更多
2021-07-31
888 瀏覽
「奧羅拉Aurora」係我收藏口袋清單裡最想試的一間，趁住慶祝活動過來試下先。餐廳主打意式美食，環境開闊，陽光透過落地玻璃打入去，感覺幾舒服，可以訂位時跟服務員講需要坐靠窗邊位置。廚房開放式，好容易見到廚師調理的畫面，另外餐廳內更設酒吧調製各款雞尾酒和飲品，晚上食飽飯可以出戶外露台望住夜景飲番杯！.今次選擇中午過來食飯，目前除了單點外，另提供一系列午市套餐，分別是單人二道菜、單人三道菜以及二人午膳套餐。兩個人的話個人建議叫呢個 #二人午膳套餐 ，有沙律、湯、主菜、薄餅、甜品和飲品，而且一個咁靚咁舒服環境入面用餐，坐窗邊位望住藍天白雲，人均都只係一百五左右🤩，完全平過出面cafe食飯啦，午市整體CP值不錯！.~~~~~~~~~~~~~~~~~~~~~~~~~二人午膳套餐 ($258)前菜：羅馬生菜沙律 / 粟米濃湯主菜：炸魚柳青豆意大利燴飯薄餅：意大利辣肉腸薄餅甜點：雲石芝士蛋糕飲品：咖啡 或 茶 或 果汁是日推廣生蠔半打 (約$40-50/隻)~~~~~~~~~~~~~~~~~~~~~~~~~餐前麵包提供三款，中心位的麵包脆棒咬落香脆，令人忍不住一口接一口，蕃茄包和橄欖包淺嘗幾啖，味道
.
今次選擇中午過來食飯，目前除了單點外，另提供一系列午市套餐，分別是單人二道菜、單人三道菜以及二人午膳套餐。兩個人的話個人建議叫呢個 #二人午膳套餐 ，有沙律、湯、主菜、薄餅、甜品和飲品，而且一個咁靚咁舒服環境入面用餐，坐窗邊位望住藍天白雲，人均都只係一百五左右🤩，完全平過出面cafe食飯啦，午市整體CP值不錯！
.
~~~~~~~~~~~~~~~~~~~~~~~~~
二人午膳套餐 ($258)
前菜：羅馬生菜沙律 / 粟米濃湯
主菜：炸魚柳青豆意大利燴飯
薄餅：意大利辣肉腸薄餅
甜點：雲石芝士蛋糕
飲品：咖啡 或 茶 或 果汁
是日推廣生蠔半打 (約$40-50/隻)
~~~~~~~~~~~~~~~~~~~~~~~~~
餐前麵包提供三款，中心位的麵包脆棒咬落香脆，令人忍不住一口接一口，蕃茄包和橄欖包淺嘗幾啖，味道不錯。
.
先上單點冷盤生蠔🦪半打，配檸檬汁、紅醋和Tabasco三款醬汁，由於我唔係特別鍾意生蠔，就等大家去試。
.
前菜 #羅馬生菜沙律 ，每一塊生菜都沾滿青醬汁，同時灑上芝士粉，整體味道比較濃郁。#粟米濃湯 滿滿粟米清甜味，好creamy唔會有渣，湯內加入煙肉粒，鹹香味的確令到成個湯更出味，不過對我來講偏鹹。
.
而主菜要二選一，分別是是日精選海鮮意大利燴飯或牛小排長通粉，被海鮮兩個字吸引左，果斷選擇前者。是日精選炸魚柳，魚質偏鞋身，個人唔鐘意食魚關係，所以有少少後悔揀佢，好在意大利飯燴湯汁鮮甜，旁邊泡泡味道似龍蝦湯，一人只能試幾啖，飯份量增加少少就好。
.
#意大利辣肉腸薄餅 餅底薄脆，邊位煙韌咬口，剛出爐上枱時做到芝士拉絲，但芝士味較淡，邊位無餡會造成味道單調。一個薄餅一開八塊，份量真心多，可能餐前面包試太多，到最後再食澱粉質飽到不得了😅。
.
對於甜品，再飽都有「第二個胃」來食，芝士蛋糕甜度剛剛好，賣相夠靚。
張貼
