cten的個人專頁

今個星期三去咗西環堅離地城搵嘢食，走咗嗰圈，感覺西環少咗食肆，唔多選擇之下揀咗呢間西餐。環境都唔錯，樓底都幾高，不過冷氣唔係好夠，食落有啲熱。呢間餐廳星期三去Steak night，當然就楝咗食最愛嘅牛扒叫咗個ribeye 有一杯酒嘅餐都係$300，都算幾抵食。嗰朳grill 得好香，好重牛味。配菜同薯條都幾好味。揀咗杯紅酒，都算幾大杯。有4、5款紅酒，最後揀咗呢款(Shiraz)，都幾啱飲幾好味。另外叫咗個雞翼食，有8隻雞翼又配上西芹，同埋紅蘿蔔伴碟。不過我覺得個sauce 唔算好食，偏酸咗啲。呢間餐廳整體環境都OK，不過唔夠冷氣就扣咗啲分，呢個價錢牛扒嘅質素，性價比算高。下次可以試吓其他嘢食。…查看更多

今次同屋企人一齊嚟再食家嫂，水準依然👍前菜同之前有少少唔同，有幾樣都幾好食，款式比以前多，試咗幾款，招牌炒蜆，冇影晒出嚟。秘製香脆花生，呢個花生我幾鍾意食，夠香脆又辣辣地。呢個皮蛋，上高有啲酸薑蓉、酸蘿蔔，配埋一齊味道唔錯。明太子螺肉，上面有啲芥辣沙律醬配起嚟味道都幾好，好開胃。燒鰻魚，都算肥厚。鹽燒雞中翼，燒得幾靚幾香口。松露蝦多士，賣相都幾好，不過上面嘅沙律醬多咗啲。椒鹽白飯魚，呢個略嫌唔夠香口。刺身拼盤，每一款都好冰凍、好新鮮，要留意嘅係佢有新鮮嘅沙律菜半碟，可以食埋。食完小食同刺身之後，就輪到雞煲。屋企人就嫌啲雞嚡咗啲、同埋切碎得滯，所以我係食得最多雞嘅一個😂。我覺得味道幾好。上咗個海鮮火鍋拼盤，全部海鮮都幾靚就幾新鮮，鮑魚仲係郁嘅。蟹係最鮮甜就最好食嘅😋薄切肥牛，食到呢度其實已經好飽，比平時食火鍋今次食嘅牛肉算係最少。家嫂當然仲有好多自己煲嘅飲品、7:30後有紅白酒、日本清酒任飲，冇影晒出嚟。總之，家嫂嘅任食雞煲火鍋，係我最讚賞嘅，而我亦會推介俾我嘅朋友。四百幾蚊、又咁多嘢食、食物質素同環境都好好，而且服務都好好，所以每次嚟都見到好多人。今次帶埋屋企人嚟佢哋都好滿意😊…查看更多

約朋友新蒲崗食飯，最後揀咗呢間食海鮮火鍋。先係有8種蒸海鮮，有大頭蝦、扇貝、帶子、生蠔、蟹、鮑魚、、蟶子。生蠔同埋蟹比較好食，其他味道比較淡，唔知會唔會係冰鮮🧐調味料比較簡單，只有蔥花、蒜頭同豉油。我平時比較鍾意沙嗲醬、麻油同埋花椒油都冇😅。加咗$20可以任飲，有啤酒汽水。海鮮一般唔使蒸太耐，事先姐姐會講解一下大約蒸幾耐。小食有幾款，可能比較夜先入座，例如雞翼尖已經冇。我覺得味道淡咗少少，可能醃得唔夠耐。肥牛都算，幾有口味。五花腩，都幾彈口。有豆卜、牛柏葉、清遠雞，食材都還可以。脆鯇片、萵筍、布包豆腐、午餐肉，豆腐唔夠滑，其他就正常。菜嘅選擇唔多，最後揀咗生菜。整體嚟講價錢算平，食物中規中矩，海鮮略嫌夠鮮甜。…查看更多

