foodzeroone的個人專頁

餐廳光線充滿格調，環境亦都部門聖誕嘅氣氛，坐得好舒服，食物質素都好好。海鮮拼盤星期一/二$99就食到，性價比超級高，法國黃金螺好有咬口同埋充滿海鮮味 、北海道帶子鮮甜厚身 、新鮮空運生蠔係澳洲蠔食落好Creamy、紐西蘭青口 、日式磯煮飽魚 焗蠔煙肉芝士蠔肉焗得啱啱好仲好嫩滑，食嘅時候記得小心因為超級熱，上面嘅煙肉芝士都獨當一面，焗到有啲脆脆地超級好味。原隻日本魷魚焗釀意大利飯呢個我最期待，果然冇令我失望，個魷魚煮得啱啱好食落去好彈牙同埋好新鮮，入面仲有啲魷魚籽配埋意大利飯，意大利飯都做得好出色，一齊食落去口感勁豐富。蒜片辣椒煮維珍尼亞蜆扁意粉維珍尼亞蜆勁大隻，配埋勁香嘅蒜片加埋辣椒煮嘅扁意粉，食落去勁重蒜油味，超級惹味。…查看更多

淨係望住個一望無際嘅維港夜景起碼都加50分，再喺入面食埋超級好食嘅鐵板餐，全晚勁滿意。前菜有沖繩水雲漬，口感好爽滑配埋個汁酸酸地好開胃都幾啱口味、合桃小女子食落去脆卜卜，同埋魚仔我勁鍾意、仲有希靈魚都唔錯。刺身有赤蝦好鮮甜、赤貝同拖羅都好新鮮，刺身整體都唔錯雜錦魚生飯魚生仲多過飯勁誇張，入面有幾款唔同嘅魚生，配埋三文魚子一齊食勁惹味海鮮茶碗蒸入面有啲蟹肉絲，同埋個蛋勁厚身勁滑魚湯勁鮮甜，仲有淡淡嘅清酒香味，入面塊魚肉先係精華汁煮愛媛縣鰤魚鮫呢個食落幾讚嘆，個鰤魚鮫煮得勁腍，食得出係心機嘅菜式，個蘿蔔都勁入味勁正。野生生猛龍蝦，全晚嘅重頭戲，隻龍蝦勁大隻，師傅將龍蝦膏加落個龍蝦肉一齊鐵板煎，煎得啱啱好，龍蝦肉咬落去勁彈牙同埋勁惹味，個龍蝦頭入面都仲有好多肉，好味到飛起南非鮑魚，勁新鮮嫩滑，咬落去嗰種彈牙嘅口感真係勁誇張，味道亦都調得啱啱好日本宮崎和牛咬落去勁重油脂，第一啖咬落去已經係知係靚嘅食材，記得要食埋個炸蒜，一樣咁好味煙肉香蒜炒飯，淨係個炒飯面頭嗰一隻蛋聞到已經流晒口水，蛋白煎得勁滑，炒飯配埋個流心蛋黃一齊食超正最後仲有炒什菜同埋甜品…查看更多

一入到坐低就充滿80年代嘅香港味道，全部都係啲耳熟能詳嘅廣東改編歌，大家都有一齊飲酒，好好氣氛。前菜有泡菜牛脷，同埋汁煮茄子，茄子超好味。飛魚籽玉子燒玉子燒燒得啱啱好，入面配埋啲飛魚籽爽脆撲撲一粒粒，個玉子燒超滑超好味，配埋蔥花同埋蘿蔔蓉一齊食勁正。刺身三點（八爪魚、赤背、赤身）原隻赤背刺身好鮮甜、八爪魚爽脆、赤身魚味濃郁原隻燒魷魚肉質嫩滑 唔會燒過龍 搽左一層帶甜嘅醬油係面 個人鐘意加埋七味粉一齊食就更加惹味燒雞皮夾大葉雞肉串雞肉燒到好脆口，雞皮香脆juicy燒大葉雞皮蝦串同樣都係用雞皮做嘅串燒配搭海鮮多咗一種鮮味，非常惹味燒雞橫膈膜串呢個比想像中出色，口感彈牙有少少似雞軟骨，但係又冇咁硬，必試。…查看更多

