Bobocar的個人專頁

星期五晚訂咗位試吓，因為晚餐前一個行程要等，我哋先致電餐廳遲到，職員好有禮貌幫我哋改時間。當晚唔滿座，有1/3吉枱，到餐廳時可以任揀坐位，我叫咗和牛西冷，老公叫咗安格斯級封門柳。我自己比較鍾意和牛西冷，有口感，牛味適中，肉汁豐富，加多少少黑椒及鹽，十分美味。老公就鍾意安格斯封門柳，比西冷濃味，比較有咬口，性價比高👍🏻薯條是任食的，我哋都每人添了一次😋唯一可以改進的，是黑椒汁，可以再濃味一點。希望下次再有進步…查看更多

去sogo shopping, 順便食晏，搵咗呢間可以同狗仔一齊午餐的。本來望見menu覺得價錢還可以，但上菜後覺得份量比較少，但只有這間接受狗仔，所以試吓。餐廳環境寛敞，光線充足，合乎父母的要求。我哋叫咗漢堡扒waffle, 漢堡扒煎的香口，十分美味。另外想叫carbonara, 但sold out, 便轉叫大蝦魚子carbonara，感覺拎走大蝦及魚子，便是carbonara這碟是最好味另外，叫咗西冷牛扒，5成的，但上枱發現是全熟，我哋知會職員，他提議更換比我地，但父母都是不想浪費的人，便說留下吧，叫廚師注意一下。之後埋單，牛扒給了九折，減了$34，都是合理。午餐包餐飲的…查看更多

落雨天去屯門市廣場附近食飯，7pm周圍都好冷清，間間餐廳都有位，見呢間餐廳環境唔錯，有卡位。有提供二人套餐，四人套餐，套餐比較抵食，但沒有我哋想食嘅嘢，所以就散叫咗海南雞飯，招牌喇沙，馬拉盞抄椰菜苗。招牌喇沙係最好味，香濃蝦湯，亦有啖啖椰香。溫泉蛋好滑，食得出係日本蛋。唔記得影碟馬拉盞抄椰菜苗，因為太好味，而且一上枱便覺得咁大碟，通常呢類餐廳的炒菜只有半碟而且又夠鑊氣，係熱辣辣的上枱。都係$88最差的是海南雞，但我見其他枱都有叫海南雞，雞肉完全冇味，薑蓉甜豉油都非常一般，例湯雖然好多蟲草花，但非常咸，像豉油水一樣。不建議在這餐廳吃海南雞…查看更多

好多朋友都不約而同介紹屯門呢間西餐，終於訂咗位，打電話去訂位，感覺好似好高級嘅西餐廳。當日去到服務都好好，八點去到已經滿座。侍應遞上餐牌，飲品餐牌好有特色，非常精美。枱與枱之間略嫌距離太近，我全程都聽到隔離枱兩位女仕的工作情況．．但無奈所有二人枱都好近，若果坐卡位可能會好D..所有食物都幾好，價錢合理。但最好係現場live band, 非常有大角咀lost star餐廳的感覺。由於全晚滿坐，侍應有點應付不下。我先生的牛扒已上，但紅酒仍在bar 枱。我提示幾次先拎到紅酒。而且，茄汁都是叫咗兩次，吃完薯條才到。若果可以改進服務，才配得上訂枱時的高級感覺:)…查看更多

佢同一層有好多間飲品店，因為我哋趕時間去睇戲，見佢可以5分鐘做好杯嘢飲，所以就叫咗鴨屎香大筒檸檬茶，好後悔，因為唔好飲，亦唔平。隔離有萬波，見好多人排隊，應該要等15分鐘以上， 101檸檬茶又多人排緊隊買嘢飲。所以揀多人排隊嘅先係正確。以前有飲過喺另外一個地區，感覺冇咁差，係正常一杯好飲嘅果汁飲品。今次呢杯檸檬茶係冇檸檬味，冇茶味，感覺成杯冰咁，仲要$45一杯。去茶餐廳嗌20蚊杯好飲過佢好多。絕對唔建議幫襯。…查看更多

