就有牛根，𦟌，肚。紅燒湯底剛剛好，唔會好濃。牛根，𦟌，肚好淋，有咬囗！滷肉飯就正正常常，不過個飯底太濕！鹽酥雞就必食。唔太鹹，感覺啲油好新鮮！…查看更多

可能有腐皮，員工態度有些改進！食嘢不嬲都覺得幾好，只是第一次去佢哋唔夠人做嘢，我叫極都無人應，覺得有啲炆。食物方面今次叫咗蕃茄鮮魚湯雞扒湯飯，魚湯味道濃郁，不錯不錯。快餐方面，通粉正正常常啦，個炒蛋就做得幾好。整體食物滿意，態度有多啲笑容，呢間餐廳會好忙！…查看更多

午餐不錯嘅選擇！冬陰公豬頸肉金邊粉，水準唔錯，用料十足，又唔係話太辣！我完全唔識辣都可以食到。沙嗲焗雞扒飯，幾嘢未，炒飯底，雞扒都係煎個先攞去焗。不錯不錯！仲有即磨咖啡！…查看更多

入去坐低叫兩杯熱野飲，叫碗剩雲吞（得5粒）！雲吞水準慘次！成為$105！諗住坐低飲杯野，中曬伏🤦🏽‍♂️🤦🏽‍♂️🤦🏽‍♂️！我諗佢哋都唔係想做香港人生意，不過都唔應該咁樣當遊客，影衰晒香港人！…查看更多

今日午餐想食上海小籠包。 上網做下research，奈何大圍沒有，只有一間食鍋貼和生煎包。不妨去試試，試後就決定不會再試。點左份鍋貼，生煎包，黐飯，鹹豆漿。鍋貼同生煎包一早已做好，只是放在熱窩爐中興熱，可想而知係油淋淋。鍋貼既皮已經變硬。鹹豆漿簡直係同毒品一樣，不可一試！黐飯完全係冇味道的。真係後悔去咗呢間嘗試。…查看更多

Yoga 後找野食，不知不覺地行到亞士厘道。選了好幾間都無心水。當行到一間土耳其菜，雨就開始下來，心想很久都沒有食土耳其roll，見間餐廳無乜人就進去。坐下點了lamb shish roll 加 falafel  plate. 5分鐘先來一蝶Falafel plate 當前菜，味道不錯。之後再來主菜 lamb shish roll，羊肉不so，肉質鮮嫩，加上自家製醬汁，真係 surprisingly good. 值得推薦。…查看更多