南屏雅敘

營業中

休息中

去澳門前響Openrice見到南屏雅敘嘅食評, 睇見佢嘅招牌作 - 南屏三文治啲相, 就決定到澳門時一定要試吓 (本人為茶餐廳fans, 尤好三文治) 在澳門的小街內穿梭, 卒之揾到南屏雅敘, 佢嘅格局及內裏裝修都好有「花樣年華」feel, 令我回憶起小時候外公帶我去屋邨茶餐廳食至愛西多士同紅荳冰嘅情境, 不過一入到去就有小小後悔, 因為煙霧迷漫, 裏面多枱均坐着街坊同老人家, 有不少正在食煙, 我先醒起身在澳門, 食肆並無禁煙, 唯有快快叫嘢食, 希望可盡快離開。南屏三文治見到份三文治真係好開心, 一見佢就唔知點解想起屋企嘅床褥，佢內涵豐富包括大量雞蛋仲有火腿同义燒，由於係新鮮熱棘整嘅, 雖然材料普通, 但都幾好食。熱咖啡及奶茶始終同香港茶餐廳嘅水準有一定距離，試過澳門好多間茶餐廰，基本上都係味淡及不夠香濃。下次來澳門將會試吓其他茶餐廰, 不過只會試吓佢地嘅招牌菜, 其他食品相信無香港嘅水準。