一竜拉麵專門店 (已搬遷) 新店位置

過到黎澳門不外乎食葡國菜同豬扒包，個fd話唔好咁悶，見到呢間拉麵店好近大三巴，喺果邊映完相去食就岩岩好嘞，間拉麵店個位置都有小小隱蔽，好彩有個阿姐喺條路度舉牌，跟手仲送左張coupon,話食拉麵送汽水一入到舖頭，已經聞到好大陣濃烈嘅龍蝦味，原來呢個味係出自呢間舖嘅主打湯底，濃就濃，係“濃“蝦湯底！我揀左限定王，今個月嘅限定王係招牌麻辣叉燒烏冬，個fd就揀左白竜醬油味我果個一上枱已經有好濃嘅蝦味，食落果下但又唔係好覺，不過佢嘅麻辣都幾得意，因為我揀左小辣，佢啲辣係淡淡嘅辣，好惹味，另外啲叉燒粒都幾入味，有啲似五香肉丁咁，仲有隻温泉蛋，烏冬都幾彈牙，但份量就好似爭小小呢個就係白竜醬油味，呢個聞落就無咁“濃“蝦味，但呷一口湯反而蝦味超濃，配合拉麵食好好味，有叉燒同半隻溏心蛋，份量差唔多之後叫左個炸雞，餃子同炸軟殼蟹，炸雞雞肉好嫩滑，而且份量都ok,一客都有五件啖啖肉，餃子嘅皮算薄，涵料好豐富同keep到肉汁，沾埋餃子醋就平衡左肉膩感，最後就係炸軟殼蟹，一客一隻，啖啖肉，炸粉唔厚，亦都唔算油膩，都係唔錯嘅選擇！