芳芳1234的個人專頁

隨著地區發展，租金越來越貴，地道小店已經買少見少，尤其是在西區。今晚突然想食打冷，就由銅鑼灣撘地鐵去到西營盤，真方便3個人叫了兩碗潮州粥加4個餸包括：椒鹽九肚一超好食確實非一般九肚，不單止大大條🤩炸漿又薄又脆🤩香噴噴肉質滑嫩又無骨喜愛的滷水鵝片啖啖肉，肉嫩又不覺肥膩，味道啱啱好，連放响底嘅滷水豆腐都好入味但唔咸，好好味啊！墨魚拼鵝腸，入味爽口又唔韌份量啱啱好！清炒蕃薯葉，大大碟新鮮嫩綠無渣非常滿足🍻😉…查看更多

因公事或上課好多時都經過這裏，但從沒有機會光顧一來看門面似乎貴嘢，二來通常都吃飽才行到這裏今日適逢下午放假，又未吃午餐，辧完公事來到差不多2點半，就試試這裏的下午茶選擇都算特別，有海鮮叻沙又有香茅豬扒，咁嚟日本餐廳就一定要試壽司烏冬啦！咁＄89一個下午茶（不需加一服務費）係唔平，不過有6件壽司、兩件反卷加埋烏冬同咖啡，我就覺得都扺食嘅（午餐要＄125）食物不過不失啦重點 -沒有人來人往，沒有時間限制，可以靜靜地坐在一角享受這悠閒的下午…查看更多

星期日，獨個兒沒有目的地行逛西環。時常經過這裏，但都未有機會光顧這間cafe，只因知道這裏是打咭熱點，排隊等位的人太多，不想浪費時間今天似乎情況有異，即本過去看看有無位。似乎真的有緣，店員話先要跟兩位已登記排隊的客人聯絡，最後他們都未能前來，我偷笑了一吓然後待店員安排位置便坐下。心也想着這天真幸運餐牌簡約但色彩繽紛，雖然選擇不算太多，但每款食品及圖片都好吸引。花了點時才決定點了個夢幻早餐及藝術打印咖啡夢幻早餐如圖片一樣，不但顏色繽紛閱目，每款食物都非常美味：沙律菜同水果都新鮮配少少煙三文魚同芒果醬，非常可口；黑松露跟炒蛋熱烘烘香氣樸鼻；還有多汁的車喱茄、香噴噴蘑菇、香濃芝士腸，就連放在最底層的茄汁豆同煎得香香的煙肉都是熱的，確實有點應接不暇，但好滿足最後兩片多士可能等得太久，有少少淋但OK而藝術打印咖啡除藍色星空主題，亦可選擇村上隆的開心花花圖案，我毫不猶豫選擇了燦爛的花花🤩。咖啡原來是凍的（店員沒有說明），但沒所謂，花花圖案糖漿放在咖啡上沒有變型，非常美麗😍真不捨得把花朵喝下去。我只好小心翼翼地喝下咖啡，咖啡味仍然香滑，幸福的選擇🥰不經不覺一小時的用餐時間過了，店員温馨地提晒埋單，便依依不捨地離開😁下次有機會一定會再來😊雖然用餐時間確實短，但我享受這獨個兒的時間☺…查看更多

眨眼金門重開已半個月，各樣食品都逐漸到位啦！而最開心我們最愛嘅熱鴦☕味道都番咗嚟啦茶香同咖啡香互相輝映提神佳品熱哄哄的早餐亦進步不少沙嗲牛肉麵香噴噴牛肉味濃蛋牛治洪底係我嘅最愛，熱辣辣香噴噴脆脆哋而佢哋嘅健康麥片餐仲多咗烚蛋🥚🥚選擇添。熱切期待佢哋自家製作出爐嘅菠蘿包，雞尾包。。。啊！…查看更多

