朋友食完呢度個無限任食牛扒之夜後大讚抵食，心思思又想黎試下，組隊四人齊齊刷餐勁嘅先，四人同行有九折！ 嘩嘩，好彩有book位咋，黎到差唔多爆場，全場男仕居多，不過都有不少一家大細。店員態度友善，好快就帶位，仲即刻幫我地落份牛扒😙店員還介紹了外邊的自助bar同飲品list，價錢明碼實價，可以轉酒水或特飲。 現場打卡share即送生蠔，每個like送兩隻，同行友人不太喜好生蠔，正好可以一個人獨享。生蠔十分鮮甜，加少少檸檬汁已經好正。 牛扒來了，份量不細呀～厚切加上大大塊，好吸引！😍 熟度無得自選，店員話一般都係五至七成熟，個人要求不高，覺得由廚師話事絕對無問題，切開來很嫩紅，肉味濃郁，肉汁也不少，絕對係靚牛扒來！好正好正！😍😍 自助bar不算太多選擇，但一般沙律，熱盤都有，沙律菜新鮮爽口，加點點黑醋調味，正好去去食了咁多肉的油膩感。 薄餅十分受歡迎，一拿出來就及人拎光光了，餅底好脆，芝士香口，很不錯。 還有三文魚，不過不是刺身來的，是用醋調過味，感覺較像沙律。麵包香軟也很好味，枱上有橄欖油同黑醋，正正正。 甜品不是任食的，食飽飽就叫店員上埋甜品，甜甜圈太甜太硬，雪糕倒是很香滑，個人喜歡甜覺得還可以啦，不好甜的朋友則有一點點失望。 餐飲轉了peppermint tea（+$5），一整壺上的，好香😋食左咁多肉同甜野，飲番杯茶好舒服，咁大壺仲可以慢慢嘆。 朋友要了ice latte （+$4），啡味ok，要了少甜甜度剛好。 一般西餐食塊靚扒都要二百啦，呢度二百幾蚊人頭就可以任食，而且塊塊都係靚野黎，唔會食完第一round就完，食肉獸絕對會愛上。 PS，店員話唔食薯條可以要求走條㗎。 PPS，我地四個人好似食左七塊，真心好味，唔係為歸本而食。

真心抵！90分鐘無限任食澳洲牛扒！收到消息牛頭角有一家牛扒放題餐廳，立即召喚一班食肉獸一試！位於工厦位置，不算難找，餐廳佔地甚廣，有空間感，而且環境頗有情調（笑）情侶拍拖都ok（尤其是女方也是大胃王的話）每位$238，四人同行額外有折，包無限頭盤（自助形式）和主菜牛扒，一杯飲品和一份甜品。入座後，店員主動下單，兩人share一份牛扒，我覺得合理的，反正在坐全是老友，分享更是美味！ 每位客人like facebook送生蠔兩隻，在坐吃生蠔的朋友只有兩位，就不貪心要了四隻就夠。朋友說生蠔新鮮好味。老實說，如果牛扒質素『有番咁上下』，這個價錢吃一塊已經不算貴。就外觀來說，又如中級餐廳擺盤，附薯菜，有姿勢有實際！ 切下牛扒，肉汁四溢！問過服務員，牛扒基本上是五至六成熟，正對我胃。（但如果你特別要一成或全熟，我就不知道可否這樣做了，畢竟是大量製作嘛⋯⋯） 牛味濃，且帶碳香，水準甚佳！個人覺得無需沾任何醬料，原汁原味最棒！我們一行四人，共吃了六塊，一次過滿足期待已久的牛扒盛宴！不得不說，點了六次牛扒的水準依然維持，沒有一塊過熟又或是特別肥之類的。上菜速度正常，亦沒有因為是放題就漏單或是拖慢出菜速度。服務員在第二次添牛扒時會問客人還要不要薯條，不會特意用多多薯條餵飽客人，反而以『不要浪費食物』作出發點，實在值得一讚！ 頭盤小食自助形式，目測refill速度一般，或者是我們坐的位置不太近，去到的時候通常已杯盤狼藉（汗）不過我覺得ok的，醉翁之意不在酒，我也非為頭盤而來嘛。沙律菜新鮮的，還有我最愛的火箭菜，吃了一盤沙律，減低剛才吃牛扒的罪惡感（苦笑） 加了$15換了升級甜品朱古力心太軟一客，其他是是日甜品士多啤梨冬甩加雪糕。甜品一般，驚喜就沒有了，但味道我覺得是可以的，大家一樣吃得很開心（笑） 飲品種類都挺多，點了green tea latte 和 latte，味道就… 只可以說，non kitchen的主角太～～～出色，令到牛扒以外的食物都變得不重要。這個價錢絕對是抵到沒話說，吃過這一餐，大家已經約定下一次再來了！大力推介！！

