rachel0524的個人專頁

仲要等多幾個月先可以飛泰國，耐不耐就好掛住泰國啲美食😌啱啱去完旅行返黎懶得煮飯，趁住今日放假就去旺角食我成日都去食嘅泰菜「青花」😉餐廳環境就好似置身於forest入面，仲有多款特色嘅餸菜例如用蝶豆花炒飯係出面比較少見架👍🏻建議大家黎食記得要預早book位，因為成日都爆場架👍🏻雞皮卷呢款係我每次必點嘅小食，炸到脆卜卜又薄身嘅雞皮入面包住雞肉，咬落去嘅時候會一啖爆汁好juicy😋雞肉鮮嫩多汁配上泰式辣醬酸酸辣辣，勁惹味又香口，絕對令你食唔停口炭燒豬肉串燒沙嗲一碟分量有6串，平均只係12蚊串幾抵食👍🏻入口有陣陣嘅炭燒香氣，豬肉肉質軟腍，外面焦香內裡多汁，加上香味濃郁嘅沙嗲醬簡直係絕配😋馬莎文香料牛肉咖喱份量驚人😆係一大碗嘅咖喱，足足可以四至五人分享👍🏻牛肉用上肥牛片，肉質較為軟腍，加入大量蔬菜：蓮藕、茄子、秋葵、腰果、薯仔令咖喱帶有蔬菜嘅清甜味，咖喱香而不辣，所以一定要嗌蒜蓉包去點咖喱汁，一滴都唔好浪費😆蒜蓉包香脆鬆軟，上面搽滿香味濃郁嘅蒜蓉醬，配上咖喱汁真係Perfect👍🏻藍蝶花蟹肉菠蘿炒飯菠蘿炒飯就食得多😆用藍蝶花去浸泡米飯，令米飯變成紫藍色，再鋪上大量蟹肉、提子乾、雞蛋同菠蘿粒，可以自行再加入肉鬆同腰果令口感更加豐富👍🏻蟹肉嘅鮮味、加上提子乾嘅微甜啱啱好中和返菠蘿嘅酸味、肉鬆鹹鮮嘅味道配搭埋腰果香脆嘅口感，味道層次更加提升😋📍青花 (旺角)旺角奶路臣街17號THE FOREST 1樓107-108號舖人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

每逢星期六都會陪爸爸媽媽去飲茶☺️今日就去咗灣仔嘅「中華小館」，除咗點心外，店家嘅燒味亦都係招牌之一，而家仲推出咗羊腩煲同大閘蟹任食，下次同埋屋企人黎試下先🙌🏻蜜汁厚切叉燒王招牌必食推介👍🏻係店家嘅其中一款得獎菜式，厚切叉燒王七分瘦三分肥，外面燒到微微燶邊非常香口，咬落去嘅鬆滑軟腍充滿肉汁，甜甜地十分入味，一啖叉燒一啖飯勁滿足😋至尊燒鵝飯師傅斬咗燒鵝髀嘅位置比我地👏🏻👏🏻皮脆肉嫩口感油潤，焦香嘅外皮色澤光亮油潤，皮下有一層脂肪，入口充滿油香，配上酸梅醬減低膩感，店家兩款燒味一樣咁出色👍🏻燉湯燒味飯會附送一個燉湯，今日係太子蔘燉螺頭雞湯，用茶壺承載，再倒入茶杯慢慢品嚐😌店員非常貼心提供額外茶杯比我哋一家人分享，雞湯鮮味無比，飲落去有一浸淡淡嘅人蔘香味，滋補又養生沙嗲金錢肚濃郁嘅沙嗲味道帶有微微辣，金錢肚醃得非常入味軟腍香滑，底下嘅麵筋吸收晒沙嗲醬汁嘅味道，超級好食👍🏻👍🏻👍🏻萵筍鮮蝦餃蝦餃成個乒乓波咁大粒，皮薄煙靭晶瑩剔透，裏面全部都係大大粒嘅蝦仁，鮮味爽口，蝦仁混入萵筍令口感更加豐富爽脆XO醬炒腸粉炒腸粉係我家人必點嘅點心，店家嘅腸粉香滑軟熟加上爽脆嘅芽菜配上辣辣地鮮味十足嘅瑤柱XO醬令味道層次更加提升豉蒜虎皮青尖椒尖椒兩邊煎到焦香形成虎皮狀，加入大量豆豉同蒜蓉調味，腍身又入味，咸咸香香嘅味道確實令人食唔停口😋📍中華小館 (灣仔)灣仔駱克道128號地舖及1樓人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

