frost217330的個人專頁

係kkday 訂左【佛跳牆風味菜】二人套餐，老實講，性價比唔高，我自己唔會食第二次。首先，成千蚊既套餐，唔太接受到個茶杯「奔」左一角🥺前菜唔合格，只得酸醋味，沒有青瓜/豆本身的味道。1. 風味三寶 (銷魂叉燒、金錢雞、黑醋木耳） 叉燒係好食既，好軟好多汁，不過食第2件會覺得咸。金錢雞都ok, 唔會太「溜」，味道係夾既。而黑醋木耳就正常發揮。2. 粵軒佛跳牆 - 反而最失望係呢樣，因為食完無咩印象，好普通，湯底和食材都普通，連湯底的味道和前一晚去中式婚宴的魚翅湯底一樣味😅3. 釀焗蟹蓋- 反而又有驚喜，好好味，可惜份量太少。4. 紙包骨- 呢樣我工人姐姐煮得仲好食過佢😂 5. 魚湯浸時蔬 - 正常，0技術含量6. 荔蓉香酥鴨 - 好好食😂真係好鬆脆👍🏻7. 迷你桶仔飯- 無特別到連相都無影😂8. 精選甜品 - 普通紅豆沙總體來說，千幾蚊食呢set 套餐真係唔抵，性價比太低。又無風景，又唔係靚裝修，只係座位坐得闊落D，又唔係好服務，又唔係好好食😂如果平到$299我都唔會想食多次。…查看更多

有一人座位，唔會老監，咁都算啦，但呢度嘅食物真係好普通，唔係好出色。啲嚮玲浸曬去湯度，淋曬，都唔係幾好味，有D好慘嘅口感，真係冇食過咁差嘅呢！沙爹湯底其實係清湯+沙爹醬，沙爹醬仲分開上，真係冇晒味，仲唔夠咸，好失望。另外，如果係雨天既時候，呢度都係唯一一個choice，真係好嘥氣，唔知點解會有人咁唔識食嘅。總括黎講，呢個地方除咗有一人座位，其他真係一塊垃圾，如果你唔係迫不得已，就唔好嚟呢度啦！寧願俾多 30蚊去對面食 創活Cafe仲好…查看更多

個日岩岩搭高鐵返香港，由高鐵站入境大堂行去圓方就到，全程唔洗十分鐘👍🏻 下午5點入去食early dinner ， 雖然唔係繁忙時段，每枱都有客人，唔會靜場。而且有D位係近溜冰場，坐得好舒服同好開揚。 試左 「野菌椰菜花不是飯」、「香烤厚切豬鞍扒」、「水牛芝士薄餅」。野菌椰菜花不是飯❤️❤️❤️❤️❤️中意好Creamy 既人必試，食落好香既奶油味，risotto 係用椰菜花粒粒去整，無澱粉質。必試之選。 香烤厚切豬鞍扒 ❤️❤️❤️擺盤已經好靚。雖然豬唔算好滑，仲有少少鞋口。但因為厚切既關係，所以原諒佢。估唔到豬 配 蘋果都咁夾，真係喜出望外。而且個豬無豬肉的嫂味，所以整體都唔錯👍🏻當然 如果口感仲可以滑D 就perfect。 水牛芝士薄餅❤️❤️反而pizza 就正常發揮👏🏻薄而脆，芝士幼細感覺唔會「溜」。 而且呢到既服務好好👍🏻雖然都忙，waiter好細心推薦款式俾我地，一d唔會崔我地。而且旁邊仲可以 $6租充電器👍🏻圓方行街傾計必選👍🏻…查看更多

嗚虎係一間無服務，自助收枱嘅拉麵店。我試咗佢哋嘅白松露雞肉湯底拉麵，感覺一般。松露係香既，但唔係好突出。麵底軟硬OK，唔會太爛或太硬。湯夠濃 ，有雞味，但有啲油膩。叉燒好鞋口，唔夠滑及入味，而且份量唔多。隻蛋可以話唔合格，太熟，冇流心。環境方面都算正常，但全程食野都有隻大烏蠅和小蚊螆飛黎飛去😵同同事上司去就有點老監。整體黎講，呢間拉麵店唔算差，但都未至於好到令人驚喜想encore 個種，頂下拉麵癮都可以既。…查看更多

