做冬一家人揀左食上海菜 (原來呢間酒家仲有浙江菜食的呢)
酒家裝修,環境都好舒服, 我地無訂房, 訂了坐大廳 ; 大廳的檯與檯之間很闊落, 亦唔會像一般酒樓的嘈吵
總括來講, 我覺得呢餐的食物都好好味, 有驚喜, 有d菜式好特別 ; 估唔到上海菜竟然唔會油淋淋, 肥膩膩, 份量亦相當大碟
至於, 招呼都唔錯喎, 但唔知係咪開張無耐呢, 有時有d忙亂的情況 ; 廁所亦都乾淨(我最怕d廁所污穢0架!!)

我們一圍12人的菜單如下 :
冷盆十味 1.香炸臭豆腐(的的骰骰, 食左都唔會滯) ; 2.夫妻肺片(我愛辣, 覺得呢個唔係"死辣", 輕輕辣得來係惹味) ; 3.楊梅醉生蝦(刺身蝦+花雕味, 都幾fresh丫) ; 4.杭州醬鴨(一般) ; 5.素鵝(一般) ; 6.酸辣雲耳(一般) ; 7.特式熗海蜇(一般) ; 8.寧波烤菜(ok) ; 9.炸響鈴(好鬆脆, 但味道淡左d) ; 10.花雕醉黑棗(完全唔覺有酒味喎)


蔥油膏蟹 (正...勁多膏呀, 蔥油的咸味適中)

椒鹽鯧魚 (原來即係倉魚, 怕骨的我, 都食到停唔倒口...我至愛呢味菜)
紅燒肉 (我覺得似東坡肉, 就算瘦肉位置, 都好滑喎)


清蒸黃皮老虎斑1斤4兩 (食得出係海魚的鮮味, 唔係養魚囉)
特色黃魚餛飩 (好鮮甜的黃魚湯呀, 裡面仲有好厚肉的魚肚...正)


瑤柱杞子浸豆苗 (一d都唔油呀)
芝麻脆皮雞 (ok)


火腿絲瓜燴竹笙 (勝瓜好入味)
甜品: 苔菜湯圓 (第一次食湯丸係炸0架, 我覺得係炸芝麻湯丸, 口感幾特別)


生煎飽 (十級好味 ~ 皮軟, 下面香脆, 裡面d肉有肉汁添喎)
上海小籠飽 (掂)
甜品: 酒釀丸子 (唔會太甜)
生果拼盆

素食私房菜...還是頭一次試!
(很期待, 但原來有期待, 都無失望喎)
食後感 :
這一餐齋, 我覺得係 "摩登齋菜" !
每碟菜上檯時, 賣相都很精美, 睇得出廚師有用心設計過, 至於味道, 大部份都唔錯, 以下係食評 :

餐前小吃 : 梅子蕃茄 (正正正, 可惜一人一粒, 咁孤寒0架! 唔夠喉呀, 起碼每人要有4-5粒啦)
(1) 四式併盤 (其中蜜汁脆鱔 和 日本芥末青瓜卷 ....超正)
(2) 翡翠雙喜魚翅餃 (普通, 但d顏色好靚)
(3) 南瓜湯 (好creamy, 正)
(4) 普羅旺斯鮮貝(有驚喜...鮮貝即係雞肶菇,配上意大利醋, 帶出的味道, 很難忘)
(5) 寶皇翡翠 (頂頭果舊扮肉, 口感梅梅地, 勝瓜有怪草味 ~ 最唔掂係呢碟)
(6) 豆酥白玉 (豆腐很滑, 味道ok)
(7)串燒沙嗲 (味道很像, 但肉0既口感又係淋淋地)
(8) 花開富貴 (普通)
(9) 紅麴炒飯 (有人話似臘腸飯, 又有人話似臘味糯米飯, 我就覺得係南乳炒飯 ; 此飯口感鬆軟, 唔理佢似乜野味, 總之就係好味, 個個都食左2碗)
(10) 香蕉派 (唔錯)
(11) 意猶未盡 (即係芋頭糖水, ok啦!)

總共11味菜, 雖然碟碟每人都係少少份量, 但食食下, 原來都好鬼飽0架!!