Madama的個人專頁

碟頭大，人少想叫多個餸都驚食唔晒🤣一行10人，預訂皇牌：杏汁豬肺湯，杏汁味濃，遺憾的是湯料中豬肺只有寥寥幾片炒乳鴿崧（$98隻配生菜）頭、翼炸香，配酒一流必吃的生炒糯米飯，雖然預訂，但係都漏單，追左3次先至有得食不需要預訂小菜：必吃冰鎮咕嚕肉小炒王，色香味全，但蝦乾、魚乾比以前少左好多、砵仔焗魚腸、抵食南澳龍蝦加$50加伊底、椒鹽九肚魚。最鍾意佢地送的甜品：薑汁燉雙皮奶埋單$4366，好抵食。…查看更多

抱歉！真係太耐無過黎🙇🏻‍♀️一間好有愛的小店鋪仔細細，只能容納8-10個人。 在舊區搵食就好似尋寶，呢間絕對佢一個令你眼前一亮的寶藏久違了的心太軟今日要左特濃朱古力心太軟配薄荷朱古力雪糕完全唔甜，水準依然見隔離枱個梳乎厘都好正攪到我心郁郁，15、16，又想食又怕肥🫣最終打包左4個急凍心太軟+老闆自家制玫瑰雪糕可以用PayMe 比錢👍🏻好方便！玫瑰雪糕： 好淡好淡的粉紅色，好香玫瑰味，我個人覺得甜左DD…查看更多

聽朋友講過，但係住左屯門咁多年都無幫襯過，今日專登搭多4個站巴士去幫襯。 街方小店，座位唔多，5:30pm 去到直接入坐。 樓面姐姐服務態度好好👍🏻叫左碗坑腩粗麵，湯頭清甜😋唔會口渴，大大嚿腩，又香又軟，只係$40，邊到搵😏缺點： 麵的梘水味重。下次食河粉或米粉🤔…查看更多

social media介紹呢間，難得今日路過去尖沙咀，就一個人去試下。今日星期六，大約11:30am 去到，新店，光猛乾淨，枱都幾密，目測約有1/3 客。一入到鋪，就聽到樓面姐姐離遠叫我隨便座，剛放低手袋，又聽到阿姐離遠叫我唔好坐呢到，行去最前果張枱坐🙃我就無咩所謂，不過應該會令到有D客唔太高興。姐姐開完茶就行開左，我初黎報到，就周圍👀👀搵點心紙，正想🙋搵姐姐就有個哥哥行過黎，拉開枱的櫃桶攞左張點心紙幫我寫左枱號，叫我慢慢㨂。剔完點心，見阿姐行過咪遞比佢囉，佢完全無接，只係邊行邊叫我記得寫枱號😓我揸住張紙呆等左3分鐘，終於等到剛才個位哥哥叫我比張點心紙佢🥱依我估計，哥哥應該係太子爺，佢地分工清晰，哥哥係負責收銀+落單，所以樓面姐姐唔會理😓等食期間，見到兩個客都係自己攞點心紙去收銀枱比哥哥落單。終於入正題講下食物：茶： 鐵觀音-合格點心：1，糯米雞 ：糯米軟硬適中，粒粒分明，糯香軟滑，有半隻雞中翼，少少咸蛋黃，大量肉粒，好多料，好豐富😋 2，蝦餃： 一籠2粒，好大粒，皮簿，但係夾起就穿，蝦肉鮮甜，多蝦，但係蝦餃竟然無筍😨總係有D遺憾。3，义燒腸： 3大條，义燒粒都多，仲加左粟米粒，味道正常，皮就有D厚。 因為一個人試唔到太多，已經盡力食左3樣，食完超超超飽😅總體：工作流程、服務態度都有待改善。 食物可以，會再去試下其他點心。 不過，如果想悠閑嘆杯茶、食碟點心，我就會去番太子果邊另一間點心店，因為呢到都幾嘈，樓面做嘢都幾緊張，攪到我都唔可以放鬆😂…查看更多

係佐敦工作了4年，第一次食牛屋。下午2點，唔駛等位，有7-8成客人。午餐都是平價幾十蚊的，包主食，湯，飲品。今日中午一個人，點了西冷跟薯菜，紅湯，熱啡（太餓，唔記得影相）湯👌配牛油餐包，餐包是暖的；西冷淋，無咩梳打味，好食過X鳳，但薯菜是凍硬的，所以建議跟飯或意粉會較好；咖啡是港式茶餐廳質素，可接受。臨近食完，收到同事電話要外賣。外賣鮮茄龍脷跟飯，紅湯，熱啡。（外賣是餐價加$2）同事話茄汁龍脷👌。全樓面只有一哥哥一姐姐，一腳踢，服務相當有澳牛feel。食緊中途，有一個細細粒似中學生的妹妹入黎，侍應哥哥依然好cool ，但語氣明顯溫柔左小小（妹妹食咩餐，咩湯）😁相信佢內心是溫暖的，只係外表好鬼cool。…查看更多

