foodbabyy的個人專頁

世貿裝修之後，因為好耐都冇食過呢間餐廳，中午得閒就去再試下。新餐廳要上一層，再搭升降機。平日Lunch set比正價餐牌抵食，$200內就食到（未計其他費用）最後叫左5號餐，有豬排，大蝦同甜蠔。食物賣相好吸引蝦：好大隻，外層炸粉好脆，蝦肉爽彈豬排：比正價細一半，外層炸粉都脆，但豬排質素一般，好多肥肉，咬唔開蠔：不過不失最推薦都係吉列蝦😋食物質素無問題，問題係生意手法。食完所有野之後，會上一杯西瓜同一杯玄米茶，唔係一入黎比你個杯，係另一杯。原來最後試個杯玄米茶要收$9，無飲都要收錢。味道無咩特別，同一入嚟俾你個杯差唔多，但茶牌無寫要收茶錢，雖然$9唔多，但感覺唔太良好，好似被人屈咁，要硬食。後尾睇返原來其他舖都有人咁講，第一次去日本餐廳要收茶錢再另加一，唔知係咪正常？！…查看更多

好耐之前食過呢間，印象記得呢間鋪星期日唔開，味道唔錯，同埋任何時間都咁多人排。因為聽日中午得閒，所以就想再試一次。叫咗laksa 同kaya toast，好耐冇食，發現佢加價加左好多。Laksa味道都keep到水準，同之前既差唔多，湯底味道濃郁好味，椰香味濃，但又唔會好搶，但份量太少。我都算係比較細食，食完一碗麵，完全唔夠飽，$115算偏貴，男仔可能食2碗先夠飽。Kaya Toast 表面夠脆，醬夠多，好香滑，外脆內軟，必叫。整體來講，味道keep到水準，同我第一次食嘅一樣，但份量偏細，食完兩樣嘢都唔算好飽，同定價較貴。未試過既好值得一試👍🏻👍🏻…查看更多

朋友極力推介，中午得閒又順路就去左試。入去見到餐牌，過江龍黎講算平。叫左最基本既撈麵 M $99 咩都有，試一試。望落去好豐富，好多餸，唔似出面嘅拉麵店的一塊肉，蛋都要另外加。撈勻咗之後食第一啖，覺得好好味！！啱晒我呢啲鍾意重口味嘅人，佢味道都好豐富，抵達唔識嘅時候好有油香，後勁會食到有少少辣辣地，味道好特別好好味。值得一提嘅係，加左秘制醋，又將碗麵提升到另外一個層次。味道更加豐富，而家冇滯。食晒啲面之後，再加一個飯撈埋剩返嘅汁，飯吸晒啲汁嘅精華，真係好完美嘅組合。總括而言，呢間餐廳真係好值得推薦。本身撈麵餐廳都係比較少，食物質素好，料多，價錢合理。正常唔係特別大食嘅人，M已經食到好飽。極力推薦大家，缺點係繁忙時間比較多人，可能要排隊。…查看更多

朋友介意呢間滷水面，好好食，湯底好正。所以今日過去試一下。11:30到，完全唔洗等，入到去只有一台客。叫左個3餸麵（$52），可以簡自己中意食既餸。簡左牛肚 豬大腸 同陳皮魚蛋。3個餸麵好入味，而且餸份量好多。3個餸入面中意陳皮魚蛋，可能出面比較少食到，加埋佢秘製麻辣油食，覺得好正！另外試左友人個蘿蔔都好正，好甜，無渣好入味!面都好彈牙，吸湯，但又唔會淋，加埋個湯有味之餘又唔會太喊。最後要介紹既，係即炸魚皮，熱辣辣，真係即炸。魚皮無粉，而且好脆，食到停唔到口。$23份量仲好多，勁抵食總結黎講，中意呢間多過燈籠滷味。呢間雖然餸可能無個度咁多選擇，但所有野都精緻好味d，同埋味道唔會好似燈籠滷味咁鹹，湯底正好多。所以我之後都會繼續幫襯呢間！…查看更多

