oseed的個人專頁

呢排天氣太熱, 又唔想食熱, 就諗起葱仔寄越南三文治裡面嘅酸蘿蔔！呢間平時都有食開, 但成日都唔記得影相, 今次記得影相就寫下食評！佢個包外脆內軟, 扎肉放好多, 其他配料都有好多, 但我最愛嘅係酸蘿蔔, 醃得好夠味, 酸酸甜甜同扎肉好夾, 好開胃, 佢落幾隻唔同嘅醬汁, 仲會加辣椒！好味！但因為佢太足料,食嘅時候係有啲呢 hea嘅, 我另外order 左個蔬菜健康D, 菜係白烚嘅, 但佢整咗個秘製醬汁幾惹味！我之前都有試過磨菇湯, 都係好好味！經濟, 實惠, 又好味！…查看更多

今次係第三次食！之前同朋友食過2次，第一次係晚餐，第二次係 lunch, 今次因為限聚令，冇得食晚市， 所以同屋企人食lunch。 有三張吧檯， 坐得都舒服闊落， 佢另外有房可以book嘅！ 抽氣都做得好好, 所以食完D頭髮同衫都冇一陣味！員工都好有禮貌，服務好好！第一次去食晚餐無指定用邊個師傅， 第二次去lunch慶幸遇到威師傅， 第三次同屋企人去 lunch 就指定搵返威師傅， 因為佢好用心去做每一道菜，仲好有耐性去講解每一個食材點煮，時間嘅掌握， 配咩最好食最夾，好有互動， 雖然只係幫襯第三次， 但已經好似好熟絡咁，好親切，我同屋企人都食得好開心！基本 set lunch 由 $188 - $5xx，真係好抵食！當然如你想要再高級D嘅 set 千幾都有嘅，但我地唔好鮑魚，蝦我又敏感，我媽不吃牛，所以各自選自己喜愛的！唔好睇佢得2樣主菜，好似好少野，但未食到炒飯已經飽！佢有鱈魚脆片小食，沙律，蛋， 麵豉湯， 主食， 炒飯同甜品，所以係好飽！食材不錯，鵝肝好大舊， 煎得啱啱好！魚皮燒得好脆口，但魚肉又唔會乾剛剛好！個人較喜歡厚牛，但佢個薄切蒜片蔥牛都好香！ 炒飯粒粒分明，夠乾身， 好香！ 甜品雪巴好清，不太甜， 配埋焦糖多士，一啖雪巴一啖焦糖多士，嘩！完美組合！ 無得輸！…查看更多

上網見咁多好平見星期日無特別野做就走去walkin排隊試下！叫左一個壽喜燒牛定食， 厚切鰻魚玉子定食，雞肉串 及 手打墨魚棒！排左15分鐘， 侍應哥姐姐都禮貌嘅！order 後言左30分鐘仲未有任何野食到，追左一次，追完再過左15分鐘個牛肉壽喜燒定食終於到，味道都ok，牛係有牛味嘅，但牛偏乾同有筋所以扣分！再過5分鐘個鰻魚飯到，鰻魚好厚大片，好味嘅，皮都香，個鰻魚汁都 ok, 玉子偏甜蓋過蛋香！食完2個主食等左十分鐘2串小食仲未黎，再追！大約10分鐘到左雞肉串，好乾，失望！再過5分鐘個墨魚棒終於到, E味係我最期待嘅，但亦令我最失望嘅！超級咸，我只係食到鹹肉味，完全食唔到墨魚味，亦無墨魚質感，真係有D難食，但佢隻蛋係真係香嘅！不過我諗我唔會再黎！sorry! …查看更多

較早前因為生日朋友邀嚟食lunch! 朋友一早book左所以有得坐bar 檯。 我地 order 嘅係12貫，師傅好用心介紹每一道食材！而每道都係最時令同新鮮，由淡到濃，而且一道比一道驚喜，有D 配搭晤係師傅介紹都唔會知亦都唔會諗到係咁夾，咁好味，所以先一貫比一貫驚喜！我同朋友都係超愛吃日本紫菜，每以去日本都會買晤同嘅紫菜試！而呢度嘅手卷好味之餘，連塊紫菜都好香好好味，包左飯都仍然好脆，仲要係成塊紫菜嘅味同脆度都均勻，真係好味！我地呢D紫菜控當然唔會放過，去請教師傅啦！原來師傅喺日本都試左好多間唔同嘅紫菜，最後走遍日本才搵到呢間特別製造好味嘅紫菜！可想而知師傅幾咁堅持食材嘅質素！CP值高，值得推介嘅 omakase！唔好意思因為掛住食，完全晤記得影相，只係影左一張🤣🤣…查看更多

