mformiu的個人專頁

🍴餐廳：COBALT📍地址: 大角咀利得街36-38號地下1A及2G號舖餐廳門面同裝修都很高級，一入到去好多紅白餐酒同日本酒，啱曬鍾意飲酒嘅我，餐牌每一道菜旁邊都寫住配對建議嘅酒，睇得出非常注重細節，好專業同細心，三五知己坐喺度慢慢食慢慢飲好舒服，見到入面有間房好大，仲有卡拉ok，私隱度好高。每一道菜都好似藝術品咁靚，加上餐枱上面有射燈，真係好有feel，店員都好親切有禮，見我哋買咗個蛋糕，主動幫我哋雪起，成餐飯都照顧週到💖🍶推介「脆炸原隻魷魚配香辣蛋黃醬」完全睇想像唔到點樣炸出嚟，成朵花咁好精美，量度唔捨得切開，平時唔同款嘅炸魷魚都食過，可以咁靚又咁好食真係第一次👍🍷「香煎鵝肝牛肝菌闊蛋麵」好大件鵝肝喺面，又厚又juicy，闊條麵好多好多醬汁，好感勁豐富。🥂「蟶子王海膽意大利飯」意大利飯軟硬適中，又係配襯到好靚，仲有鮮花，蟶子王新鮮好食。…查看更多

🍴餐廳：職人食事 📍地址 : 灣仔石水渠街82號地舖今日喺灣仔，居然比我發現有職人食事！以前喺觀塘返工，差唔多日日都幫襯，之後突然間冇咗，成班同事都傷心咗一排💔🫂 今日有幸重遇真係好開心，老闆話屯門都開左新分店👏我最欣賞佢哋嘅刺身，刺身厚切又新鮮，識食一定係食左口魚同油甘魚，從來無另一間比佢更厚切！每次都必叫三文魚油甘魚飯 $80，見到賣相都有幸福感🫶街坊價錢，居酒屋受🍶✨灣仔店內有兩幅好靚既畫🖼️，一幅係油畫，另一幅係乾粉彩🎨除左有feel之外，畫功真係嘆為觀止👏✨原來堂食有OMAKASE！$300-$400有交易，有機真係要試下。刺身魚生飯 $100三文魚油甘魚飯 $80左口魚 30。帆立貝 32三文魚刺身八片 76玉子壽司 $16雞翼 $40…查看更多

🍴餐廳：新肥泉海鮮大排檔(佐敦)📍地址：佐敦寶靈街17號官涌市政大廈2樓熟食中心爺爺生日，帶佢去大排檔食海鮮飲啤酒🍻亦都係Kalaam第一次去大排檔，係時候食下香港地道小炒。大排檔喺街市上面熟食市場，估唔到環境同洗手間都幾乾淨，同埋係用手機落單。新肥泉好多款式嘅小菜，但我地都例牌一定要叫豉椒炒蜆、黃金蝦、同埋粟米斑塊，今次試埋麻辣嗦螺、椒鹽鮮魷、椒鹽九肚魚、啫啫鮮雞煲、福建炒飯因為呢啲真係平時茶餐廳食唔到，豉椒炒蜆一定要大排檔食加啤酒，粟米炸斑塊大排檔先可以食到超脆炸魚，加埋新鮮香甜粟米汁，小朋友至愛，應該都係大家嘅兒時回憶，個汁已經可以食曬成碗飯。特別推介麻辣嗦螺，第一次食有驚喜喎，細細粒一鍋有5,60粒，好勁麻辣食到出哂汗但好快散，粒肉口感爽爽地，送啤酒好正。今日食飯成家氣氛好好，爺爺都係鍾意食中菜，五個人埋單9百幾。…查看更多

