帥氣小劉的個人專頁

個豬扒包伏到哭，40蚊一個茶餐，個豬扒包裏面個豬扒得半塊，正常一係厚切細份，一份薄切大份，未見過薄切細份，40蚊呢個價錢俾d垃圾質素人食，真係無良心，永久blacklisted 呢間咁度縮，份量小的茶餐廳。個包又乾又硬，好一般，唔值呢個價錢。問樓面話個豬扒包是咁細。唉，劣食。劣評。…查看更多

點左蘿蔔糕，一堆白色肉團，呢碟叫蘿蔔糕，驚嚇死人，12蚊以為咁平，點知咁核突。再黎點左皮蛋瘦肉粥，一黎以為係一碗白粥，原來碗底有皮蛋同肉絲，大佬，皮蛋瘦肉粥是一齊煮先叫皮蛋瘦肉粥，你分開上，皮蛋瘦肉當配料，救命。完全跳出我對皮蛋瘦肉粥是的認知，好伏，因為冇睇open rice 就簡左呢間，上菜咁伏，立刻查open rice ，劣評。好心你咁求其就唔好做，水人幫襯，平人地果幾蚊，寧願俾多幾蚊食正常的皮蛋瘦肉粥，永不再食，劣。…查看更多

首先，係尖沙咀食韓國料理，假日大部分餐廳要俾晚市價錢，沒有lunch set , 行左十間都冇，好彩open rice 一下，見到呢個有假日lunch set ，仲要黃店，比較是良心一d，冇坐地起價。點左兩set 炸雞，有雞球有雞翼雞鎚，醬油味同芥末味兩種，個人覺醬油味好味d。另外，水冷面都好味道。兩個人260蚊，連加一都算合理。真心，旅遊業一復甦，間間韓國餐廳都趕住賺錢，我寧願去旅行洗錢都唔會益香港d垃圾餐廳。…查看更多

點左個招牌船面，椰青海鮮焗飯，泰式沙律船面個湯底唔錯，又唔會好咸，正常發揮。椰青海鮮焗飯，d飯似芒果糯米飯，甜甜地，都好有耶青味道。98蚊一個星期六日加一，少貴，唔太抵食。再點個泰式沙律，好好味，夠辣味重，正宗。…查看更多

48蚊， 越式咖喱雞翼飯，連一包紙包飲品，完全唔抵食。 首先，呢間做外賣都算，但價錢唔太平。其次以為越式咖喱雞翼飯，有越式兩隻字會特別d，於是買黎試，估唔到同普通咖喱雞翼飯冇分別，48蚊冇堂食，呢個價錢真心貴。另外有4隻炸雞翼，其實只是好普通的炸雞翼（起碼都應該是香茅果種）,這種炸雞翼咁同日式咖喱雞翼飯有咩分別？仲要連配菜都冇，咁講呢餐好鬼hea ，48蚊完全唔值個價。最嬲係被越式兩隻字誤導左，真心好伏。…查看更多

雞煲任食 128左右首先個雞煲2人份量都好夠，叫大辣都唔算好辣，送一份蔬菜盤，略嫌唔太夠，單點菜比較貴。另外飲品28蚊位任飲，感覺有少少貴，冇點到飲品。如果d菜同飲品平少少就好，淨食雞煲雖然有d dry ，但食好飽。…查看更多

點左兩樣野，1個海鮮面，1個芝士炸雞拼盤，個拼盤可以選2種口味的雞，加1杯特飲。首先，海鮮面幾好食，冇挑剔的地方。芝士炸雞拼盤有些滯，因為芝士關係，而且268價錢唔平，2個人食就太多，最好3-4人食。特飲50蚊杯，好坑人，不了…查看更多

點左海鮮煎餅同醬油炸雞海鮮煎餅幾好味，材料份量都足夠，但如果醬汁咸d會更好味，炸雞都好味道，點2個餐兩個人細食都足夠，呢度消費都唔平，都要250蚊連加一兩個人，可以接受。…查看更多