啱啱去完東京返黎，又心心念念掛住日本嘅野食，刺身、壽司、串燒、壽喜燒呀，全部都係我嘅至愛，同埋朋友仔一邊食野一邊飲啤酒🍺幾咁chill😌喺觀塘返工嘅朋友仔就介紹咗我去海旁嘅一間日料店「磯の水產」，餐廳充滿日式風格，牆身貼上日本海報，擺咗好多日式嘅擺設、燈籠同清酒，每日嘅漁獲日本新鮮直送，重點係價錢好抵食👍🏻我地嗌咗個二人餐，包埋兩杯啤酒人均都只係$300👍🏻<特上晚市二人前>蟹籽沙律大大碟嘅蟹籽沙律，以青瓜絲同蟹柳絲上面鋪上大量嘅蟹籽，清新爽脆嘅青瓜加上脆卜卜嘅蟹籽口感特別豐富，勁fresh👍🏻特選刺身拼盤赤蝦｜帆立貝｜三文魚三款刺身都非常新鮮，赤蝦鮮甜爽口，蝦頭入邊係滿滿嘅蝦膏呢個先係精華，帆立貝厚肉鮮味，厚切嘅三文魚油脂豐富，肥美而且充滿魚油香特上壽司拼盤赤身｜三文魚｜海鰻 套餐包括三款壽司，赤身肉質較為清爽冇根，魚嘅鮮味非常突出，三文魚油脂豐富，肉質軟滑，一啖食落口超級滿足😋海鰻肉質細膩而香甜，入口即化，鮮甜無比串燒鹽燒牛舌｜鹽燒五花腩｜鹽燒雞翼｜豚肉蘆筍卷串燒方面有數十款選擇，可以自由選擇其中四款，我最愛嘅鹽燒牛舌爽口彈牙，用鹽輕輕調味令牛味更加突出，半肥瘦嘅五花腩食落一啲都唔會覺得膩，燒到微微燶邊特別香口，鹽燒雞翼皮脆肉嫩，勁juicy，用豚肉包住蘆筍去串燒，肉嘅油香加上蘆筍嘅清甜，大大減低油膩感，兩者果然係prefect match👍🏻壽喜燒肥牛鍋天氣凍凍地要食返個暖笠笠嘅鍋物🩷肥牛嘅份量都好多配上甜甜地嘅壽喜燒汁，加入咗各種不同嘅蔬菜，冬菇、金菇、椰菜、紅蘿蔔、京蔥同粉條，蔬菜吸收晒湯底嘅清甜味道，熱辣辣特別滋味😋烏冬最後食埋個軟滑彈牙嘅烏冬，配上海帶同魚片，超滿足🥳生啤套餐仲包括兩杯生啤或者300ml sake，性價比超高👍🏻📍磯の水產 (觀塘)觀塘海濱道133號萬兆豐中心地下3號舖人均消費：$300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