大角咀開左好多間拉麵店，但質素真有參差！呢間食過3次，係唯一一間大角咀我會重覆幫襯嘅拉麵店！平時佢條人龍。。。所以通常我等佢一開門就去先晤洗排，就算而家疫情仍見人龍，也不用質疑佢嘅水準！店內得大約8-10個坐位，但都唔算好迫，坐位下面有籃放袋所以坐得都算舒服！樓面姐姐好有禮貌，好細心！店鋪由日本人主理，我坐位剛對住廚師，佢真係好用心，每種調味嘅份量都要求好準確，睇得出佢好用心去做！湯底濃郁但晤過鹹，好香，食完都唔會口渴！ 麵質煙煙靭靭，掛湯！蛋好香！平時我食拉麵片肉我只咬一啖試，通常我過哂D肉比朋友🤣，但呢間嘅肉片係唯一一間我會食哂！無得飛咁耐，食左當去左，暫解渴望旅遊的心理之苦！真心好味推薦的拉麵店！餃子我試過關西風同原味，關西風。。。個人覺得有趣，但之後都係叫返原味，好味！…查看更多

我食嘅係原味雞蛋仔。佢個雞蛋仔好有蛋香味，甜度適中啱啱好不太甜，內裡大半飽滿，另一半脆口，係細個時候食嘅正宗雞蛋仔味道同埋口感！我本身住北角以前食開北角好出名嗰間，但自從有次經過呢間買左一次黎試之後，就算行遠D，今日落住雨我都忍晤住行遠D行去炮台山買返底黎食！同埋佢個紙袋有洞比雞蛋仔抖氣外，而家疫情，所以佢再喺外面用膠袋袋住，連外面個膠袋都有洞比雞蛋仔抖氣好細心！ 賣雞蛋仔個姐姐都好好人！好有禮貌！好用心的小店，必定繼續支持！加油啊！…查看更多

太耐無得去旅行，好掛住星馬蝦麵同喇沙嘅味道。星期日天氣好熱，要唔塞車又要商場有位泊車都不是容易的事，見沙田新城巿廣場間Mimila有蝦麵同喇沙就揸車入左去試下。同朋友叫左蝦麵同喇沙，蝦麵個湯有D淡，都免強可以接受。但個喇沙我完全唔知自己食緊喇沙，同雞湯麵無分別，以為落錯單或比錯咗, 個待應攞走咗，再攞返出黎， 但都只係個雞湯味再濃咗， 都係完全冇喇沙味，最後為有cancel！ 人生食過最失望的喇沙！無下次！…查看更多

呢排好想食芋圓，有諗過自己整，但我上網見到好多都話喺出面返屋企自己整，都D芋圓唔好食， 唔夠煙韌 ， 所以都係打消呢個念。 今晚睇睇下電視， 突然好想食甜品， 見夜晚九點仲早， 上網search下邊度有好味嘅芋圓，見E間喺 OpenRice 好多笑， comment 都好好， 忍唔住即刻走去買黎試下先! 去到見到出面排曬長龍， 我都只係買外賣。見佢細細碗但好重手， 返去打開， 好多料， 仙草底， 有紅豆蓉，珍珠，三色芋圓，薏米，仲有丸仔。 D芋圓好煙韌， 紅豆蓉 有驚喜， 本身仙草 芋圓意米 都冇乜 甜味， 但加咗個紅豆蓉中和反，整體唔會太甜，好好味！ 但好飽肚，一個人真係食唔哂！下次會再試佢其他甜品！…查看更多

朋友之前食lunch 話幾好， 星期六晚冇乜嘢做，突然心血來潮想食牛， 就打去book位。 和牛黎講晚餐六百幾蚊二人前，加一後$768算平，但食物質素好失望，所以唔抵！前菜熟食一般，主菜A4和牛嚟到，睇落個樣都ok，但無乜牛味，又有筋，非常失望，真係一分錢一分貨！ 四張枱，坐得都唔算太迫， 坐唔算太迫，抽風系統好差， 雖然已經開住門，入到去啲煙都好攻鼻， 食完出嚟成頭成身都係味！ 但值得一陣嘅係個侍應哥哥，服務很好，好有禮貌， 招呼也很周到！…查看更多