其實已經怎少寫食評， 知道一字一句對餐廳會有影響， 疫情過後先好返少少， 生日約下朋友岀去食飯， 約好朋一行四人去camp主題餐廳度食燒肉， 知道新餐廳又星期五晚一定爆人， 我地係7月底已打去book位， 因為未去過，唔知四人圓枱得三張， 六人有帳篷枱有三張需要min pay 2500 ， 但當日我地係7:30左右已約到現場， 並安排生日cake入餐廳雪櫃， 同時間職員A通知我哋呢一邊有張四人長方枱可以先入，問我哋要唔要入坐？ 我回覆我哋想等圓枱， 佢就話，[ok，但要企埋一邊先，晏d客人買單再幫我哋安排！] 吹下水，向門口打下卡，好快就到8點， 6點booking的客人起身離開， 其他8點Booking的客人已開始向Reception位置排隊，而派位同事已換上職員B, 我哋怕職員B唔知我係有要求坐圓枱， 所以就從隊尾開始再排多次， 同職員B再講一次我哋的要求， 佢回覆係［ok，但要企埋一邊等等先］ 由於職員A就開始安排左排向我哋前面的人入坐，當中包括四人圓枱， 我地睇住頭兩張圓枱已有人入坐， 我哋立即詢問職員B，[我地7:30等到依家都未入得，其實我哋係等咩？] 職員B 就話，[因為你係本身book位時無Request到要個d位，而且會安排5人客人入坐個d枱先］， 但入去坐的都係四位， 而book位排版上係無任何remark邊位客人有要求坐邊d位， 真係純粹只係職員B，想點派位就點樣派位， 我就火爆回覆［你地明知我地係7:30等到依家，遲過我哋嚟的客人都入哂去，你依家同我講，其實我等緊一啲我哋唔會等到嘅位？你今日的booking排版係岩岩呢一分鐘先見到，7:30時你同事睇唔到今晚個三張枱係full booking？然後10分鐘前我地再同你講的時候，你依然叫我企埋一邊等等！？咁其實我地依家要等d咩？］ 然後職員C,疑似負責人，想詢問職員B發生咩事，我立即要求同職員C對話，並將整件事再重術一次，而職員C眼見仲有一張四人圓枱，就禮貌地回覆[你哋俾少少時間我處理一下，我安排一下］ 我地當下就要求取回生日蛋糕離開， 其實職員A唔識處理，將件事交咗俾職員B， 亦都見佢哋係有溝通過， 而職員B亦都嘗試將責任推喺職員A身上， 話對方冇同佢交代清楚， 我都有話佢哋呢啲係你溝通上嘅問題， 唔係由得四個客人俾人打哂尖而白等30分鐘後再回婉轉同我哋講，你哋想坐個位唔一定有嘅理由， 揸住雞毛當令箭，呢啲態度真係好乞人憎， 大家係服務性行業明白大家繁忙時溝通係可能不足，因此見換咗人排位， 我地都再排隊去提一提你哋嘅時候， 我認為我已經盡左我能力去交代我需求， 亦都俾足誠意去提早一個月book枱， 提早半個鐘去等位，點解咁都安排唔到 其實俾我覺得職員B係有心唔俾我哋坐嗰啲位

一行4人大概19:30-19:45 到達餐廳walkin 留了電話 問職員我們大概排第幾 職員A說大概8點幾有位 聽到8點幾 我們都覺得有希望 於是就決定等 到大概20:30 時上餐廳詢問前面還有幾張枱 職員B 說還有12張枱 我們瞬間感動震驚 現時因疫情關係餐廳堂食至22:00 餐廳last order 應該是21:00 1小時4個人吃燒肉由落單到上菜到燒到食 都有點趕急 所以我們又再上前跟職員B 道出以上的顧慮 而同事B的回答是 其實1個鐘你哋都夠食㗎啦 我再次詢問 你剛才說8點多能入座我們才等差不多1小時 但到現在還未能入座 請問能確保我們在last order 前入座嗎？ 只剩下半個鐘時間可以入晒12張枱？ 職員B 的回答是 我唔擔保㗎 睇你博唔博囉 可能前面有客唔到呢 我再詢問 你們叫客人排隊 但沒有截龍 咁客人咪白等？ 職員B 沒有回答 今次特意到貴店用餐 沒想到會有如此不快經驗 請貴店再審視是否應該截龍/ 給walk-in 客人提供不實/ 順口講出口的時間 誤導客人 PS 剛剛21:03才收到餐廳打來說有枱