平時出去韓國餐廳食醬油蟹一隻都要幾百蚊，放題就更加唔會平，不過喺「Chef Zone」就可以用三百零蚊食到爽啦，今次已經係我第二次黎食，地方寬敞，自助餐分成好多區域，有醬油蝦蟹、刺身、壽司、熟食、燒烤、炸物、關東煮、湯、主食、點心、自煮既食麵同甜品，食物refill得快，喺中段時間店員會敲響鈴鈴，就會推出松葉蟹同醬油蟹蓋配紫菜米飯醬油蟹|醬油蝦今次食自助餐梗係為咗醬油蟹同醬油蝦啦，醬油蝦每個蝦頭入邊都有蝦膏，肉質鮮甜軟糯，醬油蟹，雖然冇膏，但肉質一樣鮮味，用黎拌飯一流👍🏻另外仲有辣醬蟹，我個人就更加鍾意呢款，味道甜甜辣辣越食越上頭😆除咗呢幾款，仲有凍蝦同生牛肉等，今次真係要食返夠本🙌🏻刺身、壽司有多款刺身同壽司，我食咗勁多三文魚超級肥美，壽司種類有成幾十款，八爪魚、響螺、燒牛肉、墨魚、帆立貝、蒜片蝦、醬油蝦、玉子甜蝦、蟹柳等，真係花多眼亂🤩仲有多款卷物同軍艦，炸蝦、吞拿魚同海膽吞拿魚Taco等，值得一讚係每件壽司飯都細細粒，咁就可以試多幾款啦👍🏻熟食烤豬腩肉｜炒花蟹｜泡菜餅｜海鮮煎餅｜韓式炸雞｜韓式豬手｜玉子燒｜血米腸有廚師即場烤嘅豬腩肉，半肥瘦兩邊微微燶邊，用生菜包住再加入韓式辣醬食多幾件都唔怕膩，炒蟹酥脆香口，我都食咗三四件，泡菜餅同海鮮煎餅細細件，裏面材料勁豐富，必定要食韓式炸雞有原味同甜辣味，外脆內嫩勁Juicy，韓式豬手真係個個都爭住食，外皮QQ彈彈，滿滿嘅骨膠原，玉子燒蛋香味濃郁好好味，血米腸都可以任食👍🏻松葉蟹｜原隻醬油蟹食到中段嘅時候，就會聽到店員響起鈴聲，記得要即刻出去排隊攞🦀🦀呀，松葉蟹非常鮮味，剪開蟹腳部份將成條蟹肉抽出黎，啖啖肉好鮮甜😋原隻醬油蟹，店員會先清乾淨內臟，打開蟹蓋放入紫菜飯，食嘅時候將蟹身嘅肉加入蟹蓋，鮮甜軟糯，真係好似返咗韓國一樣😆炸物、韓式魚餅有多款種類嘅炸物，芝士豬扒、年糕腸仔、魷魚、芝士波、番薯等，韓式魚餅有辣有唔辣，裏面嘅魚餅吸滿湯汁，一啖咬落去爆曬汁湯、主食酥皮海鮮湯｜人蔘雞湯｜海帶湯｜辣豆腐湯｜鮑魚粥酥皮忌廉海鮮湯必定要試，上面嘅酥皮酥脆香口，下面係濃濃嘅忌廉海鮮湯，好creamy又鮮味，人蔘雞湯足料，濃濃嘅人蔘味加上雞湯嘅鮮味，養生又暖胃👍🏻大推鮑魚粥，真材實料，綿密嘅粥底裏面加入鮑魚粒同鮑魚肝醬，鮮味至極😋自煮即食麵有兩部煮麵機，可以選擇自己鍾意嘅公仔麵，然後加入不同嘅配菜，自己動手做真係好過癮😆有辛辣麵、薯仔麵、炸醬麵等，可以根據自己嘅口味加入魚片、腸仔、京蔥、芝士等配料，幾分鐘就食得，特別有風味👍🏻甜品食甜品係有另一個胃😂食到幾飽都一定要食甜品，有一整個雪櫃都係韓國嘅雪條同不同口味嘅雪糕，仲有即叫即制嘅窩夫、冬甩、蛋糕、糖果同朱古力噴泉，呢餐自助餐真係超級滿足😋📍CHEF ZONE (尖沙咀)尖沙咀加拿芬道20號加拿芬廣場3樓人均消費：$339食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

喺南華會附近開完會順便喺呢頭食埋晚飯，同事帶路介紹呢間中菜廳「御瀧軒」，地方夠大枱與枱之間十分寬敞，啱晒宴客或者家人聚餐，菜式特別有心思，下次一定要帶埋屋企人黎試下先👍🏻新鮮黃耳鮑魚紅燒肉黃耳係較為特別嘅一種菇菌，膠質非常重，入口軟滑營養價值高👍🏻配上彈牙嘅鮮鮑魚去炆煮紅燒肉非常入味，薄薄嘅一層肥肉部份入口即化，肉質鬆軟，食落一啲都唔會覺得膩，香甜濃稠嘅醬汁拌飯一流😋360牛乳黑松露滑蛋蝦球必食推介👍🏻👍🏻👍🏻擺盤精美，足足有六隻大蝦球，爽口又鮮甜，配上軟滑嘅黑松露炒蛋，黑松露嘅香氣加上蛋香令人無法抗拒😋炒蛋火侯啱啱好，裡面仲充滿蛋汁，亦係一道非常下飯嘅菜式臘鴨髀炒花生芽店員推介改為花生芽去炒臘鴨髀，平時較少有嘅食材，花生芽口感爽脆味道清甜，配上油香咸鮮嘅鴨肉形成強烈嘅對比，令味道層次更加豐富十二年老菜甫火腩炒飯諗住嗌返個炒飯就啱啱好，但係原來店家每碟餸嘅份量都非常大份，等於平時我哋出去食嘅double份😆呢個炒飯足足分到7-8碗👍🏻火腩切粒加入酸爽嘅老菜甫同清脆嘅菜心粒，上面再鋪上肉鬆，炒飯乾身粒粒分明，多款食材配搭令口感更加豐富，咸咸香香嘅味道不自覺咁食晒成碟😋📍御瀧軒 (銅鑼灣)銅鑼灣加路連山道88號南華體育會體育中心(高座)UB樓人均消費：$400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