就係見隻蝦咁大隻，又有幾個人等緊，所以就買一碗濃蝦湯蝦麵，一碗麵有五隻大蝦，拉麵底，面頭有櫻花蝦。一拎起飲個湯，真係真材實料嘅。再食一啖麵就覺得係淋咗嘅日本拉麵，由於我同老公share一碗，我即刻俾佢食一啖麵，佢好鍾意食拉麵都食唔晒。其實碗麵係平時拉麵嘅一半份量咁，即係唔好食，所以唔食。我哋係佢一叫Number就即刻拎，冇周圍行，絕對冇令到佢會麵等我哋。但係不得不讚個湯係食到佢真材實料用蝦頭熬製，飲完唔會好頸渴，但又未去到一飲落去嘩一聲。最麻煩係要企喺度食，因為已經好多人喺佢側邊將圓枱仔，我哋冇位放碗湯就要企喺度拎住個碗食，仲要隻大蝦係連殼，真係食得幾論盡。所以我絕對唔會再企喺度食大蝦麵。我建議舖頭將啲蝦剝咗殼先至比客人食。佢啲蝦殼又可以用返嚟熬湯。另外，大蝦嘅感覺，冇乜蝦味，睇落用料似係冰蝦，雖然佢有蝦嘅爽，蝦肉嘅質地係OK，但味道不鮮甜所以咁辛苦食，又唔係話好好食，就冇下次。…查看更多

每次嚟到葵涌廣場，一定會想食陳皮魚蛋，試過龍仔小食之後，每次都會揀返佢。因為佢啲陳皮魚蛋好煙靭，唔係烚咗好耐淋曬嗰啲。個咖喱汁又煮到好入味，有咖喱嘅香味，唔會太油膩感，基本上唔使再落任何醬料。同埋每次經過都有其他人買緊，流量多嘅，多數都會安全啲。食呢啲魚蛋，最驚就係佢個煲唔滾，但每次經過龍仔小食，佢用電飯煲煲住啲魚蛋一直都係有泡泡。咁會放心D, 因為唔想掃完街之後，返屋企肚痛唔舒服三四日，就好唔抵啦。…查看更多

見有其他人食緊朱古力味pancake, 又冇人排隊，只係$50有兩年soufflé pancake, 覺得可以試吓呀。我同老公share 一份脆脆焦糖+牛奶雪糕，我哋覺得真係好好味喎，新鮮熱辣嘅pancake，係少甜，加香滑軟牛奶雪糕，個面有用熱槍燒咗嘅焦糖，變得脆脆👍🏻用心一提，小店叫咗我哋等嘅號碼，知道我哋喺度先會唧雪糕，咁個雪糕就好新鮮，又唔會咁快溶。佢個質素比得上K11地庫嘅日式pancake，但價錢只係一半，所以我覺得性價比非常高，可以值得企喺度食…查看更多

假日三位食點心，叫安格斯和牛腸粉，牛肉好味，但腸粉皮比較厚皮。去任何一間鳯城，都會想食上湯炸粉果，呢啲懷舊菜式，唔係度度有得食，好好味。佢點心大概$30-50碟，炸春卷都係比其他酒樓大碟，蝦餃都好味，夠爽。跟住叫咗豉油皇三絲炒麵，夠鑊氣，炒麵夠乾身，但油多咗少少。食咗一陣見每枱都叫炸子雞，原來做特價$148，真係好抵食，做得皮脆肉滑，本身已經飽，都食多兩件，但最後也要打包拎走半隻雞最尾仲可以免費泊車三小時，有時間行宜家傢俬。…查看更多

朋友生日，約咗去食晚飯，好彩冇一早買定套餐。因為上到餐廳，隔離枱的男仕食緊龍蝦餐已經聽到佢講 ‘好伏’…雖然見到龍蝦好細隻，我地兩個女仔都冇理咁多，叫咗飲品同前菜先。飲品好正常，好飲，但兩個前菜好難食…外貌係ok, 但buffalo wings係應該脆皮，外面係hot sauce, 但佢個皮係淋咗，外面茄汁，成碟暖嘅，雞翼心係凍，另一個greek salad係冇味。點解我哋唔投訴，換個碟呢？因為個度有個侍應一直咳，又冇戴口罩，我仲見佢直接吐痰到放污糟碟的車上，冇用紙巾包住…我真係唔想叫佢處理我的食物，亦冇曬胃口．．去這餐廳最開心係打咭位好靚，好得意。所以我哋打完卡，兩碟前菜都食唔到就離開，搵其他餐廳食。係一個好恐怖嘅經歷．．…查看更多

