奈米米的個人專頁

晚飯後想吃甜品的話都會嚟貴族，主要係因為回家必經之路。星期五、六會勁多人，有時要等位。裝橫算是有點心思，但略嫌擠逼。是次點了心太軟及芒果雪花冰(陽光小子)。心太軟有兩球雪糕，而且每次都流心，沒失手。這店有很多芒果甜品，雪花冰正常味道、份量好少。…查看更多

朋友想吃SEMI-BUFFET，在OPENRICE看到食評即管來試一試。大約七點到達，只有兩至三枱客人。服務員安排我倆坐近窗位置，坐位舒服、寛敞。主菜有六款可供選擇，另加SALAD BAR。自烘多士：有甜方包、白方包及麥方包；南瓜忌廉湯：熱、味道不錯；煙三文魚天使麵配忌廉汁：煙三文魚有兩大塊、又新鮮，忌廉汁味道剛剛好，天使麵份量也不少；BLUEBERRY CHEESE：BLUEBERRY醬略嫌太酸，CREAM CHEESE不足，有點不倫不類；APPLE PIE：意外地好味，必試；SALAD BAR：自選喜愛食材，有黑醋、千島醬、凱撒沙律醬。…查看更多

晚上十點幾仍然滿座，幸好不用排隊等位。店員安排我倆坐一邊卡位，坐位極之狹窄，心口差不多貼到枱邊，手袋只能放大脾，進食時兩人會撞手踭。二人點了常餐、燒賣及西多。常餐蕃茄豬潤湯通：湯濃但通粉太淋、另有厚牛油方包及餐蛋，份量好足；燒賣：有點乾身，燒賣皮有點硬，個人喜歡肉比較瘦無肥豬肉；西多：真的好好味，份量、味道都好適中。…查看更多

晚上十點幾經過，在不太肚餓而又想食嘢情況下，串燒最適合不過。食店以水筆同膠片餐牌落單，比寫紙環保一點。店內有兩部大電視，可以邊睇邊食，不錯。食物-串燒羊肉：唔會好騷，正；牛肉、雞軟骨：正常味道；冬菇:味道ok,但可以再乾身點；菠蘿：juicy。…查看更多

大角咀新開分店，坐位不是很多，總算舒適寬敞。服務員很有禮，用心介紹。最後選了迷你批加芝心、腸仔漢堡意粉、小食拼盤。Pizza:新鮮焗起，熱辣辣，兩人份量剛剛好；意粉：意粉淋咗少少，汁料淡咗少少，好似茶記貨色；小食併盤：有薯角、雞粒、芝士春卷，大致上味道可口，但個人認為可再炸燶點。…查看更多

曾經食過Sat tea buffet，純粹是價格低，食物選擇比較遜色。早前經過看到有新promotion，Mon - Thu semi-dinner buffet，主要是沙律、湯、甜品任吃，於是約朋友來試一試。價錢是建基於你所選擇的MAIN DISH，另加10%服務費，由$100至$180不等。湯：雜菜湯、忌廉薯仔湯–唔夠熱，味道可以；麵包：蒜蓉包–凍的，所以不好吃；凍盤：青瓜圃、矮瓜、日式芝蔴豆腐–只吃了豆腐，味道不錯；沙律：分薯仔沙律及自選蔬菜、沙律油沙律–薯仔沙律好好味，推介；蛋糕：粟子綠茶蛋糕、CHEESE CAKE 兩款都好好味；自製格仔餅：有糖醬及花生醬可選，甜度適中；另有甜品、毛士、泡芙、冬甩、生果、糖水、豆腐花…MAIN DISH揀咗雜椒魽魚柳伴菠菜煙肉生蠔：賣相很好，但味道真的好一般。魽魚好腥，生蠔好瘦少，唯一優點只是有薯蓉底。注意：餐飲只有一杯…查看更多

香芧雞翼：OK啦小食拼盤：咖喱角&春卷都無乜味炸雞：幾油下蒜蓉包：超乾PIZZA：個底太厚，好似食麵包咁，好膩豬仔骨：正常味道，OK啦，薯角好少白汁龍利焗飯：OK啦，正常飯一個，又算唔上好味道長沙灣送嚟太子，以外賣速遞嚟講算係好快，送到嚟嘅時候食物仲好熱。…查看更多

酸辣湯：酸辣分明，好好味甜酸魚塊：完全無骨，適合老人家或者小朋友兩面黃：清清哋，無乜特別豆苗：清炒幾好，唔會勁油北京填鴨：侍應即時片鴨，份量好多，4個人都食唔哂一隻鴨位於荃灣天地，地點幾方便。不過枱與枱之間距離比較窄，有點點壓迫感。…查看更多

前菜：普普通通啦~擔擔麵：有幾種麵可以揀，我哋揀咗幼麵，味道都好好霸王小籠包：就憑佢唔漏湯加上粒粒都有十幾摺，師傅功力水準之上黑醋小排骨：味道好好，排骨夠瘦，份量又多水煮魚塊：辣度適合一般香港人服務真係好好，經理同侍應都好有禮貌，做事好主動，值得一讚！…查看更多

行過N咁多次，今次同學GATHERING終於都嚟試啦！旺區食飯8人唔多都唔係少啦，所以晨雞咁早BOOK定位，可能係THU嘅關係，唔算FULL，只有半個場。店內色彩繽紛，坐位寬濶，環境清靜，坐得好舒服。一口雞翼：名符其實墨汁麵：同學話算整得好味煙肉芝士忌廉汁意粉：呢個好味蒜蓉牛油炒菠菜&馬來參巴爆爆醬炒通菜：炒菜ONLY，無特別豬肋骨：普普通通炸豬扒飯：無食到評論唔到，但豬扒幾大件叫咗兩個PIZZA：好好味，值得推介！半價叫特飲，個樣好吸引，但實質係勁勁甜，個人唔喜歡。…查看更多