🍴餐廳：二八火鍋📍地址：佐敦北海街17-19號地舖至1樓呢間打邊爐食雞煲刺身認真抵食，$428已經有象拔蚌刺身，仲有龍蝦刺身、鱆紅魚刺身，叫支紅酒都係$138！好多款唔同嘅鍋底，竹笙椰子雞同花膠雞湯都好吸引，不過最後我都係揀至愛嘅芫茜皮蛋湯，平時通常係清水加芫茜同皮蛋，呢度個湯底好濃應該係豬骨湯底👍掂！牛嘅部位選擇多，今次叫左牛爽肉及牛王喉豬肉方面竟然有肉眼筋食！平時去買肉眼筋，都要叫人留起先有！必叫！！有好多款送酒小食,鴨舌、雞腳、炸花生呢啲好少火鍋會有得食，今次叫咗吉列墨魚餅，三個人埋單900蚊，飲飽食醉，唔錯！象拔蚌刺身牛爽肉牛王喉本地肉眼筋水魷魚粟米稻庭烏冬吉列墨魚餅…查看更多

🍴餐廳：麻甩爐海鮮雞煲私房菜📍地址：旺角彌敦道565-567號銀座廣場LG樓發現左間超正雞煲放題‼️食雞煲、🍲打邊爐、🦀凍蟹、🦪生猛海鮮、🍣日本刺身、🍤炸物、和牛🐂一次滿足曬幾個願望！🥩澳洲和牛有唔同部位，🧃飲品款式都夠多，🍧仲有十幾款特別雪條任食！其實個老闆有冇錢賺😅雞煲都有好多款式，無限加雞好顛，火鍋配料任攞，最緊要係食完雞煲，佢會換過另一款湯底比你打邊爐，完美解決咗以往食雞煲個湯底勁油既問題👍👍👍👍👍要讚！見到好多特別湯底，有蟲草雞湯，花膠雞湯，我哋今次揀咗蕃茄牛尾湯，勁多牛尾！入哂味餐廳地方幾闊落，可以坐卡位，提供圍裙好貼心，我覺得去呢度食嘢仲好過食日式放題，竟然會有海鮮刺身食！一家來食真係會食得好開心🎶！👍M7澳洲和牛海鮮雞煲套餐 每位$398…查看更多

🍰餐廳：Happy Glaze📍地址：旺角亞皆老街8號朗豪坊B2層18號舖網上見到朗豪坊有間人氣餅店，有個超大牛角酥XL Pressed 🥐 Croissant ，見到實物比我想像中更加大！！賣咗兩個用嚟來送比好耐無見嘅舊同事，包裝同紙袋都好靚，送禮大方得體，收到一定會好開心。今次買左Almond🥐 & Original🥐，店員非常親切，一入到門口就攞產品比我哋試食，試過岩先買，真係會吸引好多，有時淨係睇個樣都唔知咩味道，可以試好開心！另外試咗益力多味及芒果布甸，入口即溶，又唔太甜好正。成間舖頭比人感覺都係愉快氣氛，仲有好多產品款式，我下晝四點去，好多曲奇味道已經賣曬，店員話六點後，有啲貨品仲有折添！…查看更多

🍴餐廳:泰玖(荃灣) 📍地址: 荃灣曹公坊5號地舖 荃灣A出口經過呢間餐廳好多次，一直以為係打卡cafe，原來係食泰國菜，裝修走工業風，入到去樓高兩層，有得揀坐吧檯好特別，而且播住泰國音樂，好有feel！菜式方面都幾多新派泰國菜，例如泰式黃金蝦、泰式炸魷魚鬚、蟹肉煎蛋卷，同埋好多唔同款式嘅軟殼係菜式，呢啲喺其他泰國餐廳都未食過，食物選擇都算好多，價錢唔貴，小食都係五六十蚊有交易，值得一試。🇹🇭惹味咖哩炒大頭蝦呢個一定要嗌！有五隻超大隻大頭蝦，一大盤咖哩汁同雜菜，叫多個白飯或者薄餅好正。🇹🇭泰式菠蘿炒飯 我鍾意佢肉鬆同埋腰果分開上🇹🇭泰式酥炸魷魚鬚五十幾蚊大大碟，送啤酒一流，即刻叫左兩枝豹啤🇹🇭芒果活性乳酸菌屎樂冰泰國菜配沙冰突然間好似返咗泰國夜市咁…查看更多

