當晚叫左4-6人份的中勾翅, MOP 500(唔知係咪減左價)
個湯比較稀，但都幾有雞味，同幾多翅。
不過我阿媽飲左第一啖就話唔係用新鮮雞煲，火腿味唔夠，又得幾舊雞肉。
可能佢去得陸鳴春多，無佢咁好就覺得唔Okay，我自己就覺得可以接受，同比一般酒樓好，只係d翅仲有腥味要扣分
。
蟹盒叫左半打，用新鮮蝦整，同埋幾脆口，有d似炸蝦餅，但味道唔算好特別。
個唔記得乜野雜菜煲味道都Okay，同香港唔同比較水。
成餐最難食係時菜炒鮮魷
MOP38
我地當日揀左西蘭花。首先西蘭花炒到又黃又老仲有陣怪味，一D都唔好食
。
D鮮魷又硬到好似橡筋咁!
最好味的係外賣的兩樽即食油浸魚仔 MOP30，如果可以再辣D就好啦!
