venuslee的個人專頁

朋友介紹，喺利東街呢間fusion餐廳🍴環境超正，歐陸式，兩層高；地下可以坐outdoor，2樓雅座🙃其實outdoor好chill，無奈天氣真係太熱，頂唔順😆星期六，唔算太多人，原來有brunch menu喎！食物選擇都幾多，又嚟選擇困難😅最後跟openrice食評介紹去，每個員工嘅服務態度都好好👍🏻好caring先叫咗支白酒解吓渴先。聽聞咖喱出色，所以揀咗個印度派嘅牛油咖喱雞配印度米+4小塊嘅蒜味薄餅（有兩種醬汁提供），冇介紹錯！另外仲有紅咖喱之後有泰國嘅四季豆豬腩肉配白飯，配一種好甜酸醬嘅醬汁，豬腩肉好入味仲有美式嘅和牛漢堡配薯條，五成熟；佢嘅薯條唔係背茄汁，而係一種辣辣地嘅千島醬，應該係落咗辣椒粉😁最後就嚟甜品，叫咗個apple n berry crumble，好味，不過就略嫌crumble少咗啲🙂‍↕️平時就算唔食飯，happy hour都係一個唔錯嘅地方👍🏻唔知係咪咁啱撞正promotion呢，openrice有coupon可以買，每個account可以買兩張，$100當$200用，仲可以一齊用添，咁樣埋單真係好抵食，正！！！…查看更多

食過好多次呢間以台灣主打嘅餐廳，由於都有好一陣子冇去過喇，心血來潮又同屋企人一行六人去食晚飯🙂記得之前都好多人食吓，要等好耐位；不過可能星期一嘅關係，餐廳好少人，只係幾張枱而已！完全唔需要等位就直入，正！多咗好多唔同嘅選擇，連雞煲同烤魚都出現埋😂不過今次係因為台灣菜而去，所以都係留返下次先試值得推介嘅始終都係鹽酥雞，新鮮熱辣啱啱炸起，乾身之餘仲好juicy，唔會勁多油，每次都係我必叫項目之一；除此之外，蚵仔煎同埋各種蛋炒飯都好好味；而佢嘅古早炒米粉就好有家鄉嘅味道，不妨一試😋另外就係佢嘅廢水，鍾意佢唔會太甜，好有茶味，奶蓋亦唔會太膩，完全唔需要少甜少冰，正常配搭已經OK！失望嘅原因，唔係因為佢嘅食物質素，而係服務態度；當晚餐廳其實已經好少人，但係叫極都冇人落單；明明已經對上眼，都可以扮睇唔到扮聽唔到😮‍💨😮‍💨😮‍💨…查看更多

即興搵嘅越南餐廳，餐廳位置非常方便，正正喺SOGO後面；雖然餐廳唔算好大，但裝修都好有越南特色，有打卡位🤣🤣😂食物方面，要讚嘅係…..冇諗過個越南麵包係咁出色！對我嚟講，可以話係最出色嘅一樣item，好味到可以自己食兩個🤤😋😋個人覺得仲好味過越南最出名嗰間🤣😆😆成個麵包外皮都好脆口，完全唔會硬骨骨，裏面好軟熟，鵝肝醬多到瀉出嚟，超正；下次一定會再試晒其他味😬😬😂另外要讚嘅係，串燒！🍢🍢🍢燒豬腩肉又係非常出色！半肥瘦，肥瘦間住，新鮮燒起，肉質嫩滑，又係成串自己食晒🫢🫢😆正呀飲品都好有越南特色同風味，推介椰子咖啡也不錯👍🏻👍🏻👍🏻仲有個班蘭奶蓋，可以一試其實價錢就唔算特別平嘅，不過經OpenRice訂枱，8:30前入座有八折，8:30後入座仲有七折添呀！咁就真係好抵好抵好抵喇😌😌😌…查看更多

