wong.ma的個人專頁

大角嘴西餐小店 全店可容納10-14人All day set 有好多款揀，豐儉由人。最平嘅餐 $68 有沙律/湯 +主食+飲品沙律用了黑醋，今日餐湯係粟米忌廉湯卡邦尼意粉好掛汁之餘但又未𣎴會太杰身威靈頓牛柳成熟度恰到好處，酥皮好鬆脆，蘑菇醬亦唔會太鹹。原本想點 Tiramisu,可惜暫停供應，店主介紹試吓個心太軟，好吧，試一試。有驚喜，心太軟比外面一般坊間食到嘅不太甜，食完整個都不會覺得滯。店主很健談亦好主動問食客嘅意見。期待下次有機會試到 Tiramisu 🥰…查看更多

成日經過見到一排未燒嘅燒鵝响門面，心諗呢間嘅燒鵝應該都唔錯，好有興趣去試。今日午餐終於有機會去試食。酒家在一樓只有一層，地方不算大。酒樓嘅餐具都幾得意，有隻懷舊嘅公雞圖樣。 普洱茶好濃但唔會澀，都幾好飲。一嚟到當然係叫個招牌菜脆皮燒鵝半隻。燒鵝皮脆，肉有鵝香味，都有少少🤏油份，真係忍唔住叫左碗白飯配食。梅醬，有新鮮梅味，酸甜度啱啱好，點醬食可以去咁啲油膩感。另外都叫左炸鮮奶和蝦籽柚皮乾燒伊麵。食物上到枱面都係熱辣辣，相信都係即叫即做，唔似係煮定坐熱。4位都食得好滿足，下次有機會會試吓晚飯。…查看更多

盈豐擔擔麵 奇店面不揚，門口還有兩幅易拉架。新年油膩野食多左，今晚想清清地食碗湯餃。叫左個 韭菜湯餃和紅油抄手。餃子皮唔會太厚身，好嫩滑。菜和肉的比例都啱啱好。韭菜沒有太大嘅草青味，個人可以接受。另外個抄手真係可以話皮薄餡靚，外皮比餃子更薄和滑，但又唔會咁易穿，好嘢👏🏻。大小類似坊間嘅細蓉一口食得落。咬落有少少🤏爽嘅材料，估可能係木耳，肉嘅比例又唔會太多，好食。配送嘅辣油一流，正👍🏼下次有機會試個酸辣湯…查看更多

蔥仔越南包 位於 大角咀富多來，新九龍廣場對面。店內有少量坐位供堂食，大約6-8個位，其中有兩張2人枱靠牆坐。小店由兩人用心經營，一人負責製作法包，另一位負責湯，飲品，小食其他部份。小店拿手越南法包，材料新鮮，即叫即做，由於用焗爐焗過，所以帶有微温。店水必食之選仲有蘑菇湯每啖都幾乎有蘑菇片，味道濃郁，又足料。今日叫左個4.5寸套餐已經好滿足。留意番小店現只收現金，暫未有其他電子付款系統。另外可以WhatsApp 外賣落單 5449-8562.有嚟開大角嘴，真係可以一試。行過路過，唔好錯過！…查看更多