今日去咗溫野菜食嘢，好多款肉同醬汁可以揀，仲有湯底可以選擇。我揀咗鹿兒島美豬同雞腿肉定食，加埋三款自選定食。而且要揀壽喜燒湯底，因為我揀咗和牛湯底，味道唔係特別甜，下次一定揀壽喜燒湯底。肉同醬汁方面，肉都做到好薄切，好易吸晒湯底嘅精華。牛頸脊嘅肉質比較出色，雞肉都好滑嫩，但豬肉就比較一般啦。醬汁就唔同啦，以前有柚子醬，不過而家冇咗，只有芝麻醬，都好好味。除咗肉之外，仲有兩粒豬肉丸，有秋葵味，比我想像中好食。最後試咗闊條麵，就算煮很短時間都比較軟，個人唔太喜歡，朋友話有啲似河粉。總括而言，溫野菜嘅味道唔錯，肉同醬汁都好好食，只係湯底可以揀壽喜燒湯底，同埋啲麵條唔太啱我嘅口味。…查看更多

裝潢真係靚到爆！坐得都好舒服，真係好想留低嚟坐下飲杯茶。但係份量就有啲失望啦，特別係軟殼蟹炒意粉，油油地，食落好濟，唔太掂。魚柳Burger就更加一般，冇咩驚喜，而且魚柳冇味，真係有啲失望。另外，我試咗焗豬排飯，但個汁好淺色，都冇味，感覺好失落。總括而言，呢間餐廳嘅裝潢同坐位真係好出色，但係食物方面就有啲令人失望。如果你想搵個地方坐下休息，飲個茶，呢度係一個不錯嘅選擇，但如果想食好嘅食物，就要再考慮下啦。…查看更多

最近我品嚐了他們的湯餃子，我必須說這是我吃過的最好吃的湯餃子之一。首先，湯餃子的餡料非常足，每一口都能感受到肉香味，讓人吃起來非常有飽足感。其次，湯餃子的皮薄餡多，口感非常好，吃起來很有嚼勁。最重要的是，湯餃子的味道非常棒，我可以感受到每個成分都非常新鮮，讓我一口接一口。整體而言，這家湯餃子店的湯餃子不僅足料，而且味道好食，是一道非常值得推薦的美食。如果你喜歡湯餃子，一定要來這家店試試，你一定會愛上它的美味。…查看更多

約埋幾位同事一齊去食😍已經選左年初二，都有很多街坊同付近上班的食客，都算旺場。 我同事有訂位，會安排「留座」，幾貼心。我地12:45入場，很多熟食都無曬，職員都keep 住有refill食物👍🏻 點評一下我食過既食物： 1. 炸芋頭 ❤️❤️❤️❤️❤️呢個簡直5星好評，好香脆，芋頭入面好夠味，真外脆內軟，好似見到無再refill我都食到三件。 2. 梅子洛神花水 凍既，酸酸甜甜，好開胃，我飲左一杯之後都無曬。 3. 烏冬 / 腸粉特別既炭水化合物得呢兩款，我個人覺得麵好好食，有味但唔鹹。同事個個都話腸粉好食😋 4. 波菜麵 （沙律個邊）見個樣無汁以為乾爭爭，點知好夠味，又唔鹹，有冷麵汁既味。 5. 蓮藕夠軟，食落唔會多絲👍🏻🤣 但因為次次食物未必一樣，只供參考。整體來講，呢間食素味道好掂，廚房煮出來既配搭/用色/食飯既款式都好多，幾用心既，希望keep 住，長做長有。 環境算唔錯👍🏻 有4人位，唔會太逼，行都鬆動。職員都好友善，可以八達通付錢，可以留位。會推薦朋友再來。…查看更多

喺工聯會上完堂就黎左食，行2分鐘就到。 香茅豬扒飯❤️❤️❤️❤️❤️呢個真係超級推介👍🏻件豬扒係厚切，食落去真係啖啖肉，而且炸得好香脆，超級多肉汁，就算冇醬汁都一啲都唔乾。入邊仲有隻炸蛋😂 蟹膏湯檬 ❤️❤️❤️反而呢個我覺得冇乜特別，係好食嘅，都好多湯料， 蝦都好彈牙，蟹膏都好多，只係味道唔太重，吃完豬扒之後差唔多吃唔出。可能適合淡口味嘅朋友。 朋友食咗香茅雞翼，呢個我反而冇試過，評價唔到。但係睇樣都真係好靚仔，雞亦都好香脆。 雞蛋咖啡 ❤️❤️❤️❤️❤️鍾意飲咖啡嘅人必試，雞蛋味真係好重，上邊都好甜，咖啡低飲唔出邊隻豆，都好甜，本身就加咗糖，超正。 佢嘅水仲係青瓜水，飲晒啲職員會主動同你加👍🏻 小店咁嘅服務真係一流。而且環境好乾淨，坐得都好舒適，肯定會再來。…查看更多

