hangryannie的個人專頁

好後悔冇睇下之前食評先入黎我黎食早餐，份炒蛋多士上果陣，個侍應飛隻碟上枱，件多士成件自己飛咗出碟，降落咗喺枱面⋯ 我冇出聲，侍應拎走塊多士，再轉頭話即刻整過件俾我再過咗陣拎咗隻碟仔上塊多士，我一拎上手一咬落去，凍嘅淋嘅⋯ 我都懶得再同個侍應講，因為樓面同收銀不斷大聲溝通，話樓面得一個人、一對手做得邊樣，收銀就不斷叫等緊外賣嘅人出返去等、外賣有排未有得拎，之前電話落單果d都未做起，等唔切嘅就cut咗佢。再過咗陣，侍應上我隔離果枱嘅凍飲果陣成杯跌咗落地，勁大聲全間鋪都望住⋯ 個侍應即刻話個地下滑⋯ 然後收銀即刻過黎幫手，掉咗一枱客去另一枱坐，然後仲有個隔離枱嘅客成腳濕晒⋯ 佢即刻拎個地拖出黎拖⋯ 良久之後濕咗果個客先問個侍應，我成身濕晒你哋有冇紙巾俾張我？侍應先識去拎紙巾俾人，收銀就補多幾句唔好意思⋯ 呢刻我只係慶幸頭先倒瀉野唔係倒落我度⋯我只係想我呢餐食完唔會肚痛⋯ 真係未食過咁難食嘅茶記早餐，就算質素平平嘅我通常食野都清晒碟，湯都飲埋果隻。呢餐，我食咗一半真係食唔落去。多士當然擺低啦，塊火腿係大陸紅肉火腿⋯ 如果你有北上經驗食過大陸炒飯大陸麵包店夾果火腿，你就知我講邊隻⋯ 從來都未試過喺香港茶記食到呢隻難食火腿。想食返個叉燒意，d粉已經淋晒，個所謂金寶湯水都咩咁一d厚身少少嘅湯感都冇，唉，唔怪之得頭先坐對面個客碗野都係食咗一半就走咗😓睇黎都捱唔到幾耐⋯…查看更多

唔係住開呢邊亦唔係喺呢頭返工，係咁啱前幾日喺度附近做嘢經過，見開咗新鋪，有豬雜粉食！淨係知香港唔多食豬雜粉嘅地方，西環就有做得出名嘅仲要排隊，宜家上環都有喇好開心！仲要竟然OpenRice未有⋯ 當日好可惜已食咗野先經過見到，好在再過兩日又會黎呢頭做野⋯ 但著到鬼死咁隆重😂 我都唔理照入黎食，因為唔知下次幾時再有機會黎呢頭⋯ 上手果間燒味其實都做得唔錯，亦見生意幾好，但可能上環嘅燒味競爭太激烈⋯ 希望呢間店做得住啦！好食呀，係清淡嘅，但我就係鍾意佢比較清，成個湯都飲晒！豬雜有好多款，肚、肺、脷、腸、心等等，每樣都有幾件。仲有大同細碗可以選擇，加十蚊有碟菜，但原來配料已經好足、有芹菜、冬菜、芽菜、仲有d應該係枸杞葉！正，非常滿足。唔知係太好食定細碗份量係比較少，食完仲有少少意猶未盡，但專登行過黎食有少少趕住走⋯如果唔係再叫多d野黎試！好似聽到阿姐同食客講開咗三星期，然後有食客話食完專登再帶媽媽黎食，老闆又同食客講琴日有客話覺得個湯底唔夠味，今日專登落多d豬手落去煲，等佢厚身d，係有誠意嘅，我見另一枱嘅女士客人都同我一樣成碗食清光連湯都湯晒～ 老闆見我急急腳食完埋單走人都問做乜唔慢慢食坐多陣，我話我都想呀但專登過黎架趕趕地時間呀⋯ 希望老闆好好經營長做長有啦！…查看更多

無意經過見到有人揀緊飯團，我又買返兩個先～！靚！sorry係我兩舊飯擺得唔靚！冇影到個櫃⋯所以個名唔係好記得，總之有茄子、茄子油炸嘅，唔覺好油，配合紫蘇葉，非常美味！呢個就好似係三文魚絲配紫蘇葉，入面仲有塊玉子燒！又係好好味！！！唔算好大個，但十幾蚊一個，兩個已經夠飽好滿足（我唔細食）～食完齒頰留香一定會再幫襯！下次試埋其他味😋😋😋😋😋仲有今次好可惜經過之前已經買咗野飲，下次一定試埋佢嘅飲品！見個menu好豐富！！ d飲品好有特式、做冷飲熱飲都吸引～而且唔只係茶/啡，啱晒我呢d晏少少飲茶/咖啡都驚夜晚眼光光瞓唔著嘅人💖雖沒交談，只係俾錢找錢嘅來回舉動，已經覺得收銀姐姐人好好☺️ 從menu到小店內嘅小小設計，加埋手寫嘅食品標示牌仔，成間店嘅感覺都好有心！👍俾心機、祝福你🌟…查看更多