約左2個舊同事食飯, 因為大家都冇咩所謂, 最近睇報紙見到有新餐廳就去試下~
又因為係megabox, 平日人流唔多, 所以就唔會限時限刻鎖死時間冇得傾計，同埋周圍有d機械人係到幾得意～
 
3個人, 叫左4樣野, 有3樣都係o係報紙見到推介的~
首先叫左唔係推介o既春卷, 跟一個小小的沙律
(早知唔另外叫個沙律啦)

之後就係燒牛肉青芒果沙律, 個燒牛肉都算入味~

第3樣係炭燒羊扒併黃咖哩, 加蒜蓉包
羊扒好食~~ 有3支, 1人1支岩岩好, 黃咖哩唔係好辣, 岩我唔食得辣gei人

個蒜蓉包就不過不失~~ 跪跪的~
最後1樣就係主打果樣啦~ 燒雞黃薑飯~
隻雞一到, 先知原來d飯係釀左入個雞入面, 所以d飯好香好入味~

同埋個雞一d都唔老, 幾嫰呀~~~ 正~~
影完相，姐姐會過尼幫你切開隻雞，要俾like!
一間餐廳除左食物，我都好重視service
所以下次有機會, 我都會再幫襯架

放工收到一玄派的宣傳單張，有不同款式日式火鍋，係觀塘好少有!!!
就約埋一班朋友去試一試，一同8人，ORDER 3個上撰海觧貝盛合、3個特上豚肉鳥盛合、2個限定上素菜盛合。

其中有三位朋友只食素食，一玄特為素食人士提供素食火鍋配料，有不同素肉，如素鮑、素魚等等，還有不同鮮菇!!!

火鍋上的配料好豐富，而份量亦都很大，一定夠飽!!!

最愛的係上撰海觧貝盛合，生蠔十分肥美又鮮甜，仲有魷魚、大蜆、魚柳等等

另外特上豚肉鳥盛合，有黑豚肉、羊肉、豬腩肉片等等

至於湯底方面，選擇麻辣湯底、豬骨湯、清湯!!! 麻辣湯底非常夠辣，而其他兩個湯底都很濃味!! 仲有得唱K，好岩一班朋友一邊唱K 一邊打邊爐
環境好適三五知己傾計食野!!! 十分推介!!!

去年我曾寫過一篇文章關於抹茶餐廳的文章，
朋友們由始認定我是抹茶控，
所以都紛紛相約我去吃抹茶的東東這店在轉角位置，店舖滿細小，
容納人數不算多(若20多個位左右)，幾乎每次去都要排隊呢～
我去過好幾次，大概都要等上10-15分鐘左右才入座。
還好店員服務蠻好，效率滿高，
我們等候時也不覺煩躁喔