無諗過幫佢地寫食評，剛巧今日較遲食晏，已過了午餐繁忙時段，餐廳亦較清閒，侍應哥哥亦有空同我地傾下計。侍應哥哥話曾有客人在繁忙時間等待食物時，大大聲咁講，將佢地同隔離的港式扒房餐廳比較，話人地上菜快又抵食我地呢D在附近工作的客人都知道Ilis 的定位係一間小店式的西餐廳，與同一條街的茶餐廳或港式扒房定位完全唔到，質素完全唔能夠相比，每一份餐都係落單即做，D扒唔落梳打，熟成度要控制得好好，意粉唔係大鑊煮好夾比你。所以客人都要公道D，趕時間的客人可能就唔太合適，而且一分錢一分貨，用料亦完全唔同，呢到餐飲都係即磨咖啡，M記買一杯都要2X蚊啦，點可以同隔離唔同定位的餐廳比較。工作無咁忙的日子都會到Ilis食午餐，以現在的物價，幾十蚊可以食到一個有湯，蒜蓉包，主菜，甜品，飲品，食得飽飽而且質素相當唔錯，好用心去做，服務又好的餐廳食個午餐，真係好難架。最初係比佢個卡邦尼意粉吸引，佢絕對唔係做好一大盆，等有order 就翻熱上碟果隻，所以制作需時，芝士汁味道適中，唔太稠，但每條意粉都被芝士汁包住，意粉軟硬度恰到好處。午餐一般有7款，頭盆客人可以點沙律或湯跟蒜蓉包，每日只有一款湯，我個人喜歡湯，無論蕃茄湯和菇湯都係用新鮮材打成，唔係罐頭湯，又無落忌廉，入口鮮味清香又健康今日主菜點了一份煙肉卡邦尼意粉一份肉眼扒配薯菜(薯泥，沙律菜，燒茄子，日本蕃薯仔)，上期餐牌係安格斯，肉質鬆軟和肉味較好，當然價錢亦會高一D。今日肉眼有D根，肉味差左D，一分錢一分貨。今日甜品係牛奶凍和熱情果凍，餐飲點了兩杯熱咖啡(即磨，熱奶另上)！岩岩睇到，十月係Openrice 訂位食晚餐有9折，度下邊日收工同老公過黎撐枱腳先後話：租金貴，食材貴，要堅持做好質素唔易架！老闆加油呀！…查看更多

同事推介此餐廳，網上食評亦唔錯，今日下午專誠與老公到此撐枱腳。店面大，裝潢有點印尼風格，座位間距合理，中午1點，只有一半入座率。午餐價格由5X至6X蚊，未計加一。兩人各點了一個午餐：巴東牛肉飯，黃薑飯，各包一杯飲品。餐到後，老公見到份量較少，餸亦不多，於是追加了一個醬菜蛋豆腐。巴東牛肉用的是牛展，炆得很淋，味道亦唔錯。黃薑飯用米唔係我鍾意果隻，幼長偏硬果隻米，餸有兩件咖哩雞，一片巴東牛，混有豆腐薯仔的豬肉粒(只有一粒仔豬肉)，而且上碟是將3樣餸放埋一齊，醬汁味道混埋一齊。我在另一間食黃薑飯是用蕉葉上，飯在中間，三樣餸分別圍在旁邊，再加蝦片，花生，什菜，都係6X蚊，所以相比下呢間就做得好行貨。醬菜蛋油味很重，芽菜很少，碟面是偏硬的米餅唔係蝦片，醬汁無蝦醬和花生香味，味道一般。諗住係幾十年老店，所以有期望，亦容易失望。我始終認為尖沙咀和銅鑼灣果兩間印尼老店水準高得多。…查看更多

