番茄湯

提供食譜
番茄湯
0
18707
0
第一次用素鷄煲湯,因不想用肉煲湯,素鷄煲湯都好好味噃,大家不妨試試。一落左D素鷄煲湯即刻有油,但係少量,因油要吸收少少就夠嘛。呢個湯會啖D,大家要有心理準備,自古健康的食物都係無咁好味,以健康角度及不殺牲角度來看,絶對值得用素肉煲湯,不能日日用佢,間中用吓都好嘛。試煲左的朋友,大家可以分享吓心德呀:>
更多相片
材料:粟米1條、番茄2大個、甘筍1條、蜜棗1-2粒、薯仔1小個、素肉6粒鹽少許(調味用)
話咁快就煲好,大大煲,4個人都夠飲
湯料好豐富,別忘記薯仔、甘筍、素肉等糖份都高,食多左佢地,就要減番飯量
kitty都話要飲我的蕃茄湯:)
prev next
材料及份量
粟米 1條
番茄 2大個
甘筍 1條
薯仔 1小個
素肉 6粒
蜜棗 1-2粒
水 適量
調味料
鹽 少許
煮法
1. 將所有材料洗淨,待用。
2. 煲半煲水,水滾後放材料,煲60-90分鐘,視乎自己喜好,煲耐d番茄會起沙會入味d,但就會散開d。
3. 素肉在最後的20-30分鐘前才落,完成。
小貼士
1. 番茄視乎自己喜好切大件定細件,營養角度來看湯不宜煲太耐,但從好味角度來看,還是喜歡將食物煲得耐d入味d。
2. 我鍾意將番茄切開大大件煲耐d,可以食到食物的咬口感,但又可以入到味。
3. 水落幾多?鍾意煮嘢的人應該係唔會照足食譜的份量,因要試煮過先知係點,先會調到自己鍾意的口味。我的份量材料係預兩個人食,但湯量就預4個人飲。
3. 如果for兩個人湯,可以試吓以上材料+8碗水,約1L。
4. 當然,每個煲的SIZE都唔同,以放好材料水位都一定要蓋過晒食物再多一至兩吋水位吧。
試試試,自古成功在嘗試,希望大家都煲到一碗好味的素湯。
推介
已推介
unknown
云地的更多食譜
矇豬眼美顏護眼果汁
自家一杯果汁,簡單,味美,清新!鬧市中一杯甜在心的果汁,齊來...
蝦蝦笑過聖誕
聖誕節就快到,想快點心思又簡單的話,不妨試吓做呢個,望落又靚...
prev next
你可能也喜歡這些食譜
藥膳當歸鴨
凍冰冰,最適合整D補而不燥既野黎食下,今次呢個藥膳就岩晒手腳...
粟米雜菜羹
食開罐頭粟米湯的你或者都想弄一個自己創造的粟米羹,這個材料豐...
薯仔粟米湯
因為用咗兩個薯仔煮個湯底,所以鐘意既人會覺得好濃好粉好足料,...
Top