Dr. R的個人專頁

唔知啲喊喊係咩事；但作為一個長居台灣嘅香港人，我覺得呢度啲甜品好正常 — 甚至係幾正宗嘅台灣口味。喂大佬，芋圓本身係冇味㗎；你飛去台灣食都一樣。而且呢度份量好足，CP真係唔差。係坐得比較迫。不過服務同清潔都好ok…唔通我去咗二次元？！應承咗個靚女比笑笑幫佢地平反，咁我唯有寫足200字。點了招牌燒仙草同招牌紅豆湯；味道都好台灣道地。唔可以話有驚喜，但起碼十分正常。服務員有啲生疏，但招呼真的不壞。唯一諗到批評嘅係地方淺窄；但香港地係咁㗎啦；另一間「滿字頭」咪又一樣🙄…查看更多

今日叫咗個味菜牛柳炆米同凍奶茶; 啲牛肉我都唔知點形容 – 我朋友試咗一舊, 佢話好似唔知死咗幾耐嘅牛再雪咗唔知幾多年嘅"喪屍牛": 完全冇味道，而且鞋過柴皮。至於凍奶茶，只可用"奶水"嚟形容。唔知係咪巧合, 但番到屋企肚瀉。…查看更多

之前因登龍街的越色關門大吉，失落了一輪。也試過四出尋訪地道的越南湯粉，可惜無果。今見越色重開，觀察了一段時間，決定來証實一下傳說中的"越色湯粉"是否復活!簡單答案:是!先說服務; 確實是大有進步。如果10分滿分，它是由舊舖的 -3, 進步到今天的5。冇錯，笑容是絕對欠奉的; 但最衰還是那疑似老闆的整天一副老K臉。食物方面，越色春卷依然如舊好吃。饀料配搭得宜，味道清新不過濃，且切得很細緻；春卷炸得火候剛好，脆而不燶。唯一的是少了兩件，但價錢一樣。主角湯粉，沒錯了!就是這種味道!! 越色的味道 - 牛骨肴了十幾小時的香濃湯底 （可惜湯底稍嫌不及以前那麼濃厚），配以煮得剛好煙韌的金邊粉及嫩滑的牛肉，有嚼勁的勁香牛腩。。。一切一切，都勾起無數美好回憶。總括來說，值得再來。…查看更多

叫了個生牛肉湯河。湯似滾水，毫無味道。別說用牛骨肴湯的正宗越式做法，就連雞粉湯也不如。牛肉又"鞋"又乾又柴皮，相信浸泡過的樹皮也比它易入口。勉強逼自己先食到半碗。。。無疑係有生以來吃過最最最難食嘅牛肉粉…查看更多

1個人食晏，只點了羅麥汁炒牛河及熱奶茶。奶茶比較像屋企沖嘅 Lipton 茶，絕不是茶記嘅絲襪奶茶。有啲"鞋"口，但味道 Ok.炒牛河嘛... 得個甜字。牛肉可憐得4-5小片!河粉毫不入味，粉還粉，汁還汁。應該冇下次。…查看更多

訂了座與太太吃晚飯；到達時被安排坐正正在大門邊的位置。要求換裏面一點沒那麼多人行出行入的枱遭拒絕（其時餐廳9成空），理由是其他枱是給四人坐的，因已「擺好四個位」（？！）。之後見後來的2人（沒訂坐的；因基本上是坐在門口所以很清楚）被安排坐之前要求換的「指定四人枱」（！！）...無奈叫了牛肋骨（$238）及海鮮豆腐煲（$138）。牛肋骨尚算新鮮，但絕無驚喜，任何一間韓國餐廳也吃得到。豆腐煲的「海鮮」就只有4隻蜆；而且若非湯底有橙紅色會以為自己飲緊滾水（沒誇張）！配菜方面，隨了最便宜那款泡菜外也冇得 refill。徹底失望的一餐。…查看更多

湯粉的靈魂乃其湯底。越色的牛骨湯㡳乃個人在香港試過的最好之一。其味鮮濃甘香、且喝後（每每都來個碗底朝天！）絕不口渴。本人最愛其「生牛肉牛腩金邊粉」；牛肉鮮嫩、有肉香有嚼勁；金邊粉烟韌。整碗粉吃後餘韻不絕。（不過之前試過他的飯款就認真麻麻）…查看更多

叫了 angus beef burger。牛肉肉質優良，肉香四溢；火侯處理甚佳（本人偏好七成熟、記得點餐時要指明）。調味剛剛好，不用再額外加茄汁／芥辣亦已十分惹味（且其肉汁豐富，加醬反有點畫蛇潻足）。唯一美中不足者，乃牛肉太諗太鬆散 - 有點像吃「免治牛肉飯」的感覺。 個人偏好較「實心」的漢堡扒。…查看更多

與太太叫了 rib eye ($398) 及 beef fajitas ($188)。Rib eye 以炭燒、火侯控制得相當好；成功封鎖肉汁、外脆內軟；且不用加調味已很夠味 （比W28 的還高半籌）- 可是近$400 的 200g 扒則有點那個... beef fajitas 則中規中矩；調味略嫌太濃、且吃後感到十分口渴。順帶一提，Edelweiss on tap 很清新、不錯！…查看更多

作為優質自助餐的原素，這裡通通...欠奉！！！款式少、味道差（沒有一個 dish 會令人有興趣encore)、欠缺「皇牌菜」如生蠔、prime rib 等 （其「皇牌」乃燒得欠缺火侯的「un 皮」乳豬）；唯一及水準的只有長腳蟹... 不愛吃蟹腳的我只好吃蟹腳填飽肚…查看更多

與太太叫了鵝肝牛肉漢堡（$148）及烟肉芝士漢堡（$80）。鵝肝處理頗佳，剛熟而香滑。可惜漢堡的靈魂 - 牛肉 - 實令人太失望了！只有梳打粉及雪味 （令人懷疑其新鮮度）、全沒漢堡應有的肉香、火侯亦欠缺。再多綽頭的漢堡種類亦徒然。*且吃後我倆都感十分口渇*建議試 Panda Burger 的 Angus beef burger。…查看更多