🍴餐廳：老媽拌麵 (屯門市廣場1期)📍地址：屯門屯順街1號屯門市廣場1期3樓3223&3225號舖🐓麻醬手撕雞肉燥飯$78推介叫呢個餐，可以滿足幾個願望，首先有一碗肉燥飯，另外有一碟手撕雞另上，入面嘅青瓜絲、紅蘿蔔絲，好多麻醬好好食，仲有四季豆及凍豆腐，一杯飲品，午餐真係超值。🐂清燉半筋半肉牛肉湯麵 （刀削麵）牛筋好入味炆得好淋，厚切牛展，再加埋配菜係超大舊嘅白蘿蔔同紅蘿蔔，好豐富，食完好滿足。🍅西紅柿雞蛋拌麵 （幼麵）呢個估唔到有驚喜，成個新鮮蕃茄切開，加埋雞蛋一齊拌麵，無得輸，幼麵索哂蕃茄汁，好正。🐥鹵水雞翼都算幾大隻，好入味好淋🥥金羅漢果海底椰推薦飲呢杯喉嚨好舒服🌺洛神花茶唔算太甜同酸，有比較之下我鍾意飲羅漢果…查看更多

🍴餐廳：御滿屋日本料理📍地址: 旺角彌敦道655號胡社生行1樓旺角E1出口，胡社生行上一層就嚟到呢個放題，環境好大好新淨，QR code點餐，唔使好似舊式放題咁逐張入紙，呢度放題有a、b、c、d組合，我哋揀咗A餐，平日238蚊一位入到餐牌好驚喜！食任何組合放題，都可以免費無限任食馬來西亞烤榴槤！正喎！第一次試下烤榴槤，估唔到係咁好食，平時我係唔食榴槤嘅人，烤完之後好甜好香，朋友食咗4、5件。除咗有十幾款刺身之外，我覺得呢度食手卷都好好，迷你手卷一啖一個，花膠好厚好好食，特別推介食海鮮粥！好多海鮮，食完刺身好漏，食個粥一流，另外又有羊架、小龍蝦、燒生蠔，辣酒煮翡翠螺都係第一次見，好大隻，甜品、生果都多，呢度食物選擇夠哂多。🍶冷熱清酒梅酒任飲！🍿仲有爆谷食，冷盤就自己出去夾，🍦雪糕都係名牌子，每人一個最後畀我發現有🍲青紅蘿蔔老火湯🤩好正呀，食到飽曬之後飲返碗熱湯，完美🥂…查看更多

🍴餐廳：牛匠石燒📍地址: 尖沙咀金馬倫道34-36A號福僑大廈地舖好掛住鹿兒島屋台嘅石燒烤肉，無得去旅行，上網搵咗呢間牛匠石燒，見到午餐餐牌百幾蚊就有交易，仲要包埋芝麻豆腐、麵豉湯、白飯、甜品同飲品，今日就和爸爸過來試一試，好深印象就係每人有一條圍裙，好貼心，又會不斷幫你換嗰張牛油紙，飲品叫咗杯熱飲，估唔到係勁大杯外賣包裝，飲唔曬可以拎住走，整體感覺唔錯。🦬特選經典牛三品定食(澳洲牛肩胛、澳洲M9牛胸肉、嚴選封門柳)估唔到澳洲牛都可以咁軟身喎，都有少少入口即溶嘅感覺，牛肩胛好重油脂好濃味，完全唔使點醬汁都好好食🐐殿堂燒（京川味燒羊肉定食）送甜品好少見有羊肉，所以就點咗呢一個定食，呢個餐一直慶住上，熱辣辣出曬煙，調味調教得好好，除咗芝麻豆腐、麵豉湯、白飯之外，仲有甜品同埋沙律前菜，甜品將藍莓同薄荷葉分開，自己加落去布甸。🥤可口可樂、🐝熱蜂蜜生薑茶蜂蜜生薑茶超大杯，食完燒肉之後可以解下油膩感🦐和風脆豆腐、吉列炸蝦(2隻)兩款站物都炸得超脆，脆豆腐嘅特別，平時椒鹽豆腐嗰種食得多，第一次食和風炸豆腐，如果加埋芝麻醬就一流。…查看更多