不過值得一提：Via Tokyo沒有預約服務，也要人齊才可入座。
我看過有客人為了等齊人(大概八個人左右)跟等有位置，
待我吃完離開時還沒入座...所以不太建議大夥兒一起去喔～來到Via Tokyo...
當然要一嚐他們的Matcha Latte♥
我覺得味道適中，抹茶香味突出而不會太甜，
喜歡抹茶的朋友可能會覺得略少了甘味。
其實...我認識這店也全因為被他家的拉花給吸引了
網上看分享的相片圖案可是五花八門~
所以我想應是可以指名要甚麼圖案的(當然要店員方面也願配合)...
第一次朋友點了簡單的龍貓款式，
沒想到店員還在旁邊加了四顆心，光看也覺得甜在心頭之後得悉原來還有特別的布丁狗款，
所以馬上相約布丁控的好友來淺嚐一下～
剛好會弄布丁狗的店員還沒回來，
所以我們等待了好一陣子...
到一起看著杯上的布丁狗...
真的有種：果然等待是值得的感覺XD由於我沒有說想點甚麼樣的飲料，
所以就隨便來一杯小熊的好了～
沒想到是...這樣充滿元氣的熊喔～
眉毛位簡直是畫龍點睛除了熊子圖案外，還有簡單一點的貓款，
它有舌頭～有有舌頭～有有舌頭耶～
不知為甚麼我覺得好像招財貓喔 拉花飲品外，
店內另一款皇牌甜點就是抹茶雪糕了
題外話：
我跟朋友們有後侮沒分開點了Latte跟雪糕...
結果它們是同一時間送上...
我們為了趁著雪糕未融化前吃掉，
Matcha Latte只可擱在一邊，結果在圖案掉光跟冷掉時才喝 (嘆氣)其實雪糕可以堂食或外帶的
學生還有優惠呢 (這時候會特別懷念曾經擁有的學生證)
我跟朋友們點了兩份雪糕淺試一下～第一款是白玉抹茶雪糕
其實還有另一款白玉紅豆抹茶雪糕，但個人不太愛好紅豆，所以光點了這款～
(雖然抹茶跟紅豆是絕配，我卻獨愛抹茶...)雪糕細滑而帶茶香，
旁邊四顆白玉滿大顆，但不算煙韌，顏色跟味道是亳無關係，
搭上雪糕一起吃很有咬感。
嗜甜的我覺得甜味可以再多一點，
所以配合附有的一小杯黑糖蜜吃，味道更是錦上添花♥
(當然不可以沾太多，不然茶味會給蓋過，那就沒意思了)如果想嚐多一點，又怕吃太飽的朋友們，
必定要試一下這款甜品3種Set
它的英文名就是Sample Set，
顧名思義就是給人小試一下三款甜品，
合胃口的可以再點大份囉 (大小方面可跟上四幅圖對比)
這款跟前者差不多，
也是有抹茶雪糕跟白玉，只是多了紅豆蓉跟黃豆粉蕨餅(另有黑糖蜜)黃豆粉蕨餅是我覺得滿驚艷的甜品，
跟雪糕一起吃，口感比配白玉的更出色～
下次去會光點這款甜點跟朋友分享呢

今日去了李家隔離新開的新村BBQ試下，因還未到晚飯時間，所以不用等位，店裡只有8張左右的圓枱，每張枱都可供客人燒烤的，店裡的特式是牆上掛滿了很多星星的劇照最初還以為這裡只是食烤肉的，再看看餐牌後，原來都有近期大熱的炸雞啤酒供應，於是我們就叫了一碟(一半一半)原味炸雞加甜酸炸雞，這裡的炸雞是無骨的，食落去全部都是肉，而且賣相都好吸引，原味炸雞味道不錯，但甜酸雞的味道比較甜當炸雞吃到一半的時候，之後再叫了烤豬頸肉和烤牛肋骨肉，烤肉來的時候會跟幾碟前菜(有泡菜、酸蘿蔔一片片、酸蘿蔔一粒粒、點烤肉的醬料和一碟菜等)，而追這裡的服務員都是韓國人，服務員都很細心幫你把烤肉放在烤爐上，逐一把烤肉剪成細份，值得一讚烤豬頸肉味道太淡，沒有什麼味道，唯有點醬料來吃烤牛肋骨肉味道都是偏淡

由細蒲到大的元朗 -- 近年變化愈來愈大...連鎖店多了, 自由行多了, 屏風樓亦多了......好彩!! 值得幫襯的食肆亦多了! 而且不少都是來佬菜!! 今日兩個女人無所事事, 響未諗是日節目前, 友人已經再三提醒今晚要食土耳其風格, 基本上每次經過友人都有讚無彈, 奈何我次次經過不是已經食完飯就是超多人...今日終於幫襯到喇!! 

友人說等就一定要等, 爭在等幾耐! 侍應說等3,4張左右, 友人說算快喇, 所以企一邊等, 20mins左右就有位喇! 因為太多人未必安排到入店內, 侍應都會問一問介不介意~ 土耳其本身的店面不大, extra的檯檯櫈櫈都是開到出街, 亦是元朗好生意的食肆的一大特色! 介意坐街用餐者要三思! 我同友人當然不介意, 更有風味!!一坐底, 侍應就遞上menu及餐具, 都幾快手! menu比想像中精美 (笑)我同友人都鍾意食羊, 就叫了土耳其燒羊架 HK$113, 用鐵板上, 有4支羊架! 一上碟好香, 唔似係整定... 羊架有少少肥, 但略為過熟了少少, 但未至於難咬! 羊架上有不少香料, 香濃少少辣帶點孜然味道, 愈食愈好味! 初初用叉食, 之後好食到落手喇!!! 墊底的是炒過的洋蔥, 都不錯喔!之後叫了海鮮咖哩 HK$56, 初初見到好似咁細兜咁, 友人話食得曬先講野! (咁串=,=) 的確好足料, 有魚柳, 蝦, 八爪魚仔, 魷魚, 食極都仲有! 細心的是魷魚都是切成細細舊, 又不會難咬, 又入味, 一舉兩得! 至於咖哩不是很流質很稀的那款, 比較"杰"身, 味道濃郁但又不會很辣, 好正! 但我想問土耳其咖哩係咪無薯仔架呢?  有咁出色的咖哩汁又點少得烤餅, 我們叫了印度烤餅 HK$13...Order烤餅時都幾好笑, 首先呢度有十款八款烤餅選擇, 初初想叫普通烤餅, 但又想知其他烤餅有咩分別, 好奇心驅使之下就問多兩句....
問: 請問印度烤餅同普通烤餅有咩分別呀?
答: 印度有多d 牛油 (望落d有款牛油烤餅) 
問: 咁又同牛油烤餅有咩分別?
答: 牛油有落牛奶架...
(忍笑...) 都係要印度烤餅啦!唔該~