本身比佢OpenRice d 相既海鲜同埋蟹膏所吸引，而且人數二位係非常難book , 打電話係一定話full booking的，反而係OpenRice 到book 就得，只歡迎大群人幫襯，聽到佢隔離聽電話即日book六位係一定有位的～ 見佢咁難book，到終於有機會食，去到抱着興奮嘅心情，點知⋯⋯ 首先個侍應問我地要咩套餐，然後再問要咩粥底，但完全冇講要加錢。之後埋單先知個粥底要加$68 ，（可能之前食過其它幾間呢啲蒸氣火鍋套餐都係包埋粥底，我真係唔為意就叫咗南瓜粥底，而且食個粥底時我真係着晒燈，好似食緊深圳偷工減料粥水咁) 好啦～到講下我最期待嘅蟹先，佢每日都會喺Facebook更新當日既海鮮Menu，蟹係寫紅蟹，點知嚟到喺變左迷你花蟹，係迷你啊！唔知佢紅蟹嘅意思係咪蒸熟咗之後個d橙色花紋呢呢隻咁嘅迷你花蟹公入邊嘅蟹膏小得可憐仲要苦苦地，真係唔知食評啲相嘅爆膏膏蟹係邊度黎～我仲諗住係見人哋既好評蟹黃流落底層嘅粥底又甜又好味，我什麼蟹黃都見唔到，而且仲食到成肚米水d 蜆有沙& 臭的，如其它差評所言，每款嘢食都係小小的，然後唔包粥底，埋單每人盛惠$ 332 其實呢個價錢，做海鮮套餐嘅蒸氣火鍋店真係大把選擇囉，野飲又唔包，好多野都要加錢 真係chok 住度氣咁離開！！

見呢間環境好似好靚咁就同朋友一齊去 個佈置係幾靚既 用既餐具都有花心思 但超級細間坐得唔太舒服 食物方面 選擇少 味道好一般 仲要長期冇waiter 如果食物質素提升番 配合咁靚佈置就好好多 真係去影相就夠 唔會再去

真係好難食，叫了兩個面一個risotto ，三杯飲品，真係好難食，個飯係得雞粉味，好無誠意好難食，之後個素既茹意粉，好酸好咸，黑色的真係超级難食。飲品好甜，甜到不能接受。 環境無驚喜，好細，之後啲card係有頭髪痴住，好污糟，其實好差，完全吾係一間有誠意既餐廳。 朋友生日仲收100hkd 切餠費，但係勁求其甘，我都吾識講。 我真係吾會黎多次，不推介

由於有四個五月之星生日，而我們又一直都好想去觀塘1亞太中心嘅「御前大江戶日式料理」食磯燒海鮮放題，同埋身邊有好多朋友去食過都話相當唔錯同埋成日都爆滿，所以我們一早打電話去預訂今晚食晚市放題！一去到安排好坐位之後，店員就攞咗以人數計嘅限量海鮮拼盤畀我們！一上碟我們見到個超新鮮豐富嘅海鮮拼盤嘅海鮮令到我們個個都嘩嘩聲，因所有海鮮例如活鮑魚、生蠔、大蝦同蟶子皇全部差唔多有一隻手掌咁大，真係超級大隻呀，另外仲有個蟹蓋燒，入面有蟹肉、蟹膏同鷄蛋，燒過之後夾埋一齊食，味道非常軟滑甘香！喺呢度用嚟點菜落單嘅唔係好似其他放題店咁寫紙，而係用平板電腦入單，真係好方便，而且又環保！雜錦刺身拼盤嘅刺身都相當新鮮，當中嘅赤貝係咁多款之中最正㗎，味道好鮮甜爽脆！壽司嘅款式種類都幾多，而且賣相非常精緻吸引，而且每件壽司同迷你海膽手卷飯嘅份量唔會好大件，唔會食幾件就會好快飽肚，真係值得一讚！除咗有主打嘅磯燒海鮮同刺身壽司之外，仲有自助區域有沙律、熱湯、卷物同雪糕雪條等等等等⋯⋯由於我們一早喺訂位嗰陣話有人生日，所以有個壽司蛋糕送，個蛋糕係用多件迷你壽司組合而成，好似喺日式壽司店擺放嘅陳列小模型咁，賣相超級趣緻可愛！ 總括：喺燒海鮮嘅時候，店長會好親切有禮咁同我們講解每款海鮮應該燒嘅時間火候先係最好，而且仲會親自幫我們燒啲海鮮，真係值得讚賞！