🍴餐廳：船渦📍地址: 銅鑼灣謝斐道500號維安商業大廈3樓知道船渦有一人一鍋蒸海鮮餐，套餐份量都係一人份量，特登過嚟試下，呢度私隱度好高，可以落簾，一個人嚟食嘢都唔會望到對面。我哋兩個人叫咗一個八府巡按海鮮餐，再叫多個叉燒拉麵，海鮮餐真係抵食，已經包括咗咁多活海鮮，仲要送埋芝麻雞翼、餃子、沙律、粥底、仲有牛肉雞肉，兩個人都夠哂食。⭐八府巡按套餐🦞龍蝦、鮑魚、元貝、 北寄貝、扁蟶子、白蜆、蝦、鮮魚片、蟹(半隻)估唔到四百幾蚊都幾多海鮮，龍蝦仲係新鮮龍蝦，放落蒸鍋入面仲識郁！呢個價錢真係超值，蟹同鮑魚都好大隻！都係活鮑魚！🥩安格斯牛肉、雞腿肉除咗好多海鮮好抵食之外，仲包咗兩款肉類，推薦叫雞腿肉，蒸完之後好重雞味好鮮甜🥟蟹籽沙律、芝麻雞翼、雞軟骨餃子估唔到呢度炸物都係咁好食，芝麻雞翼必叫🥬三寶丸+時蔬拼盤其中有一隻丸，入面有啲薑蓉好好食，好特別🦀蟹膏蟹肉粥蒸完海鮮之後，店員幫忙煮粥，我叫咗蟹膏蟹肉粥，啖啖有蟹肉，結尾好滿足。🍜叉燒拉麵食完咁多海鮮一定要食返碗拉麵，無咁漏，一碗麵有好多片叉燒嘅抵食。…查看更多

🍱餐廳:HIKARI(荃灣) 🏫地址: 荃灣大壩街21號地舖又來到好多嘢食嘅大壩街，今日試下HIKARI，門口裝修好文青，入面有條打卡嘅長樓梯，我覺得呢度最特別係飲品，有好多款唔同嘅咖啡，下次想試下呢度嘅湯力咖啡，今日嚟晚餐當然要叫返杯cocktail🍸，三五知己喺度一邊飲酒一邊用餐的確唔錯。🍛煎封法國油鴨髀牛肝菌意大利飯$138FRENCH CONFIT DUCK LEG CEPES RISOTTO油鴨髀煮到好淋，用刀叉都可以優雅食到，飯嘅質地係偏硬嘅意大利飯，有口感好多醬汁，唔會一pat pat🍝日本櫻花蝦蟹肉蘆荀扁意粉$128SAKURI EBI AND CRAB MEAT LINGUINE呢個夠曬多汁好juicy，每一淡都食到豐富意粉醬，我特別鍾意佢隻碟係不銹鋼，無咁快攤凍🍹鮮橙梳打$45一邊搞，一邊睇住去逐漸變成鮮橙色好靚，好襯呢個場合🍸Mojito $88超鍾意佢夠高濃度酒精，出面有時叫呢杯成日都係好少酒味，呢杯一入口係超濃味，感受到調酒師都係飲酒之人👍…查看更多

