92
40
9
等級2
15
0
2019-10-20 2699 瀏覽
我同家姐兩個人要去澳門威尼斯人聽演唱會,所以特登提早到澳門睇吓有咩好嘢食,網上見到呢一間食評唔錯,又見攞好多獎,價錢合理,地點又喺氹仔舊城區,方便食完之後行過去威尼斯仁酒店,所以去食下。晏晝接近2:00到達餐廳,服務生話有一張枱賣緊單,所以等左5分鐘左右就入得去,俾咗張二人枱我哋坐,張枱唔大唔細OK啦,好快就比兩杯水同Menu我哋,我哋仔細睇咗Menu上嘅選擇,見到其實牆上面也有其他手寫餐牌,所以都幾多嘢食,但因為得兩個人所以叫唔到太多嘢食,雖然係咁,今次嘅餐飲體驗令我好難忘,覺得值得推介!叫咗個葡式乳豬釀飯($178),上嘅時候熱辣辣,乳豬皮好脆,肉質嫩滑多汁,名副其實嘅必食招牌菜,炒飯底有橄欖,好香好好食,想講即使後來乳豬飯涼左少少,但係個乳豬皮仍然keep到好脆,非常高水準!另外叫咗個芝士薯蓉馬介休焗酥皮($98),每次去澳門食葡菜我一定會叫馬介休,因為本身好鍾意食薯仔。上嘅時候一碟有兩個,每個size都有手掌咁大個,仲要係落足料,如果女仔一個人食一個其實都會幾飽幾滯。薯蓉有煙肉芝士加洋蔥,好好食,啲薯蓉唔會太溶,會有啲薯粒咬吓,好明顯真係人手壓用心做;至於酥皮夠薄夠脆仲要超香牛
更多
我同家姐兩個人要去澳門威尼斯人聽演唱會,所以特登提早到澳門睇吓有咩好嘢食,網上見到呢一間食評唔錯,又見攞好多獎,價錢合理,地點又喺氹仔舊城區,方便食完之後行過去威尼斯仁酒店,所以去食下。

晏晝接近2:00到達餐廳,服務生話有一張枱賣緊單,所以等左5分鐘左右就入得去,俾咗張二人枱我哋坐,張枱唔大唔細OK啦,好快就比兩杯水同Menu我哋,我哋仔細睇咗Menu上嘅選擇,見到其實牆上面也有其他手寫餐牌,所以都幾多嘢食,但因為得兩個人所以叫唔到太多嘢食,雖然係咁,今次嘅餐飲體驗令我好難忘,覺得值得推介!

叫咗個葡式乳豬釀飯($178),上嘅時候熱辣辣,乳豬皮好脆,肉質嫩滑多汁,名副其實嘅必食招牌菜,炒飯底有橄欖,好香好好食,想講即使後來乳豬飯涼左少少,但係個乳豬皮仍然keep到好脆,非常高水準!

另外叫咗個芝士薯蓉馬介休焗酥皮($98),每次去澳門食葡菜我一定會叫馬介休,因為本身好鍾意食薯仔。上嘅時候一碟有兩個,每個size都有手掌咁大個,仲要係落足料,如果女仔一個人食一個其實都會幾飽幾滯。薯蓉有煙肉芝士加洋蔥,好好食,啲薯蓉唔會太溶,會有啲薯粒咬吓,好明顯真係人手壓用心做;至於酥皮夠薄夠脆仲要超香牛油味,真係好好食,當然食完之後付出嘅代價就係要勤力做運動消耗返。

總括來講,我非常推介呢間餐廳。如果食飯時間來應該都要排隊,所以如果不想排隊,最好就提早少少或者過咗食飯時間先來就好啲。這間餐廳仲有好多嘢食,見其他枱有叫葡式焗麵包雞、葡式咖喱炒蟹(見隔離枱食客食到連手指都吮埋)、檸檬白酒炒蜆等等,下次一定會再嚟試吓其他菜式。
50 瀏覽
0 讚好
0 留言
79 瀏覽
0 讚好
0 留言
48 瀏覽
0 讚好
0 留言
60 瀏覽
0 讚好
0 留言
96 瀏覽
0 讚好
0 留言
45 瀏覽
0 讚好
0 留言
35 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-10-19
等候時間
5 分鐘 (堂食)
人均消費
$150 (午餐)
推介美食
  • 葡式乳豬釀飯
  • 芝士薯茸馬介休焗酥皮