影片
更多
2009-01-25
1752 瀏覽
之前經友人的推介, 已經來過這間氹仔的海灣咖啡屋一次印象中食物水準很不錯, 但奇怪Openrice卻没有這餐廳的資料就讓我第一個介紹給大家吧!原來海灣咖啡屋跟在媽閣附近的海灣餐廳是同一集團,難怪食物水準相差不遠~這次同女朋友來試試, 地點不太難找, 在地堡街尾(大利來附近)門口同海灣餐廳差唔多, 乾淨簡潔一入到去便有人serve你, 餐廳環境好乾淨舒服, 不是太多人, 女朋友很喜歡坐低睇下個Menu, 有lunch set, 但我地都想試其他好味ge招牌菜, 所以決定散叫, 但我地又冇頭緒, 便問一問個Waitress(本地)有咩好介紹, 佢話"lunch set啦, 抵食呀"之後就自己行左去同第二枱落單.....咁都得!? 我唯有再問另一個Waitress(菲律賓籍), 雖然佢只識講英文, 但佢好細心介紹並suggest我地叫三個菜, 炸馬介休球, 西洋炒蜆, 咖啡牛柳粒, 服務加分!!!Order後首先有麵包食, 類似豬扒包, 好熱!!!, 配牛油一起食好正!炸馬介休球($42): 炸到金黃色, 非常香口, 味道是我食過咁多間葡國餐廳最好的一間!正!中間有三粒黑橄欖, 但我不喜歡其
印象中食物水準很不錯, 但奇怪Openrice卻没有這餐廳的資料
就讓我第一個介紹給大家吧!
原來海灣咖啡屋跟在媽閣附近的海灣餐廳是同一集團,
難怪食物水準相差不遠~
這次同女朋友來試試, 地點不太難找, 在地堡街尾(大利來附近)
門口同海灣餐廳差唔多, 乾淨簡潔
一入到去便有人serve你, 餐廳環境好乾淨舒服, 不是太多人, 女朋友很喜歡
坐低睇下個Menu, 有lunch set, 但我地都想試其他好味ge招牌菜, 所以決定散叫, 但我地又冇頭緒,
便問一問個Waitress(本地)有咩好介紹, 佢話"lunch set啦, 抵食呀"之後就自己行左去同第二枱落單.....咁都得!? 我唯有再問另一個Waitress(菲律賓籍), 雖然佢只識講英文, 但佢好細心介紹並suggest我地叫三個菜, 炸馬介休球, 西洋炒蜆, 咖啡牛柳粒, 服務加分!!!
Order後首先有麵包食, 類似豬扒包, 好熱!!!, 配牛油一起食好正!
炸馬介休球($42): 炸到金黃色, 非常香口, 味道是我食過咁多間葡國餐廳最好的一間!正!中間有三粒黑橄欖, 但我不喜歡其味道><
西洋炒蜆($68): 蜆有湯浸住, 蜆肉鮮甜, 份量足(有咁多殼就有咁多肉), 但湯偏鹹, 主角還是蜆肉吧~
其間有段小插曲:Waitress(菲律賓籍)好客氣幫我地換碟, 佢放兩隻碟在枱上好讓我們將殼掉在另一隻碟上, 但Waitress(本地)偏偏拎走果兩隻碟......佢話要換碟就出聲.........真是摸不著頭痛><
咖啡牛柳粒($78): 賣相ok, 跟白飯一盅, 牛柳上面ge脆條很match, 牛柳好好好淋, 個汁仍然偏鹹, 但用來配飯食味道岩岩好, 可惜白飯份量只夠一個人......美中不足
最後Waitress(菲律賓籍)問我們要不要甜品, 想叫Souffles卻没有, 所以叫了兩個chocolate mousse($20)做甜品, 味道ok啦
埋單:$275
整體來說食物味道非常不錯, 價錢中上, 服務非常親切(只限菲律賓籍Waitress)
環境相當乾淨, 是一個值得再到訪的餐廳!!!
P.S. 1: 海灣咖啡屋在地堡街尾, 見到Haagen Dazs轉左直行便到
P.S. 2: 這裡雖有水提供, 但只是水喉水, 腸胃不適者要留意, Menu有distilled water供應 $30一大支, 其他酒水也偏貴, e.g.一罐Heineken $22
P.S. 3: 洗手間相當乾淨, 我女友要我特別話比大家聽=="
張貼
