JessicaJennifer的個人專頁

鋪頭主題行型格路線如果唔係同行友人話想試依間我可能都唔會專登過黎始終對女士黎講唔夠打卡able Haha😂🤍Tofu Salad Bowl 賣相十分之吸引🤩個黑芝麻醬幾特別 估唔到又幾夾個bowl 豆腐好滑 雞扒略嫌煮老左少少🤏🏻溫泉蛋熟度處理得好好 抵讚👏🏻成個bowl份量都幾多記住要撈暈啲醬先食食完感覺好fresh同好健康🤭🤍Hot Matcha Latte其實叫錯左應該叫凍會好啲因為熱飲個苦味會太出飲得出係用靚既抹茶🍵都係正正常常啦🤍Cold Mocha 同行朋友叫左杯Mocha 味道就中規中矩啦😗味道✨ 7.5/10 價錢✨ 8/10 服務✨8/10 環境✨7/10 回頭率 6.5/10…查看更多

難得出黎深水埗就係個頭食埋個lunch先走係ig見到其他人推薦一於試試佢平日中午1點半左右到鋪頭已經有6、7個人排緊隊應該係因為我一個人排 所以排左15分鐘都冇就入得去店鋪有啲淺窄 行入去個陣要小心啲🫣嗌左最多人推薦既蟹膏蕃茄湯檬 $60湯底飲落都好鮮甜既材料鋪滿晒係面有蟹膏餅、豬紅、豆卜、扎肉、芽菜、生菜、成個蕃茄、香菜個人覺得豬紅同蟹膏餅最出色👏🏻豬紅索晒啲湯汁，一咬有爆汁feel蟹膏餅夠厚夠大份 又鮮甜檬粉食落就唔太似平時食開個種感覺有啲似食緊幼身米線😅成碗其實都幾大份最後係食唔晒另外嗌左兩舊糕點芋頭味 ($7) 同榴槤味 ($9)中意食榴槤既話都值得一試👍🏻芋頭味中規中矩啦 🤔味道✨ 6.7/10 價錢✨ 6.8/10 服務✨7.5/10 環境✨6.5/10 回頭率 6/10…查看更多

本住試晒hysan 11f foodcourt 未食過既餐廳既心態今次就試左依間越南菜叫左最貴既越式至尊湯河($72)聽個名幾grand咁以為有好多料啦～依張係我將d料拎晒上面洋蔥一堆芽菜扎肉2塊叉燒2塊半生牛肉3、4塊牛丸 1粒扎肉同叉燒正正常常半生牛肉有3、4塊係因為已經散先好似好多咁 仲要d肉有d「妹」...最唔掂係個牛丸一粒分左4份都算仲要勁大浸雪味 少難頂河粉份量就好多 但我搵到有幾條明顯深色好多既河粉...似係煮左好幾碗先撈到佢地落我依碗度咁見到唔太開胃 個湯顏色幾深 以為會幾濃但就係一個好清既湯亦唔係特別好飲$72係其他越南餐廳食可以食到更多同更好味 …查看更多

返工放lunch去左Hysan 11樓foodcourt食早幾日嗌完韓國野先發現依間台灣野係最入個陣見到個menu都幾心郁郁一於今次試試佢本身想食雞脾可惜得炸 好彩仲有一個滷雞扒既選擇滷雞扒便當＄64佢地係用仿竹製既飯盒裝住 幾有台式風味所有既配料都鋪晒係面 一覽無遺除左滷雞扒之外都有唔少餸有半隻滷水蛋 菜脯 粟米炒肉碎 炒椰菜 炒粉絲個人黎講唔太好全熟既烚蛋 但佢地滷得幾好食 我竟然會食晒我見之前d食評都係娃娃菜 今日既係椰菜有d切到都幾大塊 可以細塊d岩一口size就好 味道正常啦 冇咩好彈估唔到粟米仲會加肉碎去炒 撈飯食好正 有口感 仲要份量都幾大方炒粉絲好食！如果可以出粉絲代替埋飯就正 又低GI要讚既係 菜脯整得幾出色！有少少香辣、又爽脆 每粒我都好矜貴咁食講真 幾願意為左個菜脯再食到最後講下主角滷雞扒都算大塊幾入味舊雞亦冇滷到好老飯量睇落得2cm左右厚度我就覺得食完好飽男仔可能就冇咁夠跟餐有野飲跟有3款揀 阿薩姆紅茶 烏龍茶 仲有一款唔記得咩黎我就揀左阿薩姆紅茶（＄0）飲落有d甜甜地 而且都幾大杯 同出面飲一杯手搖既size差唔多有得揀凍仲唔洗加錢最後我飽得濟都飲唔晒飲淨1/6埋單＄64 係foodcourt食都冇expect會有咩服務 所以冇點留意 都比唔到咩comment但野食真係值得一讚…查看更多

