ballchuk的個人專頁

又係來一篇真實食評嘅時候。會入黎呢間野係因為平日冇乜人，喺疫情第五波之時叫安全一點。叫左碗類似係春水堂嘅牛肉麵，呢度叫三寶牛肉麵，成82蚊碗，價錢係拍得住春水堂嘅，味道就...首先碗野嘅樣係唔錯，一望落去以為好有水準，賣相呃得下人，牛三寶包括牛肚，牛展同牛筋係炆得算淋，但唔入味，最爆係佢d配菜紅蘿蔔同白蘿蔔係冇味嘅石頭，好心比少少heart,炆埋佢啦，是但烚完掉落去.......講返d麵，我揀左粗麵，算係咁，但都比唔上春水堂嘅麵，仲有牛都係啦！湯底仲好普通...憑咩收82蚊碗....加左杯野飲18蚊，茉莉鳳梨茶，算係最好叫有茶味又唔太甜！環境都ok,唔太窄，可能新開，都乾淨的。不過，不會再幫襯了。…查看更多

一直知道The Point有好多分店，每次想試都諗住下次先，但而家屋企附近終於開左間，有哂原因要去食😁原本真係唔抱太大期望，諗住食個平常晚餐，不過竟然有d surprised, 因為性價比都幾高!佢地個晚餐menu都算多選擇，有pizza, 有意粉，有牛，有魚，都好難揀唔到!我同朋友每人叫一個dinner set, 我揀左食肉獸pizza! 當然都有share比朋友食啦! 如果唔係我就真係"獸"餐湯我加18蚊轉龍蝦湯，完全冇後悔，啖啖肉，龍蝦鮮味好出，唔會太咸! 估唔到! pizza係用炭爐燒! 睇個底就知!好香好鬆脆又又有咬口，同平時連鎖店果d真係好唔同!其實個dinner set已經好夠飽，但我嘅習慣係點都會叫甜品，所以都叫左個意大利奶凍，因為見價錢都幾抵，只係$48! 完全唔會過甜，奶很滑，值得一試!其實加埋環境，呢度算抵食，呢晚每人平均只係2百蚊，但質素好高，我諗呢間餐廳會係我未來嘅開飯餐廳之一。…查看更多

星期日黎到九龍灣，因為新冠肺炎嘅原因，明顯比平時少人，但都唔想去太多人嘅茶記，於是揀左之前叫Bespoke, 而家轉左手叫Cosy嘅cafe,諗住都係食All Day Breakfast,應該唔會點衰。入到去，果然冇乜人，安全!星期日朝早10點幾，staff話只得All Day可以揀，pancake果d都冇，跟餐會有即磨咖啡，如果要latte, cappuccino 果d要補補差價，咁我就叫左2份All day, 其中一份就轉cappuccino。一坐低，望返入廚房，見到一個staff煮緊野食，竟然係冇戴口罩，已經覺得好唔合衛生，仲要而家仲係危險時期! 佢仲一路煮一路同頭先收錢個經理吹水佢煮完之後，又係佢拎出黎比我地，依然冇戴口罩! 成間cafe得佢2個做野，1個唔戴口罩。其實如果我睇唔到，真係唔知好地地，但佢地open kitchen都可以咁樣!唔講衛生，講食物:普通到不得了嘅All day, $98唔係貴，但個塊咁嘅多士hea到乜，咖啡拉花又求其，仲要咖啡質素好嘛嘛，九龍灣真係大把選擇! 估唔到接手呢間Cosy質素可以同以前Bespoke差咁遠!以後唔會再幫襯!…查看更多

第2次來K11 Musea, 第1次係尋日，感覺唔錯，所以又叫朋友黎多次，同我慶祝生日。尋日去左間室內嘅餐廳，好舒服，食物又好。諗住今日黎Artisan Lounge應該都唔會有失望。見到個個都係叫tea set ，我地3個女仔當然唔會錯過，叫左一個tea set再加多個鱈魚。喺等緊食物黎，我地更係不忙吹水啦，但發現謂商場音樂異常大聲，由於間餐廳喺商場1樓中間，所以係處於open area,你食野嘅時候，街客係會望到，商場音樂亦都係同大家聽到嘅一樣。可能就咁行街係唔覺，我地坐喺餐廳，就好大感覺，音樂似落左pub咁! 我朋友愈黎愈忟憎，於是我問waiter,請問可較細音樂嗎? 點知佢話，已經向上頭反映左好多次下，咁點解仲係咁誇張。隔左一陣，我地又忍唔住問第2個waiter,佢講笑話佢就快失聰令我地哭笑不得。唉，算啦，我地話冇下次，幾好食都冇用。金錢係買時間買地方，想傾下計都唔得!好啦，講返食物先，個tea set係吸睛嘅，尤其係scones,非常出色，不過個醬就失色!其他甜品overall都算高質素，咸食就一般，可能我地3個都唔食生野。咖啡超普通，咁嘅價錢，可以用更好嘅咖啡豆囉!我朋友叫果個鱈魚超級好食，魚好滑，同個sauce簡直配到一絕，不過價錢係$388。總括而言，唔會再幫襯，因為環境好嘈雜!…查看更多

