DinDin91's Profile

之前返工做野時經過美孚見到佢出面video wall 有＄10蚊一隻雞好吸引，所以決定同屋企人齊去試下。我地一行5人去到大約6點半，當日係星期六，但人都好少，我地左一個套餐有元貝同燒腩仔，個燒腩仔皮好脆但元貝好細，但味道不錯。講番隻10蚊燒雞，真心正，唔係hea，堅好食。我仲叫埋特價蠔同埋個燉湯都好食，我媽媽話個湯係真材實料。而其他食物都好食又大碟。佢仲有任食大閘蟹，但要＄4XX我覺得有D貴，但當晚我都有叫左兩隻大閘蟹食都係＄98係抵食嘅，質素都好。…Read More

今日去開九龍城攞野, 就揸車睇下有咩好食, 突然諗起我哥哥之前介紹過我去一間食船麵好食既店, 佢話好似去左泰國食一樣, 所以就同男朋友去試下.入到去其實都幾舊下, 但都算乾淨, 枱上面都你放左係泰國船麵店會有既調味料, 餐牌價錢都合理, 唔算好貴, 平均40蚊至60蚊可以食到一碗麵或飯. 最後我地叫左兩個麵, 一個抄牙菜同埋一杯龍眼冰. 我個碗係泰式雜錦河, 味道嘗可, 但又未去到似泰國當地一樣味, 但就都好足料. 而我男朋友就叫左個豬頸肉河, D豬頸肉有D乾, 湯都粉都好味既. 最後個抄泰式牙菜都係正常野, 你細碟左D囉.…Read More

今日約咗個朋友喺公司附近食飯，所以去咗啲D2 two行下睇吓有咩食, 見到呢間新開嘅日本菜門口排咗幾個人，睇到門口價錢牌唔係好貴，所以決定攞飛試吓。入到去環境乾冷乾淨，之後我見到有支壽司郎是油，所以我諗依間應該係壽司郎嘅附屬餐廳。最後，我哋嗌咗一個指火鍋，同埋一份壽司及茶碗蒸。呢個價錢嚟講食物算不錯，壽司都新鮮試，紙火鍋我第一次食所以覺得幾得意同埋味道不錯，我仲加咗一份烏冬，烏冬口感好好，好煙韌。下次我會再試吓佢嘅下午set lunch。…Read More

今日去油麻地攞完嘢，肚餓諗住食個粉，經過見到南記就食啦。其實我係第一次堂食，之前叫過個D “Delivery 咩”個D外賣食過, 覺得幾好味。我今次叫咗個餐有菜同兩個餸米缐，取餐時見到嚇一跳，好鬼大碗同好大碟菜，佢可以比我揀生菜或牙菜，仲有一杯野飲都係$50幾蚊，我楝左麻辣先貴D，如果清湯只係$40幾仲抵，我真係堅係食唔哂，仲有佢個招牌魚肉條真係好味，今次試埋個魚鮫都好味，咬落去好Juice，個麻辣湯唔係好辣啱哂我口味。…Read More

今年6周年結婚紀念，見到灣景廳有優惠，$450一位晚餐自助餐，仲要冇加一所以就去試吓。其實我都係第一次食，地方唔係好大，食物種類唔算好多，但貴精不貴多，大部分我都鐘意食。坐低一陣就送上一個酥皮龍蝦湯，每人一個，好有蝦味，但略嫌份量太少，得半碗到。我其實都係因為見佢有生蠔先去試，佢仲係放係到任你攞，唔係有D要排哂隊先攞得兩三隻，非常好，蠔雖然比較細，但味道都鮮甜新鮮。之後試左個燒西冷牛扒都OK，又係唔洗等人切，自己夾就得，晏少少就開始有鸭肝，細細舊都好香口，仲有個羊扒好琳。麵包蟹好多膏，刺身就冇乜特別，都係平時酒店質素，其實佢仲有其他海鮮，但我冇特別食。甜品方面我食左個檸檬芝士蛋糕，我想像唔到咁好味，最緊要有MOVENPICK 雪糕。總括嚟講性價比高，可以一試👍🏻…Read More

