影片
更多
2010-12-24
52 瀏覽
聖誕前諗住同女友去澳門玩返兩日，平平地兩個人去中旅買套票，兩人都係$960包埋船飛同埋叮噹堡，試紅酒卷等等，算係咁啦~去到酒店，拎房前睇過餐廳Buffet宜家係做緊MOP$198兩位再有75折，佢話今晚做冬但無加價，已經無乜位，要食就早d落o黎6:30開始，但係上o黎睇過d食評都係麻麻，都係睇下點再算..結果，訓完晏教已經7:30，都費事出去食，就落去餐廳有無位，好彩又有張兩位檯無o黎，唔駛等就即刻有得食喇!入去睇一轉，雖然每位唔駛$150，但係有三文魚刺身，有生蠔，仲有長腳蟹，對我呢個海鮮狂o黎講已經係超值其餘o既食物都OK，有任飲o既汽水，刺身就得三文魚，吞拿魚同八爪魚，種類少d不過新鮮，同埋你叫幾多份師傅都照比，無話限住限住。熱葷就有4樣(我只係試左玉子豆腐西蘭花)，不過不失，燒味有油雞同叉燒，叉燒唔錯。仲有即刻漉o既粉麵，不過無乜興趣試，雲吞湯想試o既時候已經無晒啦由於我大部份時間都係食緊蟹，所以其他野都無乜點試。蟹o黎講真係要讚，食到9:30都開始無乜人，個師傅見我係咁響度揀D蟹(因為得返d好幼o既腳)，佢即刻響個櫃度拎o左盤蟹出o黎比我，果刻真係好開心，即刻又掃一碟返去剝，
去到酒店，拎房前睇過餐廳Buffet宜家係做緊MOP$198兩位再有75折，佢話今晚做冬但無加價，已經無乜位，要食就早d落o黎6:30開始，但係上o黎睇過d食評都係麻麻，都係睇下點再算..
結果，訓完晏教已經7:30，都費事出去食，就落去餐廳有無位，好彩又有張兩位檯無o黎，唔駛等就即刻有得食喇!
入去睇一轉，雖然每位唔駛$150，但係有三文魚刺身，有生蠔，仲有長腳蟹，對我呢個海鮮狂o黎講已經係超值
其餘o既食物都OK，有任飲o既汽水，刺身就得三文魚，吞拿魚同八爪魚，種類少d不過新鮮，同埋你叫幾多份師傅都照比，無話限住限住。
熱葷就有4樣(我只係試左玉子豆腐西蘭花)，不過不失，燒味有油雞同叉燒，叉燒唔錯。仲有即刻漉o既粉麵，不過無乜興趣試，雲吞湯想試o既時候已經無晒啦
由於我大部份時間都係食緊蟹，所以其他野都無乜點試。蟹o黎講真係要讚，食到9:30都開始無乜人，個師傅見我係咁響度揀D蟹(因為得返d好幼o既腳)，佢即刻響個櫃度拎o左盤蟹出o黎比我，果刻真係好開心，即刻又掃一碟返去剝，d服務我真係好滿意，無話就收工就唔出野！
不過都有少少野要彈，就係佢地竟然係無食長腳蟹最重要o既較剪！攪到我剝到手都損埋，同埋有小部份蟹唔知係咪無出水，好Q咸，另外就係佢地有時Refill食物會轉第二樣野，想食要即刻夾，唔係轉頭就無o架啦~
總括而言，經過今次親身去試，發現呢度唔係其他人講到咁差，我懷疑只係因為佢地食團餐所以將貨就價，如果你食正價果D，你又鐘意食海鮮的話都係幾抵食o既
張貼