今日lunch 去食左，在馬路上有3張枱食。1. 鍋貼 ❤️❤️❤️❤️鍋貼真係做得幾好，夠熱，皮不厚但也不算薄，個底煎得好香脆。肉涵剛剛好偏淡，食3粒都不會太「溜」。2. 生煎飽❤️❤️❤️❤️❤️生煎包最好食，食完會想encore。包比較厚身，但唔會成口粉，一樣個肉不算出味，但個底真係煎得好好👍🏻卜卜脆3. 小籠包❤️❤️❤️反而呢個無咩特別，皮係比較薄，但因肉不是太出味，所以食落正常水準。 4. 酸辣湯❤️❤️夠辣 夠酸，不過不失5. 紅油炒手❤️❤️❤️❤️呢個都唔錯，見老闆娘即刻煮既。反而個紅油好正，我唔食辣既都中意食，麻辣好香👍🏻👍🏻不過提提大家，因為店內無位，要坐路邊，有車經過，有烏蠅🪰飛過，有人食煙🚬 …查看更多

呢間鋪頭唔算大，有Bar 枱和長枱，都有隔板叫左個2人套餐，個蝦湯底好濃厚，完全唔會好浠，仲見到有櫻花蝦仔在湯底度。不過食材就比較少，只得糖心蛋和兩塊叉燒，荀/木耳呢D食材就當係小食。如果男仔叫一碗拉麵可能未必夠食。荀同木耳都正正常常，我平時不食荀，都覺得酸酸地幾開胃。餃子就中規中矩，煎得正常火喉，無咩大驚嚇。 麵底不是我最喜歡的麵底，因為沒有麵香味。最特別係蝦湯底，其他都係中規中矩。不會特地去食，經過時可以試下，近地鐵站不用行太多樓梯上去。…查看更多

呢間餐廳我幾年前經常食，當時還在金百利，呢3年我已經無食過，餐牌內容無大變，唯一個價錢變得好多，大約貴左 35%😅-今次叫返我的最愛- Mac Cheese and Waffle.因為我和朋友都係2個女仔，食一碟Mac Cheese 真係會好飽好「漏」。大讚芝士味好正好香濃，芝士控一定要來試下，可以拉絲拉到好高。美中不足係煙肉太少 而且配芝士食食唔到煙肉味，而且通粉係細通粉。另一樣係窩夫🧇，有2大塊，和朋友Share食好方便。waffle 好鬆軟，外層係爽脆，而且仲有少少熱👍🏻大讚👏🏻不過水果好酸，士多啤梨同藍莓係大粒但酸😫雪糕係我喜歡既質地，拎出來不會立即溶左👍🏻…查看更多

今日中午lunch 第1次試呢間餐廳，我在公司用open rice app 可以下單，然後連BOP Pay 仲可以減$8，好平，糧尾恩物。而且去到餐廳時候可以即拎，不用花時間等餐👏🏻-叫左3餸 - 魚肉春卷、咖喱魷魚、韭菜餸+河粉。味道係正正常常，不會話太有驚喜，亦都完全可以接受，但呢個價錢就性價比好高。-外賣盒無加錢，仲有乾濕分離間隔。魚肉春卷有2條，韭菜餃都有2隻，魷魚正常有幾件。我覺得魷魚真係無味😅可能咖喱味俾湯底沖淡左，不過好有口感，SiZe 都算厚肉。魚肉春卷都算正常，可能Size 大大條，都有點飽。 反而我覺得最好食係韭菜餃，好夠味且juicy。麵底都好多，多到食唔曬，好飽。可以Anchor …查看更多

住左付近咁耐，居然未試過呢間😅直到有次老公叫左呢個外賣- 香煎露荀鵝肝牛肝菌意大利飯俾我，真係一試好中意。外賣個擺盤都係差唔多，始終無餐廳咁靚。但一打開真係好香好吸引，口水都流曬出黎。 見到塊鵝肝真係好大塊，煎得好靚，口感食落入口即溶…😍鵝肝上面係garlic ，不過唔會搶曬鵝肝味，而且仲好夾。 反而露荀比較少😅成個飯都係牛肝菌味，露荀就無掂企🤣唯一要改善既係，飯真係有點硬，未熟透，外賣自取到屋企好難叫佢地再煮耐D。…查看更多

只能夠講，我無睇清楚呢間出名牛….我居然叫左非牛既餐…所以有少少同期望不乎。 香脆炸里脊豬扒、東京風牛排鍋、鮮嫩脆炸豬柳伴鰻魚、炸廣島蠔及大海老。先唔講食飯，個外賣盒雖然係紙盒（環保）、但立即降低曬個賣相cp值，好似大陸高鐵飯盒咁。已經係最好食個個餐。唔係好見到鰻魚的蹤影。唯一一個餐同牛有關，但又係炸牛，食落好厚好乾身。海鮮餐都中規中矩，無驚喜，我覺得反正最好食既係菜，$208好似唔太抵食。之後睇返open rice 原來都要牛才吸引，咁我地真係選錯左…. …查看更多