好耐之前夜晚黎食過一次，對食物冇咩特別印象但環境好有氣氛，有返咁上下歷史，係舊式港西餐廳嘅裝修佈置，侍應仲係著緊果個年代果種小小oversize嘅黑色老西，枱上同上枱嘅各種細節都有講究！今日咁啱經過，見到竟然有抗疫優惠，四十大元就有一個主菜連飲品！又試試佢四十元午餐係咩質素由落單到拎到外賣，好幾個員工都不忘同我講多謝😭😭 而我只係買咗一個超平價午餐🥺 真係有點不好意思受不起好特別嘅膠刀！咪睇個飯盒好似平平無奇⋯一食無限感動😭😭牛扒一d都唔薄，大塊肉厚又兩邊都煎到個色好靚～ 筋位都好食好香！意粉唔會過熟，焗住喺盒拎到返屋企都唔會淋晒！配菜咪睇佢只係椰菜，係同煙肉一齊炒過嘅椰菜，好香😭😭😭 個汁除咗食到有大細粒口感嘅黑椒，仲有洋蔥蕃茄蒜蓉全部都食得出唔係一pat嘅hea汁40蚊，完全冇將價就貨⋯抵食到癲！真係愈食愈感動，細節嘅注重呀！！！食得出、感受到！！！😭😭😭😭😭 …查看更多

咁平仲要竟然一個負評都冇？咁一定要試下啦～成日經過，一路見住佢愈出愈多野揀，優惠時間又延長咗！右下角有寫住*外賣加$3但到落單⋯外賣加完3蚊，又加多兩蚊外賣盒⋯😓就咁睇個餐牌好似好有誠意咁，上到去落單完全係另一回事⋯俾完錢等咗陣又話冇通菜得菜心⋯😓😓其他野OK，包裝好，奶茶好飲、菜心唔老，花生幾香、酸菜夠、有少量芫茜同雲耳，薯粉係比較圓同粗、點浸到唔淋果隻⋯但偏偏主角魚片就片片都腥，又有碎骨😓😓😓…查看更多

難以置信係第一個食評！住附近經過成日見到有間新店但唔知佢開張未，今日終於黎試試佢！第一次點冇睇真個餐牌，男朋友要咗餐牌上第一行個唔正宗去骨海南雞飯，我就懶得諗就咁叫第二行個雞，落單時要跟住讀都有d難度🤣 其實就係雞髀飯～ 再要咗雪櫃裡唯一嘅野飲～泰國勝獅梳打水～8蚊雞正呀唔駛諗！上面果個係唔正宗海南雞，下面果個係泰式雞髀，就咁目測好似雞髀份量冇咁多～但食落就唔清楚，我個海南雞髀超嫩滑超香，一舊都冇俾到男友，停唔到口食到乾乾淨淨～ 佢都係⋯ 唯一係佢食唔到辣，而個汁唔係三隻黃黑紅果種有得揀，而係泰式沙律果隻汁～ 我就覺得個汁超正，唔係好夠撈晒成個飯。丫係喇，個飯都要提一提，超香超軟熟🤤 仲有跟咗沙律菜，好鬼正個色又靚，有芹菜、洋蔥、蕃茄、青瓜，成餐好清爽但又好滿足😌😋🥰***話說第二日我同男友已經心思思又想食，諗住試下佢d豬同牛，點知只係得雞，唔知係果日賣晒定剛開業暫時未有供應。咁今日就掉番轉，我食普通佢食髀，可能隔離飯香，今日食落又覺得男友個雞髀份量大d😂😂 唔知呢，不過雞髀的確滑身d😉 但兩隻都啖啖肉好香好嫩好鬼正🙈😍 連續食兩日依然食得身心好愉快！（唔好意思等唔切影相就開動了⋯😜）今日仲點咗餐牌嘅唯一飲品：青檸梳打。雖然係冇其他選擇，但食泰國野又有咩夾得過青檸梳打？有得揀我諗我都係會揀返呢樣☺️ （除非以後有泰式奶茶⋯咁可能真係要諗一諗🤣🙉）大大杯，下次睇下可以可以叫少甜先😬整間店玩味十足，連落單同廚房嘅哥哥仔們都好好傾好好玩～😎有三四個面壁思過堂食位，正丫最啱一個人黎食個快靚正嘅飯～**門口寫住開24，但暫時嘅形勢就冇啦。店內亦有貼咗好過癮嘅雞王外賣貼紙😏 但暫時人手唔夠都係未有呢個服務🤓 期待大家大大力懲罰佢🤭 *順帶一提第二日去多咗位水吧靚姐姐喔💛…查看更多