旺角登打士街附近搵餐廳食飯，都已經9點，經過兆萬見到有一啲任食介紹，見到唔係好貴（見到200-300元）就揀咗一間。最後揀咗呢間，睇返原來都要大約$400，既然已經入咗嚟，到試吓啦。一開始Default 有一盤刺身，有生蠔、有長腳蟹、鮑魚、其他魚生。睇樣還可以，不過蠔同埋長腳蟹都冇乜味、麻麻哋，所以冇再點。不過呢round 都等咗好耐，10幾分鐘先嚟。食緊嘅時候已經再點，用手機點，佢就限咗每次只可以掂6樣，仲要每15分鐘點一次。限制比較多，都算數。最大問題係點咗之後，等咗超過三四個字，都冇嚟，再問返侍應，佢話搵唔到張單，要再手動幫我再入單，真係激死😡。加點嘅刺身都還可以。三文魚手卷，都係即整，不過都Hea咗啲。再點咗鮑魚牛油果軟殼蟹壽司，一般般。蒸蛋同麵豉湯，正常水準，不過蒸蛋老咗少少。食完基本嘢，嗌咗個海鮮鍋。不過睇返個爐邊，就見到之前未清潔好嘅餸漬。火鍋嘅配料就一般，不過都有洞庭烏冬。啤酒汽水任飲除咗啤酒，仲有日本清酒、梅酒整體嚟講，食物質素一般。長腳蟹冇味、火鍋料麻麻、order咗又會漏單、衛生真係麻麻。呢個價錢呢個食物質素，性價比不高。…查看更多

呢間Cafe食過兩三次，食物同較咖啡嘅質素都幾好👍 係我尖沙咀推介嘅一間Cafe。豬頸肉漢堡包豬頸肉好腍，亦都好厚身，啱晒我呢啲食肉獸😅中間夾咗啲菇同埋沙律醬，味道啱啱好，個包亦都有烘到，少少脆。煙三文魚三文治烘底三文治都好大份，擺碟都幾靚，中間有啲牛油果沙律，好味。Sparking Black 呢杯我好鍾意飲，雖然係黑咖啡，可能係落咗Lemon soda ，甜甜苦苦，好好味。怕苦嘅人都可以飲。Flat white 正常的好飲😋…查看更多

第一次食呢間喺九龍城嘅泰式菜。比起平時食開嘅泰國菜，多咗一啲新嘅菜式。新嘗試，較為吸引後生仔。軟殼蟹南瓜咖喱，咖喱有椰漿，甜甜地，熱辣辣。點落軟殼蟹食都幾夾。炸皮蛋，包住嗰啲應該係蝦餅。呢個幾好食點埋啲辣醬，辣辣地更加惹味。傳統嘅柚子蝦沙律（呢個遲咗影相，所以唔係好完整）反而呢個有啲失色，沙律醬油比較少，製作Hea咗少少，味道一般。椰青海鮮炒飯，呢個想像有差距。椰漿比較甜，夾落啲飯怪怪地，下邊啲飯又齋咗啲，海鮮比較少，中間夾咗啲椰青肉。整體嚟講味道一般，加返少少創意分，勉強合格。當然唔少得泰國象啤。店內都有個招牌…查看更多

今晚約朋友尖沙咀聚會，朋友book咗iSquare 中式酒樓。一入去見到朋友book咗張海景view嘅枱，有180度海景…正👍椒鹽豆腐，基本上冇走雞，外脆內滑，不過我覺得細粒咗少少。燒腩仔，呢個係全瘦燒腩仔，少咗啲肥唔夠均勻，不過啲味道算幾好。片皮鴨，啲皮唔夠脆，但係啲鴨肉未都幾濃。伴碟除咗有青瓜京蔥外，仲有哈密瓜同花生糖。我都係較為鍾意傳統伴碟，當然多個選擇都好。侍應不斷sell冬瓜盅好多料，可能佢切得大大粒，我覺得唔算多料，只係多咗幾隻鮑魚。味道算係一般。粉絲蒸扇貝，算大隻同埋味道生熟度啱啱好。東昇斑蒸得啱啱熟，都幾好味。酥炸台山蠔，正常水準。整體嚟講呢餐算係幾滿意，味道都算中上，環境舒服、又有海景，唔錯。…查看更多

之前食過南昌站嘅分店好幾次，覺得抵食幾好。見到灣仔今年開咗新分店，經過即管試吓。點知…無論食物質素同服務都好失望。😣😣😣入咗之前早去攞住呢張單張，海鮮火鍋任食。首先食咗個雞煲先，由於最初冇諗住寫食評，冇影低個食之前嘅雞煲。呢個係食咗幾件雞之後個樣，第一次食雞煲啲雞嘅質素咁差，雞肉好鞋、煲底有燶晒，係夥計控制個雞煲嘅火候。所以食咗幾件就冇食。所以之後叫部長轉火鍋，部長竟然話就咁湯，我即刻O晒嘴。個鑊窿成咁，加湯點食。跟住部長又話轉火鍋係要加錢，宣傳單張好明顯冇寫、入座嘅時候又冇講明。部長又話係老細指示，又話間間舖頭唔同做法，我唯有無奈接受，當然成肚氣啦。呢個時候決定影低個雞煲。依個就係加錢嘅冬瓜火鍋湯底，夠晒清😏鮑魚鴨腳，正常熟食，冇乜特別。呢啲就係海鮮，比起南昌分店明顯海鮮質素差啲，只得呢幾款，南昌分店係有龍蝦嘅。呢度嘅海鮮真係唔抵食。刺身四款每樣兩件，總算夠冰凍。牛肉還可以，唔算靚雪櫃類嘅食物啊，任攞任食。平價食材，數量、衛生還可以。有響鈴，又有公仔麵。總之食飽係冇問題。另外有鯇魚片、鱔片、蝦滑、墨魚滑、黑豚肉片、大魚頭、豬頸肉，呢啲食材還可以。有免費自助飲品，汽水、烏龍茶、啤酒都有。總結，今次係差嘅體驗，雞煲嘅質素非常差，海鮮麻麻哋，其他食材還可以。不過，部長同夥計嘅態度就差咗啲。我相信唔會再幫襯。…查看更多