平時行過係落地玻璃望入去都覺得好吸引，今次叫症限定鐵板套餐（二人前），都幾抵食，性價比好高。蟹棒沙律蔬菜幾新鮮，作為開胃菜一流雜錦刺身三文魚好肥美，八爪魚充滿海水味食落好新鮮，甜蝦好大隻，仲有海藻同北寄貝好好味。鐵板廣島蠔師傅先煎香咗煙肉同埋櫻花蝦，之後再煎到啲廣島蠔金黃色再夾埋一齊，廣島蠔入口勁Juicy，同埋好大隻好有口感，超級滑超級鮮味。黄金老虎大蝦見到今晚嘅招牌菜勁震撼，虎蝦勁大隻勁新鮮，師傅先煎香咗個蝦頭，再處理個蝦身，煎到半熟嘅時候再用蝦膏做返個汁，一上碟已經聞到勁香，試咗一嚿爽滑彈牙拍得住龍蝦，個蝦頭都超多膏同埋肉，呢個真係食到舔舔脷。日本黑毛豬師傅先煎香咗啲香蒜，黑毛豬配埋佢啲醬汁勁夾。美國頂級牛柳牛柳肉味好濃，同埋咬落去好多肉汁勁Juicy，個獨子蒜片係靈魂，出面食通常都炸定，呢度係由白色嘅生獨子蒜片，一直煎到佢金黃色，食落口味道勁有層次，配埋牛柳一齊食勁出色。蟹籽煙肉黃金炒飯炒飯炒到一粒粒，乾身嘅炒飯最好味，食鐵板餐最後食埋個飯先至滿足，飲埋麵豉湯同埋食埋雪糕勁飽。…查看更多

平時經過電腦超級多人排隊，今日可能早咗過去等咗唔係好耐就入得，入到餐廳覺得幾乾淨企理。泰式香葉肉碎+煎炒太陽蛋隻炸蛋勁吸引，個蛋黃勁橙望到都覺得好好味，個肉碎叫咗小辣，味道啱啱好餸飯一流，配埋個流心蛋黃一齊食好味道唔知講咩好。羅勒醬烤和牛上面嘅香葉烘到脆口超級好味，粟米芯有啲平時燒嘢食嘅炭火燒香味道，超級好食，和牛有嚼口之餘肉味仲要超級重，同埋烤到好香。泰式飛天炒通菜食泰國嘢一定會叫飛天通菜，小辣嘅味道就啱啱好，呢間餐廳嘅調味我幾鍾意，樣樣味道都恰到好處。泰式雜錦海鮮煎呢個真係必試，佢入面嘅海鮮全部都好新鮮，蝦肉又大隻又彈牙，魷魚爽口之餘食落去仲好新鮮，仲有蠔勁大隻，唔係平時食嗰種蠔仔煎，配埋佢個蛋汁加埋少少豉油香超級好味，下面嘅芽菜都好鮮甜。椰奶沙冰個椰子起咗肉，放咗喺面勁貼心，沙冰堆到成層樓咁高，見到都覺得好震撼，飲落去飲到椰子水之餘仲配咗好多沙冰勁正。…查看更多

今晚約埋buddy去左食間小隱蔽的海鮮蒸氣鍋。地點位於尖沙咀天文台圍2號環海大廈2期地鋪。從佐敦站大約行7分鐘左右就到，都唔算遠。一去到就有隻大蟹係門口，相當有趣。坐低一見到個尊貴海鮮套餐，有10款海鮮!! 我同buddy就點了1人1客😈 侍應哥哥仲推介我地食海鮮建議飲咩好，服務態度💯係食蒸海鮮前仲會有個前菜，鮑魚冬菇相當入味。之後一開始佢會好似海鮮拼盤上菜，黎到有專人幫我地每款海鮮蒸，服務相當貼心。個人覺得龍蝦同蟹最為出色，相當多膏，肉質彈牙😋😋😋其他也不錯，食到好飽啊。之後原來仲會有個綿綿綿粥同潤一潤糖水。好正啊！！總括： 必須再來幫襯啊🤩🤩…查看更多