沙田一向都係美食沙漠，無咩好食既餐廳，呢間算係唯一既綠洲。1-2年前有次睇完戲，見餐廳新開試下，個時已經覺得手工意粉+即磨原片黑松露好正，今次再黎一戰呢間餐廳。中午食有lunch set, $168有頭盤、主菜、甜品+飲品。2個人食，頭盤叫左Parma ham, mozzarella fritta, parma ham雖然比較瘦，但都好有油香味，唔算太喊，就咁食岩岩好，估唔到跟餐頭盤份糧都好多，有成8塊，勁大方。Mozzarella fritta直頭係呢餐既主角之一，用既芝士好令，加上係芝士波，唔係一條條，粉比較少，勁多芝士。一咬落去，超級拉絲，同好重奶香味，配埋醬食，一流！！一定要叫呢個！！！主菜加錢叫左lasagna(+$15)同埋tagliolini truffle(+$20)。Lasagna都係用試手工整既麵，成碟比較矮身，唔會太大碟。面頭鋪咗一層好厚、焗到脆身嘅芝士，好足料同好多肉醬，想要多d面送埋d肉醬😂再到tagliolini truffle,眼睇已經覺得超足料，面上鋪滿即磨白松露，遠處都聞到松露味道。上次食呢碟係用黑松露，今次就係白松露，個人覺得白松露味道比黑松露重，中意松露既朋友，一定會中意呢個。手工面好有彈性，雖然望落好似好heavy，但食完都唔會覺得太‘褸’。呢間餐廳係我覺得沙田最好味既3間餐廳之一，味道、環境、員工股務都好好，加上唔算貴，幾抵食，極力推薦大家一試。p.s.餐廳唔收加一服務費，可以埋單另外比tips, 收據上面寫tips係直接比員工。因為員工既服務實在太好，最後臨走時都比左少少tips。…查看更多

之前已經黎過呢間餐廳幾次，因疫情關係無得去日本，突然好掛住鰻魚飯，就即刻醒起呢間餐廳。餐有2層，但每層唔算太大，叫左名古屋特製燒鰻魚飯 $210+10%，中午包左沙律、湯、甜品，好抵食因鰻魚係即叫即燒，所以要等一陣先有得食，但絕對值得等。圖片都見到，份量好多，一個人絕對夠飽。鰻魚好肥，好厚肉，燒到好乾身，表面燒到好脆。鰻魚飯可以有3種食法，1.就咁食、2.加上碟仔配料食、3.茶漬飯，加上鰹魚湯、柴菜、wasabi。 我最中意係第3種食法，鰻魚浸左係鰹魚湯度都依然好脆口，好正😋如果中意食鰻魚既朋友，極力推薦，味道同日本既好相似，而且中午食價錢好抵食。咁岩肺疫期間餐廳做緊優惠，2人同行1人半價，埋單計埋所有野，$357/2位，超抵食…查看更多

上星期係網上睇左一篇報導，沙田開了一間日式廚師發辦餐廳，係新開的ALVA酒店頂樓。沙田友當然要去試一下，早一星期左右訂位，職員指只有counter位，心唸咁好彩，一般日本餐廳counter位都比較搶手。用餐當天有職員電話再次確認預約，酒店位置比較偏僻，係沙田駕駛學院附近，但有免費shuttle bus來往沙田新城市。因為第一次來呢間餐廳，選擇中午黎，性格比較高，午餐set都係$500內，價錢還算正常。我點了12件壽司set，$320+10%服務費。本來以為坐counter位置，壽司會係一件一件咁上，但原來全部都係一碟上晒所有壽司，當時已覺得好似怪怪地。之後見到師傅開始整壽司，就覺得好伏 師傅係雪櫃拎左一兜已經猜好的飯，然後係上面放上魚生，心裡覺得好伏，好想即刻走人🥵 雖然部分的飯係即場猜，但飯都唔係用赤醋，魚生亦係一早切好晒，感覺不太新鮮，拎出黎直接放係飯既上面，未食已經覺得好失望。12件壽司一碟咁上晒，一望落去，覺得用料都幾dum本，有午餐set比較少見的赤貝，亦有大、中吞拿魚、海膽同三文魚子。但食第一件壽司，同我見到師傅整壽司的過程係一致既，超伏！！！飯的質地好濕，飯又無咩味道，可以用糊黎形容飯。魚生亦都唔係太新鮮，所有魚生都係偏淋身，無咩鮮味，感覺似係食緊自助餐的壽司但用上比較好的魚生，魚生的新鮮程度都係自助餐的質素（可能部分放題店魚生質素仲好）⋯⋯ 赤貝亦是比較淋身，不是爽口的，而且有d腥⋯如果要簡比較正常既係幾件吞拿魚，其他都係比迴轉壽司店的質素更差。餐廳大約都有成100個式以上的座位，但負責整壽司刺身的師傅眼見只有2位（我眼見當日情況），師傅完成一碟12件的壽司整個過程大約5分鐘左右，真係好難期望會有廚師發辦的質素，只怪我本身期望較高。總結，如果想一試餐廳廚師發辦，建議可以唔洗試，會好失望，不可一，不可再⋯…查看更多

