5
18
6
港鐵旺角站 B2 出口, 步行約2分鐘
繼續閱讀
電話號碼
23931598
營業時間
星期一至日
05:00 - 04:00
以上資料只供參考, 請與餐廳確認詳情
食家推介
家中屋企部匹半冷氣機好似夠期，所以同女友落旺角D電器鋪睇睇.原來匹半變貧窗口機得LG同格力哩個牌子，選擇少得可憐....歸家前，順便係旺角食埋飯，早排去街頭標記打冷，今次去街尾哩間九記打冷，點知就超級中伏！點咗鵝腸併豬大腸，芝士蝦伊麵，椒鹽魷魚鬚，荔枝梳打同提子梳打.優點：1, 潮州打冷居然有荔枝同提子梳打，夠創意！2, ......再搵唔到優點鳥！缺點：1, 冷氣不足！2, 豬大腸質素比標記韌.3, 蝦伊麵嘅蝦唔挑蝦腸都算！蝦隻又細，都算！蝦肉口感有D霉，完全唔彈力！好明顯D蝦已經唔新鮮，但照出菜俾客！4, 椒鹽魷魚鬚一上枱，顏色偏深，都算，魷魚鬚件件口感過韌，唔彈牙，唔掂！5, 相比起標記，每一碟菜份量都不足！6, 埋單$334，我幫襯標記食四個菜加兩罐汽水，鵝腸併豬大腸，蠔餅例牌，豉椒炒聖子，椒鹽鱔球，都只係$331！貴又貴過標記，份量又少過標記，質素又差過標記，依家完全明白點解標記門口排哂隊但九記就.....！即時將九記列入本人在世至今遇過最差打冷店！不再幫襯！
繼續閱讀
事源係5月26號7:00左右到咗呢間餐廳度約咗五個朋友食飯 慶祝其中一個朋友生日 啱啱開始點完餸嗰陣冇乜嘢 我見到有個女人走埋去同個老闆係傾計 傾得好開心 仲傾到摸老闆個身體 我諗佢哋應該係好熟 後尾個女人行埋嚟我哋張枱到 問我地幾多歲 係咪讀緊中學 識唔識飲酒啊嗰啲 又係咁叫我哋不如叫支啤酒飲啦 咁我同我啲朋友係唔飲酒嘅 係咁推佢話唔使啦唔使啦 佢又係到話陪我飲杯啦 最多我請你地啦 跟住見佢攞咗$100出嚟比個老闆 就話要支獅威 佢自己飲咗幾杯 又係咁迫我啲朋友飲酒 又狂咁樣問我地係做啲咩㗎 超級滋擾到我哋 就同佢講只係想安安靜靜食餐飯 佢就行返去自己張枱到之後佢就再過嚟我哋張枱仲搬埋張凳食飯 我即刻嚇咗一跳 唔係嘛 依家疫情同你三唔識七 仲要同你食飯 佢知道我哋唔係好鍾意佢 佢就係咁問我係咪騷擾到你地 騷擾到你哋咪講囉 我哋個陣好驚佢係痴線 就叫佢返去自己張枱食飯啦 佢又同我啲朋友細細聲講嘢 騷擾到我哋冇辦法食飯 我哋已經唔理佢 佢甚至行過嚟 同我講 妹妹啊 我有啲嘢想同你講啦 你可唔可以出一出嚟先啦 但係前提我係唔識佢 我就同佢講我要食飯 你有咩就係到講 佢就講話我都係想take care你姐 到時唔好話我冇take care你呀 你出嚟先啦 我有啲嘢想同你講啊 佢個樣又好似想喊咁 我男朋友係隔離就同佢講 不如係呢到講啦 我男朋友好保護我 但係個女人就係咁摸我男朋友條腰同埋個pat pat 同佢講你出一出嚟先啦 我想同佢講句嘢啊 摸咗好多下 摸完左邊和右邊 因為我坐入邊 所以佢冇辦法直接接觸我 仲用隻手摸我男朋友膊頭同埋條頸 又係咁拍佢膊頭 我就同佢講唔該你可唔可以縮開你隻手 佢就一野拍落去 話拍多兩下又會點樣姐 大佬啊 我同你喺三唔識七 憑乜嘢 你要咁樣騷擾我哋食飯 仲要非禮我男朋友 嗰刻我真係嬲咗 佢跟住就同我講佢有個女兩歲 問我有冇興趣返樓面 我自己本身有工作更何況冇我都唔會返 呢一餐飯我哋食咗$1024 我見到有$23喺啤酒錢 所以我有理由懷疑呢個女人喺認識餐廳嘅負責人 佢甚至係係呢到返工負責賣啤酒 我本身唔歧視賣啤酒嘅行業 但係因為我哋唔飲啤酒 係佢自把自為幫我哋叫咗一支 係佢自己拎咗錢出嚟話請我哋飲 佢自己一個人飲咗半支 最後竟然要我哋幫佢埋單 呢種行為我極之討厭 我唔知佢呢啲行為有冇犯法 ，但係如果我啲朋友唔係到嘅話 