超乎預期嘅台灣嘢，平時經常行過經開呢間餐廳，一直未有機會試，今日終於試咗啦！朋友係台灣愛好者，適逢佢生日， 於是揀咗呢間台灣嘢試吓，唔試唔知原來咁好食🤣😂😁兩個人食，眼闊肚窄，樣樣都想食，最後叫到成枱都係嘢，多到比幾枱人指指點點😆兩個女仔食咁多嘢🤣anyway…..滷肉飯好味；甜不辣好味；台灣腸好味；酥炸排骨有孜然味，好鍾意；蛋餅好味，不過個外皮可以脆口少少；酥炸魷魚鬚超好味！反而地瓜餅同埋鹽酥雞就好一般，有少少失望；想試埋個芋圓，不過賣晒了😔😞☹️珍珠奶茶🧋始終都係台灣好飲啲😂🤣😅不過總括而言，大部分都好好味，下次一定要試埋個芋圓重點！我哋食到一半嘅時候，碗米粉啲湯乾晒，有位短髮嘅姐姐主動上前問我哋需唔需要另外再比碗湯我哋，好sweet好窩心，超讚👍🏻👍🏻👍🏻…查看更多

個人嚟講好鍾意呢間餐廳，置身於鬧市中非鬧市位置嘅銅鑼灣樓上舖，西餐廳得嚟又帶着濃厚嘅懷舊味😌雅緻得嚟又好別致！有日過咗海辦事，朋友就介紹咗呢間餐廳👍🏻餐廳細細的，有三枱客人，lunch hour嚟講真係唔算多人，係打工仔唔使等位嘅好地方🤣😂😆大家都好chill，唔係講時間食飯咁款😌staff都好有禮貌，落單上菜都好快，唔使點等叫咗個lunch set，牛油果長通粉配溫泉蛋，跟餐湯同一杯嘢飲；用咗個中式碗配西餐湯，好得意，食物質素都唔錯，份量亦都啱啱好，銅鑼灣區嚟講價錢方面都尚算合理嘅…查看更多

飯局聚餐之🐟朋友推介🐟朋友介紹呢間烤魚，平時只係食過lunch覺得都唔錯，於是就打算試吓佢嘅dinner原本book咗7:30pm，因為臨時有啲事所以遲咗， booking改到成9pm，開頭仲擔心烤魚唔知收幾點，會唔會唔夠時間食；點知最後我哋食到成12點都仲有幾台客未走🤣😂🤣超讚！講返食物先，烤魚當然係主打，有幾種魚可以選擇，有辣有唔辣；其實形式都係同一般烤魚食法一樣，本身裏面都已經有少少配菜墊底㗎喇，如果食完條魚都仲係覺得唔夠飽，可以再加其他配菜打邊爐😌本人就覺得條魚2-3個人食都好夠🤤😋湯底夠晒味，好濃郁，偏鹹；而且店員會定時定候主動幫忙加湯，可以加湯或者加水，完全唔需要擔心煲乾水，服務滿意👍🏻另外仲有串燒可以點，超鍾意個燒雞皮， 一塊絕對唔夠喉😋燒白鱔，燒茄子，燒菠蘿，炸饅頭…全部都唔錯，配埋個啤酒買一送一，值得推介…查看更多

小火山，試新嘢；book咗枱，唔使等話係首創泰國嘢，加少少韓燒，又加少少邊爐，真係一次過滿足晒三個願望🤗想食泰國嘢，又想食韓燒，又想打邊爐🤭朋友就揀咗呢間今時今日好多餐廳都有用餐時間限制， 60-90分鐘真係實在太短喇，夠時間食得嚟又唔夠時間傾偈，想食個甜品，慢慢飲吓嘢都要趕頭趕命，呢間重點係冇限時㗎！首先係個環境都幾OK，有feel🇹🇭有live band🎤🎸d歌都啱聽嘅🎼啤酒買一送一，叫咗2個round慢慢chill🍺🍻食物質素整體都唔錯嘅，價錢都還可以，唯獨係個邊爐鹹咗d🍲係一個傾計飲嘢嘅好地方嚟嘅😌…查看更多

🎉Staycation Promotion🛌順便book埋個semi buffet dinner試一試平時食一個半自助晚餐連加一，都要大概二百幾蚊左右，今次呢個promotion真係…好抵好抵好抵，重要嘅事情要講三次📢食足三個鐘，main course有4個選擇，每個都幾吸吸引，羊架有成3件咁多，意粉都好味，仲有steak揀，性價比頗高㗎🤟🏻沙律bar選擇多，海鮮凍盤有龍蝦、青口、螺；雖然刺身只有三款選擇，但係都好新鮮👍🏻仲有生果甜品，另外橙汁咖啡奶茶當然任飲😌最後，間房都好正，光猛乾淨舒適闊落又企理，真係冇投訴👏🏻👏🏻👏🏻…查看更多

