呢幾年發覺啲餐廳越收越早，宵夜嘅選擇越嚟越少🤷🏻最近搵到間係銅鑼灣開到2點嘅居酒屋細細地坐bar枱食下野飲下野幾feel🤤重點係佢夜晚十點後有半價！⭐️深宵割引每晚10點後，Menu入面10款菜式同5款酒精飲品一律唔過$40🤩✰炸雞軟骨 Deep Fried Chicken Cartilage✰燒魔鬼魚翅 Grilled Ray Fin Strips兩款都係送酒一流嘅小食！雞軟骨好酥脆，仲有蛋黃香😍魔鬼魚翅第一次食，味道似平時食嘅味噌魚干但有一條條嘅口感😋幾特別～✰三得利角瓶威士忌梳打 Suntory Kaku High Ball $29/380ml✰瑞穗 梅美人 Mizuho Ume Bijin $27/glass嚟居酒屋梗係要嗌酒啦🍻仲要三十蚊一大杯highball，真係好抵！阿妹就嗌咗杯梅酒試下，因為佢鍾意甜😏但佢好易入口，甜度啱啱好👍🏻⭐️廣島蠔松前燒 Hiroshima Oyster Matsumae-yaki $138見到menu張圖就覺得好吸引廣島蠔好新鮮，再用鐵板上簡直香到暈！加少少柚子鹽或者辣蘿蔔蓉食更有風味😆⭐️汁燒魷魚一夜干 Grilled Squid $128魷魚同menu張圖有啲出入，唔係魷魚圈不過上網睇一夜干都係咁嘅樣🤣 所以算啦～但會期望佢口感會彈牙啲同juicy啲，調味再濃啲就更好⭐️日式火鍋 Japanese Hot Pot✰日本產和牛 Japanese Wagyu Beef $498勢估唔到居酒屋會有高質火鍋！可以揀和牛或者豚肉仲有壽喜燒、沖繩豬骨清湯、辣泡菜湯3款湯底選擇我哋兩隻牛魔王當然會揀壽喜燒和牛啦😎上到枱先驚喜發現佢係原片和牛😱對上一次咁樣食要去專門店先有肉質應該達中等級數，牛味雖然唔算好濃但油脂分佈好靚呢個價錢仲有野菜盛同拉麵，性價比好高！＝＝＝＝＝＝＝＝＝＝＝＝＝＝＝＝＝＝ 家姐評分💜：8.5/10細妹評分🩷：8.2/10綜合評分：8.4/10評語：款式頗多，味道中上好啱同朋友淺酎食宵夜～…查看更多