呀仔同老公生日只相隔幾日, 緊係要揾間靚餐廳為我呢兩位摯愛💖💖慶祝🎉🎉🎉今年揀咗Bread Street Kitchen & Bar, 諗住平日應該無咩人, 7點鐘入到餐廳已經有4-5枱客, 响山嶺呢個環境嚟講都算叻💪💪💪第一樣要點嘅當然係佢嘅名菜 Beef Wellington 啦仲點咗個羅望子醬烤雞翼同紅菜頭雜穀沙律食住先甜品當然係出名嘅蘋果批要咗半支Champaign, 味道唔錯落單後, 殷勤嘅侍應哥哥Jasper好快咁送上美味嘅麵包, 仲特別介紹佢哋嘅牛油係加咗好香嘅洋蔥同Bacon, 香脆內軟嘅麵包加埋特別加料嘅香滑嘅牛油, 正是這一頓美好晚餐嘅開始!然後沙律同雞翼都好快上枱!因為個Beef Wellington需要45分鐘準備, 我哋就先慢慢饗用果兩個頭盤雞翼熱辣辣, 香噴噴, 帶點甜味, 非常可口兼醒胃紅菜頭藜麥沙律裏面加咗一啲羊奶芝士, 羶味都幾濃, 我同呀仔就麻麻哋! 老公好OK侍應Mark哥見我哋好快食完麵包, 就幫我哋添多一份, 窩心❤食吓食吓傾吓傾吓, 主角出場!酥皮好香脆, 蘑菇醬好濃好香, 但略咸, 要加埋佢嘅Peppercorn saurce同薯蓉一齊食, 味道就啱啱好! 至於主角牛柳都好嫩滑, 味道唔同一般嘅牛肉(佢哋建議係2人份量, 其實3至4人share都可以)最後蘋果批登場, 外面嘅曲奇焗得好香脆, 蘋果餡料非常豐富有口, 我特別喜歡呢個味道, 酸甜適中, 非常可口(3個人分享, 我覺得份量啱啱好)最後我點了伯爵茶, 茶味清香細滑 無澀味, 為這頓晚餐畫上完美嘅句號p.s.Mark同Jasper不停為我哋攪氣氛, 給我哋帶來輕鬆愉快的一個晚上, 非常感激!我哋都非常滿意這次嘅晚餐下次必定再揾機會嚟幫襯…查看更多

上次經過餐廳門口被佢嘅水晶燈吸引, 望過餐牌價錢唔算貴, 又望吓openrice啲食評又ok, 所以今次行過又即本入去試試原來餐廳比想像中細, 但枱與枱之間仍有合理空間, 唔覺好迫夾, 都OK喎!我點了一份慢煮牛面珠墩肉配餐湯同熱飲都係$108加一, 價錢ok!我哋點了一個蕃茄雜菜湯同是日餐湯(燈籠椒忌廉湯), 兩款湯都好足料, 真係好多蔬菜鮮味, 真材實料! 但餐飽就有啲硬同唔夠香, 可能因為唔熱!牛面珠墩肉好淋, 好有牛肉味, 仲好有份量添老公點咗個厚切美國豬梅肉配西梅燒汁! 豬肉juicy好嫩, 配埋佢嘅燒汁真係好好味! 但可能鐵板非常熱嘅原固, 啲肉越食就覺得越乾, 下次應該要碟上我加咗$30要咗個凱撒沙律, 但就麻麻, 啲麵包粒已淋晒加$40可將餐飲轉紅酒, 味道唔錯, 比想像中好喎!服務員好細心發現其中一杯酒嘅份量掙咗少少, 佢就立刻幫我哋添回!當我哋差不多要離開嘅時候, 至發現原來餐廳已客滿, 但一點都唔覺得嘈! 讚! 下次一定再嚟幫襯…查看更多

小店搬到新位置後第一次幫襯, 味道一如以往, 好味我點咗最愛的煎蛋肉餅飯! 我最愛燶邊煎蛋, 又香又脆又好味, 蛋黃哥仲要堅流心❤❤❤無得彈蒸肉餅鮮味&肉汁豐富, 份量啱啱好咖央多依然香脆, 椰汁味濃! 超正蛋炒豬腸粉啲蛋就過火了少許, 多了點豉油, 偏咸基本上我喜歡的依然無令我失望, 一定會再次幫襯…查看更多

