Tarzan1069的個人專頁

係好食嘅，話晒都係🍚🐖🪷貝汁醬油拉麵🍜配上低溫叉燒及三層肉自家製豚肉煎餃🥟唐揚博多華味鳥🐔黑糖薑紅棗牛蒡茶☕️整體食完餐飯都覺得不油膩不燶味不會過咸不有滯胃感覺#michelinstar #shoyuhamagurisoupramen #感恩 #貝汁醬油拉麵 #自家製豚肉煎餃 #唐揚博多華味鳥 #黑糖薑紅棗牛蒡茶 #yummyfood #japanesefood #ramen …查看更多

好耐冇去過餃子屋食嘢啦，今日晏晝諗住去嗰陣勁多人，咁不如行陣先再去啦，等到下午茶嘅時間去果然冇咁多人唔使點排咁長龍，咁入邊啲餃子真係好大隻㗎，淨係見佢餐牌寫淨餃不含粉麵，如果要加粉麵呢額外加錢嘅，咁佢有雙拼三拼四拼嘅餃子選擇嘅，同埋分別有六隻餃子同埋八隻餃子，其實六隻餃子都夠㗎啦咁加個麵，如果唔想加麵呢可以嗌八隻餃子，餃子嘅份量真係好多㗎，每隻都好多菜好多肉汁，明天今次嗌咗四平嘅餃子，千其要飲晒佢個魚湯啊，唔好唔記得試埋佢個菜脯非常之好食😋…查看更多

今日選擇咗下午去食lunch，因為唔使好似夜晚咁有時間限制（當然經OpenRice訂檯就唔怕無位啦），咁叫咗四道菜分別有蠔仔蛋餅、蝦木瓜沙律、冬陰功螺絲粉同埋原隻燒魷魚筒，都好食嘅，尤其是呢個螺絲粉啲粉剛剛好包住啲冬陰功汁，又唔會話好辣，所以係好食嘅；而魷魚筒都好好食，唔會話燒到好乾身同埋唔會好唔會好韌幾好有𡁻口；蠔仔蛋餅都算大份分享一齊食就剛好；但個沙津就非常之一般，同九龍城嘅泰菜一比之下就爭好遠囉！…查看更多

今日去咗天后小店食下午茶，呢間都係天后開咗好耐嘅有心小店，一向都質素唔差，餐廳下午茶係第一次是之前係食晚餐多同埋外賣。入到去見到佢個下午茶都價錢都算係優惠唔算太貴，咁叫咗一個芝士焗牛脷飯同埋一個乾炒豬扒儀叫咗杯熱檸茶同埋一杯咖啡。乾炒豬扒意好有美極汁去炒嘅味，但唔夠乾身不過豬扒就夠淋；另外芝士焗牛脷飯，佢有炒飯根底牛脷都好淋，分量夠女仔食，如果有男伴一齊食就可能要叫多一個下午茶餐先夠飽。檸茶今日個茶底好檸檬都新鮮，唔落糖都好似飲緊紙盒檸茶，但咖啡今日就水左啲。…查看更多

今日晏晝經過呢間小店見到出面擺晒檯都有幾檯入面都有人坐，又想試下個法包又肚餓咁就走咗去入邊食越南河同法包，現場環境就好似一般茶記咁無咩特別，誰不知…個西貢特色湯河唔知咩事咸到七彩，其他食材就真係不在話下咁咸同好普通，另外個扎肉法包根本就係咁夾啲扎肉，連鴨肝醬基本嘢都無都唔知想點，食完都唔知自已食咗啲咩…，好在都有杯綠茶蜜叫做好飲同埋個姐姐服務都算幾好。😅食完先記得無影到相，唯有影下個湯同個麵包籃！…查看更多

今日未到12點就已經去到呢間新開嘅餐廳度等位，以為好多人啦，咁原來仲要係90分鐘食飯時間咁都算啦，咁好啦入到去咁睇完個餐牌咁去諗住叫嘢食就叫個侍應生啦，點知佢就指住嗰張QR code字篤篤兩下，示意即係要用QR code去點餐嘅，咁其實你作為一個侍應其實你講一句嘢又好難，除咗嗰個係麻麻哋其他服務生都服務態度都可以。此外，講到個burger係幾特別嘅都幾好食嘅，但係嗰手工限量Pizza就好一般。杯嘢飲都幾好飲嘅。…查看更多

終於試到呢間海南雞飯餐廳，之前已經知道佢好出名，次次經過都好多人排隊，今次早啲去攞位，6點前好拎位食晚飯啦。終於食到佢出名嘅海南雞飯、肉骨茶飯、香脆素春卷、辣魚餅、黑醬油炒蘿蔔糕，仲飲咗 四季柑同埋美祿恐龍🦖。海南雞飯飯香海南雞好滑就算雞胸肉都唔會好乾，配上三個傳統醬汁好好味，連埋佢有豆腐花嘅湯一齊食更加好食；肉骨茶，由於佢係星加坡傳統肉骨茶，所以胡椒味好勁連埋佢出嘅油炸鬼好脆口排骨都好好味🤤；另外春卷好脆口入邊仲熱辣辣；辣魚餅都好食嘅配埋個麵包，口感都唔錯；另外黑醬炒蘿蔔糕佢有三隻蝦配埋佢啲蝦黑醬唔會好濃味唔會太鹹。…查看更多