朋友約咗入元朗食日本嘢，我初頭仲以為食蛋包飯，原來唔止蛋包飯，仲有日本串燒、魚生刺身、日本料理，根本就係日本居酒屋。後來先知道人哋個招牌寫明係居酒屋😂😂😂。店裏面裝修好日式居酒屋feel，有好多唔同嘅小擺設，店主應該花咗好多思。呢隻雞蛋 ... 我鍾意😊。呢面係影音區，會播下日本歌，電視會播下大廚之前電視台同雜誌做過嘅訪問 ... 華師傅原來都有名氣架喎。朋友先點咗雞泡魚乾同枝豆，雞泡魚乾整熱咗較為軟身都幾好味，送酒一流。枝豆我就冇食啦。呢一碟叫水雲。🤔我之前好似未食過，原來係凍食嘅，店員提醒要攪勻先食，冰冰凍、酸酸哋，先醒醒胃👍三五知己難得一聚，當然要搵飲兩杯啦😊 今次揀咗獺祭，容易入口、幾好味。日式炸雞，炸得幾乾身，肉質仍然好滑口，正👍土佐豆腐，熱辣辣，豆腐嘅味都幾香。朋友點咗兩條原條魚刺身。一條係鱸魚、另一條係鯛魚。兩條我都鍾意食😊白白哋呢條係鱸魚，鱸魚肉質比較有咬口，魚味濃少少。紅色呢條係鯛魚。鯛魚比較爽口，魚味較為清。呢味係無骨芝士雞腿，係我其中一個推介，無骨雞腿，肉質好嫩滑，裏面仲有芝士，配搭得好好。串燒叫咗幾款，有牛舌、雞肉、燒雞皮，好味。燒牛舌都幾考功夫，牛舌燒得好林、又乾身、香口，好好味😋。燒雞皮更向後好似食薯片咁，唔會覺得肥膩。燒雞肉，外脆內軟。雞肉𥚃面仲好Juice。大家食咗幾串串燒，見咁好味，追加左墨魚咀同雞軟骨，仲有燒飯團。燒飯團揀咗兩隻味，分別係明太子、木魚飯團。我食咗明太子，食到外面嘅飯焦、咬開𥚃面明太子好香喎。呢個係朋友點嘅，上枱時我仲以為係炸紫蘇葉，原來冇咁簡單 ... 炸紫蘇葉𥚃面有蟹膏，食落口蟹膏味好濃好香，呢個係另一推介。縱觀來講呢間係一間日本餐廳令我喜出望外，好好食嘅日本餐廳，比起尖沙咀、銅鑼灣嘅日本餐廳好食，性價比又超高。下次一定要再嚟食真正嘅蛋包飯😂😂😂…查看更多

我通常返到屋企附近諗唔到食咩，就會選擇呢間，簡簡單單丶唔多選擇，主要都係牛腩，再加切雞丶燒鵝丶燒肉丶鹹蛋，呢啲選擇。我就比較鍾意牛腩切鷄飯，牛腩少少肥又會好林丶切雞醃製嘅味道啱啱好，唔會好鹹。鍾意佢嘅會跟一碗菜，因為通常出邊食燒味飯都係只跟一條菜確實店舖裏面嘅裝修丶枱枱櫈櫈比較簡單丶陳舊，環境唔算好，但係老闆娘親切丶都係街坊生意，所以好多街坊丶大學生都會嚟食。而且舖頭收得比較夜，凌晨都未收舖，食宵夜嘅好選擇。…查看更多

我食過咁多間燒味飯，好多間水準都OK。不過，講叉燒同燒鵝，呢間真係正到冇朋友，當然唔計嗰啲高級食府丶收你百幾蚊碟嗰啲啦。平民價錢燒臘舖，我覺得最正嘅係呢間嘅叉鵝飯雖然鋪頭細細，但係整潔丶唔算好迫，好多中學生丶大學生都會嚟食，我每次黎親都要排隊。老闆娘又好好人，實幹型。溫馨提示，星期日唔開嘅。叉燒好林、燒鵝嘅味好濃丶好香。當然燒味好食，其實個薑蓉都好正、本人極力推介，唔會好油、又唔會鹹，送飯一流。記住要加呀…查看更多