今次係我二訪「Oyster House」啦，我就係衝住星期一二有特價$99海鮮拼盤再黎😋餐廳主打生蠔海鮮，地方寬敞燈光昏暗，一邊聽住英文歌一邊食西餐，浪漫又有情調👍🏻Seafood Platter法國黃金螺｜北海道帶子｜生蠔｜紐西蘭青口｜日式磯煮鮑魚二人份量嘅海鮮拼盤，黃金螺肉質彈牙有咬口，厚肉嘅帶子上加上三文魚籽令鮮味更加提升，今晚提供嘅係澳洲生蠔Coffin Bay，口感清爽帶有淡淡嘅海水味，原汁原味簡直Perfect，青口肉肥美又大大粒，鮮味十足，磯煮鮑魚口感Q彈鮮味濃郁👍🏻Pepperoni PizzaPizza都係即叫即制，餅底薄脆香口加上蕃茄醬，上面鋪上辣肉腸同芝士，溶化嘅芝士仲可以拉絲添Char-Grilled Canadian Natural Pork Chop炭燒加拿大天然豬鞍呢個豬鞍令我一試難忘，足足有成兩吋厚，裏面嘅肉質呈現粉嫩嘅顏色，生熟程度啱啱好，入口鬆軟多汁，配菜嘅薯蓉更為驚喜，軟綿綿嘅薯蓉入邊仲食到粒粒嘅薯仔，口感非常豐富Uni Orzotto見到呢個鮮海膽米型意粉我即刻心心眼😍因為我真係超級鍾意食海膽，米型意粉嘅口感有少少似risotto，煙煙韌韌有咬口，每一粒都裹滿海膽忌廉汁，入口係超濃郁嘅海膽味道，上邊仲加上海膽同三文魚籽，勁鮮甜👍🏻📍The Oyster House (灣仔)灣仔皇后大道東202號QRE Plaza 25樓人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

位於高街嘅「Yeon Nam Dong延南洞」經Foodie朋友仔推介我一早已經收藏咗喺我wish list入面🤩餐廳結合新派與傳統韓國菜式，每一款都咁有驚喜👍🏻餐廳現時佈置得充滿Halloween嘅氣氛，採用開放式廚房可以見到韓籍廚師烹調美食，門口位置仲有一排向街嘅座位特別有feel，今晚去到都爆晒場，記得要預先book位呀😆Cheese Kimchi Pancake大推芝士泡菜煎餅👍🏻👍🏻兩面煎到脆卜卜外脆內軟，鬆化而厚實，裏面加入咗泡菜粒同大量芝士，每一件都可以拉絲，又可以食到酸爽嘅泡菜，口感味道層次非常豐富，芝士愛好者必點🧀Pork Belly BBQ Add vegetable platter鐵板烤豬腩肉😋店員送上枱時先加熱，半肥瘦嘅豬腩肉喺鐵板上發出「吱吱聲」，中間放有泡菜同韭菜，等到豬腩肉少少燶邊就食得，用生菜或者紫蘇葉再加入辣醬、青椒同蒜片包住一齊食，香口而且一啲都唔會覺得膩，用黎配搭韓國米酒一流👍🏻Ripened Kimchi & Tuna Kimbap泡菜吞拿魚飯卷🤩有別於一般傳統嘅韓式飯卷，呢款係用泡菜去代替咗紫菜，裏面包住吞拿魚、蘿蔔絲同黃蘿蔔，一入口先感受到酸爽嘅泡菜味道，細嚼就會食到各種不同食材富嘅口感，一碟嘅份量超多，每一件都勁足料👍🏻Pollock Roe Cream JJampong必食忌廉海鮮拉麵👍🏻👍🏻一道美味而特別嘅fusion菜式，裏面嘅材料非常豐富，有青口、明太子、魷魚、大蝦、蜆肉、帶子、菇類、青菜，濃濃嘅忌廉汁裹滿每一條拉麵上，明太子鹹鮮嘅味道令海鮮嘅鮮味更加突出，當你食過一啖之後真係會停唔到口😋📍Yeon Nam Dong (西環)西環西營盤高街46C號地舖人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