同哥哥睇完中醫，經過光榮記，我未試過就去食個晏。本身見門口排左幾個人想放棄，但哥哥話好味就排隊試吓啦。我自己叫左個滑蛋牛肉飯，哥哥叫冇個雞扒三眼仔飯，黎到嚇我一跳，好鬼大碟，我地已經叫咗小飯都好大份，食到我地反晒白眼，但味道真係唔錯，啲料好多，牛肉好林，雞扒勁大塊，加埋三隻旦真係不得了，最正係上面仲有蔥油，真係好好味。食到2點有下午茶，我最後仲叫左個炸雞俾薯條外賣比我老公食，不過佢話麻麻地，唔似炸俾。…Read More

星期六約咗屋企人一行4人去食個OMAKASE Lunch，之前打去book位，但冇bar枱位要坐car位，但店員都好好，佢話到時有Bar位會轉番比我，但最後冇。原來唔坐bar枱真係差啲，好似食緊套餐咁，不過好在味道都唔錯。我哋每人一個”梅”餐$380，分量女仔都夠飽，但我哥哥就唔多夠，攞餐黎都有店員介紹同埋講解食邊樣食先，但店員有D口音聽得唔太清楚佢講咩魚，笑料百出。佢嘅刺身同壽司選擇嘅魚都係偏向淡口嘅魚，但魚都新鮮。我就最鐘意佢個蟹肉蒸旦。…Read More

因為屯馬線開通，我媽媽想試坐，所以同佢去一次九龍城，本身諗住食泰國菜，但行行吓經過粗菜館，媽媽話之前食過好食，我又未試過就入咗去試吓。因為係下午，客人冇乜，店員有主動開門問我地幾位。環境好似D舊式餐館咁，地方都算乾淨，我地都睇餐牌，只係睇牆上面嘅餐髀已經叫咗兩個餸同埋一個白粥。我地叫左一個山楂糖醋骨同埋姜蔥魚腩。山楂糖醋骨真係好好味，甜酸味啱啱好而個姜蒽魚腩都好香口，我同媽媽連D姜蔥蒜頭都食哂，唯一係個粥，好似食緊BB粥仔咁。仲有個洗手間要行上樓上，仲要條樓梯好斜，如果係老人家或小朋友要小心啲。…Read More

因為我見到我朋友post 相，見到個樣好吸引所以同個朋友去試吓。入到去環境，裝修都好好，侍應好有禮貌，坐低一陣，我哋都決定唔到食咩，因為樣樣都想試，所以叫侍應介紹一下，佢好耐心介紹比我地，仲唔會好heartsell 怕我地叫太多食唔哂，最後我哋叫左個拼盤和牛跟一個飯餐，個飯餐有一大碗飯、溫泉蛋、麵豉湯(入面個豆腐好有心思切到好似花咁❤️），仲叫左兩杯野飲(黑杞子茶，生薑蜜)我地中女所以叫熱飲，味道好好，唔係hea 沖。牛肉放面基本上每一件都好有肉味，我地食到停唔到，但我哋又唔記得邊隻最好食，所以再叫左個牛舌同吉列牛扒。…Read More

已經好耐冇去食過漢和食烤肉，估唔到仲可以keep到好質素，價錢仲好合理。今日同兩位朋友12:00黎食午餐，入到去地方好乾淨，地方又大，食物放得好整齊，侍應都好有禮貌安排位置比我。因為我先到所以未開爐，先去試吓D熟食，食咗D冷盤，牙菜，泡菜、波菜，三樣都好啱味，之後飲左碗人參雞湯同壽司卷都好好味，人參雞湯有甘甘地味正～ 壽司卷有三款式，唯一係飲品冇平時去放提個D咁多選擇，但好在有啤酒，我D朋友就係想啤啤佢，如果都鍾意飲啤酒嘅人都唔錯。到燒肉部份都係好味嘅，我就最鍾意食鴨腎，蔬菜選擇都好多…Read More