上次嚟已經係年幾前嘅事，今次都係嚟食brunch。物價上漲，已經加到HKD128+10%，上次只係HKD98+10%。佢張ORDER紙會用完再用，你點完第一次，佢落完ORDER會放喺枱面，等你第二次ORDER可以用返。我哋食嘢時唔小心整污糟咗，第二次ORDER時，個女仔收咗ORDER紙之後面色一沉，呢次ORDER照落，不過叫咗第二個女仔俾張新嘅我哋。熟食類–是日餐湯：青豆湯，用杯上幾得意，一試無妨炸紫蘇車厘茄串、香草乳酪青瓜杯、香辣雞粒、香辣炸銀魚：無乜特別，可以唔試鴨肝醬配多士：純粹個人口味，覺得好正野菌忌廉酥角：唔覺有野菌囉紅莓黑醋配西瓜：只係淋D嘢落西瓜度粟米蟹肉沙律撻：個撻皮好似紙咁，唔好食茴香燒羊柳：夠味，但好乾賓尼廸水煮蛋配英國鬆餅：呢個係推介，真係好味，不過都會幾滯，最好同朋友SHARE鳳乾火腿蜜瓜卷：蜜瓜好甜辣肉腸PIZZA：批底薄到餅乾咁，無乜料，但都幾好味芝士通心粉：細細碗都OK，唔會好膩香辣蕃茄火腿螺絲粉：真係有少少辣，不過都幾酸下脆炸意大利芝士條：有少少似芝心批條邊，鐘意食芝士都OK鄉村煎腸：幾好味印象中食物種類都係差不多，唔係完全一樣都有9成似，熟食同甜品比例係1:1。經過上次經驗，某D甜品好快就會售罄，所以我同朋友一開始就揀咗幾款，令我哋好失望嘅地方係唔知有心定無意，我哋點咗3次都無嚟，第4次我哋開口問佢話無哂囉，但我哋之前見到一路出緊架。所以試到種類不多，最吸引嗰D都無啦~甜品類–意式奶凍：朋友話好滑，好好味，要ENCORE藍莓芝士餅：無乜特別，不過好細件，一試無妨蘋果鬆餅：味道幾清甜，但好散合桃朱古力蛋糕：朋友話唔太好食焗朱古力蛋糕：即是心太軟，焗得太熟，所以無乜流心鮮果沙律：切成粒狀嘅生果粒粒自選雪糕：嗰日只有士多啤梨，即係無得揀食物係任點，飲品只有每人一杯，不過侍應添水好密…查看更多

睇演唱會之前揾地方食DINNER，嗰時6點幾，所以唔使等位。食到7點幾就坐滿成間舖，可能大部分人都係食完睇CONCERT？我同朋友一人一個便當。便當I：照燒鯖魚、汁燒煙鴨胸、醬汁豬軟骨、御飯便當II：汁燒牛柳粒、木魚豆腐、御飯、煙三文魚蟹籽沙律珍味、孖寶。每個便當都有好多料，又新鮮、又好味、份量又足。重點係唔使等好耐就有得食！侍應好有禮貌。…查看更多

男友經妹妹推介後，特意帶我嚟試。食飽飯行咗個圈就過嚟，嗰時都夜晚十點幾，可能SUNDAY啦，仲有差不多十個客人。店面環境以白色為主，感覺好簡約、清新，加上有好多食物壁畫同模型，加強咗人嘅食慾。味道其實好一般，同平時嘅YOGURT差不多，中間嗰層咖啡凍我個人覺得係唔好食。都算幾大杯，我哋兩個人食飽飯，所以一杯兩份食。…查看更多

喺九龍城行到差不到9pm先食晚飯，已經有好幾年無食台灣牛肉麵！入到去都唔算勁多人，大約半間舖咁上下啦。但侍應見我哋得兩個人，要我哋坐喺接近出菜位嘅二人枱。其實人又唔係好多，可以安排我哋坐得舒服D囉叫咗「台灣紅燒牛筋展」同秘製「無骨雞飯」套餐。套餐可以半價加飲品，我哋揀咗罐裝汽水，冰涼~手撕雞肉伴海蜇：雞肉無味，反而海蜇夠彈、味道不錯（門口派COUPON，FREE就無得要求多多）老火湯：OK，唔太多味精無骨雞：無骨最適合老人家食魯肉飯：真係好好好…味牛筋展：牛筋夠稔、牛展都唔會太硬鮑片蠔汁/台南肉躁拌生菜：白烚菜剛剛好，唔會淋哂同變黃整體嚟講：份量好足夠，味道都算平均，待應服務都算殷勤…查看更多

喺太子地鐵站後街，未必好多人會經過。因為住附近，嚟咗好多次，午餐、下午餐、晚餐，餐牌內大部份食物都好味。叫咗個二人餐，HKD168，不用加一。1）廚師精選沙律：加咗日式麻醬嘅沙律，超級好味2）清酒燒扇貝：ok啦，但略嫌太細粒，食唔真d味3）燒紐西蘭肉眼扒：加咗香草好香，內質夠軟稔，加上粗身波浪薯條，好正4）鮮露筍吞拿魚焗天使麵：鮮露筍味道好清新，焗天使麵都做得唔錯，但平時食開意粉，應該更好味5）朱古力奶凍：都幾滑6）凍咖啡、凍奶茶：okP.S.: 餐廳門口位可以帶心愛小狗…查看更多