呢間西餐廳我已經回訪過好幾次「Plato Cafe & Bistro」，因為佢嘅精選二人餐性價比非常高，人比只係$250就包括餐湯、前菜、意粉、主菜、甜品同飲品，而且質素一直維持水準，無論二人世界、朋友約會或者一大班朋友都冇問題，大大碟份量足可以share一齊食👍🏻日式天婦羅魷魚前菜方面仲可以揀沙律或者薯條，我鍾意食香口野所以就揀咗天婦羅魷魚😆一大杯啱啱炸起熱辣辣，外面嘅炸粉加入咗海苔碎配上彈牙煙靭嘅魷魚，一啖一條食到停唔到口呀😋蕃茄忌廉湯入口creamy酸酸地特別開胃，飲落仲食到粒粒嘅蕃茄增添口感北海道帶子松露野菌意大利粉一上枱時已經聞到香噴噴嘅黑松露香味，上邊鋪上兩邊煎上嘅帶子，鮮味十足，再加上各種不同嘅菇菌同奶香味濃郁嘅忌廉醬汁，實在令人無法抗拒嘅味道🤤炭燒澳洲肉眼牛扒套餐揀牛扒居然唔使加錢👍🏻可以選擇生熟程度，我地揀咗5成熟，肉眼扒係厚厚嘅一塊，大大件兩個人share啱啱好，外面燒到焦香，肉汁被鎖住中間仲呈現粉嫩嘅顔色，切開後完全冇根👍🏻帶有少許脂肪嘅位置更加好食，最正係配菜居然有焗薯😋軟腍腍嘅焗薯加上沙律醬同煙肉碎係兒時西餐嘅味道🥰芝士蛋糕Dryers 雪葩套餐可以揀兩款甜品，除咗以上兩款仲有雪糕，芝士蛋糕味道濃郁，口感細滑，雪葩係心心形狀🩷士多啤梨味酸酸甜甜勁清爽📍Plato Cafe & Bistro (佐敦)佐敦吳松街186-188號地舖人均消費：$250食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

原來打邊爐同時都可以養生👍🏻今日foodie朋友仔帶我去試新野，全港唯一一間以鹿角靈芝粉融入火鍋湯底同食材之中「鹿鼎薈鹿角靈芝火鍋料理」，用靈芝粉去取代調味料，確實美味又健康💯靈芝醬酒店員會先送上2杯cocktail ，靈芝醬酒加檸檬汁，酒精味道不會太濃，酸酸甜甜好開胃安格斯牛柳粒蕃茄薯仔靈芝湯底夏天最啱揀返個酸酸地嘅火鍋湯底，蕃茄湯加入大量安格斯牛柳粒、薯仔、蕃茄，最正係仲加入咗靈芝片，食之前飲返碗湯先😋牛柳粒牛味濃郁有嚼勁，薯仔已經滾到粉粉地起晒沙，飲完湯店員會再加返原湯打邊爐👍🏻西班牙黑毛豬片只需要淥15秒就食得，黑毛豬片帶有點脂肪，食落去特別軟熟，湯底令肉嘅鮮味更加特出金錢牛肚特登嗌咗加入蕃茄湯一齊煲，金錢肚呈蜂巢狀係牛肚最靚嘅部位，軟腍又入味仲有一絲絲嘅口感稻庭烏冬最後梗係要嗌返個烏冬配搭蕃茄湯啦，啲精華全部喺晒湯入面，我地連湯都飲晒😆招牌四寶丸梅菜鮮肉丸｜本地牛肉丸｜靈芝中蝦丸｜靈芝墨魚丸四款都係店家嘅招牌手打丸，梅菜肉丸味道清爽，牛肉丸爽口牛味濃，蝦丸鮮味十足，墨魚丸QQ彈彈仲食得出墨魚粒嘅口感，後兩者仲加入咗靈芝特別矜貴靈芝津菜餃子津菜即為大白菜，餃子裏面加入咗豬肉同靈芝粉，蔬菜嘅清甜加上肉類嘅鮮味，皮薄而餡料多，用靈芝粉配搭各種不同嘅火鍋配料，打邊爐之餘又可以養生鮮菌拼盤共有五款菇類：金菇、雞髀菇、冬菇、海鮮菇、本菇，全部都吸收晒湯底嘅味道勁入味📍鹿鼎薈鹿角靈芝火鍋料理 (太子)太子彌敦道777-781號安寶樓2樓人均消費：$400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

行過屋企樓下個商場諗住買返杯珍珠奶茶飲下，見到有間新開嘅台式飲品·卷餅·吐司·小食·便當小店「犀牛犀牛」，手抓餅同吐司都係my favourite，咁就順便試吓呢度嘅台式小食啦😌韓式醬燒牛五花卷餅酥脆香口嘅卷餅包住軟腍多汁嘅牛肉，每一啖咬落去都酥到掉渣👍🏻牛肉嘅份量勁多，再加上大大片嘅生菜，口感非常豐富莎莎炸雞卷餅外脆內嫩嘅炸雞柳，加上酸酸甜甜嘅莎莎醬同生菜，醬汁味道特別清新，同炸雞柳非常夾😋芋泥肉鬆蛋吐司店員會將吐司一分為二，咁樣就可以方便同朋友分享👍🏻芋泥蓉配上肉鬆同雞蛋，芋泥蓉口感綿密帶微微甜加上肉鬆咸鮮嘅味道同鬆化嘅口感，令味道層次更加提升韓式泡菜起司豬吐司呢款吐司就加入咗韓國嘅風味，酸酸辣辣嘅泡菜加上溶化嘅芝士同豬腩片，十足十食緊泡菜豬肉鍋一樣😆泡菜嘅酸爽正好中和咗肉嘅膩感，今晚全部都係澱粉質，勁飽肚🤭鎮店雞柳條必食👍🏻雞柳條即叫即炸，厚身外脆內嫩，而且一點都唔乾身，點埋他他醬啖啖肉超滿足黑珍珠可可鮮奶超濃嘅可可味道加上煙煙韌韌嘅黑糖珍珠，鍾意飲朱古力嘅一定要試下呢杯🧋格雷伯爵揀咗微甜，茶底嘅味道非常香濃，清清地好易入口，啱晒夏天飲🍵📍犀牛犀牛 (北角)北角北角邨里1號北角匯一期地下G13號舖人均消費：$50-100食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