將軍澳要食泰菜其實唔太多選擇，有都唔平。見到呢間新開嘅泰菜，本著不妨一試嘅心態同老公黎食晚餐。餐牌都幾豐富，好似食乜都有咁，先叫左個大頭蝦冬蔭功湯，二人份量都好大! 味道呢，其實有點偏酸，不過竟然有4隻蝦! 另外，我地叫左個小食拼盤，又係好大份，魚餅蝦餅春卷都勁大舊! 味道係唔錯，亦好有咬口，不過有點偏咸。岩哂d濃味友馬拉盞通菜就係我每次到泰菜必食嘅，呢度炒得相當唔錯，調味亦好近似泰國食到嘅 ，辣味剛好!我地個主菜叫左咖哩軟殼蟹農夫包，賣相就真係一流，又係勁大份! 即刻試左一口咖哩，切個少少包食，嘩，好正!軟殼蟹都有2大隻!食咁多野都唔使400蚊，因為唔使加一!!!唔使加一!唔使加一!都話重要嘅事講3次下次會同一家人去，再叫多d野食!…查看更多

覓食家位處比較多食肆嘅地段，算係旺區，所以今晚4個人黎到，平日都要等位。聽元朗朋友講得多，話雞脾豬排大個塊面，其實我就重質不太重量嘅，如果唔好食就幾大都哂氣。餐牌真係好簡單，全部都係肉有豬有雞有羊，咁我地就叫左雞脾同豬排飯啦!先黎雞脾飯，呆左，未見過咁大隻雞脾，仲要中間斬開2邊之後，好似有2隻雞脾咁樣。我地大家一齊試，肉嫩皮脆，又唔會乾。然後再黎埋豬排飯，嘩，又厚又大，嚇親!簡簡單單嘅組合，估唔到咁滋味，仲要咁抵食。希望呢間餐廳能夠一直經營落去，造福下元朗嘅居民。P.S.我唔係元朗人…查看更多

尖沙咀食lunch要搵間可以坐得耐，價錢又唔過百，都幾難。但我發現真係愈黎愈多樓上餐廳啦，不過就仲未被好多人發現到。咁樣對於顧客當然係好事，食得清靜又舒服，但對於要捱貴租嘅餐廳黎講，就更係擔心。今日我又發現左間樓上餐廳叫小糖鈕，我係walk in嘅，lunch 12.30pm都仲有好多位。不過呢間餐廳係主打甜品，咁佢lunch少d人又正常。今日決定食好d, 叫貴少少，食個澳洲無激素豬鞍!先黎左個南瓜湯，好creamy ,同埋好有奶味，唔似平時飲開果種，但係好飲嘅。好快個豬鞍都黎埋，好大塊! 用刀一切，嘩，好鬆軟，厚切的! 平時自己出去買都成舊水一塊，而家呢度都係百頭。食完送左個小甜品，係芝麻味，不過不失啦。最後我叫左杯咖啡，真係唔合格，可能咖啡豆唔得啦。下次我要試甜品，因為呢度主力係做甜品既。以$141呢個價錢食咁高質素既豬，性價比係好高。…查看更多

coffee is just soso, given its cost $42 for small size.the key concern is they do not have the sense of environmental protection! why they are using the paper mug if i stayed in the cafe? also , the soda drink is just 2/3 full, what's the problem?very disappointed!…查看更多

朋友話呢間cake shop嘅千層蛋糕比得上lady m,咁我襯今日lunch就搭幾個站過去排隊，1點開門，我1點10分去到已經排左20幾人。原來散件每人限購兩件 ，我唔理肥唔肥啦，食左先算。買左抹茶流心同earl grey,淨係賣相已經令我流哂口水。等唔到返屋企食啦，我去左花墟附近個公園開餐真係覺得自己好為食。一打開見到兩年咁靚嘅cake,更係要相機食先，玩完一輪之後即刻試earl grey先，因我估抹茶味會濃好多，唔想比佢distract左件earl grey嘅味。嘩，好正，甜度剛剛好，cream好滑，蛋皮唔會硬，出面好多千層cake個蛋皮都有硬化跡象好明顯呢間cake shop係真係新鮮製造，不過呢你話同lady m比較，當然都係lady m好食d，因為cream的確會滑d濃d。始終爭一倍有多嘅價錢。而lady m係大件d嘅。但公道d講，$36食到咁嘅水準嘅千層cake,真係邊度搵!好，講埋件抹茶流心，係堅流心嘅，仲要個流心cream好正，又係唔會過甜，我最怕太甜嘅甜品，而抹茶味係岩岩好。唯一不足係上面太多抹茶粉，過於苦澀，唔好抹茶嘅人可能會覺得唔好食。總括黎講，我下次都係會繼續自己食哂2件，完。…查看更多

