更多
2020-06-19
251 瀏覽
呢間「飄亭。鰆駅」位於塔石圖書館後街的一間日本料理店，距離飄亭蛋包飯不到5分鐘路程，拉開木門第一眼見到師傅們料理緊食材，bar台座位只有幾個，雖然位置不大，但個人認為幾有氣氛，聽住日文歌，師傅一邊用台式國語交流，一邊料理緊刺身，暫時解到下想去台灣日本旅行心情。特別提醒無論平日定假日建議提早訂位，感覺walk in 到的機會不大。.除左有固定餐牌外，基本上有齊日料鍋物、壽司刺身、燒物、天婦羅、丼飯等，每次去仲有一份手寫當日飛機魚貨✈️清單，而且不得不提有Omakase，下次一定要試試。.頂級肉眼壽喜燒 ($368)日本清酒300ml （壽喜燒換購價$2)當日新鮮刺身盛合 5種 ($288).刺身盛合選用當日5種新鮮食材，刺身整體感覺新鮮，兩種魚刺身肉質香口，魚皮較彈牙，蝦刺身鮮甜。.期待值最高係「壽喜燒sukiyaki」，加兩蚊換多枝清酒🍶，有鍋點少得酒先😍，另外會跟兩個白飯同兩隻日本生蛋。食材方面有牛肉、大蔥、洋蔥、冬菇、秋葵、金針菇、南瓜片、蓮藕片、豆腐、芋絲、菜等，店員先將鍋熱鍋，將洋蔥絲炒香，倒入壽喜燒汁喳喳聲，上次就係比隔離台「喳」一聲吸引住🤤，之後想點煮按個人發揮，服務態度好好
.
除左有固定餐牌外，基本上有齊日料鍋物、壽司刺身、燒物、天婦羅、丼飯等，每次去仲有一份手寫當日飛機魚貨✈️清單，而且不得不提有Omakase，下次一定要試試。
.
頂級肉眼壽喜燒 ($368)
日本清酒300ml （壽喜燒換購價$2)
當日新鮮刺身盛合 5種 ($288)
.
刺身盛合選用當日5種新鮮食材，刺身整體感覺新鮮，兩種魚刺身肉質香口，魚皮較彈牙，蝦刺身鮮甜。
.
期待值最高係「壽喜燒sukiyaki」，加兩蚊換多枝清酒🍶，有鍋點少得酒先😍，另外會跟兩個白飯同兩隻日本生蛋。食材方面有牛肉、大蔥、洋蔥、冬菇、秋葵、金針菇、南瓜片、蓮藕片、豆腐、芋絲、菜等，店員先將鍋熱鍋，將洋蔥絲炒香，倒入壽喜燒汁喳喳聲，上次就係比隔離台「喳」一聲吸引住🤤，之後想點煮按個人發揮，服務態度好好，但如果可以簡單推薦點煮會更好！
.
淨食牛肉片已經好夠味，蘸生蛋汁後更滑😍，配菜味道同個壽喜燒汁結合，甜甜地撈飯食一流，配多杯清酒氣氛即時到位。
_
⭐️ 需加一服務費
⭐️ 建議提早訂位
張貼