翻查舊文記錄(舊文)，第一次來Hotel sav是去年四月，那時酒店才剛剛開張，來吃他們的自助晚餐，令我最印象深刻的是Palette餐廳內的五顏六色佈置及精緻的式的甜品。

相距一年，又來Palette吃Buffet，今次有新嘢喎! 晩餐主題叫做「夏‧逸私房菜及海鮮爐端燒自助晩餐」。

Palette地方細，對於擺放大量食物則有點局限。今次以私房菜做主打，對餐廳來說是可以慳到擺位的。而且講得是私房菜，自然可以經常轉換不同菜色，靈活度較大。

這晚的私房菜色有四味「桂花茶薰鴨」，醬汁十分濃郁，味道帶著獨特香甜，肉質也肥厚，個人十分欣賞。「黑蒜中蝦粉絲煲」，蒜味略嫌未夠突出，但粉絲就煮得爽滑而汁料的份量也剛好。

另一主打: 海鮮爐端燒用一隻艇仔形狀的器皿來擺放海鮮，頗有心思。海鮮包括有鮑魚、元貝、大蝦等，客人可自選兩款，然後即叫即燒，風味十足!
甜品區:佈置成沙灘般，夏日的感覺十分強烈。甜品款式亦貫徹酒店的七彩及的式風格，提升了不少食慾。這個大西瓜其實是蛋糕，加入了西瓜汁，做得趣緻而又真的富有西瓜味道和質感。除了自助菜色外，晚餐還包一客燉品。這客「迷你佛跳牆」，雖然像茶杯般細細盅，但內裡有齊鮑魚、海參和冬菇等名貴材料，十分滋補，這個就是回本之選了。
(全文在網誌)

話說前幾天和朋友玩了一個心理遊戲，最後測試到的結果，在我人生中最重視的先是金錢、其次是家庭、事業、健康、性愛。不得不承認，筆者是很重視錢，亦確信很多人也和我一樣，從來沒有人嫌錢多，只會有人嫌錢不夠花。

現今社會什麼都講競爭，人一出世就要贏在起跑線，什至未出世已經要計定射精日子。自問早已輸在起跑線，輸在沒有父幹，但旦求穩穩定定做個打工仔，每個月安穩地出糧儲錢，為的只是希望將來有一間屬於自己空間的小蝸居。這天和朋友相約到Sky726吃個晚飯，餐廳位於商業大廈的25樓，居高臨下，靠窗位一遍落地的玻璃，高挑街外城景，感到每一個香港人都為一橦橦四面牆而奮鬥，不禁想起林奕匡的一首---高山低谷「幾多人位於山之巔俯瞰我的疲倦，渴望被成全，努力做人誰怕氣喘。但那終點，掛在那天邊」，更見稀虛。除了落地玻璃外，餐廳室內設計都幾骨子，兩部電梯之間刻畫了一雙翅膀的油畫，中間高掛用籐繩編織出來的巴黎鐵塔，充滿獨立的個性。餐廳的中央放置小型酒吧枱，星光璀璨，最後的位置是半身玻璃的廚房，可以直望廚師製作烹煮食物的情況，看到廚房環境乾淨，員工純白制服看得到的整潔，令人感到衛生又安心。餐廳有供應set dinner，包有餐湯、雜菜沙律、主菜、甜品和飲品共五道菜，當中主菜一共有五款選擇，如法國鵪鶉、咸肉南瓜意大利麵、龍蝦牛油意大利麵拌虎蝦、燒慢煮麵豉三文魚、香煎西冷扒等，價錢由$338-$418不等。甜品則可選擇水果雪葩或加$50升級至香濃朱古力軟糕。參考緊餐牌時，員工便走過來遞上一部mini iPad，各款mocktail和cocktail的介紹、賣相都可以在mini iPad一次過睇曬，非常方便。和朋友商議好之後，決定叫兩杯cocktail，所以食物上不想叫太多，結果點了一人套餐再另叫一碟主菜share。香草包
明明只是點一人套餐，但員工見我們share，於是便多送一個餐包，實在太好人啦。餐包是香草包，和暖而鬆軟，雖然香草味未算濃郁，但拌上橄欖油和果醋，總算香口。