講番印度烤餅, 上檯熱辣辣, 軟軟的! 點咖哩真係一絕, 不過另一邊燶左d...

記得對上一次光顧已經是三年前...突然對2個月前仲未食到滿足的北京填鴨而耿耿於懷...剛過正月十五, 拆完利是, 頓時富貴了少少, 就相約友人豪一豪去北京樓大擦一餐啦!

店內環境依舊整潔企理, 充滿中國風, 周邊的中式陳設都一絲不苟!茶方面, 我們叫了龍井, 清香而不澀, 合我口味!um...碟開胃前菜好好味, 所以食了半碟先記得影相 第一道: 紅油抄手 HK$48 (有6粒)
先要讚一讚size剛好, 女生來說兩三啖左右就可以食完一粒! 雖然好多時都話要大件夾抵食, 但本小姐覺得size在原創時已定下大小細有其原因, 個人認為點心小吃其實都不應太大粒呢! 其二, 味道有層次!一入口就有重重的鮮肉味, 還有少少海鮮的鮮味, 估計應該是魚油/蝦的味道! 說明了有紅油, 當然辣味是其中的精髓, 辣油香就不在講, 入口時少少辣, 再食多一會辣味會慢慢沁透出來, 正!第二道, 主角出場: 北京填鴨 HK$420 (一隻)
北京填鴨沒有半隻ORDER, 散叫的話一定要一隻上, 確保即燒即切! 侍應初時說要等30分鐘左右, 20分鐘左右就已經OK, 然後會先奉上整隻烤好的鴨給我們過目, 繼而問"肉連皮切, 還是皮肉分開切?" 我比較鍾意肉連皮, 答完後就會拎去切喇! 一隻北京填鴨可以切到有兩大碟肉片呢! 當然少不得皮, 京蔥, 青瓜及秘製醬汁! 皮比印象中厚少少, 所以都算幾飽肚, 京蔥味濃, 青瓜爽脆, 加上味道剛好的醬汁...老實講, 無得彈!那麼多肉, 當然要叫碟菜中和一下, 第三道: 腿茸津白 HK$88
金華火腿的咸香味夠, 但又不會過咸, 津白煮得很"林", 每條的大小均一, 方便食用! 可惜的是份量少了些...第四道: 鴨鬆生菜包 (二食) HK$95
雖然是二食, 但味道只是OK, 有洋蔥, 冬菇粒等配料炒香填鴨餘下的鴨肉...但沒什麼特別之處, 好似浪費了試其他佳餚的Quota, 再光臨時應該不會再叫這道菜, 唯一值得一讚就是生菜都有修剪過, 方便包餡~第五道, 亦是最後一味 - 甜品 : 焗西米布甸 HK$32
落單時侍應已說明要大約15分鐘, 上枱時的確熱騰騰的! 份量大概一個普通飯碗左右, 質感不錯, 不會太稀亦不會太杰身, 中間還有少少豆沙, 不太甜, 幾好!嘻嘻...盡了最後努力都吃不完填鴨, 不是因為不好吃, 只是個胃唔生性>_<...當然不可以浪費如此美食, 一於打包! 打包都好細心, 該分開放的都分開! 回家翻熱還是很不錯呢~

早前已經約定友人睇戲, 但大家都太忙, 到今日先約得成!
友人好有心記得我就生日, 睇戲前安排了到意寧谷用餐...
話就話有信用卡優惠...但搞到我都有些少不好意思...