同事話我知公司附近新開咗間食上海野嘅「小肥肥」，趁住開完會就去試下先😆店家主打招牌生煎包同小籠包，仲有上海菜飯、麵食、雲吞、小食同甜品等等，人均只係需要百零蚊就可以食到咁高質嘅上海菜，午市同下午茶更加抵食，以後食lunch又多一個好地方👍🏻青瓜絲拌海蜇爽脆嘅青瓜絲加上Q彈爽口嘅海蜇，入口清涼透心，夏天最啱食返個清爽嘅前菜開下胃爆汁生煎包必食👍🏻👍🏻👍🏻店員送上枱時熱辣辣，食嘅時候要小心裏面嘅湯汁，先咬開一小口飲啖湯汁，裏面嘅肉湯非常鮮甜，生煎包底部香脆，包身部份鬆軟，豬肉嘅份量十足，完全可以媲美上海嘅生煎包招牌小籠包推介👍🏻👍🏻👍🏻店家嘅另一道招牌出品，即叫即蒸嘅小籠包皮薄剔透，可以見到入邊充滿湯汁，夾起時亦唔會穿，製作小籠包嘅師傅功架十足，鮮味嘅湯汁加豬肉令味道層次更加提升，高水準嘅小籠包👍🏻回鍋肉老上海粗炒大大碟好足料，上海菜嘅口味一向都係濃油赤醬，呢碟回鍋肉粗炒正正就啱晒我嘅口味，濃郁嘅醬油味道加上少少辣食落去會更加惹味，回鍋肉用上半肥瘦嘅豬腩片，入口會更加軟腍入味，再加上各種配菜：青椒、紅椒、椰菜可以平衡返濃味嘅粗炒菜肉雲吞湯麵菜肉雲吞又薄又滑，餡料飽滿，用豬肉混入青菜味道清爽鮮味，湯底嘅味道比較清，我就會加入豆瓣醬調味😋咸鮮味道即刻出晒黎，正宗上海風味👍🏻📍小肥肥 (新蒲崗)新蒲崗景福街63號地舖人均消費：$120食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

趁住中秋節假期約朋友仔出黎見下面食個飯先☺️今次由佢發辦帶我去咗尖沙咀「爖月串燒居酒屋」小酎一番🥃餐廳10月份做緊優惠全單八五折，另外入座仲有抽獎活動，獎品係不同嘅食物、酒類飲品、折扣優惠等等，今次我都抽中咗一杯威士忌梳打✌🏻除咗以上優惠，指定串燒做緊不同時段$36/$$44/$46兩串，九點後仲有啤酒燒灼任飲，真係超級抵食👍🏻刺身盛盒海膽｜三文魚｜油甘魚｜赤蝦刺身四品只係$248，仲要有我最鍾意食嘅海膽🤭用紫菜包住鮮甜濃郁嘅海膽，令人回味無窮，三文魚新鮮肥美，油甘魚入口充滿魚油香，赤蝦爽甜軟腍，配搭whisky soda去慢慢品嚐鮮美嘅刺身🤤串燒牛舌｜柚子雞厚切牛舌入口爽脆彈牙，牛舌嘅表面燒到微微焦香，內裏鮮嫩Q彈，灑上少許七味粉辣辣地更加惹味😋柚子雞以雞腿肉部份所製成，味道清新，雞皮部份香脆雞肉嫩滑，柚子酸甜嘅味道正好中和雞皮嘅油膩感，食多兩次都唔怕啦😋蝦夷蔥牛肉卷｜蒜香橫膈肌必食推介👍🏻用肥牛包住日本小蔥，入口濃濃香蔥嘅味道，肥牛嘅油分令小蔥更加濕潤，軟腍嘅牛肉加上爽脆嘅小蔥令口感更加豐富😋橫膈肌係牛嘅胸腔同腹部之間嘅肉，肉質較嫩帶少許脂肪而且充滿肉汁，用作串燒迫出油份入口特別香，加上大量蒜蓉令味道層次更為提升日本黑豚｜阿波尾雞翼一夜干半肥瘦嘅黑豚腩燒過後食落一啲都唔會覺得膩，反而會令肉質更加鮮嫩，充滿油香，燒到少少燶邊食落更加香口👍🏻阿波尾雞翼係包括雞翼加雞翼尖嘅部位，燒到脹卜卜，雞皮十分香脆，裏面嘅雞肉勁juicy，雞翼尖用黎送酒真係Perfect match😋牛肉烏冬店員送上枱嗰陣牛肉大概五成熟，靠湯底嘅熱力去浸熟啲牛肉，咁樣食落口牛肉一啲都唔會老，生熟程度啱啱好，烏冬夠嫩滑湯底十分鮮甜，我地連湯都飲晒🤭三文魚雞湯飯魚肉加上雞湯嘅鮮味，令湯飯鮮上加鮮，飲完酒食返碗熱辣辣嘅湯飯，順喉又解酒😌日本粉絲海鮮鍋份量兩個人分享啱啱好，店員送上枱時仲滾緊架，海鮮鍋裏面有廣島蠔、帆立貝、粉條同蔬菜，海鮮嘅鮮味加上蔬菜嘅清甜令湯底鮮味更加提升📍爖月串燒居酒屋 (尖沙咀)尖沙咀厚福街12-12A號藍馬商業大廈2樓人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