訂咗6位同朋友慶祝生日，見餐廳啲嘢飲好靚，可以打卡影相，平均價錢$120一杯，靚都OK嘅，有相為證。但服務係伏，以為訂咗位，所以佢比間房我哋啦，間房靠窗，但仲有兩張枱嘅，所有人行入去係要攝過兩張枱，間房極凍，話唔校凍D天花板滴水，冇枱可以轉，食咗半小時，頭頂射燈開始不停咁閃，冇15分鐘閃一次又停下，可能閃10分鐘又停下…非常煩厭，又問一次有冇枱轉？又係冇…生意真係好好，食物都OK，價錢係貴，冷氣座位啲燈咁閃到頭暈嘅配套就最差。一定唔會再去。個經理嘅解決方法話下次去比一張好啲嘅枱我哋，真係唔該晒🙏…查看更多

經過好多次，有時見到好多人排隊。終於有機會试吓，係朋友帶我去食佢嘅飯堂，就係天婦羅飯。朋友食大蝦天婦羅，隻蝦大隻到呢，口感似龍蝦彈牙爽口。我就食Deluxe 天婦羅，有5隻中蝦，有魚，墨魚，日本番薯，茄子，草菇，青椒，南瓜．．其實係適合兩個女仔食一碗，個set連前菜都好好味個天婦羅🍤味道非常似東京淺草附近的一間專食天婦羅的餐廳，係已經係天婦羅上面淋上醬汁的，味道剛好，底層飯會吸收醬汁，十分美味其實lunch 兩位$1000都係好貴，但簡唔中慰勞自己係值得其實佢都有其他套餐，我下次會食細份少少的午餐…查看更多

好友生日，想搵一間坐得舒服又就腳嘅餐廳，放工後兩個女仔傾下計，係openrice訂位一至四套餐有六五折，真心好抵食，兩個人$577二人套餐有磨菇湯，沙律，海鮮意粉，牛柳，加一份薯條，兩杯cocktail, 都係$800左右，由6:30可以坐到9:30pm. 冇趕人走，又有寫字係甜品碟，服務態度很好，餐廳感覺年輕，可以再去。總括而言，想casual食飯，係好食可以再去，但由於開放式廚房關系，食完全身有油煙味，同埋餐廳枱凳比較近，少少嘈。…查看更多

通常去譚仔，三哥，南記食米線，都指定食相同的配搭，今次第一次食九頭鳥，好有新鮮感，試咗多人叫的春卷，雲南酸辣3小辣，我覺得同譚仔不同，但都好味。下次可以再試辣多兩度。春卷質地感覺都同南記好似，份量都好多，有5條。下次會想試吓其他湯底，但春卷一定要encore，可以同朋友share但一定要預時間食呢間，lunchtime等位人多，等外賣都多，等上菜，好多枱都有吹單但我覺得同朋友去便可以傾耐D，坐耐D.. 有心理準備就唔使咁趕…查看更多

星期六同老公經過新店，見不用排隊，就想試吓佢牛腩牛什，叫咗一個牛腩麵，另一個牛什米，米粉用新竹米粉，幼身掛汁，份外美味，牛什湯底有涵水味，牛什比起其他麵店份外不同，鮮嫩，沒有雪味，可能用新鮮材料。知道佢店舖清湯牛腩的清湯每日新鮮製成，一嚐清甜，牛腩肉嫩，老公飲咗好多啖清湯，侍應見佢湯麵唔夠湯，主動提出添加一碗湯底比老公，好貼心的姨姨。另外要一提係個辣椒油，少少已經好夠辣，好好味，胃口大增。再叫一份餃子，係細細粒，冇咁飽滿的餃子🥟…查看更多