因友人預先訂位, 上到去就可以安排入座! Window seat 望到少少夜景, 餐廳內很寧靜, 配著柔和的純音樂, 很relax! 檯上的繍球花陳設好靚, 檯與檯之間相隔很闊, 各檯客人都有自己的空間。點菜後, 先有侍應行過來serve的Assorted Bread~我試了芝士牛角包及海苔墨汁包, 前者好好味又鬆軟, 後者只是尚可。
之後就有Amuse Bouche, 是日的是帶子配魚子醬, 剛好一匙一口! 帶子配魚子醬是很夾的, 只是帶子略為乾了一點, 但仍是很不錯的~之後就上了朋友的湯, 但忘了影相...上菜後友人只顧品嚐就知道幾有質素吧! Traditional genovese style minestrone 傳統意大利雜菜湯HK$150

而我的前菜Parma ham and cantaloupe melon 巴馬火腿配意大利香瓜 HK$265 
Parma ham一向都是我的至愛, 酒店級的更加是不可挑剔! 驚喜的是蜜瓜的味道極甜, 甜度是竟然可以蓋過ham的咸香味! 不過有好有唔好, 如不想香瓜的味道蓋過ham的味道, 反而要分開食為妙!食完前菜, 侍應奉上Nicholini's sherbet 清清口腔, 是日雪芭是熱情果味...個人可能麻麻地熱情果, 超酸...>_<清完口腔就到我的Pasta, Angel hair with lobster tomato and basil 龍蝦天使麵配香草蕃茄汁HK$415
聽說是意寧谷的招牌菜之一, 蕃茄汁是用新鮮靚蕃茄煮成的蓉的, 很濃味! 天使麵麵質剛好, 不會很硬, 就算差不多食完又不會'林'曬~龍蝦很有鮮味, 份量亦不少, 差不多每一啖天使麵都帶有龍蝦肉。 友人的主菜是Traditional veal ossobuco, saffron risotto, gremolata 傳統燴牛仔膝配紅花意大利飯 HK$495
老實說, 上菜時外表並不討好, 牛仔肉好軟身, 基本上不用用刀, 只用叉肉就已經離骨! 最出色是牛仔膝中的骨髓, 友人給少少我試, 只是一啖仔, 味道超濃烈的! 不是誇張的, 吞完後那味道還停留在口腔好一段時間, 齒夾留香...超讚!!!然後又是間場的Pre-dessert - 檸檬奶凍, 上碟時噴曬煙...要好快手影相, 哈! 可能食完濃味的主菜, 這道檸檬奶凍的確很清新, 奶味中和了檸檬酸味, 比之前的熱情果雪芭好!最後就是Dessert in Birthday Version: Nicholini's tiramisu 意寧谷意大利芝士蛋糕HK$170 
初初上碟時...看不出是Tiramisu, 一般坊間做的都是將手指餅浸酒後壓實...成圓餅型。意寧谷的則是一反常態, 將浸酒後的手指一條一條交叉放, 味道好之餘又不失美感! 酒味不算很濃, 少少濕但未至於太'林', 再配上上面的可可粉, 恰到好處~~推介!!

到現在都很奇怪...何解大煲皇那麼少食評? 就等我寫一篇啦!
屋企人跟我預祝生日, 問我想吃什麼, 其實都是一餐便飯...
左諗右諗, 諗起一家四口好似無一齊食過雞煲, 一於食雞煲!
坊間都有不少做得不錯的雞煲, 但食過好幾間都覺得大煲皇略勝一籌!
因為我已經訂了檯, 所以去到不用等, 平時walk in都幾多人架!叫了大的雞煲, 少辣! 如沒有記得大的HK$198, 小的HK$138。
一上檯超香, 那個汁真的無得彈, 除了雞, 連配角的秀珍菇及薑蔥都入味得很!食到大半, 就加湯打邊爐!
還記得初初幫襯時, 只是打邊爐, 沒有吃雞煲的!
而打邊爐亦有很多不同湯底選擇, 如花甲湯底等等...
有些還是滋潤的湯底, 可以先飲湯, 後打邊爐!
當時已經知道這裡用料不會很差, 伙計說差的話不會入貨!食雞煲都已經半飽, 只叫了手切肥牛, 響鈴, 豬頸肉, 芝心牛丸, 墨魚滑及菜!用料新鮮, 味道好, 自然就不會浪費, 最後全部都吃光光!
大家都好滿意這一餐, 生日莫過於見到屋企人開心呢!