點左個2人套餐，包括有雞絲粉皮，小籠包，豬扒担担面同 蝦米津白，兩杯綠茶。承惠250蚊，感覺超貴。首先，套餐應該平過單叫，但呢個套餐是貴過散叫 ，非常唔抵，而且担担面底要加10蚊，兩個人加20蚊。計過數，散叫平過套餐，超伏。講下套餐同散叫的分別，豬扒担担面是分作兩大碗，有人可能覺得抵，但本身2人套餐已經有4野，根本2個人已經好難食得完，宜家俾兩大碗，基本上似係3-4人套餐多d，完全食唔晒，早知散叫4野食物冇咁貴。小籠包是大粒，但其實好飽，肉比較鬆。津白好味雞絲粉皮好普通，見多人點，但味道同外面食差唔多。豬扒担担面，是幾好食，但手拉面同普通拉麵都差唔多，唔覺得特別好味。性價比低，2人埋單250蚊，唔抵食。…查看更多

朋友介紹，睇食評都好多人like ，但一上冇想像中好食，係令人飽肚。點左個夏威夷魚生飯，個碗好大，但細心睇，其實d飯份量好多，仲蓋住好多海苔，但吞拿魚就得好少件，雖然是厚切，但份量略少。食到一半，覺得好dry ，冇醬油冇washabi ，雖則是茶漬飯，但味道略淡，飯好多食唔晒。。。感覺似買左一大碗白飯食，有少許伏。另外，店員態度都好一般，要自己去檯面俾錢先，但店舖好窄，好難行 ，坐得又唔舒服。88蚊呢個價唔包括飲品，感覺性價比超低。…查看更多

整體75分😊青木瓜沙律16蚊，份量太少，有少許唔抵芥蘭25蚊，好平，份量都足夠，平過出面生菜包39蚊，夠平，味道唔錯，肉碎未必最好品質，但可接受。柑橘檸檬應該自己調製，同外面飲有些不同。…查看更多

Lunch 減40蚊，埋單350左右整體表現尚唔錯，350蚊的牛肉，豬肉，雞肉款式都好多，基本上唔可能食哂所有款式，一開爐，一壺封門柳及一set 牛肉（唔同部位的牛肉）就會送上黎，等試完呢轉就可以簡自己喜歡的牛肉，全部都可以係手機落單，該店出名封門柳 ，由於我一個人食，一壺封門柳係一大條牛肉，幾大份量，味道還可以，本人唔太識食牛肉，總覺得d牛肉都差唔多味道。海鮮方面，魷魚須比較好食。甜品就海鹽雪糕比較出色，味道唔錯。雖然減左40蚊，但埋單都要加一，lunch 唔多人食，可能因為疫情。不過放題一個人都食唔到好多。…查看更多

雲呢拿雪糕蘋果肉桂餅 80分見好多人 like同要排隊，所以心血來潮試下個甜品，價錢是88蚊，而且要另加一，非常貴。上菜份量唔多，一塊好薄的pancake ，上面有蘋果同肉桂汁，味道都唔錯，唔會好甜好滯，淺嘗不錯。呢間多外國人，好似好受外國人歡迎。…查看更多

59蚊一人一鍋，加一 ，定量lunch set 59蚊加一之後唔貴，但份量都幾多，食到好飽。三杯雞湯底，點左三餸，分別係三杯雞，沙茶牛肉，貢丸，呢三樣比較抵食，配搭個台灣面，食到好飽。Lunch set 包埋飲品，點左珍珠奶茶，因為隨餐附送，都係只係一般珍珠奶茶，中規中矩。呢間lunch set 抵食，呢個價錢係銅鑼灣好難食到，質素ok, 湯底都有幾款都ok 。呢間晚市就變放題，就變到好貴。呢間餐廳有限時，一小時內，應該平時都幾多人食，今日唔算多人。…查看更多

假日午餐，點了最平的套餐，只有三款肉，雞，牛，豬，另外也加38另點了任選海鮮，這個組合最抵食，適合唔喜歡食肉臟的朋友們。首先，配料方面，菜葉類的種類選擇較少，較多菇類，瓜類。肉丸款式很多，有貢丸，芝士丸，海鮮丸，魷魚丸，蟹子丸等，而且都很好味。飲品選擇主要茶類，冇果汁檸檬茶果d。主菜三款肉不過不失，海鮮有驚喜，沙白蜆很好味，大大隻。有海蝦，肉是實的，唔會好腥，好難入口。兩款魚滑都好好食。湯底點左菠蘿雞湯，味道太淡，唔見有菠蘿，唔好點呢種湯。…查看更多