南瓜忌廉湯

0

南瓜忌廉湯

南瓜忌廉湯
小妹除了喜歡龍蝦湯之外，排行第二就是南瓜湯呢。這道是日精選的南瓜忌廉湯連小妹都很欣賞。南瓜湯雖然不難煮，但就是不喜歡有些餐廳太過著重忌廉比例而令南瓜只有其味而無質感，感覺太假。相反，這裡的南瓜和忌廉得到很好的比例平衡，南瓜香濃清甜也能認真吃到絲絲蓉狀糜爛質感，忌廉只是輕輕灑下，也能增加湯質厚度奶滑而沒有佔據南瓜的口感。

南瓜忌廉湯

0

南瓜忌廉湯

雜菜沙律
很多人對芝麻菜的評價都平色千秋，有人獨愛芝麻菜獨特的麻香，亦有人忌諱它的苦澀味。若然閣下是後者的話，筆者會鼓勵你大膽嘗試這個雜菜沙律。皆因廚師一早把橄欖油和果醋與沙律菜混和，令雜菜得以軟化入味，柔軟而質感潤澤，不會吃到一口腔都是油。再加上麵包糠都是看得出新鮮剛炸起的，表面帶有光澤亮面，入口還有感覺到炸起餘溫脆口，絕非平常袋裝麵包糠所媲美，表面灑上的芝士粉，整體調和得新鮮咸香，誠意度很高。Black Tommy($98/glass)
賣相和一般紅莓汁無太大分別，但一飲而下，唇邊便會直接黏到杯邊舖沾上的胡椒粒和海鹽，咸咸麻麻的刺激感覺立即爆發，令人頓時醒神不少。果汁入面溝有檸檬汁、紅莓汁、墨西哥辣椒汁、龍舌蘭糖漿和酒，看似健康輕盈的果汁，酸甜易入口，不過飲了四分一，酒精便發揮作用，「我最初臉紅，現在雙眼通紅」，大概是這樣了。Sliver Screen($70)
徐非你自問十分熟悉cocktail或mocktail的飲品，小妹並沒有細心咬文嚼字飲品的介紹，幸好還能看過mini iPad入面的照片，才知道這杯Sliver Screen的賣相如此有趣。

用朱古力果漿和濃縮咖啡打磨成的沙冰，面頭再舖滿焦糖爆谷，正好為小妹在剛才吃飯之前看電影時未有買爆谷而來一點安慰。不僅賣相可愛吸引，味道也是可人兒，不愛酒精的朋友值得一試呢。

香煎西冷扒

0

香煎西冷扒

香煎西冷扒
點了七成熟的西冷扒，上碟時看到密麻麻的烤紋紋路，深紅顯明地散發著濃郁的碳焦香，這種香噴噴的氣味簡直迷倒不少味蕾細胞。急不及待切一口，深竭色澤的外表內藏粉紅粉紅趣緻的膚色，沒有討厭可怕的血水滲出。寫到明有10安士或280gm的份量，上碟份量適中，長型比手掌大些少的西冷扒，成品賣相令人滿意。看得出廚師十分信任西冷扒的質素，在制作過程中沒有放下太多黑椒、海鹽或香草去調味，基本上全靠西冷扒內藏脂肪迫出的油份，潤澤豐富其肉質，入口全是啖啖肉而無筋。沒有太多調味料的配搭，連芥末醬都省下，味道層次方面較為簡單，但吃到是最單純濃郁的肉香，香烤迷人，肉質雖不算超嫩而有待改善，但整體肉汁豐富，肥膏不多，表現什佳。意大利手卷意粉拌野菌巴馬臣芝士($168)
餐店在餐牌上一早寫明了「意大利飯和意大利麵條皆採用傳統烹調方法，質感較硬，如需要軟身質感，可在落單前告知服務員。」原本筆者都無為意，幸好落單時員工再一次的溫馨提示意大利粉會有點偏硬，可見餐廳對客人對食物口感的追求執著。