喺社交平台經常見到佢地拍片介紹，今次都係我第一次去食，「極上帝王水產」主打日式放題+燒肉+火鍋+泰菜，食物種類多元化，啱晒樣樣都想食嘅我🤩估唔到300零蚊嘅放題可以食到四種菜式，汽水任飲雪糕任食✌🏻刺身三文魚｜三文魚腩｜磯煮鮑魚｜帆立貝｜北寄貝｜希靈魚｜牡丹蝦｜蟹棒｜泰式生蝦｜象拔蚌｜鮑片｜玉子一坐低店員就會送上一大盤刺身，擺盤精美，食完唔夠可以再encour，一共有十二款刺身，最正係居然有三文魚腩，充滿油脂好肥美，磯煮鮑魚口感彈牙，帆立貝厚肉鮮味，其他放題啲希靈魚都會有怪味，呢度係完全冇，食落仲好爽脆添👍🏻大大隻嘅牡丹蝦非常鮮甜，出面食一碟泰式生蝦都唔平，呢度可以任食食返夠本😆燒肉日本A4和牛｜安格斯牛肩胛食完刺身就會送上燒肉船，A4和牛雪花紋路，非常清晰，油脂十分豐富，入口軟腍牛味濃，安格斯牛肩胛脂肪分佈均勻，肉質較緊致有彈性，兩款牛肉一樣高質👍🏻炸物海老天婦羅｜南瓜｜避風塘雞軟骨｜日本芝麻雞翼｜黃金蝦多士｜芝士蝦丸｜可樂餅｜唐揚炸雞有十多款天婦羅炸物，天婦羅酥脆熱辣辣，雞軟骨加咗大量炸蒜好惹味，芝麻雞翼同平時喺居酒屋食嘅一樣咁正，蝦多士炸到酥酥脆脆，推介芝士蝦丸，一咬落去嘅時候真係會爆芝士汁😆炸雞配埋他他醬，肉質仲好juicy 配料有幾十款配料可以用黎打邊爐或者燒烤，精選美國牛肉同五花豚都係任食👍🏻多春魚、墨魚仔、腸仔、芝士腸、雞軟骨、串燒雞肉等，呢度嘅燒烤爐加咗牛油紙咁就唔怕食物會黐底，店員亦會定時過黎更換，非常貼心👍🏻壽司軟殼蟹手卷｜帆立貝壽司｜左口魚邊壽司｜花之戀｜帝王三文魚籽杯肚皮嘅空間有限😆食到呢度我地已經好飽，試咗幾款壽司，下邊嘅壽司飯都係細細件，刺身一樣都係咁新鮮😋📍極上帝王水產 (旺角)旺角西洋菜南街1N號兆萬中心9樓人均消費：$319食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