已聽朋友推介這家餃子店多時，但是實在極少踏足此區。今晚一個人在太子睇完醫生，行十分鐘左右就到餃子店，終於有緣相遇。晚上7：45到，店外已有10人排隊，全是年青人，大約排了15分鐘就可以入座。餐牌很簡單，只有白菜，韮菜，椰菜3款餃子，湯，豆漿，幾款車仔麵餸。入座已是8pm，白菜餃售罄，點了10隻韮菜煎餃及細湯，盛惠$65。煎餃10隻，大大隻，皮是中度厚，煎得香脆，菜肉比例適中，無肥肉，美味子數就要睇下同邊個比較，同連鎖餃子店X方X集相比，此店簡直是人間美食，只係賣$41，抵食子數更係無得輸。野葛菜湯，野葛菜味很淡，鮮味一般，齋點細湯，細細碗要$24有點不值，所以建議大家不用單點湯，點湯餃，湯底就係野葛菜湯，一個價錢就可以試到餃子和湯。以街坊生意，舊式小店式而言，服務態度算係咁啦。…查看更多

90歲的老爸近年愛上了自助餐，雖然食量很少，但看到琳瑯滿目的食物已經很雀躍。Kitchen今期主打上海菜式，估計熱葷會較多，口味會適合老爸，而且用匯豐咭有78折，平日晚上折實每位約$550，包一杯飲品及每位送鵝肝多士一客，如好杯中物，只要加錢就可以紅白酒任飲。酒店位置就在西隧九龍入口旁，臨近海邊，為讓客人可觀賞日落，所以6pm就可以入座。酒店位置非遊客區，所以食客以本地客為主，而且大部份係OL白領斯斯文文，攞野食亦有規有舉，乾乾淨淨。座位舒適寬敞，與隣座有適當距離，而且看得出酒店在座位安排上的細心，不會太嘈吵(可能是平日，客人未滿有關)。一定一定要讚的是服務態度，雖然大多5星酒店的服務態度亦很好，但是，難得的是在工作中仍看到他們的笑容。每次陪老爸食自助餐都讓他自由地享受一切過程，我只會在遠處看着，有需要時才跑去幫忙，我看到老爸每次攞食物回座位途中總有侍應幫他接過和陪他回座位，負責食物枱的員工亦很親切，壽司枱的姐姐會主動幫老爸夾刺身，而雪糕哥哥更主動向老爸介紹小籠包擺設，那一個才是可食用的小籠包甜點，怕老爸攞錯我在旁看到這一切亦感到窩心終於要介紹食物了，今期主題是上海菜式，可惜，菜式和水準都是平平，不太吸引。反而恒常食物有一定水準：每位送一客得鵝肝多士美味，甜醋汁中和了油脂。海鮮有開邊波士頓龍蝦，麵包蟹，青口，生蠔，凍蝦，全部都新鮮，味道鮮甜。熱葷中最出色是燒牛肉，生熟程度恰當，肉味很好。對於我這個芝士控，除有芝士火鍋外，冷盤中亦有3款芝士，質素不俗。甜品和生果種類亦算多，質素可以，最喜歡的是烏龍茶凍。…查看更多

今個暑假不少酒店自助餐都有優惠，難得見到我心宜的JW竟然推出8pm的宵夜buffet 信用咭優惠每人都係$388 ， 對於扮工一族，7pm 收工仲可以他他條條去食自助餐食物種類當然較5樓Cafe 少好多，但勝在同一質素，都係高水。冷盆不大吸引。主攻熱葷，燒羊架和肉眼仲有片皮鴨，雲吞有好大隻蝦，鮮甜又爽口，海鮮湯泡飯塩焗三文魚黑椒炒蟹蒜蓉蚌蠔油冬菇蚊鮑魚仔(食左6隻)，仲有海南雞飯，杞子螺湯。。。全部都係有水準之作。甜品有M字雪糕，仲有雪糕機的乳酪雪糕+軟雪糕。萍果批係大愛其他蛋糕，餅仔都做得好有水準。每人有一杯飲品，JW 水準唔會令你失望，飲埋杯latte ，好完滿好幸福呢個價錢係超抵食…查看更多

不知為何，一直沒有朋友推介這間酒店的自助餐，所以從沒有試過。今次亦因為心水酒店的自助餐沒有再提供生蠔，所以到open rice 睇睇。目標是$500留下，地點交通方便，有生蠔，鵝肝的自助晚餐。用open rice 的coupon 有75折，又有長者價。計計數 ，6成人加1位長者，折實平均$465一位。 消費滿$800又有3小時免費泊車於是用open rice網上訂位，超方便。座位唔算寬敞舒適，但可接受，食物種類唔算多，尚可，況且，貴精不貴多呀！3款果汁任飲，每位仲有一杯餐飲！我個人最的食物，生蠔，巴東牛肉，現製印度Naan, 酒店自家制cream cheese, 無花果燉湯，肉骨茶，燒牛，半熟芝士撻，M字牌雪糕，朱古力蛋糕就有吉列豬扒，日式炸蝦，手卷，巨峯提子汁，檸檬批，和果子…查看更多