雖然呢間雞粥好出名，但係其實佢仲有好多野食都好好食㗎。不過星期日就外賣冇優惠有冇套餐。今次試咗及第粥、艇仔粥、煎蘿蔔糕、蝦米腸粉、炸兩及炒麵。艇仔粥同出邊嘅唔同佢用咗海鮮去做艇仔粥，所以比較鮮甜。香煎蘿蔔糕都食到一條條嘅蘿蔔絲，都香口嘅；蝦米腸粉啲蝦米都好大粒；炸兩就算外賣返到去仲喺脆口，一啲都唔油；炒麵佢係用咗幼細好似新竹米粉咁嘅麵去炒所以都好食㗎，味道唔算燶又唔油，😂可惜今次食完先記得唔記得影相。…查看更多

話說到了現場要填資料做簡單入會程序先知原來係一間會所，簡樸住家裝修，有小燈小洋菊精緻擺枱，嘗試營造高級會所嘅格局。整頓飯而言水準同一般西餐廳不無多樣，當日提供的麵包及鴨腿有可取之處外，其他可以努力改進一下(一係太燶味，一係太甜）未知是否當天客滿位關係，服務員點餐後到上菜，無收到餐牌及宣傳單張，另外點菜時選擇的Apple Crumble 到最後通知已經售完，但事實係食完主菜時傳來烤燶Crumble 的味道，之後Apple Crumble 就沒有再出現，真可惜，只有浸糖水的Pineapple Crumble 食，甜度101分。可憐的傳菜員工要講話賣完真的辛苦了你，值得加許。非常特別用餐的經驗，會員制餐廳得到普通餐廳服務，有趣有趣。…查看更多

終於到輪到食阿根廷菜 😋味道質素感覺好地道加上簡單的室內環境 如置身於當地一樣 首先有清香的蕃茄湯完全成個鮮番茄🍅飲落口，再嚟個炭燒牛扒味道除了有炭燒香味外還有肉質有咬口得嚟唔會有「柴口」嘅質感；去骨雞扒真係有點意外好味，傳統的阿根廷封煎雞扒配上傳統醬汁令到脆脆的雞皮及肉質更加多汁及滑溜，原隻切片的薯仔片，炸起後仲好食過包裝薯片 啖啖薯仔味，勁好味😋；最後甜品🍮焦糖布丁用了當地配方製作，香滑同蛋味真是齒頰留香…查看更多

典雅環境、專業服務、優質食材令人用餐都享受啲(⁎⁍̴̛ᴗ⁍̴̛⁎)除了主菜「牛」之外，其實啖啖蟹肉嘅蟹餅真係好驚喜，每一口都係蟹肉，大滿足。眼見全都是肉？記得配上鮮露筍，當滿口「肉感」突然吃一口露筍簡直把口內的「濃肉」轉化成清爽的清新感，令人頓時再食落去都唔會咁易飽飽濟濟。…查看更多

傳統港式扒房下午茶，雖然好多都介紹食主打菜式，但眼見有啲副主打嘅美食梗係要試吓啦！下午茶有迷你焗豬扒飯，味道一流，茄汁有羅宋湯做汁底，加上細心已切好的嫩豬扒，再加埋炒底，分量比例剛剛好。另外，眼見「手制」二字就知一定要試嘅手制漢堡，估唔到真係好自家制的肉質漢堡扒，配上洋蔥蕃茄同醬汁，真係家的味道。#焗豬扒飯 #焗豬扒飯炒底 #手制漢堡 #冇得輸 #森美餐廳50年港式扒房 #森美餐廳 #西營盤 #好味 #tasty #steakhouse #hongkong #hongkongstyle #teatime #saiyingpun #saiyingpunfood…查看更多

豬肉船麵，整體味道始終不及當地的好味。最令人失望嘅係泰國調味四寶竟然無糖又無辣椒粉不在話下，酸辣椒水又無味，魚露辣椒水都算啦無辣味，重要無啦啦有撈檬汁同辣椒油，其實我食緊啲咩呀！成碗粉唔落調味四寶真係唔覺有咩味。泰國豬肉丸係好食，但無啦啦為左個‘豬肉’船麵放棄用豬肉而用豬腩片咁港式做咩呢，咁不如做港式特色粉麵啦！報稱泰廚係度煮都無用啦，連最基本嘅泰國調味四寶都是但求其，重要收得碗嘢又唔平真係想再食都好難。雖然嘢食麻麻，但服務都算係咁，都會俾個籃放住個袋。…查看更多