每次經過晚飯時間都好多人，勁鍾意食湖南菜想食好耐湘野辣椒炒肉呢個用嚟送飯一流，入面嘅炒肉幾乾身同埋味道都調得幾好，辣椒唔算好辣啱晒我哋口味，入面仲有白雲耳食落口勁清新，唔會覺得好油膩，同埋佢會用過陶瓷嘅器皿嚟加熱，一路食一路都係熱嘅勁正。小炒黃牛肉入面份量都幾多，牛肉好足料，配埋芹菜一齊食勁夾，另外亦都會食到泡椒嘅味道，又係超級啱餸飯。蒜蓉粉絲活蝦蒜蓉粉絲開邊蝦，蝦肉勁新鮮配埋蒜蓉嘅味道入晒蝦肉，同埋都好大碟，見到差唔多枱枱都有叫，下面嗰啲粉絲先係精華，吸晒啲蝦汁嘅味道勁惹味。腐竹燜荷包蛋個湯好重腐竹味，入面都好多腐竹食落去好重豆味，配埋荷包蛋一流。五常大米（煲）一人一個飯煲都幾得意，食幾多就裝幾多，食嘅時候熱辣辣超滿足。手打鴨屎檸檬茶檸檬茶勁大杯，飲到鴨屎檸檬茶嘅香味，同埋$28都真係好抵飲。…查看更多

今日終於食到人氣韓國自助餐，見到入面有好多韓國師傅處理食材，有冷熱專區同埋甜品，都好多選擇。座位都幾闊落幾舒服，去到嘅時候候啱啱遇到佢哋準備嘅香箱蟹同埋醬油蟹，即刻去排隊，醬油蟹俾我想像之中好食好多，個蟹蓋配埋白飯一齊食勁惹味，蟹身都好入味，另外食埋香箱蟹就覺得好滿足。壽司同刺身區都有好多唔同款式，壽司應該有40款，我覺得有醬油蝦嘅壽司都幾好食。刺身就有鯛魚、石斑魚、鱸魚、真鯛、魷魚同埋三文魚，刺身都幾鮮甜唔錯。仲有醬油蝦同醬油蟹，可以自取不停食。熱食都有好多唔同嘅款式，有牛骨湯、炸雞、辣炒豬肉、仲有烤五花肉，樣樣都做得唔錯，可能因為係韓國師傅處理嘅關係，會食得出好正宗韓國嘅味道。另外飲品專區款式都好多，竟然有泰式奶茶、同埋有幾款唔同嘅茶，款式超級多。甜品櫃入面有勁多韓式雪條、仲有Gelato食，想食幾多都得，佢個甜品櫃都好有心思，有朱古力噴泉，可以點棉花糖一齊食。整體嚟講都幾好，有好多唔同嘅食物種類，款式超級多，同埋食到正宗韓國菜嘅味道。…查看更多

呢間餐廳嘅老闆對食材用料都幾嚴格，刺身全部都做得幾出色，色彩係有質素。北海道帶子刺身（6片）帶子食落去味道都好鮮甜，口感幾好。原隻赤貝刺身（1隻）赤貝勁鮮甜，一咬落去超級彈牙就知道質素係超級好。碎蔥吞拿魚腩反卷一口既大細啱啱好，最鍾意係佢入面啲碎蔥配埋吞拿魚一齊食勁夾。日本特上海膽手卷呢個建議就咁食唔落豉油，因為海膽本身味道好鮮甜，配埋手卷一齊食個味道就好平衡。刺身三點兩切＋細烏冬（藍鰭中拖羅刺身、油甘魚刺身、三文魚刺身）拖羅魚油味幾濃，食得出好新鮮，油甘魚同埋三文魚都做得唔錯，配埋個熱烏冬一齊食勁開心。辣酒花螺份量都幾多，係凍盤嚟嘅，辣辣地幾有咬口。火炙左口魚邊壽司、火灸紋甲魷魚壽司火炙壽司都做得唔錯，左口魚邊油脂好濃，魷魚壽司都好鮮甜。立鱗燒（兩件）呢間居酒屋嘅立鱗燒做得超級好，用馬友魚嚟煎到魚生啱啱好，另外個魚皮燒到勁靚，燒到一條條厚落去勁脆口，魚肉都仲保留到嫩滑同埋充滿魚油，呢個必點。…查看更多