上一次經過鋪頭見到門口貼晒d餸既相已經好想入去試下可惜冇咩時間見今次大把時間一於入去食啦當時晏晝一點幾撞正lunch time 都有d爆場叫左個小辣既麻醬雞絲粉皮好耐冇食譚仔 如果用譚仔黎比 我估大概3－5小辣左右？同埋因為加左麻醬我覺得就唔算話真係好辣雞絲既份量都唔少唔係得幾條 而且都滑唔柴一上檯既時候睇落幾細份咁但因為麻醬有d膩最後我都食剩左d粉皮跟餐可以加＄5有杯凍豆漿都冇咩特別 同平時既豆漿一樣下次再試既話我會叫中辣試下…查看更多

同朋友過左9點先到埗，好彩職員都比我地入去之前未黎過，如果唔係朋友有車應該都唔會突登黎咁入食飯為左唔阻職員收工，同朋友快快手揀野食本身想食芒果軟殼蟹米紙卷，可惜冇晒了>_<嗌左鮮蝦金柚沙律金柚幾清甜，一上檯冇奈已經比我食左一大半份量比我想像中多，都開胃食泰菜一定要嗌生菜包！依度既肉碎炒得唔錯，份量都多，用晒生菜都仲有半碗肉碎剩然後叫左碟青咖喱雞，見menu講得青咖喱係辣，不過都唔夠肉碎生菜包辣，算係偏甜雖然睇落好細碗咁，但都有唔少材料除左雞肉，仲有泰國茄子、四季豆、荔枝啲荔枝好甜食咖喱一定要加薄餅，可惜職員話印度師傅今日放假，唯有叫蒜蓉包頂替有三大長磚，沾滿咖喱我覺得都幾好食既希望下次黎食可以試到薄餅啦～最後上檯既係炒金邊粉依個有少少失望了炒得太乾唔夠惹味另外同朋友一人一個椰青食椰青一定食埋入面既椰肉啲椰青係幾靚既，椰肉食落清甜亦唔係硬到咬唔到埋單加一後，around＄610下次早啲黎，試下其他野先！…查看更多

約左朋友收工食飯同佢講要健康啲同平啲既餐廳😂佢搵左依間越南菜一向比人感覺都清淡啲 見有唔少好評 一於同朋友一齊試試佢我叫左個蟹膏湯檬粉賣相好靚 唔同配料鋪上面有豬紅 蕃茄 豆卜 扎肉 當然唔少得有蟹膏 不過蟹膏係一塊餅咁 應該同蛋撈埋一齊煎 都幾大塊湯頭睇落好似好濃味咁 但比想像中冇咁濃 有微甜味（因為用蕃茄熬出黎） 最後我飲左半碗湯🤣食完啲配料都已經好飽食剩左唔少檬粉🤧🤧如果細食既人記住要同店員講少檬粉 唔好好似我咁晒左🥲朋友叫左睇落更加清嘅泰式椰汁雞檬粉面頭有啲芫荽裝飾我試左啖湯好清甜好好飲😍😍唔似係味精湯🤩我當下係覺得仲好味過我食個碗🤣啲雞都好滑 😚但朋友同我一樣細食 都係食剩啲檬粉🙈我另外加錢叫左杯牛油果奶昔試下平時屋企似開牛油果益力多覺得牛油果奶昔味道上淡啲 🤧下次應該嗌番杯奶茶試試佢🤣服務方面眼見全間鋪好似得兩個人打理咁🤔一男一女女個位唔單止要做樓面野亦都要入廚房做野好彩個陣唔算多客 睇見都覺得佢忙不過就算要負責咁多嘢佢態度仍然十分之好！抵讚👍🏻👍🏻味道✨ 9/10價錢✨ 9/10服務✨10/10環境✨6.5/10回頭率 9/10…查看更多

難得黎到深水埗又想食素菜見到依間多好評就同朋友黎試試佢先間鋪唔算好大 假期既6點半左右去到已經滿晒座好彩都唔洗等好奈就有位入去同朋友都嗌左日式定食 $88有成6樣小菜+麵豉湯有兩粒香芋番薯波波 佢地其中一個小食黎我同朋友都大讚甜甜地又有啲咬口 有碟素三文魚 個口感幾似蒟蒻 鹹鹹地 都唔錯蕃薯仔（？）都好甜！其他都正正常常烏冬上面既兩塊腐皮都好好味 好味係因為佢甜不過都因為太甜有啲「漏」另外我加左$28叫左杯焙茶燕麥奶第一次飲燕麥奶 都真係幾健康 因為冇咩味加埋塔茶味係有少少苦 對於我平時中意飲有啲糖既野飲黎講有啲難一時之間接受杯野飲冇甜味不過係一個新嘗試黎既朋友就叫左個跟餐既凍伯爵茶…查看更多