第一次食呢間餐廳係幾年前去東京食過，東京個間係長期都好多人排隊，個時我未到夜晚6點去到，門口已經大排長龍。對東京呢間餐廳印象好好，食物質素好之餘，又好平。知道香港開左，但因為開既地方都唔近公司同屋企，一直都無機會一試。直至灣仔開左新分店，終於有機會可以試下。未去之前已經睇到openrice其他食評真係一般般，但見近近地最後都試左一次。我叫左江戶前天丼$138+10%，價錢好似比日本貴一半，但香港舖租貴都預左。但估唔到價錢貴左，但食物質素竟然差咁多🤮 天婦羅的數量係真係幾多下，但味道就真係唔多店。首先，所以天婦羅都係淋既，完全唔脆，加上每一件都甩粉。明明已經係即整即食，感覺好似放左好耐先咁。之後留意廚房先發現，師傅上菜時會汁一大羹豉油係面，攪到天婦羅淋晒。仲有一樣野好奇怪，唔知點解呢間餐廳既天婦羅有一陣好油好奇怪既味道，食既時候覺得好滯，唔知炸既油係咪改左配方。不過唯一不變既係黑豆茶，正總括黎講，呢間餐廳可以唔洗試，因為都幾伏下。…查看更多

近排簡餐廳都要好小心，要支持與香港人同路小店，大大力懲罰！之前已經聽過呢間餐廳，但一直都無機會去。自今年6月之後，都無咩點出街搵好西。直至有朋友仔整左餐廳list,先決心要每日懲罰黃店！上網睇，餐廳好多人排隊，簡左星期六中午黎，擔心要等，仲訂左位。中午黎到，門外就無人龍，但入面基本都滿座。2個人黎食，叫左最多人推薦既吉列牛同鰻魚飯，配飯素。吉列牛定食（$128）配溫泉蛋加飯素（不包飲品），牛肉係美國牛，以呢個價錢黎講，牛肉品質相當唔錯，都有少少雪花，雖然唔算入口即溶，但唔會好銀，都好淋，絕對對得起個價錢有餘。比起吉列牛忌廉烏冬個間好味好好好多！加上仲要平啲，超高cp值。鰻魚飯午市$58加$20配飯素、溫泉蛋加飲品，加埋都係$78，鰻魚仲要好長，真係超超超值！！！鰻魚飯味道都十分正常，無其他食評人講列咁喊（好似係，可能我比較重口味）2人一共食左$206，唔洗加一，以呢個價錢加上食品品質，無得彈，絕對會再次幫襯，極力推介…查看更多

由6月初開始，先知有呢間拉麵店，當時行過舖頭，見到玻璃窗貼滿良心既標語，與香港人同路。一直都無去試過，於是專登搵日收工去左試一下，支持一下香港少有良心小店。店入面唔大，10幾個位，但整體感覺舒服。同一般拉麵店一樣，座位下或者後面都有位掛袋，而店內全部都係與香港人同行食客。叫左個味噌湯拉麵套餐配小龍蝦蟹籽沙律，見到張餐牌感覺同之前食過間《別天神》有啲似。小龍蝦沙律上灑左好多櫻花蝦，加埋紫菜食，味道好配，好好味，啖啖肉，岩晒我啲食肉獸，但又唔會太heavy，做前菜剛剛好。蝦🦐味噌沙拉麵上面啲櫻花蝦一啲都唔孤寒，每啖湯都會有好多櫻花蝦🤤湯底亦唔會覺得太咸，溫泉蛋亦好靚好流心，配上拉麵同肉好夾幫襯良心小店…查看更多

之前去日本食過好好味嘅天婦羅之後，返到香港一直都好想再食天婦羅。想OpenRice搵，啲人話天海係被譽為香港最好食嘅天婦羅餐廳。食日本野想性價比高啲嘅話當然要中午去食。上網睇知道間鋪嘅位唔係好多，得10個位左右，決定要做第一批食客。去個日係星期日，鋪頭12點開，早左少少度，發現入面已經坐左6個人左右，問店員先知原來鋪頭真正開11:30。好好彩有位坐，到12:10左右，門口已經開始有人龍，真係好誇張。第一次食叫咗個天海Premium 御膳 $300，海鮮天婦羅、蔬菜天婦羅、蛋天婦羅、紫蘇葉天婦羅配海膽、櫻花蝦天婦羅。叫咗野食之後，店員比左六款唔同味道嘅鹽比我地。店員解釋鹽係配蔬菜天婦羅，當然覺得海鮮唔夠味嘅話都可以加啲，款款味道都幾得意。天婦羅海鮮啲粉漿好薄，粉漿唔離食物，食落好脆，好精緻，好好味。蛋天婦羅係我嘅至愛，炸得岩岩好，中間係流心既，送飯一流 食完可以免費添一次飯食左咁多肉食，食返啲蔬菜天婦羅，中和一下。粉漿好薄，配埋唔同口味既鹽，味道口感好豐富。紫蘇葉炸到好脆，炸完之後加試海膽，呢個要用手食，好正。紫蘇葉同海膽好夾。Premium御膳比兄多左呢個櫻花蝦天婦羅，加啲紫菜、Wasabi係飯度,整成茶漬飯。食完好飽，$300可以食到咁高質既天婦羅，真係好抵，唔怪得個位置少少唔方便，但都咁多人排隊，好值得一試。…查看更多