我同細佬都經鍾意食雞煲，不過港島區呢邊比較少呢類放題，今晚約咗細佬食飯，佢話啲波友推介佢筲箕灣「喜亭軒」，除咗有雞煲，最正係仲有刺身同潮汕牛任食，仲有啤酒任飲添呀，啱晒我地兩個酒鬼😆小食椒鹽一口雞翼｜黃金魚片頭｜陳醋蘿蔔呢個嘅小食都係啱啱炸起，入口仲熱辣辣👍🏻雞翼蒜香味十足，魚片頭爽口彈牙，陳醋蘿蔔爽脆解膩，越食越開胃火鍋湯底花膠胡椒豬肚湯湯底胡椒味香濃，裏面大概有四五件花膠仔同大量豬肚，估唔到放題嘅湯底都咁足料👍🏻打邊爐前先飲返碗湯暖笠笠雞煲我地揀咗小辣已經夠晒味，雞煲嘅醬汁非常濃郁，最有驚喜係裏面加咗豬皮，豬皮吸收晒啲醬汁非常入味，雞件份量亦唔少架，我地再加埋牛柏葉入去一齊煲，豬皮牛柏葉prefect match😋刺身三文魚｜八爪魚｜墨魚｜甜蝦｜象拔蚌｜海螺｜馬刀貝｜赤貝有八款刺身，都係我鍾意食嘅刺身😋三文魚好肥美，貝類爽口鮮甜，墨魚口感煙煙韌韌，八爪魚夠爽脆，我地食咗一轉留返個肚食其他嘢丸類蝦滑｜鮮蝦雲吞｜鮮蝦水餃｜黑椒牛筋丸｜麥汁墨魚丸強烈推介要點雲吞同水餃，皮薄足料，手工製入面蝦仁粒爽口鮮味，口感豐富，牛筋丸，一啖咬落去會爆曬汁，勁Q彈肉類潮汕即切雪花和牛｜安格斯肩胛肥牛｜西班牙黑豚肉兩款牛肉一樣咁高質，潮汕牛較有咬口，肉質比較緊致牛味較濃，安格斯肥牛脂肪會比較多，入口比較軟滑，黑豚肉帶有少許脂肪，油香味濃飲品啤酒｜汽水｜清熱飲品｜紙包飲品呢度最正係有四款啤酒可以任飲，仲有椰子水，打邊爐有埋清熱飲品就唔怕熱氣啦😆📍喜亭軒 (筲箕灣)筲箕灣筲箕灣道393號形薈1樓1號舖人均消費：$200-300食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多

打風嘅關係又多咗一日假期，放工梗係去飲返杯啤啤佢，同事帶我去咗TST「Blibarla」，佢地嘅串燒好抵食，最平只係$10串，夜晚仲有live band，吹下水食下串燒再飲返杯，爽呀😆餐廳自製三款特製醬汁：麻辣汁、芫荽醬油汁、孜然粉配搭串燒，個人大推芫荽醬油🤩勁香，鍾意食芫荽嘅朋友仔大愛😋$10區鹽燒五花肉半肥瘦嘅五花腩外面燒到微微焦香，咬落去爆晒油，勁香口汁燒金菇五花腩薄切五花腩包住金菇加上燒汁，外軟內脆，口感豐富$15區鹽燒豬頸肉豬頸肉切成粒令肉質爽口，簡單灑上鹽去調味能夠食到豬肉本身嘅鮮味$20區爆茜汁雞肩頸用雞肩頸肉混入芫荽粒去燒，入口散發香濃嘅芫荽味，雞嘅肉質較爽而有彈性，特別而少有嘅一款串燒鹽燒牛舌尖牛舌尖爽口牛味濃，燒到微微燶邊，再加上孜然粉更加惹味鹽燒雞中翼火候控制得啱啱好，皮脆肉嫩，雞皮部份燒到脆卜卜，雞肉一啲都唔乾身，咁樣燒雞翼先係Perfect$28區夠茜汁燒牛肋肉另一款芫荽元素嘅串燒，牛肋肉肉質緊致有嚼勁，越嚼芫荽香味更加突出，推介👍🏻$38區汁燒白鱔每次食串燒必點，白鱔燒過之後入口充滿魚油香，魚皮焦香脆脆地，魚肉鮮嫩香滑，好肥美，食完一件已經超滿足🤤蒜蓉燒原條茄子一整條嘅茄子上面鋪滿大量蒜蓉，一攞上枱時勁香噴噴，將軟腍腍嘅茄子肉一絲絲拉出黎，配搭麻辣醬，香麻鮮辣，我地兩個都爭住食😆$58區銷魂麻辣和牛面頰冷食嘅和牛面頰，牛面肉夾住筋位食落QQ彈彈，麻麻辣辣超爽，用黎送啤酒一流$158區古法窯雞必食推介👍🏻👍🏻👍🏻想食呢隻雞就要耐心等一陣，因為係即叫即制大概需要等40分鐘，店員拎上枱打開錫紙即刻香氣撲鼻，雞入邊塞咗洋蔥令鮮味更加濃郁，雞皮色澤金黃，裏面嘅雞肉超級嫩滑爆晒汁，充滿雞油香，一切開已經脫骨，成隻雞髀揸住食超級滿足🤩🤩🤩📍BliBarla (尖沙咀)尖沙咀柯士甸路7-9號煥利商業中心地下A號舖人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️…查看更多