我會果斷報警 因為我唔想影響到佢哋嘅心情 再加上佢哋本身食完飯 之後有自己嘅節目 唔想阻到佢哋 所以我決定係呢到講出嚟 餐廳方面可能個老闆係唔知個女食客咁樣做 個老闆曾經經過過我哋張枱好多次 佢都冇理會過 所以我相信應該係佢啲朋友甚至係佢指示個女食客咁做所以大家如果想去呢間餐廳之前 有個心理準備會俾個女人騷擾甚至會非禮你哋啲男朋友/老公 如果你願意嘅話 你就去啦相我就冇影到啦 因為嗰刻我根本冇心情影相 總之我自己係認為呢個女人好恐怖 更可能有係有精神病最後俾返個食評 叫咗個蠔仔粥 一般味道好淡冇乜蠔蠔餅 一塊餅都唔知落咗幾隻蠔 食極都食唔到黑椒牛柳粒 係芹菜炒牛扒塊 完全唔係牛仔粒 同埋根本冇黑椒味 啲肉又韌炒菠菜 正常 好難炒得唔好食開邊煎魚 呢個味道還可以 豬紅煲 好細碗 一碗得幾舊 唔抵食炒鴨腎鵝腸紅腸大雜燴 鴨腎同紅腸正常 鵝腸食咗一啖 即刻嘔返出嚟 去食肥媽都冇咁嬲 有腥有臭 都唔知有冇洗乾淨 仲有幾個餸唔記得咗
繼續閱讀
旺角區想打冷又想避藍店，所以揀左依間😂。兩個女仔食，唔算好飽，價錢同個碟頭成正比，都算抵食😆。蒜蓉炒豆苗 $68叫左少油少鹽，尚算可以接受到啦，但食得打冷都難免係比較油同比較鹹㗎啦😩。豆苗係真係豆苗，唔會有根，個莖位都唔會好硬。炒都岩岩好，入口都好嫩😍。椒鹽九肚魚 $88炸得唔錯嘅，上菜嘅時候都係熱辣辣😚。人生第一次食九肚魚🤣，都係覺得椒鹽鮮油或魷魚鬚好食啲。相比其他，依個餸較貴，但都唔會覺得唔抵。細蠔餅 $60以市區來講$60一個細蠔餅都差唔多！但我地覺得個粉漿好似有少少厚，食落去明顯地食到啲粉。不過勝在佢啲蠔仔數量都好多，同埋啲蠔都大粒，所以問題都不大🤨。叫左支Asahi $28埋單$244（無加一）
繼續閱讀
曾經係我哋一班朋友嘅飯堂，諗唔到咩就食九記啦。自從限聚令就少咗聚會，今晚就炒幾個小炒上去朋友屋企加餸🤣。🔻椒鹽鮮尤🔻依然保持香脆🤤，椒鹽味道夠濃，再點少少喼汁，將整個味道再提升👍🏻🔻魚香茄子🔻送飯一流，淡淡既魚香味，有口感既肉碎，仲有索晒味既茄子🍆，就好似成個餸既靈魂咁🤣。雖然有啲油，但係都會追住一啖一啖咁食🤣。🔻黑椒牛柳粒🔻睇落冇咩特別，食落勁香黑椒味，而且又辣辣地👍🏻，西芹配菜係幾多嘅，牛柳粒就少咗啲，不過勝在夠鑊氣👍🏻。🔻細滷水併盆🔻滷水顏色好靚，味道唔會太咸，不過食材切得比較細件同比較薄，食落口感差啲。雖然有外賣，但係份量細咗，不過好彩保持到個水準👍🏻
繼續閱讀
依間潮州打冷開通宵做宵夜可一試，疫情之前同朋友凌晨12點幾好肚餓係Mk一帶，於是誤打誤撞試。.👓四人套餐 $328▶️鵝片 (散叫 例$90 大 $138)例牌份量約12塊，可能成本關係所以用咗冰鮮鵝片，肉質實欠肉香，滷水唔入味，普普通通少失望。評分：6/10▶️潮州煎蠔餅 細 (散叫 細$60 中$85 大$110)蠔量中規中矩唔算特別多亦唔算香蠔味，蠔餅質感吾似蛋漿粉質，似薯粉的蠔餅咯。另外似炸蠔餅所以賣相金黃色咬落脆卜卜好香口，口感加分。評分：7/10▶️咕嚕肉正常發揮嘅咕嚕肉，不過未去到好突出出色。評分：6/10▶️蝦仁炒蛋蝦仁都多，呢度嘅格局同價錢不要期望係貴酒樓咁大大隻蝦，蛋亦算滑，同樣是個中規中矩嘅蝦仁炒蛋。評分：6/10▶️胡椒豬肚鹹菜粉腸湯 一窩好重胡椒味，豬肚粉腸沾上濃郁胡椒味所以唔會有腥味好食，不過唔好期待個湯好多料。評分：6/10▶️飯/粥四碗👓韭菜豬紅 $48用了鴨紅，口感滑溜，用了肉湯來熬煮，重韭菜味而且帶點香辣，入味惹味好食，撈飯一流👍🏻評分：8/10👓蒜蓉油麥菜就咁隨機同佢落單叫咗個菜，賣相好靚立立令但個菜食落好油😐評分：5/10
繼續閱讀