本身好中意食 Mother of Pizza,有次發現隔離開左間新既餐廳，主打香港新鮮製芝士🧀。身為芝士控既我，當然要試一試啦👅💦上網睇左mozzarella同burrata既分別,mozzarella中間比burrata實，burrata入面比較creamy 滑啲。叫左mozzarella配風乾火腿，mozzarella比出面食到既無咁鹹，感覺好新鮮，配上鹹鹹地嘅火腿，真係好夾。加上配菜有啲蘑菇同蕃茄乾同芝士都好夾，好好味再叫左個pizza (Pinse), pizza就上面加左勁多burrata，一刀🔪將芝士切開，入面既cream流晒出黎，鋪滿係pizza每個角落。餅底好薄好脆，雖然簡簡單單，但已經好好味。建議食呢個要用手拎住食，真係好正 呢度一定係芝士控必到的餐廳。…查看更多

上星期天氣開始凍，突然之間想食拉麵。行行下經過呢一間灣仔嘅一幻拉麵。星期呢好耐之前睇雜誌講過，呢一間用蝦做湯底嘅拉麵店。心思思，想試下，但好一般。每碗麵都會有兩塊好薄嘅叉燒再加半隻流心蛋，上面再加左一啲面酥（姜天婦羅）。面酥取代左傳統拉麵嘅紫菜，都幾特別，一開始食嘅時候好脆好似食緊蝦米粒咁樣，但係過咗一陣浸林左之後就冇咁特別，都係比較鍾意食紫菜多啲。揀咗呢度推介嘅粗麵，但粗面質地好硬，唔夠彈牙。加上湯底好油，而且肉既份量好少，食到一半已經無晒料，唔想再食。一般我食拉麵嘅話，我基本上都會想將啲湯飲晒，但係呢度嘅湯真係太油，而且無咩特別，最後食剩左少少面。整體呢講，呢間拉麵店可以不用去試，試完會覺得中伏。價錢屬於中上，$88+10%。但質素真係好一般。…查看更多

上星期二晚收工之後，有事要到旺角。因為呢排天氣開始凍，想食啲暖笠笠既野，就唸起咖哩烏冬，隨機一搵，醒起附近有呢間近期好出名既韓國餐廳。餐廳食吉列牛同咖哩忌廉烏冬為主。因為一個人黎食，只可以食一款。吉列牛都多地方可以食列，就叫左咖哩忌廉牛肉烏冬再加炸芝士薯仔年糕做小食。咖哩同烏冬都咖哩都唔係好濃個種，雖然兩種味道聽講好似有點奇怪，但攪埋一齊食原來好夾！！忌廉好滑，加埋咖哩味鹹鹹地，再加上烏冬，味道岩岩好，冬天食好溫暖。牛肉反而就無咩特別，有少少韌，但個汁真係好正，好特別，未食過都可以一試。因為覺得剩食烏冬有少少悶，唔夠滿足，再叫多左個小食。炸芝士年糕，個皮好薄好脆，一咬開啲芝士爆晒出黎，但稍嫌芝士味比較淡，如果芝士味濃返少少就一流。食完咖哩忌廉烏冬加上一舊炸芝士年糕，已經好飽。整體呢講，餐廳價格唔算貴，質素都唔錯，推介冬天食咖哩忌廉烏冬，食完包你暖返晒…查看更多

近排突然好想食天婦羅，但香港食天婦羅既餐廳都好貴。有次上openrice搵餐廳，無意中搵到呢間《炎天丼》。睇網上食評見到性價比超高，就黎試一試。旺角呢間分店位置好方便，原來成日都會經過附近，但一直都無發現過呢間餐廳。到門口，發現慶祝3周年，午餐減$10。我同朋友一人叫左一個海鮮天丼$54，最重要係唔洗加一。餐廳嘅天婦羅係即叫即整，落單之後等一陣就有得食。一見到碗天丼，好大碗，男生食一碗應該都會飽。餐廳建議先食自己最愛的炸物，然後再因應自己嘅喜好加入天汁同埋飯素。雖然呢間餐廳嘅用了比較平民化，但大每件天婦羅都炸到好脆。最特別呢度係會有菜心苗，菜心苗每1塊葉都好脆，好好味，CP值好高，似係出面中價日本餐廳既質素，甚至更好。天汁同飯素同天丼味道好夾。最好味係天丼中的流心蛋，餐廳講明蛋唔流可更換，用筷子吉村隻蛋，啲蛋黃流晒出嚟，同啲飯撈埋一齊，真係好正好好味最後埋單2人加埋都係$108，真係超級超級超級超級抵食！！極力推薦！！…查看更多