尖沙咀終於有間環境唔錯嘅素食餐廳，仲最岩去蛇王餐廳裝潢簡約，同素食主義嘅風格好一致。雖然係樓上鋪，但係光線好充足，呢到坐低已經覺得好relax。今日11點幾到，只有一枱客食緊野。Lunch選擇都唔算少，我揀左set和食。食物好快到，先飲左啖湯，偏向濃味左d。豆腐嘅份量都比較少，同埋個冷盤醬汁都係偏咸。玄米飯份量就幾多嘅，不過配菜唔夠多姐由於份量唔太大，我好快食哂。就慢慢歎杯有機三年番茶，好飲喎。總括黎講，呢間素食店食物尚算ok,不過份量比較細，我食完要再出去買多杯珍珠奶茶先夠飽…查看更多

元旦日入南丫島行下，發現左呢間韓式炸雞，估計只係剛開業冇耐。入面有一枱外國人坐，好開心咁食緊炸雞飲緊啤酒。不過呢間鋪應該主要做外帶。佢有兩種炸雞揀，有醬同無醬，我地更係要有醬啦，鍾意濃味。個醬唔辣嘅，又唔會過酸同過甜，上面仲落左芝麻，好味! $40蚊呢黎，算係抵食，唯一不足係唔夠熱。…查看更多

呢間野好耐之前幫襯過一次，已經覺得性價比極低，果次食甜品，都還過得去。今日再黎，直情覺得好伏。其實由12.30坐到2點間野嘅入座率都係得兩成就知咩事，香港人好醒，唔係睇左食評就會信哂。雖然呢間野多正評，不過一睇就知咩事。只係今日team lunch,公司比$，是但啦，好又一餐唔好又一餐。lunch買6送1，仲有salad bar。價錢由78到108都有。好似好抵咁，不過愈食愈嬲。個salad bar算ok, d salad菜尚算新鮮，有個蛋糕，但我唔敢試。是日餐湯係忌廉磨菇湯，呢個好難出事嘅湯都出事，真係想比個叻字廚房。首先個湯係唔熱，仲要咸到爆，然後一粒磨菇都咬唔到，9成9係開粉，唔係用新鮮磨菇打爛佢整出黎，其實磨菇都好平姐，咁都要開粉。有個同事聽到我地咁講，直情原碗擺喺度，一啖都唔飲。我連相都冇影之後黎左杯咖啡，飲左一啖已經知係cheap野。難飲過茶餐廳，似24味。其實好怕cafe d咖啡唔得，唔知有咩存在價值。主菜黎啦，我叫左燒春雞，自覺係最穩陣嘅。咁個樣又唔差嘅，不過面頭一條條燒到窿哂唔知係洋蔥定蔥。肉質還可以，但冇乜味。薯角係最正常。我影埋我同事塊牛排。叫3成果d變左7成，叫7成果d變全熟，笑死。仲要塊牛排係唔熱。其實唔明點解上菜咁慢，然後d野係唔熱，咩玩法。之後我地再叫多個流心梳乎里，百幾蚊!冇特別，份量細。一d都唔值。總括黎講，下次免費都唔使指意我黎食。…查看更多

呢間野係令我非常有驚喜竹炭鐵觀音白玉奶茶同黑糖青檸老薑，比其他台式飲品店來得實際，性價比高，茶底做得好，夠茶味，唔會比奶蓋過。珍珠亦夠煙韌，唔會太甜。足料!可惜門面唔夠其他台式飲品店靚，員工亦幾hea。價錢平，杯嘅包裝亦唔錯。…查看更多

雖然喺尖沙咀返工，不過真係好少會行到過去重慶，今日心血來潮想食下蘭芳園啦，點知出面排隊，我真係見識少，原來呢間嘢係專比內地人食(我同事咁講)。我今日一個人去，就即刻有得入!叫左個比較受歡迎嘅雞扒撈公仔麵加杯熱奶茶，都等左一陣㗎。等嘅期間，望下間鋪，9成都係內地人，有點後悔入左黎……我坐緊嘅小小圓枱夾埋我坐左6個人，迫到死!好啦，終於黎左杯奶茶，正常，冇乜特別。雞扒撈公仔麵，大家睇到個份量啦，雞扒得幾塊，但都算好食嘅，不過個麵就好乾啦。其實以$5x嘅價錢，咁嘅環境，應該有更好嘅選擇。結論係，冇下次。…查看更多

突然想飲茶記奶茶，但尖沙咀d茶記沖奶茶勁hea，醒起呢間賣港式奶茶嘅小店，於是兜路都要行過去。我嘅宗旨係點都要試一次，唔會信哂openrice其他blogger講乜，雖然呢間野好多人讚好，但我冇話好大期望。我買左最正常嘅港式絲襪奶茶，承惠$28，其實同茶記差唔多，因為茶記而家都要23，24蚊，咁佢大杯過茶記成1/3, ok啦。門面算整得幾靚，懷舊feel， 但鋪面算細，多d人都會排出街口。今日2點黎，我前面得1個人買緊。原本我叫左30%甜，不過店員提我佢地茶底比較濃，咁我就要返50%。甜度真係岩岩好!茶底好夠濃，又唔會澀，老實講，真係好過去茶記買，更加唔好同7仔d奶水比，7仔果杯叫奶水不是奶茶佢地話每買一杯就捐$1出去，叫我自己入落個箱，呢個idea唔錯，都叫幫到下人。總括黎講，呢間有下次。…查看更多