🍴餐廳：瀛鍋📍地址: 九龍城福佬村道82-84號福成閣地下A-B號舖🍴今日來到宋王臺站，真係要推介呢間餐廳，佢哋非常歡迎🐕寵物和👶🏻小朋友，地方寬闊，仲有好多小朋友嘅設施玩，聽講遲啲仲會更加多，呀女玩得好開心，見到好多客人都係帶小朋友同寵物，下次我哋要帶埋兩隻狗仔一齊來用餐。🍲鮮味卜卜蜆鍋 $288呢個湯底好鮮甜，有成十隻大蜆，好多粉絲加埋粟米冬瓜，煮滾之後試咗啖湯，勁甜！！最正係打完邊爐後，舊冬瓜索哂d湯汁，好好味。🦪海鮮拼盤 （蟶子皇、鮑魚、海蝦、元貝、廣島蠔、魚唇）$398餐牌好多刺身、象拔蚌同海鮮，我哋今次叫咗海鮮拼盤，師傅好細心鮑魚切開一半，帶子超厚好大粒，最特別係魚唇‼️，真係第一次攞嚟打邊爐，好似食緊超厚花膠，軟骨又爽，一試難忘。🦬全天然霜降肥牛肉師傅用蝴蝶切，除左入口即溶，又保留口感🍡手打芝心鮮蝦丸、手打芝心鮮墨魚丸、手打黑白墨魚丸呢度好多特別嘅丸類，手打丸竟然入面有芝心，呢個丸真係會食上癮！蝦丸最好食🥟魚皮餃、鮮蝦水餃皇、韭菜肉水餃鮮蝦水餃皇超級大隻，好足料，蝦又爽口，老闆話全部都係新鮮人手包💮洛神花茶估唔到係咁大杯！用啤酒杯加超多冰、啖啖碎冰，粗飲管上，打邊爐飲呢個真係好正🔹送咗三個迷你雪米糍，綠茶紅豆好味道👍…查看更多

🍴餐廳：The Sloth📍地址：荃灣青山公路荃灣段388號中染大廈(8咪半)1樓115號舖👩🏻‍🎓開學日，一家人食飯慶祝，喺中染大廈新開咗間樹懶新派泰國餐廳，門口好大好靚，入面都坐得好闊落，價錢唔貴，份量好大性價比好高。🦞（限時優惠）香草牛油海鮮拼盤🦐睇到個價錢估唔到係勁大碟，有一隻龍蝦！重有蟹、蝦、青口、蜆及魷魚，個底墊咗好多配菜，椰菜花、草菇、洋蔥、蘿蔔、粟米芯......呢個真係好抵食，必叫，個醬汁又開胃好味，嚴重推介！！！🍍菠蘿海鮮炒飯🦑阿女好鍾意食菠蘿炒飯，呢個炒飯入邊超多提子乾，好多菠蘿肉，仲要勁多肉鬆，入面有魷魚有蝦，份量好大🐔金蒜牛油雞翼五隻🧄我勁鍾意食牛油雞翼，每一隻雞翼上面都超多蒜蓉，鍾意食蒜蓉嘅一定要叫，雞翼炸到脆卜卜淡淡蒜香！🦀牛油果青芒軟殼蟹沙律🥑青芒果好甜，刨咗做絲，方便配埋其他配菜食，一個沙律配一大隻軟殼蟹，脆卜卜口感，加埋香甜芒果，食完海鮮之後食呢個沙律好舒服。🫓泰式薄餅配雪糕🍨西餐食班戟加雪糕食得多，估唔到轉咗泰式薄餅都咁好食，熱辣辣嘅薄餅夾住椰子雪糕，好咁好豐富，完美結束呢一餐。☕LATTE （熱）泰國餐廳都有拉花，有心思。🌴新鮮椰青…查看更多

🍴餐廳：昇平粉麵餐廳📍地點：屯門龍門路45號富健花園地下51號舖落大雨好多餐廳都冇開門，呢間昇平粉麵，之前試過買等咗好耐好耐，同埋價錢唔平，今次試下有冇改善今次等得唔算耐嘅，叫咗三碗粉麵牛雜粗麵可能落多咗醋嘅關係呢度口味係偏酸，又唔係變壞咗嗰種酸，係好重醋味，我個人就一般般，麵嘅份量唔多，不過餸都算多雲吞麵得幾粒好細好細嘅雲吞，湯都比較淡紫菜四寶河得少少紫菜材料都唔多，最好食係一粒墨魚丸總括嚟講唔值呢個價錢，唯一可以讚嘅，係包裝唔錯…查看更多