佢哋個二人餐都算抵食，是日餐湯係好濃嘅蝦湯，飲得出係用咗好多蝦精華打落去，好濃味同埋好好味。田園沙律入面嘅羽衣甘藍好新鮮，同埋有啲係紫色嘅視覺上超靚，入面仲有藜麥同埋牛油果，仲有啲結果去埋一齊好夾。蒜香牛油清酒煮蜆配法包，個法包烤得好脆，同埋入面都幾多蜆肉，個清酒汁都幾香。鮮香清新薄切油甘魚刺身，油甘魚刺身佢有特別處理過，入面加入咗啲花椒粒味道幾特別，再配埋三文魚籽一齊食口感好豐富。慢煮芝心雞卷配香草蕃茄醬，份量都幾多，雞肉慢煮處理極滑，入面仲有勁多芝士，去埋佢個蕃茄醬酸酸甜甜勁好食。紅酒燉牛面肉旋風蛋飯，牛面肉好腍同埋好有咬口，個蛋都整得好滑。薄荷朱古力奶昔、開心果奶昔，呢度嘅奶昔好滑，同埋味道都好好，一定要試。…查看更多

一入到餐廳見到好多靈芝嘅擺設，同埋好多靈芝嘅證書就知道呢間餐廳靈芝嘅原材料好靚。佢哋會送杯Cocktail，酸酸甜甜幾好飲。靈芝七味脆脆係用靈芝油炸嘅脆脆，都幾香口幾好味。招牌靈芝四季濤潤椰子雞湯底（含靈芝及遠雞半隻）店員提我哋落野之前記得飲湯先，湯底好清甜飲得出好大浸嘅靈芝味道，今日見完之後就開始落雞，清遠雞好重雞味，同埋唔會好多雞油，勁好食。手切本地牛頸脊師傅切得好厚身，咬落好有口感， 碌8-10秒就啱啱好，食落去好重牛味，推介必點。配埋啲唐生菜，吸收咗靈芝、雞同牛肉嘅精華，食落口勁甜。竹蔗芧根水竹蔗茅根水都幾甜，聽店員講都有落靈芝，同出面飲係有啲唔同。…查看更多

薯條紅甜椒粉（辣）薯條份量好多，配埋個甜椒粉食到停唔到口，仲有黑松露醬令到味道層次即時昇華。香烤慢煮伊比利豬鞁豬鞁有驚喜，肉質鮮嫩，同埋食落去肉有甜味，必叫！百草白酒煮海鮮拼盤配蒜香法包我幾鍾意佢個白酒汁，入面有煎香咗嘅牛油帶子，魷魚，蜆，同埋蝦，材料新鮮配埋個白酒汁超級惹味，個蒜香法包亦都做得幾好。澳洲150日款穀飼黑毛安格斯牛西冷西冷燒得啱啱好，個外層燒得好香口同埋香脆，今次叫咗五成熟，肉質中間都仲係粉嫩食，配少少粗鹽食肉味好重。巴斯克芝士蛋糕個蛋糕做得幾厚身，配埋個奶蓋cream一齊食好軟滑，同埋唔算好甜。Quezaco Moelleux, IGP Cotes de Gascogne白酒做緊買一送一好抵飲，呢杯就偏甜身。…查看更多