意粉有如銀針粉的大小粗幼，煙韌軟熟。以為野菌和黑松露是不可分割的情侶，原來沒有黑松露的依靠，野菌都可以散發迷人清新的菇香，配搭洋蔥和胡蘿蔔碎，清甜爽脆，整體充滿健健素食元素，令人百吃不厭。

Chocolate Pate

0

Chocolate Pate

Chocolate Pate

0

Chocolate Pate

Chocolate Pate

0

Chocolate Pate

Chocolate Pate
套餐的是日甜品是朱古力軟糕，採用72%濃度的可可粉，軟糕十分挺身偏硬，甘味太強而小妹有點受不了。幸好表面帶有少許柚子絲和Oreo曲奇碎挽回一點甜度，加上拌上的雲呢拿雪糕，看到點點的雲呢拿籽，可看得出餐廳的用心並非普通用上精油，而雪糕底下墊有香脆的杏仁片，一脆一軟的口感，突顯雪糕的軟心甜美，令人留下深刻印象。Lady in red($85)
員工極力推薦他們的新出甜品Lady in red。一上碟，玻璃碗底墊下的乾冰瀰漫著煙霧，冷霧茫茫圍繞碗中鮮紅的河海，血染的風彩令人看得撲朔迷離。煙霧散後，呈現的是一球艷紅的野莓雪葩，表面插有蛋白碎，清新酸甜，極度醒胃，底下墊有檸檬意大利的軟芝士，微微咸香，柔滑軟身，口感迷人。

熱咖啡

0

熱咖啡

熱咖啡
最後來一口熱咖啡，即磨的口感，微微的果酸柔柔浮現，略加一點淡奶調和，能調製出合心意又甘香醇厚的啡香。最欣賞的是，淡奶也經過加熱，好讓淡奶混合咖啡後也不會影響溫差，實在貼心之舉。完美的一頓晚飯，令愁緒的煩惱暫時消失，但林奕匡的歌曲早已埋藏在腦海中，香港人還要繼續為未來加油。

Initial Ice Cream 熱潮一浪接一浪！
今次出到分男仔女仔！

自己一個放假做FACIAL無無聊經過，
買左杯女仔試下個奶茶！
個奶茶味好香，堅似飲緊EARLY GREY版MILK TEA！
而個塊女人餅乾好搶鏡！
ELEGANT又呃LIKE XD
WHITE FOR WOMAN~BLACK FOR MAN! COOL!
透心涼

由於此黑店應該同Openrice買咗大量好評，所以好似我地食過後，拎自己寶貴時間去寫嘅真實評價，就變得無價值嗎？就無得公開比大家睇嗎？


經過考慮後決定修改一下食評，因為真心好想比大家知道，呢間餐廳真係黑店，唔想大家上當被騙。

首先係街到你會見到有個打折嘅宣傳牌（有隱藏條款，唔理男女老幼，全枱必須要比手機佢哋檢查有冇喺Facebook follow咗先）


呢張係餐牌，呢個價錢已經可以係唔少出名嘅韓燒餐廳食，甚至貴過佢哋。


首先點咗海鮮，個海鮮同圖片完全唔一樣，未完全解凍，帶子勁腥味，食得出係急凍海鮮。


之後點咗個牛舌條同牛肉，因為食物唔新鮮，所以黑店需要放喺急凍，客人要先攞出黎。所以肉拎到黎枱面，係「完完全全」未解凍過，非常硬。牛舌肉質非常硬，無牛味。牛肉肉質好乾，無肉汁。


最後仲點咗個豬腩肉，都係「完完全全」未解凍過，都係非常硬，話就話有調味，但其實只係一啲醬汁，查咗係啲未解凍嘅豬肉上面。豬肉唔入味，食起上黎口感好差，無肉汁，一燒就縮水。


最後，係黑店由坐低，到食完埋單。成個過程個幾鐘，竟然連一杯水都無拎過比客人，亦冇問過需唔需要。


「下面先係真正食後嘅感想」
「下面先係真正食後嘅感想」





話說某日夜晚，揸車經旺角，因為太夜，好多食野嘅地方都閂左門，因為此垃圾店門口招牌實在光得有啲過份，所以咁橋比我見到佢門口有個發曬光嘅廣告牌寫住幾點入坐有折扣，咁就入咗去食。