補返個食評先🤗求其揀咗個地方quick lunch；由於同行有小朋友，咁啱見到餐廳有兒童餐提供，於是就貢咗入去了😬一行三人，兩大一小，因為唔算太餓，所以就咁叫咗一份burger and fries share，一個兒童餐，最後加份甜品🙃食物質素都OK嘅，兒童餐有一份小禮物送，唔錯！值得一提嘅係，甜品原來都有幾多選擇，自己超級鍾意食法式多士😂我就私心揀咗焦糖香蕉法式吐司，出奇地有驚喜喎！個吐司仲熱㗎，焦糖香蕉燒到脆卜卜，好脆口，加埋雪糕同cream，完全係冰火交融，超正！得閒都可以入去飲杯嘢，食甜品囉！推介✌🏻…查看更多

之前一直都好想試呢間嘅pizza，款式多，望落好似又好足料咁😋🤤咁啱一次朋友聚餐，有人提議去食pizza；一睇之下，正正就係我想食嗰間，perfect！不過就冇得book，要walk in喇，亦都有60mins用餐時間限制為咗就朋友，山長水又遠咁入到去元朗yoho食；其實呢自己屋企附近都有一間嘅🤣果然都冇令我失望，好味！除咗pizza係重點之外，其他嘢都幾好味嘅，我哋仲order咗炸雞（個炸雞都幾出色，好脆又juicy，唔錯！）、意粉、taco、蒜蓉包…再配埋啤酒（雖然我哋係食晏晝），爽！係蒜蓉包稍為遜色咗少少啦，冇乜蒜味，乾咗少少，好似餅乾，都係老字號好味d😅，其餘全部冇complaint ；雖然唔係特別平，不過仲有好多味都好想試，一定會再食過，yeah✌🏻…查看更多

即興約嘅飯局想食燒肉好耐，突然朋友話想收工即去，咁唯有奉陪到底啦🤭呢間燒肉其實有好多分店，除咗燒仲可以烚，不過我就第一次去準時去到唔使等，可能平日嘅關係，唔算太多人，比咗個卡位我哋，唔錯雖然只有牛，豬，雞三種肉選擇，不過都係任食嘅，而出面有沙律配菜咖啡嘢飲雪糕雪條無限量提供，全部亦都係任食任飲嘅$138/100分鐘真係吃到飽，抵到爛呀，最後以兩條藍莓乳酪雪條作總結見佢個下午茶烚吓烚吓只係$118，仲話食足3個鐘添，真係要搵次試試佢先😆😂😂…查看更多

故宮一遊。順帶去附近搵食🤤😋之前都有睇過下附近有咩食，於是揀另一咗呢間Cupping Room。位置開陽，對住個海，舖頭唔算好大，不過裏面間隔座位都幾闊落嘅，光猛乾淨，仲有outdoor座位提供，好chill下，唔錯！我哋一行6人，由於天氣太熱，我哋都決定唔揀outdoor luuuuu🥵自助落單比$，食物方面試咗雙拼三文治，明太子天使麵同埋雞肉意粉；三文治唔錯，鍾意！天使麵原來係凍食㗎，有少少似冷盤嘢，味道好清新嘅，得意！最估唔到係個雞肉意粉，以為係普通嘢，點知出奇地又好好味喎，推介！飲品方面試咗幾款咖啡；分別有冷熱黑啡、抹茶、焙茶，仲有一款店主推介嘅椰子latte，全部都唔錯！再試埋佢哋嘅手工啤酒，有2款，揀咗jasmine嚟試，特別👍🏻本身有用餐時間限制，不過可能係平日嘅關係，所以唔太多人，過晒用餐時間都冇比人趕走嘅😆總括而言，可以返兜…查看更多