聞名已久的抵食自助餐，終於有機會一試地方唔算大，與紅磡都會相比，擺食物地方和款式更細好多，但質素比款式重要250幾蚊的lunch 自助餐有生蠔已經很難得，雖然唔算肥美，但相當鮮甜，最仲要係不停咁加，唔駛爭，唔駛排隊，自助餐時間由12pm 至2:30pm, 我到2pm 仍可以食多碟生蠔仲有凍蝦，青口，翠螺等，但無咩特別，所以只專心食生蠔熱盆都有燒味，咖哩，菜，飯，魚，粉麵。。。最出色係羊架，燒牛肉咖哩和印度薄脆都好好味。攻完生蠔，羊架，牛，之後，我已經開始攻甜品招牌甜品芒果拿破倫，嘩。。。一試就停唔到口，一口氣食左3件另外呢件有香蕉的香蕉蛋糕，都好好好味不過有點膩，不能食太多，杏仁茶亦很出色。最值得讚的是，會不停添加食物！絕對不是限量供應。用指定信用咭仲有85折，250幾蚊呢個價，絕對超值！…查看更多

經過幾次，小小的店鋪，午餐時間總是座無虛席。今日專登晏D食lunch, 要會一會這間小店。下午1:45pm 剛好是office 午餐時間的尾聲，餐廳外仍有人等位，幸運地有2人枱結賬，所以不到5 分鐘就可以入座。店內只能容納20人左右，全部客人中只有3 位男士，女士們進餐總是吱吱喳喳，好不熱鬧，如果想安安靜靜的進餐，這裡並非一個好選擇。試新店，總會保守一點，點大路食物，試試廚師的基本功餐湯是蕃茄濃湯杯上，細細杯，加了鮮蕃茄，香濃帶少少蕃茄酸味，應該加了薯仔令湯傑身，而不用加大量忌廉，女士們多飲一點也不會肥。白汁香蒜意粉，没有重重的忌廉白汁，感覺健康點，煙肉菇的份量足夠，意粉軟硬適中，香蒜味超濃，超like ! 但係，只是女士的份量，男士就一定唔飽明白店內90 %都是女客。火腿菠蘿pizza ,pizza 底是自製的，似克力架，無油，少芝士，又是一個健康的選擇。餐飲總會試咖啡，奶另上已經不錯，咖啡質量，以餐飲來說已不錯！後話：店鋪註名是輕食，所以份量不會太多，食量有番咁上下的朋友，會好似我老公咁，行去隔離街買多個包至飽…查看更多

行過樓下門口幾次，今日中午終於有時間來試下！中午1時，只有疏落的約10個客人，十分清幽，仲有個窗邊位，有少少陽光和樹蔭，好舒服，忙左一個上午的倦意全消2個人點了一份double cheeseburger, lemon beef salad 和2杯咖啡。burger 份量足，牛肉岩岩好，有肉汁，做得唔錯，2個人share 都好飽salad 有洋蔥，牛肉，花生，炸乾葱，檸檬葉，好香青檸汁而唔酸，好有越南風味！正！超like至於果兩杯咖啡，賣相好好，質素就有好大改善空間食個lunch 每人要$160真係貴左D,不過環境真係好清靜舒服，間中對自好D, 食個舒舒服服午餐，充充電都不為過…查看更多

很懶寫食評，但係今次真係忍唔住要讚下呢間野。朋友推介，星期六晚一行8人，預先訂位，去到唔駛等。雖然無鐵路到，但係有代客泊車和巴士，亦算方便。一坐低，先來一條活魚鱆紅刺身，肉質爽彈鮮甜魚頭魚尾做椒鹽，送酒一流再來一個芝土蟹煲，蟹肉實而鮮甜，煲底用韓國年糕超正，食完加上湯及烏冬，烏冬吸收蟹和芝士味，超正再選了一個少麻辣的雞煲，加雞雜，少少辣，好野味，正如果加多少少麻就更加好。終於加料打邊爐，黑毛豬粒，手切牛肉，蝦滑，墨魚滑，火箭筒(魷魚仔)木耳水餃，嚮鈴，黑松露餃，.....樣樣都好新鮮，好好味！掛住食，只影得咁多值得一讚係佢地的服務超有禮和親切！…查看更多