今次叫咗鹿兒島黑毛和牛A5 （二人前），餐廳佈置幾靚，好重日本裝修風格，同埋枱同枱之間都有一定距離，私隱度幾高。前菜漬物店員會幫手處理食材，個鍋湯底會用佢哋自己準備嘅棉花糖，打卡一流。呢度既和牛有證書食落去就有保證，店員好細心會問我哋想食幾多成熟，配埋佢哋自家製調配嘅蛋汁，食落口超級好食，油脂分布平均。Aoi Umi 青之海，個菠蘿汁超級鮮甜，酸酸甜甜勁好飲牛舌芯燒得啱啱好，咬落去好鮮嫩。雞胸肉配埋少少芥末一齊食勁惹味。燒秋葵、翠肉瓜、冬菇，三款蔬菜我最愛秋葵，呢度嘅燒物都做得唔錯最後食埋個蔬菜同埋烏冬，佢個湯底唔會好甜，我覺得啱啱好可以食返食材嘅味道，最後個甜品柚子雪糕都好清爽好好食…查看更多

佢個午市海鮮點心放題勁抵食，一坐低已經見到個海鮮櫃入面勁多海鮮，全部都勁新鮮。佢個燉湯幾足料，入面仲有響螺頭勁滋補，之後仲有個冬菇油浸油麥菜，有菜食最開心。海鮮分別揀咗鮑魚、元貝、海貝盛盆、同埋北寄貝。呢度啲店員服務滿分，佢哋會幫手蒸海鮮，全部都蒸得啱啱好。鮑魚有落果皮一齊蒸，勁鮮味蒜蓉粉絲元貝食落好鮮甜，粉絲吸收晒元貝嘅精華勁鮮甜花甲同埋沙白都好甜同埋好北寄貝好厚肉，食落去勁鮮甜勁有口感，記憶點最高食完海鮮之後就開始食任食點心，佢呢度嘅點心全部都係即蒸，都係由店員幫手蒸，服務真係超級到位。蟹籽燒賣皇同原隻蝦餃皇，呢兩樣必叫，燒賣勁大粒入面勁多蝦，蝦餃個調味做得好好，入面勁多料勁大隻。咖喱蒸魷魚個咖喱味我好鍾意，呢間算係做得好好，同埋佢入面有炸過嘅薯仔。之後仲食咗好多款唔同嘅點心，份量全部都好充足，同埋樣樣都做得幾好。佢仲要包好多唔同嘅嘢飲，最正係有任食雪糕，海鹽味超級好食。…查看更多

老闆自己調製嘅兩款特別醬汁都未到唔錯，芫荽汁個後勁都幾重芫荽味，辣汁都唔錯，仲有孜然粉。呢間餐廳樣樣燒物都好好味，每款食物都有特別嘅醬汁，每一款都好有層次，同埋最緊要係佢有好多$10嘅串燒。溶岩炸蝦球，熄嘅時候記得要小心，因為入面有少少流心會好熱，個炸漿幾好食落去脆卜卜我勁鍾意。Kirin、鴨屎香檸檬茶蜜糖燒菠蘿、香燒翠玉瓜、燒汁秋葵菠蘿勁甜勁正，翠玉瓜應該落咗牛油燒幾特別幾好味，秋葵燒得啱啱好。蒜蓉燒冬菇、蒜蓉燒原條茄子、焗銷魂麻辣金菇佢呢度燒嘅茄子都燒得幾嫩，連皮食都唔會覺得塊皮好老，真係燒得啱啱好。麻辣醬勁辣，少少已經好夠味。汁燒油豆腐、炭烤吐司兩樣都燒得好乾身同埋香口，配啤酒一流蒜蓉燒珍寶生蠔（買一送一）生蠔勁大隻，仲要做緊買一送一，必點汁燒白鱔勁滑勁新鮮、汁燒大蝦好惹味、汁燒金菇五花肉捲、鹽燒豬頸肉、鹽燒雞頸皮、汁燒牛肋肉、麻辣雞腎牛油燒bb蘆筍、鹽燒雞膝軟骨、孜然紫蘇豬五花蝦、爆茜汁雞肩肉鹽燒雞腿肉、泰式燒豬頸肉、鹽燒雞中翼兩隻、鹽燒五花肉…查看更多