好味...當然係味道，好明顯係一間用心嘅食店，其實仲有人情味。幫襯嘅好多都係熟客，而老細都好Nice，見到好多街坊或者大學生都會問候一下，同我同桌的一個大學生，差不多每一個員工你百忙之中都過嚟問候下佢。好味嘅豬扒麵，豬扒係用心處理過，所以食落係好鬆軟，面嘅軟硬度適中，唔會有太林。煎餃子，陣係睇個樣都覺得好靚，好飽滿丶好均勻啱啱好，食落熱辣辣，啲餡明顯係新鮮包嘅，好好味。炸豆腐亦都好正，好趣。豆漿明顯好友豆味，因為出邊好多都明顯冇乜豆味。…查看更多

今次黎圃公唔係食小菜，原來有魚湯鍋。魚湯鍋食完啲魚就可以開始打邊爐了。呢個係酸菜荀殼魚鍋。呢個好似係佢地招牌野，梅酒聖女果，又幾清新，少少甜，食落又幾得意。其他地方好似未見過。雖然有魚湯鍋，但係由於鍾情湯湯，見到有湯，所以都叫咗個花膠湯飲，又幾正，一煲可以有6-8碗，真材實料，有大花膠架。海石蚌，幾大隻，肉亦都鮮甜。牛肉係本地牛頸脊薄切，幾多片又切得幾靚，中間仲切咗朵花花。牛肉係薄切，616就好快熟。鮮蝦腐皮卷，同出面啲唔同，都整得好味。萵筍(重覆咗，原來蔬菜拼盤都有)。蔬菜拼盤切得幾靚，有三四款菜，又有蓮藕丶萵筍丶紅菜頭丶南瓜丶西蘭花。…查看更多

胡爐，今次食個冬瓜，一片約2-3斤嘅冬瓜，加上海鮮有幾隻蝦丶一隻蟹丶幾隻大蜆，樣樣都新鮮，真材實料。冬瓜加上清湯，湯亦好好飲，所有料最後都食清光。手切肥牛，好靚，食落亦好林。我覺得手切牛肉質會比較好，食落嘅質感會強啲，有咬口啲，好味啲。一jar冰凍嘅檸檬梳打，好清新唔甜，都係第一次叫，但係覺得幾啱打邊爐時飲，感覺係好清熱。叫咗一隻鮑魚刺身，可以就咁食，亦都可以616先食，好鮮甜。每次黎都會叫嘅炸魚皮，平平嘅一塊一塊，炸得好脆香，面上有落咗啲椒鹽，食落好香口。甜品係椰汁大菜糕，分開咗兩層薄切，賣相幾靚丶食落又好涼快，唔會好甜，唔錯。店舖嘅出口位係一啲日式酒嘅擺設，我幾鍾意。…查看更多

天文台道新商廈，原來有一間新嘅日本菜，睇門面幾好又幾精緻，就入去試試。好鍾意佢嘅門口設計，所以特意影咗。另外，亦我好鍾意個筷子托，係紙鶴型，好靚又好有日式意景。還記得去年日本時住民宿時，屋主送上幾隻自己摺嘅紙鶴。其實餐廳內都有好多細緻嘅嘢，例如bar枱上放置咗個日式芥辣同埋個磨。仲有日本紅蟹仔，仲好生猛周圍爬。好喇，到美食了。首先係御前盛合，好日式，有小紅蟹係炸咗、紅酒浸蕎頭、白蘿蔔。梅刺身4點，有吞拿魚、池魚、左口魚、帆立貝，４款都好鮮甜。北寄貝刺身，好新鮮，食落好爽口。拖羅同油金魚壽司，加上海膽蟹肉飯。海膽蟹肉飯雖然小小碗飯，味道好好又鮮甜，所以好難忘。大蝦無花果伴生菜沙律，有大蝦又有無花果乾中和一下味覺。串燒先有沖繩黑豚，三分一肥肉，覺得呢個比例剛好，而且又燒到有少少燶邊，正。牛舌岩鹽墝，好林身又好香口。炸沖繩苦瓜，炸得好乾身，好脆。第一次咁食苦瓜。沖繩豚肉野菜炒麵，呢個日式炒麵味道幾好，甜甜地啲麵又好彈牙，我幾鍾意。最後係日式甜點紅豆小丸子，上碟已經好靚，由其係小丸子用咗小竹枝串住，紅豆大大粒又會起沙，少甜配上小丸子食剛剛好，小丸子亦好，傍邊配上兩片士多啤梨，清新一下。…查看更多