間中都會揾地方啤一啤, 食吓邪惡嘅嘢平衡吓, 輕鬆一吓嘅香港其實有好多好好食嘅漢堡, 比起所謂嘅過江龍絕對係有過之而無不及啦！其中一間我哋最喜歡嘅就係Beeger啦！佢哋嘅漢堡, 除咗內裏嘅餡料非常豐富, 非常juicy 連外皮-即係個包都一絲不苟 非常香口軟熟上次我試咗牛, 非常滿意啦！今次就揀咗蟹肉漢堡個包非常鬆軟就不在話下, 蟹餅非常豐富, 啖啖蟹肉再配埋牛油果&厚切蕃茄, 香噴噴啊 我果兩位朋友都忍唔住試咗啖, 真係好好味朋友的classic漢堡同lava漢堡都非常出色非常juicy, 大家都好滿足啊再加埋香口嘅炸洋蔥同芝味薯條, 簡直係邪惡大滿足!另外我哋最欣賞佢哋提供嘅啤酒選擇, Beer on tap🍻: 黑啤最重麥味, IB蜜味濃郁, Lager清新爽口就比較淡味, 我哋3款都很喜歡雖然搬咗位置, 少少遠離海旁, 但依然清靜舒服, 下次一定會再幫襯老闆加油啊💪💪💪…查看更多

都有一段時間未有過嚟銀杏時光啦！喜歡這裏是因為老闆喜歡請充滿活力嘅退休族! 佢哋都非常健談, 增添親切感! 而且每晚7點左右都有個別駐場歌手自彈自唱好多中英文懷舊金曲, 仲可點唱添! 樂韻悠揚令心情更加舒暢今日星期三, 是日推廣羊架, 只係$168加一。 我honey最like! 份量亦超級足夠! 晚餐包自助沙律吧同餐湯任飲我就揀咗鱸魚, 都煎得啱啱好! 肉質唔錯呀！今日嘅開心大發現係法式紅酒燴啤梨 跟餐只係再加$8就可以!色香味俱全, 認真扺食! 但每晚只限量發售! 優惠只做到10月尾!下次再帶朋友嚟幫襯…查看更多

今日心情好啲啲又可以早啲食lunch! 想食吓素, 當然首選我最喜愛之一啦-Farmer's Cooking出街食飯要食得健康, 真係談何容易! 呢間小店嚴選新鮮食材, 堅持不落味精, 好多食材仲係自家種植添! (新鮮食材跟本不需要味精嘛) 做出嚟嘅食物既新鮮又好味今天揀咗流心蛋, 本地秋葵, 香菇豆燥拌麵(仲有啲鷹咀豆啊) 食物新鮮, 顏色豐富, 非常可口麵條幼滑&煙韌配埋個香菇豆燥真係好好味今日係冬瓜蔬菜湯, 裏面仲有好好味嘅眉豆添黑豆茶少少甜, 飲落好舒服飲咗兩杯添一有時間一定會再來幫襯…查看更多

忽然想食Kimchi, 又去Openrice碌碌吓，碌到呢間餐廳, 北角區唔難揾就即管試吓入到餐廳果然清優, 可能早(6點半)得一兩枱客但餐廳本身都幾大, 應該客量唔多時只開一部分, 但都覺得舒服!行埋去食物區, 雖然款式唔係特別多, 但睇落去食物顏色有光澤同新鮮! 最吸引我當然係Kimchi區啦！Kimchi同蔬菜款式種類又多又吸引! 每款試少少都會飽我都試咗一半種類! 味道不太濃烈, Like!另外佢啲肉類擺放得好整, 同埋都醃得好好味, 一啲都無雪味!尤其是啲雞翼咁大隻, 無雪味兼好嫩滑試過出面其他類似形式嘅韓燒, 啲肉好多時都雪得好實同有雪味 呢度真係做得唔錯啲蝦都算新鮮有蝦味兼肉質結實! 多春魚算大條兼有好多魚春, 真好味! 重點係一啲都冇腥味!因為係星期四, 所以有兩小時任食, 可以食得輕鬆又自在!(星期五同假日就只有個半鐘)下次都會揀平日再嚟…查看更多