有朋自遠方來。疫情三年，朋友終於喺美加返香港一轉，每次返嚟都係鍾情於中菜🍜經朋友推介之下，揀咗南海一號。留意返，有三排。有海景窗邊位，但只限二人座，四人座以上屬於第二排海景窗邊位，兩者同樣都有每人最低消費限額㗎！不過唔記得咗min. charge係幾錢位😅而最後一排就係卡位雅座，冇每人最低消費限額嘅。個人比較建議坐卡位雅座已經好OK，因為嗰個所謂嘅海景窗邊位，其實都冇乜特別🤣😂😆除非真係二人燭光晚餐另計啦！如果一大班朋友食飯嘅話，真係冇乜人會在意海唔海景，窗唔窗邊😆因為人數，都book咗第二排啦，唔使等準時入座！成個場啲燈光暗暗地，幾有格調嘅！如果要打卡，要行埋去二人座位嗰度先影到海景。其實有啲尷尬嘅，好彩當時未滿座，仲有少少位可以打到卡😁食物質素OK，滿意！片皮鴨需要早一日預訂，好味！亦都訂定咗兩個套餐，三個人share，份量啱啱好，又估唔到當中個叉燒都幾出色喎！仲開咗支紅酒🍷🍾唔知點解呢，要專登叫一位老外過嚟開紅酒，佢仲會定時定候過嚟幫你refill😅因為掛住食，都唔記得相機食先🥲😅價錢方面當然唔算話好抵食啦，因為始終都算係食環境嘅！晚飯後，一早已經打算食完飯再去飲嘢嘅，不過又冇乜idea喎。由於食完飯都已經有啲夜，咁啱見到同場隔離原來個bar叫eyebar，仲有個balcony添，好正！唔使諗，就決定過隔離繼續飲🥂最後埋單4千蚊左右，平均每人$1400啦！唔飲酒會平啲🤭…查看更多

同老朋友好多年冇見。朋友推介地點，我負責book枱，好少食呢類型嘅串燒餐廳🍢🍡🍢，期待！地方雖然細細，但環境超有氣氛，充滿日本風，鍾意！我比朋友早到，book咗枱唔使等直入，waitress先上前菜比我食住等，好有禮貌，好好服務！啤酒買二送一，我飲住等，超讚！雖然價錢唔算特別平，不過食物質素都OK，全部即order即燒，食材都好新鮮，食咗幾款唔同嘅燒肉同燒雞皮都好好味😋！細細串，密密食，容易食，都飽肚，好正！入座前waitress同我講有限時要交枱，因為當晚唔算太多人，最後坐到人哋收舖🤣，完全冇催我哋走，正呀！吹水嘅好地方，推介！…查看更多

一向都唔寫食評嘅，今次為咗佢而寫，好嘢！以往舊址嘅炑八都有食過幾次，環境食物都覺得好一般，新地點一直未有機會試，期待！話說父親節將至，原定星期日，但臨時更改，於是即日決定，即日book即晚食，由於呢排都好想食韓燒，可以網上book而地點又啱fit嘅選擇好少，所以…一行6人，5大1小，早咗少少唔使等可以直入，地方好大好寬敞，環境都唔錯，滿意！自助落單，前菜有醃蘿蔔，芽菜，薯仔絲，泡菜雞蛋，芝士任食，order咗1牛1豬2個set，另加一份芝士帶子八爪魚，4柸fruit soda，再加一份全隻原味有骨炸雞，上菜速度快，以為好少嘢，點知食唔晒，好飽！因為呢，如果想refill前菜就冇得自助落單嘅，又冇鐘仔比你撳嘅，咁你就要舉手叫人喇；不過呢，我隻手就舉咗一世都冇人so我🥲，可憐！眼見人手係充足嗰喎，一個二個行嚟行去見到都扮睇唔到，呢下先搞笑吖嘛😆，可悲！於是呢，我就用咗一個喝狗咁嘅聲線大叫，唔該！太細聲真係唔得㗎吓；終於呢，全世界食緊嘢嘅人都望住我，終於有人聽到喇，感恩！另外呢，有要求要多隻碗比小朋友用嘅，結果隻碗係掟落枱比我嘅，唔該！最後呢，成餐飯都只係refill咗一次咁多啦，想再refill多次都真係好難🥲，叫咗千萬次都冇人理我，好攰！千八蚊埋單，唔敢講仲有冇下次，走人！…查看更多