剛坐低店員就問要飲d乜野,豆漿好唔好,心諗唔係俾茶o既咩?不過冇即時叫,都想睇下係咩一回事先
研究緊張點菜紙就發現最底有一行字,註明每人最低飲品消費係$10
呢個設定似乎有點兒...
不過既然入左黎都冇得揀,最後叫左一杯奶茶一杯豆漿
前菜選擇唔多,試下個木耳
個汁比較酸左d,份量適中
1
小籠包有好幾款,我地要左最普通o個隻
店員會提你小心熱湯,所以都攤左一陣先食
一人食3隻其實一d都唔多,咬落亦唔會覺得特別油
豬扒飯o既豬扒我覺得應該有特別處理過,因為太林喇
炒飯一般,食到最尾仲覺得油膩過頭
菜肉餃子皮夠薄,感覺肉多菜少,麵底可以再多返d
埋單差不多$400,比o係香港食貴少少,唯有當出黎玩冇計啦~