真係好多年冇嚟金鳳, 因為每次經過都有好多人响門口排隊等位!今朝行完山, 可能早咗啲(9點左右)竟然見門口無人, 所以入去睇睇, 又見到唔太多人, 仲有卡位, 所以同Honey一個箭步就坐咗入去! 哈!哈!哈!點了一個麥片餐同一個奄列餐! 我哋不約而同都揀咗餐包而唔係菠蘿包(因為以過往經驗, 早餐出嘅菠蘿包都係响後欄攞出嚟-->凍同難食)但今次嘅餐包非常軟熟兼新鮮, 令我哋喜出望外喎! 再望吓隔離枱嘅跟餐菠蘿包, 睇落去都新鮮喎! 無見咁多年, 大有進步!我嘅牛奶麥片中規中矩啦！但脆邊流心煎雙蛋就一定要讚! 其實我最喜愛佢嘅熱奶茶, 依然咁有茶味, 同奶味配撘得天衣無縫! 如果凍奶茶可少甜就更加好!我Honey果份火腿奄列都要讚👍 非常有內涵, 好多火腿响裏面啊! 蛋又煎得啱啱好, 沒有過火!整體都比我哋有意外驚喜! 讚👍但唯一係坐位太迫"夾" 個卡位要坐四個人, 真係會唞唔到氣架! 但離開時先知出面有幾個人响度等緊位, 都唔好意思! 多得店員哥哥冇叫我哋讓坐, 等我哋舒舒服服咁食完個早餐, 認真多謝!下次一定會襯無咁多人再來幫襯架…查看更多

突然好想食韓式炸雞, 响Openrice碌到呢間食評唔錯, 位置方便, 所以去試吓!雖然係星期日, 可能時間尚早,到埗後, 店員安排咗個窗口位置比我哋, 好開心店員先介紹咗佢哋人氣出品 - UFO Foudue, 有六款烤雞選擇, 可選兩款! 因為第一次幫襯, 所以請店員介紹吓: 果味醬汁蒜香味, 甜辣味及蜜糖味比較多人喜歡, 我哋就點了甜辣同蜜糖味兩款試試! 另外再加咗個凱撒沙律同蜜桃味米酒㖭沙律可能已雪了一段時間, 蔬菜之間有啲冰! 好夠凍, 感覺尚算新鮮等咗20分鐘左右, 好期待嘅UFO終於出場睇住啲芝士慢慢溶化, 真係令我哋食慾大增甜辣味烤雞比較嘢味, 加埋拉絲芝士, 感覺係無得彈! 蜜糖味都唔錯, 但相比之下, 我哋都比較鍾意甜辣味! 下次一定要試埋果味醬汁蒜香味至於蜜桃味米酒, 香香甜甜, 都幾易入口, 但一啲都唔覺有酒味下次會試吓佢哋嘅韓國啤酒, 可能配炸雞啤酒會比較適合多啲啲…查看更多

喜歡幫襯小店, 有時會有驚喜❤第二次嚟幫襯呢家新開泰菜都係因為喜歡佢哋嘅海南雞🐔去骨海南雞, 比起其他餐廳都算大件, 嫩滑有質感有雞味佢哋配嘅辣醬, 甜豉油同薑蓉都好好味, 好有成意無骨豬脾味道不錯, 我個人覺得太林, 但我兩位朋友仔卻很喜歡至於小食拼盤 (細份), 春卷略嚴炸得未夠透, 唔夠脆! 其他味道都OK, 唔會成口油炒金邊粉略嚴淡味, 可能落少咗魚露, 蝦亦欠了鮮味, 有進步空間!值得一提, 小店所有工作人員都好有禮貌, 好親切, 感覺好好繼續加油!…查看更多

經過燈籠街心思思又想吃蛋牛治烘底又去咗有利買番份咁多年都係咁好味 - 多士烘得非常脆, 蛋滑加埋碎牛肉(罐頭), 煎得非常香口雖然只做外賣, 無位置坐, 立食一樣好滋味只係$17夫復何求…查看更多