一入咗去原來就係惡夢嘅開始，首先入去之前你要用你雙手好大力咁拉開一個好重好難開嘅門，跟住入到去你會發覺冇人會招呼你，即使你好大聲咁同啲店員講「唔該！兩個位呀」，佢地都似乎聽唔到，不過見到當時全店只有兩個員工，咁我心諗都算啦，可能佢哋忙得濟姐，之後終於都有個店員留意到我，最後幫我安排左兩個位。
跟住我同女友一坐低，一個疑似店長嘅店員「四眼仔」（主角）就行埋黎，第一句即刻同我地解釋，門口嘅折扣優惠係唔包括套餐同野飲嘅，咁我心諗梗係冇問題啦，好正常！跟住就開始落單叫嘢食，但當我地睇緊餐牌嗰陣時，果個疑似店長嘅店員就行過黎瘋狂推銷套餐，話其實套餐雖然冇折扣，但其實比折扣左嘅單點野更加抵食，當時覺得好無奈，因為我地都簡完食咩，疑似店長就有必要再推銷啲套餐咩？兩個人姐，兩百個人咩，當時心諗，所以當時無理佢。

之後當我地點嘅野一碟一碟咁送到黎我地枱面，我哋就一次又一次咁受到嚴重心理創傷，因為嚴重貨不對辦，再一次證明「圖片只供參考」嘅威力有幾大！

之後前面發生嘅野都算啦！但我之後就發覺原來呢間餐廳衛生情況非～常～差。。。首先烤盤上有大量白色粉狀物體，之後當然係叫疑似店長嘅店員換咗佢啦。再之後當我準備用生菜包住啱啱燒好咗嘅五花腩黎食嘅時候，發現原來包住件五花腩嘅生菜上，竟然有大量嘅深色物體，原來係「泥」呀！！！即時叫女友唔好食住，之後每次用生菜包燒好嘅肉之前，都會睇清楚片生菜同埋用紙巾抹一抹。仲有最重要嘅就係，我其實要求過換過幾次餐具，之後個疑似店長嘅店員就同我講：「對唔住，我哋嘅洗碗工新請返黎架。」不過佢都到咗協，最後都算啦，出嚟食預咗污糟架啦。

再之後，我哋兩個食咗一個幾鐘，完全無店員為我地收過一隻吉碟或者再問我哋有冇咩需要，最後我地成張枱都係吉碟同垃圾，同埋我廿幾歲仔，從來未入過一間韓燒餐廳，佢連半杯水都唔會比你嘅。

最後，所有嘢都算啦，當自己唔好彩入咗間黑店，但到底係咩原因，會令一個原本無Openrice帳號嘅人，開帳號，再拎自己半個鐘嘅光陰，去打呢篇千幾字嘅文章呢？

原因如下：
原來一開始見到個係行人路上着晒燈嘅廣告板，係有一個隱藏條款。當我買單嘅時候，果個疑似店長嘅店員就同我講：「你地喺Facebook嗰度follow左我地未啊？」當時我攞住我張信用卡，目定口呆咁望住個疑似店長嘅店員，之後我話出邊個燈箱廣告根本冇寫，點解依家買單先講？之後我都無所謂啦，拎個電話出嚟，打幾個字，禁幾個制姐。當我準備再俾我手上張信用卡買單嘅時候，個疑似店長嘅店員再次同我講：「對唔住，我都係唔可以比出面廣告板個折扣優惠你！」佢話需要所有同枱食野嘅人都要一齊喺Facebook到follow佢哋，之後火都黎，不過我女友息事寧人，叫我埋單走人算啦，當自己唔好彩入咗黑店。
點解一間餐廳可以咁樣強迫啲食客，買單前一定要follow左佢哋Facebook先？真係咁想搏啲免費嘅宣傳？做生意唔係咁做嘅。咁想免費宣傳，我依家就幫你地宣傳。

仲有講漏左一樣野，就係個疑似店長嘅店員，其實提供好多好貼心嘅服務，就係幫你哋燒下野，但「大前提」係：你張枱必須全部係年輕女性。


總結：
食物：唔新鮮，貨不對辦
衛生：疑似店長：「我哋嘅洗碗工係新請嘅！」
環境：都ok
服務：差
價錢：物不所值