第一次經過見到新開，但已吃飽，想問下營業時間，下次幫襯，可惜店員愛理不理，新開張就咁嘅態度⋯不解🤷🏻‍♀️唔緊要，或者個別店員問題、或者果日佢心情唔好，又或者食物好好味呢～今日就黎試下佢究竟。叫咗一個set，燜荀飯+原味小餛飩+熱奶茶難食到兩樣野都食咗唔夠一半就放棄咗（本人平時係碟碟清底，湯都飲晒果種人）先黎咗碗飯，微溫暖暖地唔熱⋯ 明明叫荀飯，得勁少荀，有d香菇絲同肉絲，個飯冇咩燜荀味唔香⋯仲係有👍係推介食品⋯ 食咗一半「了」黎「了」去發覺冇晒料，而d飯又好油好漏，放棄咗小餛飩：食落有油「益」味。唔信邪，再咬咗兩粒都係咁，ler返出黎🤮熱奶茶：有咖啡味嘅奶茶⋯ 飲落係苦苦地嘅奶茶，唔係咖啡，估計係個杯洗唔乾淨，有咖啡味😑唉，未飽又想坐多陣，見有人叫咗個拌海蜇頭，望落都ok丫，拌海蜇頭好難唔好食嘅⋯ 點知死咸，又冇醋味⋯真係好死咸！我求其搵支豉油加醋都應該拌得好食過佢，完全浪費了海蜇頭開頭食果兩樣野都只係用咗匙羹，到海蜇頭黎先拎筷子，筷子勁多都黐住毛毛，似係洗完用黎抹乾嘅毛巾甩毛⋯🤢店員依然係上次經過問時間果個後生仔，態度真係差到一個點。下午茶時間得我同另一個客，都食緊野，店內超靜，佢玩緊電話，有客入黎，叫咗三次寫野，佢完全聽唔到⋯ 轉個頭佢有朋友過黎搵佢，就勁大聲有講有笑，唉⋯ 店內仲有個年紀大少少嘅女人，態度好些，講廣東話有口音。我唔歧視新移民，只要黎到香港肯努力發奮圖強，我覺得都值得欣賞，大陸都有好好食又好用心嘅小店，但呢間真係強差人意，食物、衛生、服務都奇差。本身入黎見有好多野想試，一次試唔晒下次再黎，宜家唯一希望係佢快d執⋯ 香港容不下如此質素嘅食店。下次？不了…查看更多

廢話：上手嘅燻蛋做唔住執咗有d可惜，今日經過見到開咗間新嘅，諗住openrice下睇咩來頭，點知新到未有！由於當日好想飲周打魚湯，諗咗好耐可以去邊度飲，發覺除咗自己買罐頭煮熱，原來要齋買一個西湯飲（除咗港島比較多嘅prxt-a-mangxr) 係件幾難嘅事⋯ 竟然見到呢度有單買唔貴嘅周打蜆湯，都算係咁，個天都叫我試啦，咁就淨係買咗個周打蜆湯返屋企飲，試下佢虛實先。正文：都幾大碗，大概係大碗碗仔翅嘅大小，味道非常好，材料好足，薯仔粒蔬菜粒香料一d都唔含糊，蜆全部都係原粒唔係碎，最勁嘅係蜆我諗有成廿粒⋯總之食極都仲有蜆😂 如果個湯可以稍稍厚身d就完美了。後話：希望做得住啦15蚊一大碗！外表冷酷嘅小混混大廚哥哥誠意十足～下次再黎試下佢d意粉薯蓉同飲品！（湯唔駛等好快，見佢忙整緊意粉）…查看更多

成日經過見到，終於一試！其實呢間分店都唔算新開？最起碼開咗半年了吧。。。竟然未有任何食評，連張相都冇，咁等我貢獻下啦！五點五十分到，冇咩人，入到去自己揀位坐，揀咗個窗邊位，感覺唔錯，冷氣夠但唔會太大，有音樂又唔會太嘈（但侍應姐姐們好開心咁聚埋大聲狂傾計。。）本身諗住去食永年，原來宜家加價加到仲貴過個下午茶。。。呢度下午茶幾實惠！38蚊一碗粉/飯連冷熱飲品，佢寫明係輕食份量，但碗粉份量係夠飽的（我當晚餐食）！落單冇幾耐就送上，好快手～ 賣相不錯，用辣椒圈住幾條羅勒，靚得黎唔會喺碗野裡面散晒周圍飄！雞翼有三隻，唔係炸，有煎香，香茅味夠重，好好食！金邊粉挺身軟硬適中，俾咗好多芽菜～ 湯底唔算好濃唔算好淡，但唔會太喊，我食到底飲晒。。。 我食到一半先醒起冇俾到青檸，見到其他人食湯河都有，唔知係俾漏定下午茶細碗唔俾！？杯野飲賣相都好好，其實只係凍檸蜜，應該係佢嘅特色，我見個menu畫住d野飲都係一層層咁，唯獨是支飲管倒轉咗插。。。同埋個杯身太高而且好滿，支匙羮只係長過個杯少少，好唔方便篤。。。整體非常滿意，希望下次試下生牛河，佢仲有d二人餐四人餐，碗粉有得雙併之餘仲有小食同菜，特飲又唔駛加錢，好抵食咁！…查看更多